انا من زمان احبج وريلج مايستاهلج

[أحلى طله]

الله يعينك والله وطمنينا عليك اذا رجعتي بيت زوجك

 

[مس ام نجود]

يالله والله حاسه فيك بس تبغين الصرااحه انتي وزوجك غلطانين سلمات اروح واقعد جنب رجاجيل والجمعه وهل خرابيط حبيبتي مايصير تدرين اول شي تذكرته تذكرت مسلسل زوارة خميس اللي هذاك تزوج اخت زوجته وزوجته ماتدري ان زوجها متزوج اختها وتذكرت العشق الممنوع يوم مهند سوى علاقات محرمه مع زوجة عمه ترا كل هذي من الجمعات حبيبتي ترا مافي احد يحل لك الا زوجك وترا كل شي له حدود انتبهي تذكري كلامي وبالنسبه حق خال زوجك هذا انسان تافه واكبر غلط انك بكيتي قدامه لانه راح يقول لنفسه انك مستسلمه لمحبته وراح يقول انك تدرين انه يحبك من قبل مايقولك حبيبتي ترا هالزمن والله يخوف لدرجه انه فيه اباء وإخوان يسون مع اخواتهم الزنا فما بالك برجال لا يحل لك ولاانتي تحلين له ونصيحه قولي لزوجك قبل مايكبر السالفه وتروحين فيها وانتي كيفك

 

[كتكات احمر]

الحل انج اذا صارت الزوارة لا تروحين

او اذا رحتي لزقي بزوجج قعدي يمه

واذا يه خاله وقعد يمج قومي وروحي شقتج

وكلام لا تكلمينه ولا تسمحين له يتكلم معاج بالجرأة هذي

واذا تكلم بكلام خارج نطاق التغطية علمي زوجج اول باول
المراة اهي الي تحط حدود لعلاقة الريال فيها
شكو لاحقج بالسوق ويزف الي تحرش فيج شالجرأة
اكيد انتي طيحت الميانة بالاول وهذا الغلط

 

[لانا العتيبي]

تسلمين يالغاليه على هرد
بس ابي اوضحلج شغله
قضية الاختلاط هذي انا ما ادانيها ووضحت كذا مره حق ريلي هشغله انه هذا الشي بالشرع حرام بس يقولي مو بيدي اهمه يبون جذي
وفعلن انا مجرد زايره عندهم ماقدر اتحكم بقعدتهم بقولون جنه و تفلسف

ثاني شي حبيبتي انتي على اي اساس حكمتي انه لبسي مو اسلامي او حجابي مو اسلامي
انتي ماتعرفين عني كل هتفاصيل عشان تحكمين
و الله اني خايفه عقب ماتكلم يحكمون علي الناس مثل حكمج و انا مالي ذنب

اما بنسبه للقعده معاه قتلج انا تجنبته و ابتعدت ووخرت من حسيت بهشي لمجرد احساس و انا وضحت هشغله
واخيرن مشكوره يالغاليه عدعوه

حوااارري لا يااا يغللااااتي مانتشمت فيك لان مشكلتك ممكن تصير مع اي وحده بس لازم ننقولك الحلول
اختي نفرض ان الاختلاط ما تقدرين بسبب العادات والتقاليد .. كيفهم خليهم هما مع بعض وانتي بتعدين وربي ازين لك ... ثاني شي انا ما ادري عن الاحجاب واتاسف .. بس انا اقصد النقاب يمكن انتي قصدك الحجاب .. تتوقعين لو تنقبتي بسوي كل هذا لاااا طبعا لانه ما يعرف حتى ملامحك من الاساس




اختي انا يمكن ازعجتك بردي مره ثانيه بس والله هذا مافي خاطري وانتي اختاري حياتك يا اما توقفينه عند حده يا اما بتتعبين طول حياتك ...وبنسبه رجالك شوفيه من اي نوع من نوع الي شكاك ويعصب بسرعه او من نوع الي واثق وبعدين فكري اذا ممكن تقولين له او لا



:eh_s(17)::eh_s(17):

 

[حواري]

ناعمه فكرت ارد على الحقير و اعطيه كلام يصب بالعظم بس ماني قادره مابي اعطيه مجال يكلمني او يتكلم عنن مشاعره معاي و اصلن اتصالي فيه او كلامي معاه بهلموضوع انا اعتبرها خيانه و بطيح من عين نفسي حتى لو كان بغرض اني انقذ حياتي وبيتي


ليموناضه مشكوووووره يالغاليه

قلب ضعيف و الله اني ارتحت من كلامج و الله احس مثل الماي البارد نزل على صدري قسم بالله
يالله شنو كلامج ريحني حسيت انه في امل اني ارجع حق حياتي الله يوفقج ويريح قلبج مثل ماريحتيني يالغاليه
انا صارلي 3 ايام انام و اقوم على سيادتي قسم بالله خلصت 5 اجزاء من القرآن
عشان ارتاح
وبصلي صلات الاستخاره وبتوكل على ربي
ولاحول ول اقوة الابالله العلي العظيم
استغفر الله استغفر الله

 

[ملاك سعودية]

الله يعين ويصبرك
من راي انك تقولين لامك
لازم ابوك او اخوك يكلمه ويتفاهم معه
لاسمح لله لو عرف زوجك يكون اهلك عرفوا
وان شااااااءالله ربى يفرج عنك

 

[T R F]

عادتن احب اتطمش على القصص في هالقسم من بعيد لبعيد

إلا هالمره ... قصتك لها وقفه ... وقفه قويه

بالأول اختي ... ثقي إن مافيه احد مرتاح في حياته ... وكل شخص لأبد تواجهه مواقف قويه ... بعض هالمواقف يكون معه أحد يشد ازره ... وبعضها لا تكونين في وجه العاصفه .. وانتي ومدى قوتك

لكن القاسم المشترك فيها ... أن الله هو المقدر لهالمواقف

وقدرها لحكمه ... اما إن الشخص يستعين بعد الله بشجاعته وقوته ...

واو الشيطان يضعفه ويهلكه

الحلو في الموضوع إنك إنسانه اخلاقك جدا راقيه ... ومحترمه وملتزمه بزوجك وبعائلة ...

والله يعطيك على قد نيتك

أنتي الأن في إبتلاء... وإذا ابتلي العبد فثقي أن الله يحبه
وانتي محبوبه من الله ... والله بيكون معك

أنا انصحك ماتتركين زوجك ابدا ... الله عطاك هبه من السماء ... ومن طيبه شرح لك عن خاله وذكرلك اسراره ...
زوجك هو جنتك ونارك ...

والخال راح يتكلم كثييييييير ... علشان تعيفينه .. والشك يبدأ يدخل قلبك ... واتمنى إن هذا الأمر ترفضينه رفض تام
لأن هذا حياتك الخاصه مسوره بالكامل ... وأنا كلي ثقه إن زوجك ذهبه ( إحساس من الله )

بالنسبه لخال زوجك ... ماراح اعلق اكثر ... الهادي هو الله

هذا الشخص يعيش فقدان عزيز عليه ... والف الوضع معك كون إنك فتحتي له المجال بحسن نيه ... والشيطان زين له الوضع ... وكنتي طوق النجاه له في ازمته

الوضع راح يكون صعب مافيه شك ... بس حاولي يدورون له زوجه تهدي من نفسه ...

وعليك بالصبر

ونصيحه لك من اخت محبه ... إذا تبين حياه سعيده ومستقره .... زوجك لايدري بهذا الأمر .... لأن فيه هدم لسعادتك وراها شك ... وفرقه ونظره دونيه من الأهل

انتي حاولي تكونين حازمه في تصرفك معه ... حتة النظره ابتعدي عنها ...

نصيحه لك ... اقري سورة البقره ليليا بنية إنه يبتعد عنك وراح تشوفين الفرج بإذن الله .... له سحر هاذي السوره بشكل عجيب

أسال الله في هاذي الساعه ... إن يخلي لك زوجك

ويبعد هذا الرجل عنك ... بزوجه صالحه يتعلق قلبه فيها لأنه يكسر الخاطر بجد ...

وستر عليك دنيا وآخره ... ويثبتك على طاعته

 

[منجامور]

حبيبتي قصتج اثرت فيني الله يعينج صج

بس بقولج شي

لاتشكي بريلج

ترى ماقال لج خاله الزفت هالكلام الا عشان تشكين فيه وتبدا المشاكل بينكم

انا برايي دخلي واحد من اخوتج او ابوج الحكيم والرايق فيهم

هو يقول الى زوجج

عشان يعرف ريلج انج مو غلطانة مدام علمتي اهلج بالسالفة

وريلج باين يحبج الله يخليه اليكم بيتفهم السالفة

لاتخبيين شي خليج صريحة

سمعي كلامي عدل اهلج لازم يدروا

عشان لو صار شي سندج وحمايتج يكونون وياج


نصييييييييييييييييحة

والله يوفقج ويباعد هل.......... عنج


ابتعدي عنه وعن جمعاة اهل ريلج خل يقوولون مغرورة ولا تخربي بيتج

نصيييييييييييييييحة

 

[حواري]

روح مغليها مسج لالا اخاف يروح يتناجر معاه ويطاققون وتصير الفضيحه فضيحتين انا ابي اقوله بس اكون يمه مابي اقوله و اخليه بروحه يتصرف بمصيبته ابي اكون يمه ابي يشيل همي و اشيل همه

نبراس و الله انا الي حلجي منربط الساني ماني عارفه اتكلم

احلى طله يارب ارجع لحياتي مثل ماقلتي وارد بيتي ويريح قلبي ياااااارب

مس ام نجود انا معاج بكل كلمه اصلن انا من اول ماتزوجت قتله ليش الاختلاط و تناقشنه بهلموضوع وقالي اهمه جذي واحنه مانقدر نفرض عليهم راينه وقعدتهم ولا لو بيدي اشيل هشي و ابدله و الله ابدله بس شسوي قسم بالله هلمسلسلات ماصرات و لا حطوها عبث و الله قمت اصدق هشغلات بعد ماكنت مستهينه فيها


كتكات انا الزواره بعد ماطبها انا اصلن ماحب اروحها و السبه الاختلاط و كأني حاسه من اول زواجي تناقشت مع ريلي بهسالفه بس شسوي هو يبيني معاه يقولي الكل رايح مع مرته الا انا و اصلن انا كلمه يمه ما اوخر عنه وهذا الي خلاه ينتهز الفرصه لمن رحت السوق و كنسل الديوانيه و لحقني و الله خايفه يوصلي الكليه و الله خايفه

لانا العتيبي قسم بالله مازعجتيني انتي اخت عزيزه و غاليه بس انا حبيت اوضحلج الموضوع لا ياحياتي بالعكس اتشرف بوجودج و بكل كلمه كتبتيها يالغاليه

 

[منجامور]

اول مرة اقرا قصة واحس انه صاحبتها صادقة بكل كلمة ومحترررررمة جدا

وانتين واثقة من روحج لاتخليه اللي ماحترم ولد اخته ولا احترم عرضه يولي

لاتخليه يؤذيييج امبييييييييييييه الله ياخذ حقج

 

[نوووور الشمس]

اللة يعينج ويهون مشكلتج

 

[أُلَجّـۇۈۉهّـره]

حواري , صلي عالنبي حبيبتي مافي مشكله الا ولها حل ان شاءالله ,, اول شي عليج اتسوينه تعوذين من الشيطان وتردين بيتج ,, واذا سالج زوجج شفيج قوليله نفسيتي تعبانه من الدوام , الحين خاله حسبي الله عليه ونعم الوكيل , اول شي ادعي كل ماشفتيه دعاء رد كيد الظالم , وثانيا خلي معاج مسجل او فونج سجلي كل كلمه يقولها لج , مع اني انصح بمسجل عشان زوجج مايطيح عليها , وكل ماقالج كلمه من هالكلام سجلي صوته وسمعيه زوجج عشان ماينهدم بيتج , اهو يحاول يهدم بيتج وبيظل يحاول لاحد مايحصل اللي يبيه , هذا انسان مايخاف ربه ومستعد يسوي كل شي , الخطوه الثانيه الحين انتي سجلتي صوته حلو ,هدديه اذا تعرض لج مره ثانيه بتعطين التسجيلات كلها لزوجج , مع اني انصحج تقولين لزوجج عن الموضوع لان شي ماينسكت عليه , احس مستقل زوجج وكافي كلمته هذا مايستاهلج معناتها حاقد عليه وبقلبه شي على زوجج , نصحية لوجه الله لازم يكون عندج دليل قاطع هذا الشخص مايخاف ربه , وجمعتهم قليل القعده معاهم وخلي قعدتج كلها مع حريم , وادعي ربج والله يعينج ان شاءالله

 

[منجامور]

احذري تكلمين خاله وتوقفيه عند حده يمكن يستخدم هالشي ضدج انتبهي ولا كانك تشوفييييييييييه

في الوقت الحالي لاتعلمي زوجج ارجعي بيتج

بس اهلج وخصوصا واحد من الرجال لازم يدري

لو صار ماصر لا سمح اللله

 

[قلب ضعيف]

يالا حواري نقوم نصلي وادعي ربج وانتم بنات ادعو لها الدعوه المسلم لاخيه المسلم بظهر الغيب مجابه

يالا بنات الله اللحين ينزل يقول من يدعوني فاستجب له

 

[بنــ إختها ــت]

حبيبتي السالفة وايد قوية وفيه مثل يقول لا تبوق ماتخاف يعني انتي مالج ذنب في كل شي فا فاتحي ريلج بالموضوع بهداوه واهوه اذا يحبج اكيد راح يصدقج وهم الله راح يكون معاج لان انتي كلش مالج ذنب وانشالله ريلج ابيتفهم .... واذا موحابة تقولين حق ريلج بس ردي بيتج وقولي حق ريلج انا ماتعودت اخالط الرياييل فا اتضايق لمن تييب خالك وجذي مااخذ راحتي ومن هالحجي ..

والله يكون بعونج حبيبتي ويوفقج

 

[حواري]

ملاك السعوديه هذا الي قاعده افكر فيه اني ادخل طرف من اهلي يكلم ريلي على الاقل اهلي و عارفيني انا شنو بس خايفه اهلي يروحون لخاله و تصير بينهم و الله خايفه والله نوم ما انام فكره تروح و فكره تيي

t r f والله لو انج جدامي جان بست راسج و لميتج و بجيت مادري شقولج كلامج خلاني انهار بس هذا الصح كلامج كاه منطقي و صحيح على راسي يالغاليه و تسلمين و عسى الله يوفقج وين ماتروحين وياريت على طول تكونين موجوده بموضيعي وتنوريني

منجامور صاجه بكل كلمه قلتيها واتمنا ماكون ضيقت خلقكم بمشكلتي بس لمنواشكي

 

[قاهره عذالي]

هذي اخرة طبع الخلط
اللي بين هالعوايل

شكو خال زوجج يعرف رقمج


تدرين ان الحمو نار ؟
قالها الرسول الكريم صلى الله عليه وسلم
والرسول ما ينطق عن الهوى انما هو وحي يوحى اليه

خال زوجج يعني بحسبة عايلة حمولتج يعني حموانج


انا العايله اللي طحت فيها

اذا صارت جمعات

حريم ورجاجيل مع بعض

ويقولون تعالي

وحماي يحاول يكلمني ويسلم علي

وهذاك الحمى يطير عيونه علي

فتدرين حاولت امشي حاولت انخش مع الحريم

قلت يلا يمكن بس هالجمعه جم حمى من اخوان زوجي درعموا وادخلوا صالة الحريم

بعدين اكتشفت انه هالشي عاده عندهم وطبع وحتى زوجي يقولي لما اقوله اخوك فلان يقول السلام عليكم وانحرجت منه قال لا ردي السلام
عادي شفيج اخواني يعني مثل زوجج عادي وعادي بس ما عجبني الوضع وانا بس يقول سلام وشلون الدراسه

لحد ما قلت بنفسي


استووووووووووووووووووووووووب

خلاااااااااااااااااااااااص

انا ماتربيت على جذي

مو سلوم اهلي ولا قبيلتي

انا سعوديه

ومانعرف الخلط ببيوتنا

الحريم مجلس وباب خاص

والرجال مجلس وباب خاص

محد يشوف الثاني

انا اللي عيال خوالي وعمامي ماشافوا وجهي ولا اعرفهم لو اشوفهم بالطريق

حماي الغريب يتفرج علي

انا جايه مسيره على مراة حماي
قعد ويحاول ينقاش ويطالع بوجهي

والا عزيمة حريم ومجلس
دشوا الحموان


مليت كرهت جمعاتهم

ولا عطيت نفسي مجال اكثر

فشسويت

انعزلت

خالتي ما اجيها

بيوت حريم حمواني ما اجيهم

سالتني خالتي ليش

قلت خاله

من اجيج خمس دقايق الا عيالج يدرونج ويدخلون علينا

وانا ما اخذ راحتي واستحي منهم

كلهم كبار وانا اصغر منهم وفشله

انا جايه لج مو لهم

رمضان كله ما جيت لها اللهم اول يوم باركت برمضان دقايق وقمت


الناس اللي طبعهم مايعجبني ولا اعرف اتقبله

مو لازم امشي فيه

من الحين وطالع

جمعاتهم رجاجيل بحريم خليها تولي

وان جا بيتكم يروح الديوان مكان خاص
لا يشوفج

وقولي لزوجج خلاص مابي هالطبع

بس للاسف هالشي متاخر

انا من اول ماتزوجت واقول لزوجي كل ما اجي امك اخوانك انحرج

واذا امك عندها اخوانك ما اروح
وخلاص فهم شنو طبعي

انتي مشكلتج انخرطتي بهالطبع الخايس

اللي حتى جمعتهم تصير غثيثه وما ترتاحين

ع الاقل اذا جمعة حريم لحال تاخذين راحتج بالحجي باللبس تقطين شيلتج

اما هالوضع اللي هم فيه

غلط ويع

وسامحيني

على قولت ابوي

هذا طبع شوايا وعقد
حريم ورجاجيل مع بعض

مو طبع ناس اجاويد وعوايل تعرف على الاقل احاديث الرسول اللهم صلي وسلم عليه

وسامحيني اذا كلامي ممكن يكون ضايقج بشي


واضيف شي
اذا انعزلتي
واحد قالج معقده والا قاطعه
كيفهم
اهم شي مرضيه نفسج وضميرج ومرضيه ربج ومرتاحة بال وصاينه زوجج
ورقمج من الحين غيريه ووصي زوجج لا احد يعرفه
وافتكي

 

[قلب ضعيف]

حواري تفضلي

عندج مكتب الأنماء الأجتماعي التابع لديوان الأميري مكتبهم باليرموك والشامية والأحمدي وفي بشرق هذا اللي سمعته من رفيجتي

وعندي جم رقم عيادة بالجريدة

مركز الرجيب للأستشارات النفسية والأجتماعية
5660705 أو4

مركز الطفل والأسرة التخصصي

2613623

دكتور جاسم حاجية للأطفال
5715410

دكتور كاظم أبل

5737773

مركز الراشد

2666206

دكتور عويد سلطان المشعان
2615165

مكتب ألطاف العيسي
5715410

انا اعرف الدكتور ابراهيم العلي استشاري نفسي واجتماعي وايد زين يعالج المشاكل الاسرية والاجتماعية
وعيادته معروفة ومشهورة وايد وموجوده بجانب ماكدونالدز الدور الثاني ورقمهم 5321542​

عندج مركز الاستماع... رقمهم:804447


هذه جمعتها لج من النت شوفيها حواري كلميه مو ناقصه شي جربي
​

 

[قلب ضعيف]

بنات حواري تدور عن حل

الاختلاط هي من الاول قالت لكم ماتبيه
يعني دورو حل مو تتكلمون عن نتائج الاختلاط المعروفه

بنات ادعو لها >>خنقتني العبره وانا اقراء كلامها

 

[حواري]

منجامور حبيبتي الله يخليكم لي و لا يحرمني منكم و الله حسيتكم اهلي وريحتوني لا ماراح اكلمه مستحيييييييييييل لانه حقير و ممكن يسوي اي شي الي خان ولد اخته بيخون بامه و ابوه بعد مو بس انا


نور الشمس تسلمين يالغاليه

الجوهره جنج تقرين افكاري فكرت وقلت انا ليش ماسجلت صوته لمن كان يم الدريشه و هددته فيه بس الحين مافي مجال اسجل لاني ماراح اواجهه هذا انسان حقير خان اقرب الناس له اشلون مايخون فيني و يقلب السالفه علي
معنه و الله ريلي يموت فيه والله ريلي يحبه اكثر من اخوانه و هذا الي معور قلبي ريلي راح ينصدم اخاف يصير فيه شي لو درا و الله خايفه عليه اكثر من ما انا خايفه على نفسي مره الحقير سوا حادث و دق على ريلي قاله انا سويت حادث و الله ريلي يوم سمع داس و طار المستشفى يبجي تخيلي ريال يبجي دمعته على خده هذا دليل حيه له و خوفه عليه وشوفي الحقي شنو يسوي من وراه

قلب ضعيف ماقول الا الله يريح قلبج مثل ماريحتي قلبي و يريح قلب خواتي الي ردوا علي مثل ماريحوا قلبي و الله كنت متوقعه هجوم علي مو طبيعي بس الحمد لله انكم فهمتوا موقفي الف الحمد لله بقوم اصلي ركعتين و ارجعلكم و تسلمين حياتي على الكلام العطر

بنت اختها هذا الي حارق قلبي اني مالي ذنب بس خايفه