رايي
اخاف اقولج صارحيه وتتحسفين لان بينصدم بخاله وشي محتمل ان يجذبج او يقط اللوم عليج او حتى خاله ينكر الموضوع
اخاف اقولج سكتي وخاله يتمادى ويفتعل المشاكل بينكم غصب
انا اقول استشيري ابوج بالموضوع
بالنهايه اهو رجال ويعرف تفكير الرياييل شلون يصير ويعرف الحل الامثل واللي المفروض يصير ووضحي له انج ماتبين تخسرين بيتج بس تبين تفهمين ريلج الوضع
وبنفس الوقت يكون لج سند بالسالفه يعني لو ابوج دش بالسالفه مستحيل ريلج بيجذبج وبيتبلا عليج لان لو انتي جذابه ماراح تروحين تقولين لابوج وتفضحين نفسج عنده
واللله يعينج ويريح بالج يارب
وبيدج دليل خلي ابوج يوريه اياه
ماعتقد بيشك فيج دام ابوج اهو اللي قاعد يكلمه
وخل ابوج يقوله
يا ولد الناس اذا تبي تتعب بنتي انت واهلك وتشك فيها وتهدم بيتها قولي لان انا ربيت بنتي صح ولو مو مربيها صح جان ما يت قالت لي عن السالفه
واذا بتصونها وبتحافظ عليها وتتصرف عدل كمل حياتك معاها بكل تقدير واحترام
اما سالفه لاتقولين لزوجج لا لازم تقولين له عشان لايصير على عماه
اليوم يغشه بزوجته باجر يضره وما باذنه ماي هذا انسان لا احساس ولا ضمير
وسالفه النقاب هذا مو حل جذري لان ما يه من اقتناع
وسالفه التدين شدعوه ترى الريال مو غبي مرة وحده راحت بيت اهلها وتدينت !!
السالفه مو صغيره عشان تصغرينها
السالفه كبيره ترى ومابي اخوفج بس لها ابعاد مو زينه
بس الاهم انج تحافظين على موقفج من السالفه
اما خاله بالطقاق اللي يطقه هو اللي حط نفسه واهله بهالموقف وخله يستحمل النتيجه ويتحمل مسؤوليه مراهقته المتاخره
اما انتي لازم توضحين موقفج لان سكوتج يعطيه الوقت الكافي عشان يلعب بعقل ريلج ويشيشه عليج
وتاكدي دام سكتي .. والطلاق ما يه من صوبج
راح يخلي الطلاق يصير من جهة ريلج
ولا تتوقعين ان بيسكت عنج
فانتي اشتري راحه نفسج وبيتج وزوجج وخلي ابوج يتفاهم معاه ريال مع ريال
