انتـي معا او ضد الزواج من سعودي وانتي كويتيه ..

[هنوو العنزي]

ايه اكيد اوافق ليش لا كلنا وااحد

 

[غزال نجد.]

أي والله تزوجوا السعودييين
وخلونا ياسعوديات نتزوج الكويتين ونااااااااااااااااااااااااااااااااااااسه كويتي

 

[روحي كويتيه]

اولا " انا سعوديه

ثانيا" شبعت ضحك على هواش البنات
البنت منزله الموضوع تسألكم وتبي الراي الزين وانتم كلن تمدح ديرتها وتسب ديرة الثانيه


ثالثا" انا ازوووووور الكويت دايم ومطلعه على اشياء كثيره


ورابعا" زواجك منه على حسب وضعك فاذا انتي صغيره وتحسين الفرص قدامك لاتستعجلين اما اذا العكس

فرايي لك يا اختي انك تستخيرين وواذا الشخص معجبك ودينه واخلاقه تمام الحمد لله
و فكري بعدين بوضعك اذا تزوجتيه
وفكري بكل شيء وشوفي اذ بينك وبين نفسك متقبله هالشيء خلاص اوكي اما اذا تحسينها صعبه فالقرار راجع لك


الكويت ديره حلوووووووة وفيها كل شيء متوفر وفيها رفاهيه وتفتح كبير وكل شيء فيها سهل الوصول له والحريم يروحن لكل مكان ومعتمدات على انفسهن بكل شيء

سواء سوق مستشفى جمعيه مطعم والى اخره يعني الحياه سهالات فيها واللي يتعود عليها راح يفقد هالشيء

اللي ابي اوصله ان كل شيء تبينه متوفر وبسهوله وبسرعه ليش ؟؟؟؟ لان الديرة صغيره والحريم عندكم اما انها تسوق او فيه سواق وعادي تطلع مع السواق باي وقت

اما السعوديه فيها كل شيء متوفر الا السواقه وبعض المناطق قليل فيها السواقين

وعيب السعوديه انها كبيره وماكل المناطق فيها تطور بس الحمد لله هذا حنا نسافر لكل مكان واحيانا" نسافر بس عشان نتسوق


والحياة سهالات الحمد لله


والسعوديه والكويت كلهم خير وبركه

 

[أإلع ـشق دلع ـهـأإ]

.













مآفي فرق بينآ وكلنآ وآحد ..


بس عن نفسي أرفض ..

أنآقبل خطبني ولد عمتي سعودي بس عآيش بالكويت ورفضت مو قصور فيه بس أبي كويتي ..



















.

 

[OSsH]

استخيري الله يكتب اللي فيه الخير
والله يوفقج ياربي

 

[أضيع بعيونكـ أنا..]

عادي يا حياتي انا امي كويتيه وابوي سعودي وماكو اي فرق وبعدين انتم تعرفونه مو صح ومو هذا المهم اهم شي استخيري

 

[~ بنت الهدى ~]

انا سعوديه و اعرف سعوديين شكثرهم ماخذين كويتيات و بحرينيات

عايشين احسن عيشه الحمد للله .. بس يحنون لوطنهم و اهلهم .. لاتقولين هالبلد قريب من بلادج !! ..
طالما مو بلدج مو وطنج بتحنين لأهلج ودج تردين لهم بس انتي اخترتي تتزوجين واحد من جنسيه ثانيه

انا شخصيا ك سعوديه مابي الا سعودي و من الشرقيه بعد لأني ابي اهلي ( فكري انج بتفارقين اهلج لو تزوجتي مو كويتي )
.. مو قصور في الباقي بالعكس و النعم في الكــل ..
بس هذا زوااااج قرار مصيري يا اقعد قريب اهلي ولا افارقهم و اشوفهم بين فتره و فتره ...

بس انصدمت من بعض الردود شدعوه كل هذا عندنا !!
مانسوق بس نطلع و نتمشى و نسافر و عايشين حياتنااا بالطول و العرض حالنا حال الأوادم
و مو كل السعوديه يتغطون عندنا كثير كاشفين ( اتكلم عن الشرقيه الباقي مادري )
و غريبه يسكن من اهله !! انا احس عالعاده ناادره عندنا
بالعكس ترى العيشه عندنا حلوه خصوصا المنطقه الشرقيه .. مو عنصريه بس هذا شيء معروف مو من عندي


انا ما احبطج بس عشان تاخذين احتياطج و تفكرييين بعقلج خلي عنج العاطفه :*

الله يوفقج ان شاء الله و عساج تسوآهن سعيده لو كنتي عن اهلج بعيده

 

[~ بنت الهدى ~]

قريت المووضوع مره ثانيه
فهمت من كلامج انه عايش في الكويــت ..

مادري احترت شقول اذا زين و طيب و خلوق و مصلي مسمي اخذيه بس لاتحطين في بالج انه طول عمره بالكويت !!
يمكن بعد كم شهر يقرر انه يرد السعوديه ..

انا اذا بقبل بغير السعودي .. اذا كبببببببرت و فاتني القطار على قولتهم بس شرط يكون خليجي
لاحظوا اذا كبببرت !! يعطي حاطتهم سبير

بس اهو من اي منطقه بالسعوديه ؟؟؟
لأن فيه اختلاف بالعادات و التقاليد و حتى اللهجه بين بعض المنااطق ...

 

[(كويتيه عسل)]

ضــد

 

[حقـوق]

صراحه انا ضد .. مو قصور بالسعودي بالعكس لان حياتي كلها بتتغير
وراح اخسر اشياااء واجد .. البيت .. العيال .. الحظانه .. كل شي
انا رفيجتي كويتيه وخذت سعودي وتطلقت .. والحين ماخذ ولدها
وماله حق فيه لان الحظانه للاب ولا لها نفقه .. لان هي الى طلبت
الطلاق ..
يعني انتي فكري للبعيد .. تحبينه .. وهو عايش بالكويت اذا رد
السعوديه راح تكرهينه وراح تكرهين العيشه معاه ..لان حياتج
انتي تغيرت مو اهو .. واذا تطلقتي
كل شي بتخسرينه .. حتى بيت بالمستقبل مالج ..
بالكويت ان طلع له بيت لج نصه .. يعني تضمنين العيشه
هناك شنو تسوين !!!
خلى العاطفه بروح .. وفكري بعقلج
وبمستقبلج ..

 

[~ بنت الهدى ~]

طمنينا عنج

 

[*غلا الكويت *]

عادي اوافق

 

[هموووم]

السلام عليكم
شوفي حبيبتي انا سعودية ومتزوجة سعودي وعشت فترة بالكويت
زوجي نجدي فالحربية الي تقول اهل نجد يسكنون مع الحمولة ومافي خدم ويخدمونهم انتي غلطانة اذا مو انتي نجدية ومالك خبر ولامعرفة فيهم مايحق لك تتكلمين بالاشمال عنهم
مافي الا ماندر السكن مع اهل الزوج والخدم نجيب بيت اهل زوجي عندهم اربع خدامات وهم عاديين
والي تقول اختلاف الاختلاف بس بالقيادة والا نطلع ونروح ونجي ونسافر وعايشين حياتنا بالطول وبالعرض
وشيء قدرته بالسعودي بعد ماعشت بالكويت انه زوج مسؤول هو يطلعني ويصلح اشغالي ويجيب اغراض البيت وانا ملكة وصاحباتي الكويتيات هم يخدمون انفسهم واحيانا يخلصون شغل بيتهم واطفالهم
صدقيني مافي احلى من هالشعور زوجك مسؤول عنك والي متشددين ماتوا في الغيرة صح والقوامة لكن تشدد وماتزورين لا
انا كنت اروح الافنييوز وصديقتي كويتية زوجها يرفض مو عشان واحد نخم الشعب كله
وحمواي 12 كل واحد فيهم سكن لحال ومدلع زوجته
وهالجيل مثقفين وكاديين دراسة لان الملك عبدالله يحب العلم ف باني جامعات مسهل البعثات يشجع الدراسة فصار اقل مرحلة فيهم الجامعية
اذا يصلي فرضه وعارف ربه اسأليني انا اذا تبين العز والدلال خوذي سعودي والله يدلعون كل صديقاتي السعوديات خواتي وحمواي وحمواتي قرايبي مافيهم الي تعيسة
وهو من وين اصله واقولك معظم اطباعه
ولاتنسين الاستخارة
وماعليك من كلامهم الرفاهية والسواقة والغربة بالسعودية مب ساكنة بالبر عندنا رفاهية الحمدلله
السواقة اغلب العوائل ونسبة كبيرة عندهم سواق
الغربة بتحبين السعودية واهلك ماراح يخلدون لك وان شاء الله زوجك بيكون كل اهلك
وانتي بالخطبة كلميه وشوفي ترتاحين له اولا
موفقة واي استفسار حاضر
*

 

[هيبة ملك]

أعرف شكثر متزوجات سعودين ومبسوطات

الله يكتب لج الخير

 

[ذوق #]

اول شي مافيه فرق سوا كان سعودي ولاكويتي
اهم شي تستخيرين اذا ارتحتي وافقي ماارتحتي ارفضي وبسس .*

 

[من يشابه ديرتي]

السعودي والكويتي عيال عم
يعني مافي فرق .. ولاينقصون عن بعض بشي
بس لازم تكونين مقتنعه ومفكره لقداااااااام ان ممكن بأي لحظه يقولج بنستقر بالسعوديهـ
وتبعدين عن أهلج ..
اذا عادي ومتقبله هالشي .. وافقـي .. ليش لأ

 

[دلـــ‘ـع]

ألبنت ماقالت تقدملي فاهمين غلط أنتم هع قالت ضد أو مــــــــــــ‘ـع

 

[العين الكحيله]

ماكو فـرق

 

[بيرزقني الله]

وش الفرق بين السعودي وبينك ؟؟؟؟\
احمدي ربببببببببك وافققققققققققققققي
مع اني مائيد السعوديين ياخذون من جنسيتكم ..

8
8
8​

معاها بكل كلمه:eh_s(9):​

 

[بدوية بملامح كشميرية 86]

مع ع الاقل تاخذ سعودي

مو اي جنسيه ثانيه