انتي سنيه والا شيعيه

[** باربي **]

صح لسانج وانا اختج كلامج والله من ذهب
لو الموضوع فيه تقييم عطيتج 5 نجوم
ولو فيه مليون نجمه عطيتج والله


بس انا اقول الكلام هذا ما يفيد خلاص مع الاسف
محد راح يسمعه . . الي نظامه يفرق راح يظل يفرق حتى لو قرا موضوعج ما يتأثررر
بشكل فظيع صار هذا الحوار بكل يمعه ؟ بكل سالفه لازم تسمعين هالطاري ؟

انا خلاص لاعت جبدي زهقت من كثر ما اسمع نقاش بهالموضوع:cxxxp:
احياناً اشوف ناس بأعمار الثلاثين و الأربعين و الخمسين
بس أحس عقلهم يصغر عشرين سنة لي ورا لمه اشوفهم يفرقون على اساس المذهب بس
و ينسون يلتفتون شوي للأخلاق و السمعه . . بغض النظر عن المذهب !!

يعني سنيه خلوقه و مؤدبة و محترمه و مسلمه اكرهها عشان سنية
و شيعيه محترمتني و فيها كل الصفات الزينه اروح اكرهها و اصد عنها عشانها شيعيه
والا الاقي ريااااال سمعة و اخلاق وشاري بنتي ويبيها بالحلال اروح ارفضه و ارفض اخلاقه وسمعته الزينه عشان بس اهو شيعي والا عشان بس اهو سني ؟؟؟؟ صج قله عقل ؟؟ والله العظيم لو يهودي و الا مسيحي ما شفناه بهالنظره الحقودة

انا اذا برفض شخص والا بصد عنه والا برفض صداقته ما راح ارفضه الا اذا كانت اخلاقه سيئة والا اذا كان غير مسلم " مع ان الاسلام ما حثنا نصد عن الغير مسلمين بالعكس حثنا نعاملهم معامله طيبة علشان تبين لهم صورة الاسلام بصورة حسنة مو العكس " بس شقول وشخلي على عقولنا

صج شي مؤسف مؤسف ما ودي اتكلم اكثر لأن صج يحرق اعصابي و الله العظيم
خليها بالقلب تجرررررررح .. الله يهدييييييييكم يا مسلمين

انا معااج بكل حرف قلتيه
والله الكويت ضاعت ولاعت جبدنا من الحقد والضغينه
والله وايد اعرف ناس معلقين مو قادرين يزجون سبه هالموضوع
متعذبين سنييين عشان هم سنه خسي وهاذول شيعه خسي
عندهم اعيالهم يجتمعون بالحرام والزنا ولا الحلال عشان المذهب
شوفوا وين وصلنا ووصلنا اسلامنا
اي اسلام اي بطيخ هذا ...
بس الله يلعن كل من يحاول يوقظ الفتنه وما يي الدمار الا عليه ويحفظنا من كل شر
لانه في ناس دنيئه ومبتذله وحقوده تشب الشرار وتوخر مثل ابليس الا اكثر من ابليس بعد
الله يحط كيدهم بنحرهم ويعطيهم على قد نواياهم القذره
ثاانكس صاحبه الموضوع موضوعج جد مهم ..

 

[{ سحر الوَرد *]

/ .. ~ بـِـسـْـمـ ،، الله الرّحـْـمـَـنْ ،، الـرّحـِـيـْـمْـ } .. \

. : + : . صـــح لسانج حبووبة

بس وين اللي يفهموون؟؟ اللي بباله التفرقة لو شتقولين له مايفيد فيه!


وأنا مثلـج.. ماحب التفريق بين الناس على المذهب.. يعني ساعات تون مو مقصودة بس انتي بين جماعة ويبتوا طاري وحدة.. تلاقين وحدة من اللي قاعدين تسألج اهي شيعية ولا سنية؟

يمكن مايكون قصدها تفرقـة.. بس من أساس أحس ماله داعي يكون بسالفة عادي انتي تسألين الناس عن مذهبهم! هاذي بداية التفرقة..


والله يهدي الجميع ويجمع الكل على قلب واااحد إن شاااااء الله


يعطيج العافية . : + : .

/ .. ~ يـِحـْفـَـظكـُـم ،، الله ،، ويِـرعَـاكُـمْـ } .. \


. . .
. .
.

B y e
❤ ​

 

[بنت باباتي]

/ .. ~ بـِـسـْـمـ ،، الله الرّحـْـمـَـنْ ،، الـرّحـِـيـْـمْـ } .. \

. : + : . صـــح لسانج حبووبة

بس وين اللي يفهموون؟؟ اللي بباله التفرقة لو شتقولين له مايفيد فيه!


وأنا مثلـج.. ماحب التفريق بين الناس على المذهب.. يعني ساعات تون مو مقصودة بس انتي بين جماعة ويبتوا طاري وحدة.. تلاقين وحدة من اللي قاعدين تسألج اهي شيعية ولا سنية؟

يمكن مايكون قصدها تفرقـة.. بس من أساس أحس ماله داعي يكون بسالفة عادي انتي تسألين الناس عن مذهبهم! هاذي بداية التفرقة..


والله يهدي الجميع ويجمع الكل على قلب واااحد إن شاااااء الله


يعطيج العافية . : + : .

/ .. ~ يـِحـْفـَـظكـُـم ،، الله ،، ويِـرعَـاكُـمْـ } .. \


. . .
. .
.

b y e
❤ ​

بس من أساس أحس ماله داعي يكون بسالفة عادي انتي تسألين الناس عن مذهبهم! هاذي بداية التفرقة..

حيااااكم الله


بس مافهمت انتي تقصديني يعني والا تتكلمين بشكل عام

اذا قصدج عن العنوان انا بس اقصد فيه اني اجذب البنات والا انا مايهمني المذهب ولله الحمد

 

[CUTE ENGINEER]

صح لسانج قلبي

وياريت الكل يفهم هالكلام

والله إني أقرا مواضيع طائفية تجرح وتتهم الناس بولائها للكويت

وتتهم الناس في مذاهبها

هالبشي عمرنا ماشفناه بالكويت قبل

السني يتزوج شيعية

والشيعي يتزوج سنية

وعايشين مع بعض منسجمين

الحين لأ

قريت ذاك اليوم هالموضوع وووووااايد حبيته

ياريت تقرونه تسلم إيد اللي كاتبته والله

وياليت كلنا نوقف إيد وحدة هني بالمنتدى وبره المنتدى بعد

ضد الطائفية

آنا عن نفسي عاهدت روحي إني ما أشارك بولا موضوع

يتكلم عن هالشي

عشان ما أعطيه أهمية

وانتوا بعد سووا نفسي

تفضلوا الموضوع إقروه

http://www.q8yat.net/showthread.php?t=561155

 

[كوكيز]

صح كلامج السنه و الشيعه موضوع من 1400 سنه مو شي يديد .. بس متعايشين خلاص .. و الكل متعود على احترام الراي الثاني و الاختلاف .. ما يصير الفكر المتحجر اني افرض معتقداتي على الناس و لازم يؤمنون فيها .. لا اكراه في الدين ..
و الاسلام رحمه و دين اخلاق و تسامح و المصطفي محمد صلى الله عليه و آله قال ما معناه انما بعثت لأتمم مكارم الاخلاق .

 

[دنون الحلوة]

ويه بنات الله لا يغير عليكم كنت أتوقع التعصب والتطرف بس عندنا بالسعوديه إيه ولا إهنيه بالسعوديه حيل معاناه وتفرقه بكل شي عذاب
وكنت أحسب بقية الدول الخليجه مرتاحين من هالقضيه لاكن الله ينتقم من الظلام إلي يبون يفرقونكم

 

[مجنونة بحب الكويت]

الله يهديهم ويحفظ لنآ الكويت ..
يعطيج العافية

 

[سمسم12345]

مشكوووووووووووووووره

 

[عسوله_8]

اي والله صاجه يا اختي ،،، بس منو يفهم ومنو يوزن عقله ،،، للاسف في ناس تتصلب برأيها ومايعرفون انه التصلب بالرأي والعناد الزايد من صفات اليهود والي قرأ سورة البقرة وفهم معانيها عدل وتفسيرها يعرف ،،، اللهم احفظ ديرتنا من كل حاقد ومن كل فتن ومن كل من يريد يفرق الشعب الكويتي ،،،،، وصلوا على سيدنا محمد وآل سيدنا محمد ........ اللهم صلي وسلم على سيدنا محمد وآل سيدنا محمد

 

[دمع القلوب]

انشهــــــــــــــــــــــــــد انـــــــــــــــــــــــج صاااااااااااااااااااااااجه

 

[noorq8]

كلامج سليم 100% بس ماسألتي نفسج ليش الوضع ماكان جذيه؟؟؟
رجعي للثمانينات وشوفي شنو صار بدول الجوار ومنو اللي نقّل القلوب وخلاها تورم على المذاهب الثانيه,والله من وراء القصد .
ولاتسكتين اخوج بالعكس فهميه لأن الزمن مايرجع لي ورى وخل يعرف صديقه من عدوه لان اللي تحركه الدول الخارجيه آخر شي يفكر فيه الولاء للوطن فلانخلي عيالنا آخر من يعلم ونعيشهم بالمدينه الفاضله.

 

[آبـلـہ نـونـو]

آلله يهدي آلجميع ، يعطيج آلعآآفيہ حبيبتي .. ~



..

 

[جاكليت]

صح لسانج حبيبتي

 

[eman12]

يارب نطلب منك الهدايه لكافه المسلمين

 

[المـستـقـلــه]

صح كلامج وعالراس والله

وللعلم حتى بالجامعه بحكم اني طالبة جامعيه
دشت هالشغله بينا انا اعتبر الجامعه مجتمع مصغر
من المجتمع الكويتي بس للاسف فرقتنا الطائفيه والقبليه
حتى بالانتخابات سواء على الصعيد الجامعي او المجتمعي بشكل اكبر

الناس قامو حتى بالتصويت يفرقون اذا اهو سني
يصوت حق السني مع العلم انه يمكن يكون في مرشح شيعي اكفأ منه
والعكس بس للاسف صار التصويت عالمذاهب مو عالكفائه والقياديه
للاسف احنا بس لو نرد حق ايام الكويــــت القديمـــه
ماكان في هالشي كنا كلنا نقول احنا كويتين ونفتخر بهالشي

انا اشجع ردتنا حق فكـــر البيت الكويتي الاصيل ..

والله يهدي الجميع
ومشكوووره اختي على هالطرح الراقي

 

[¤§ زيتونة §¤]

حبيبتي

اشكرج عالموضوع المهم والطرح الجيد منج ومن الخوات بلا استثناء


الصراحة انا لاحظت انتشار الطائفية بشكل خطير بالمنتدى وبصورة عنيفة حييييييييييل ومن بعض العضوات المحددات الله يهديهم يغلطون ويسبون ويتهجمون من غير داعي ......

بس ليش كل هذا شاللي صاير بقلوبنا تجاه بعض؟؟؟؟ شاللي قلب الديرة والناس فوق تحت بموضوع المذاهب فجاة ؟؟؟

والله عندي صديقات اغلى من الذهب واصفى منه من المذهب السني وصداقتنا من عمر ومن كنا يهال والحين حريم وامهات ومتزوجين وللحين على اتصال لان القلوب صافية وعارفين انه ماكو فرق بينا وبينهم

بس الحين الحال خطير والدنيا تخرع وفئة اللي يثيرون الطائفية ويشعلون نار الفتنة كثرو اعوذ بالله.....

يليت ترجع لايام قبل وصفائها ونقاوتها وحلاتها ..................... ياااااااااااااا ليت

وانا بالنسبة لي الحمدلله كل واحد حر بمذهبه ومحد بيتحاسب عن احد ولا احد بيشيل ذنب احد يعني ماله داعي التجريح بالمذاهب سواء النس ولا الشيعي لانه مثل ما مذهبنا ما يهون علينا بالتالي المذهب الثاني هم اهله حريصين عليه ولا نقبل الغلط ابدا.



والله يحفظ الكويت من كل شر ويدحر الناس اللي بس يبون يسوون حرب طائفية بينا ويشتتون اهل الكويت


وسلامتكم


ادري سويت لي موضوع تعبير ههههههههههههههههههههههههه

 

[Mig.MiG]

صح لسانج

 

[أساور]

قلتيها

لوكل وحده تربي عيالها على احترام الناس بجميع طوائفهم وعقائدهم ومذاهبهم راح ترد الكويت مثل قبل واحسن





بس وين اللي يطبق

 

[فديت الاسمر]

يسلمو على الموضوع الاكثر من رائع

 

[ام حمنو]

:: الصراحه العنوان يخرع بس الموضوع وايد حلو والاحلى ردود البنات الحمد تطمن وتدل على ان الدنيا مازالت بخير =الله يديم علينا هالحب والعز والله يعز ديرتنا والله لايغير علينا وكافي نفتخر ان احنا كويتيين ومسلمين ويا ريت الكل يقتنع بهالكلام :gathering: