انتـي معا او ضد الزواج من سعودي وانتي كويتيه ..

[mis_dior]

أولا استخيري ربك

ثانيا
السعودية ديرة كبيرة ...و مقسمة الى مناطق ادارية ...كل منطقه لها عاداتها وتقاليدها المتمسكين فيها

يعني في نجد عندهم المرة لازم تعيش مع اهل زوجها وتخدمهم و رجالهم فيهم شوية تشدد ع الحريم ...

الحجاز متفتحين جداً اول ما يتزوج الولد يسكن في منزل مستقر مع مرته ...و خدمة اهل الزوج اصلاً ما في !! متعودين ع الدلع و الدلال من رجالهم ..و ما عندهم التشدد و العصبية القبلية الموجودة في بعض قبايل نجد ! ابداً أنا اهلي يرفضوووون رفض قاطع اني اتزوج نجدي ! لأنهم ناس -مع احترامي لهم- فيهم تعصب و تشدد خصوصا ع المرة ..إحنا في الحجاز ابدا ما عندنا هاذا الشي متعودين ع الدلع من رجالنا !

يعني لو كان زوجك من الحجاز ((مكة او المدينة أو جدة )) أنبسطي و استانسي بالدلع و الدلال اللي راح تشوفينه منه ان شاء الله ! لأن معروف رجال الحجاز جدا راقيين و يحطون الآنسة بعيونهم ! حتى بدو الحجاز جداااااااااا متساهلين ع المرة و يدلعونها الضرب و الطق مااافي ابداً ياااويلي مصيييبة اذا الرجال طق مرته ! ..شفتي كيف ارض مباركة و ناس طيبين و لله الحمد ..يكفي ان الرسول عليه السلام مسقط رأسه و نشأته و حياته فيها..! فطبيعي بتكون ارض طيبة وناس طيبين...
بس مع الاسف محد يعترف بأهل الحجاز كأنها منطقة منفصلة عن السعودية ((ســحــقــاً للعنصرية )) !

المهم سواء من الكويت او السعودية كلنا ديرة وحدة

حبايبي بلاش عنصرية زايدة ترا و اللهي ما تفكك العالم العربي...و ما صار متخلف الا بسبة العنصرية و انت سني و انا شيعي !!! و انت بدوي انا حضري ..و بعدين تقولون ليش الغرب اعلى مننا ثقافة و ليش الغرب متطورين !

كلنا مسلمين المفروض نكون يد وحدة و كلمة وحدة سني ..شيعي ..بدوي..حضري ! دام احنا عرب يكفي ! لا ننظر للمنظور الآخر
يعني ماشاء الله الخليج العربي فيهم تكاتف و لله الحمد دولة واحدة ..بس لو تركو العنصرية و التعصب الطائفي و القبلي يصيرون كاملين و الكامل لله


أحبكم :eh_s(17):

 

[أم ساروني]

ذكرتيني وقلبتي المواجع
أنـــا مع الزواج من سعودي بس بشرط .....معاج شهاده أو عمرج 30 وفوق
لابد يوم يروح للديرته يكون عندج راتب يغنيج عن الناس
واللي تقول الاهل ما افارقهم كلامكم على الراس بس الدنيا ماراح تدوم
الزواج أرزاق من الرزاق سبحاااااانه
بس اللي اعرفه اذا تمت الملجه فالكويت تاخذين قانون الكويت بكل حالاته
واذا تمت الملجه فالسعوديه تاخذين قانون السعوديه بكل حالاته

موفقه خير

 

[سميتك الغلا كله]

استخيري .. والله يوفقج ..

 

[أحلى البشر]

ضد وبقووووه

 

[دلع كريستال]

الزوآأج قسسسمه ونصصيب

 

[حكاية شهرزاد]

تزوجيه , لو هو بالسعودية ,, الكويتين سعوديين يا عيني ..

بالذات لو كان اصلج بدوي ..

توكلي على الله ,, ومع زواج الكويتية من سعودي ,, لانه جودة الشي من اصله ,, هذول مو غرب هذول جدودكم

 

[جـوود الحب]

مثل ماقالو البنااااات الاستخاره مو شرط سعودي او كويتي اهم شي راااحة البال الله يوفقج

 

[سمو الاميرة 2]

بصراحه انا احب اتزوج برى ديرتي وبره العيله
وانتي اختاري الشي الي يريحك
والله يوفقك ...

 

[ام عفاف الكويت]

شوفي اقول لج رأي الشخصي
الزواج قسمه ونصيب
والواحد مايدري وين نصيبه
بس انا لو خيروني ماوافق
مو عن جنسيته او دولته
لا عن الغربه صعبه شوي علي
خصوصا لما تكونين بروحج
لكن اعرف رفيجاتي اسم الله عليهم عايشين والحمدلله
ويزورونا فديتهم وفديت جيتهم
فصدقيني ارزاق بيد رب العالمين
ودااااااااااااااااااااااااااااااااااااااايم الاستخاره

 

[gala q8]

اول شيء استخيري .. و ثانيه إذا ارتحيتي .. فكري انه اهوا سعودي ( ماكو فرق بينهم ) .. بس يمكن يوم من الايام ياخذج لديرته .. بس مثل ما فهمت منج انه عايش بالكويت ...


و صدقيني ماكو فرق بين الكويتي والسعودي .. كلنـآ وآحد .. 3>

 

[ام زهقانه]

توكلي علي ربك واخذيه

 

[ندى~~]

مافية فرق اهم شيء الدين والخلق سواء كويتي او سعودي او غيرة

اهم شيء الدين والخلق لانك اذا ضمنتي هالصفتين راااااااااااااااااااااااااح تعيشيييييييييييييييين بسعااااااادة

 

[ياغفور اغفر لي]

ماكو فرق انا ماخذة سعودي وبعدين الوضع تغير اذا تبون كويتي عشان بيت حتا انتي يالكويتيه تاخذين بيت يعني ماكو فرق
دامة انسان خلوق وتبين الصج السعودي احسن من الكويتي باشيا وااااجد

 

[مجروحه واكابر]

السعودي ك شخصية أفضل من الكويتي بوأيد
عنده إحساس بالمشوليه و فيه غيره على أهله و يحبون الاستقرار النفسي والبيت والزوجه و ترى يقدرون الكويتيات
أناا لو خيروني بين كويتي وسعودي اختار السعودي
ترى الزواج مو لعبه انتي محتاجه لرجل بمعنى الكلمه موو أتعلقين لي حيااتج على أمور سخيفه وسطحيه مثل السواقه والوطيفه
والطلعات
وترى السعوديه تغيرت مااعاد أهي على خبرج أهمه كل مالهم للأحسن واحناا للأسوء

هذاا رأيي و انتي بكيفج بس أولا وأخيراا عليج بالاستخاره - عيالناا شرقو وغربو وبناتنااا ماعندهم سالفه إلا الكويتي انفع
ماا كودتوو في بيوتكم من اشويه والوحده إذا وصلت الأربعين قالت ياليتني رضيت بأي واحد تقدملي

 

[مجروحه واكابر]

سوري على البدليات

 

[زوغه الحقوق]

سعودي كويتي كلنا عين في راس ​

نص جماعتنا كويتيات وازواجهم سعوديين عادي ما بينا فرق​

 

[what's up]

لا ما اخذه مو قلة فيه بس حلات الثوب رقعته منه و فيه
كويتي ياخذ كويتيه و سعودي ياخذ سعوديه و فرنسي ياخذ فرنسيه و هلماجرى

 

[الدلـــع كله]

استخيري ياقلبي
اعرف ثنتين من جماعتنا كويتيات ماخذات سعوديين واحد موظف بالكويت وشرطت عليه قبل الملجه انها ماتروح معاه للسعودية .. والثانيه معاه بالسعودية وماشاءالله تبارك الرحمن مدللات وعيشتهم تهبل
شوفي حبيبتي اذا انتي ماتبين تفارقين اهلج اشرطي عليه انه ما يروح للسعودية
اما اذا عندج عادي توكلي على الله ...
موفقه

 

[مبسم خجوله]

ارفض حلات الثوب رقعته من وفيه شدراج بكره ما يطنقر ويرجع لديرته ؟؟؟؟؟؟؟؟؟
وفكككري لقدام حبيبتي في المستقبل عيالج سعوووودييين واكيد بيعيشون بديرتهم ويتزوجوووون بديرتهم السعوديه صعبه حيييل !!!




بس استخيري ومادري بعد لول

 

[مايشبهوووووني]

اناا شخصياا ارفض لان السعووديه عيشتهم مادري شلون صاايره واهوا اكيد مو طول عمره بيقعد بالكويت وفي اشياء ومميزات بالكويتي معروفه وعيالج بيكونون سعودين ؟ ​

فا مادري بس ليش لأ اذا انتي عادي عندج في كويتيات ماخذين سعودين ومرتاحين معاهم بس يكونون من الاهل ​

ممممم اهم شي الاستخاره واذا ربج كاتبه لج بتاخذينه ​

ليش وشلون صايره عيشتنا الحمدلله عيشتنا احسن مايكون بقولك شي قسم صديق زوج اختي
كويتي عايش بالسعوديه يقول لزوج اختي ابغى اتزوج سعوديه والله بناتكم ندورهم دواره ماشاء الله راعيات بيوت
وصبورات وعندي بنات عم بالكويت بس ماابغى منهم مغرورات.. :krkrkr:عاد اختي تقولي اخذيه هههههههه اوما عاد اخذه .. ورجاء اذا وحده قالت السعوديه خل تحط ايدها ع راسها قبل تتكلم حنا عايشات بنعيم حنا دانات مو فرجه لأحد