انا مسكينة عندي 3 بنات

[حبيبي مالكني]

انا مسكينة عندي 3 بنات
هالعبارة اصدمتني لنا انقالت لي
كنت رايحة زوارة عند نايس من اهلنا من بعيد
ودخلوا علينا ناس انا ماعرفهم
فلما عرفوهم فيني قالو
هاي فلانة زوجة فلان مسكينة عندها 3 بنات
انا انصدمت وماعرفت ارد
شنو مسكينة عندها ثلاث بنات
الحمدالله هاي عطية ربي وانا راضية فيها وبناتي بالدنيا ومافيها
استغربت ان للحين في ناس بهتخلف
في ناس تدعيلي الله يرزقني ولد انا ماتحسس من هالموضوع
بس انا مسكينة عشان عندي بنات
هاي العبارة الي ماقدرت اتقبلها
اذا نحن النسوان نشوف البنات عيب وضعف ونقص
ماينلام الريال اذا حس بهالشعور
والكل يعرف وواثق ان البنات احن على اهلهم من الصبيان
انا ماقول الصبيان نغمة
الي ايي من الله حياه الله
انتوا شرايكم ​

 

[اميره بكلمتي]

ماعليك منهم كلام الناس لا يودي ولا يجيب العيال عموما مو بكثرتهم بتربيتهم

 

[كيميائيه]

للاسف اغلب مجتمعنا عايش بهالتخلف
ام البنات مسكينه والي عندها صبيان محظوظه
مع ان كلهم نعمة الله واللي عنده بنات ويربيهم تربيه طيبه
يدخل فيهم الجنه وهالشي مذكور بحديث النبي االكريم غليه الصلاه والسلام

 

[فيلجاويه كيوت]

شخباري هالحجي

عقول ناقصه ادعيلهم بالهداية

 

[اذوب بكلامه]

ناس متخلفه بس انقهرت لأنك مارديتي عليهم
انا عمتي ام زوجي عندها بنتين وسبع اولاد الحين بعد ماكبرت وصارت محتاجه من يساعدها بالحمام واللبس تقول ياليت كانو سبع بنات
البنات نعمه وهم الي بكره بينفعون امهم ويخدمونها الاولاد يتزوجون وخلاص يلهون بهدنيه

 

[اذوب بكلامه]

ناس متخلفه بس انقهرت لأنك مارديتي عليهم
انا عمتي ام زوجي عندها بنتين وسبع اولاد الحين بعد ماكبرت وصارت محتاجه من يساعدها بالحمام واللبس تقول ياليت كانو سبع بنات
البنات نعمه وهم الي بكره بينفعون امهم ويخدمونها الاولاد يتزوجون وخلاص يلهون بهدنيه

 

[بقلبي انت]

تخلف بمجتمعنا للحين للاسف الحمدلله والشكر كلهم نعمه من الله وربي يكتب الخير لنا
لكن ليش مارديتي عليهم ليش سكتي خليهم بعرفون ان هالمسكينه مرتاحه بحياتها وراضيه الحمدلله

 

[اناظرك وكلي حزن]

وااااي موبس انتي انة الحمدلله عندي بنتين وحامل في البنت الثالثه والحمدلله خالتي ام زوجي تدرين شنو قالت يوم عرفت ان البنت الثالثه في الطريج اتقول على الاقل خواتج يابو من البنت والولد وانة ساكته عنها الحمدلله والشكر ويارب يكملني بخمس بنات ان شاء الله

 

[fofo90]

الحمدالله والشكر...كل شي من الله نعمه كافي الخلقه التامه

 

[dodo-lebnan]

اختي كويتية ماسية .... الموضوع مو غريب بالنسبة لي تخيلي انا وعند صبي وصدقي الناس لما تشوفني تقول انشالله اتأخي بأخ مادري مايعجبهم شي تقولي حياتهم مو حياتي مع العلم اني بخاطري احمل واجيب بنوته عشان يكون صبي وبنت جذي حلو بس الناس الاقيها تقولي لا انشالله صبي مادري شفيهم وصدقيني لو حملت وطلعت فيني بنت مارح اشوف الا ويوه ستغفر الله ..مادري عقليه متخلفة صج مايعجبهم العجب وعشان شذي اطوف لانها حياتي مو حياتهم في ناس متمنية طفل الحمدلله الله عطانا والله يحفظنا وعيالنا من كل مكروه .. بنت او صبي هذه نعمة رب العباد المفروض نشكره مو نتشرط عليه

لاتزعلين روحج وخلي بالك على بناتك يقولك الي عندا بنات يابختة بالجنة وانشالله لج الجنه هذول الي يقولولك شذي مقهورين حبيبتي

 

[dodo-lebnan]

اختي كويتية ماسية .... الموضوع مو غريب بالنسبة لي تخيلي انا وعند صبي وصدقي الناس لما تشوفني تقول انشالله اتأخي بأخ مادري مايعجبهم شي تقولي حياتهم مو حياتي مع العلم اني بخاطري احمل واجيب بنوته عشان يكون صبي وبنت جذي حلو بس الناس الاقيها تقولي لا انشالله صبي مادري شفيهم وصدقيني لو حملت وطلعت فيني بنت مارح اشوف الا ويوه ستغفر الله ..مادري عقليه متخلفة صج مايعجبهم العجب وعشان شذي اطوف لانها حياتي مو حياتهم في ناس متمنية طفل الحمدلله الله عطانا والله يحفظنا وعيالنا من كل مكروه .. بنت او صبي هذه نعمة رب العباد المفروض نشكره مو نتشرط عليه

لاتزعلين روحج وخلي بالك على بناتك يقولك الي عندا بنات يابختة بالجنة وانشالله لج الجنه هذول الي يقولولك شذي مقهورين حبيبتي

 

[الأميرة جوري]

الحمد الله تخللللللللللللللف للحين مو جودين اهل الجاهليه الاولي!!!!!!!!!!!

 

[باتشي99]

وييع تخلف لو رديتي بضحكه بنات وش حارق رزكم يازينهم بس ومن هالكلام

 

[Aloe Vera]

تخلف الحمدلله و الشكر و قلللللة أدب بعد و عدم احترام لج
شنو رديتي عليهم؟

 

[كنوشة 2009]

انا اقول المسكينة اللي عندها اوﻻد وما عندها بنات

 

[sara_87]

ناس متخلفه

وياريت باقي ذريتي بنات٫٫ياحلوهم

 

[randomy]

اهم المساكين على عقليتهم التافهه

انا بعد ما جبت بنتي الثانيه سمعت حجي ماينسمع

ولما جبت ولد انصدمو جنه شي مو متوقع

قلة ادب

 

[ام مريم ورحمة]

لا حول ولا قوة الا بالله والله صاحبة المشكلة مثل حالتي بس انا عندي اربع بنات الله يحفظهم ويبارك فيهم ويطول باعمارهم ويحسن اعمالهم يارب وعمتي ما خلت احد ما تحجت عني وياه كنت كل ما اروح لهم زوارة تلاقين العجايز الا يتحجون بالموضوع اخر مرة من سنة ام زوجة حماي كان عندنا عرس ودخلت علي جني ماكلة حلالها ليش ما تجيبين صبيان وانا اطالع فيها وساكتة اقول حرمة كبيرة بس زودتها تقول لي اذا ما فيج صبيان احنا بنزوج ولدنا والله انقهرت وهني قلت لها شوفي انا محترمة سنج بس انتي مالج حق تتدخلين بحياتي وزوجي عنده البنات بالدنيا كلها واذا سمعتج او اي وحدة مرة ثانية تحجون في هالموضوع ما بيصير طيب والله خليتها تلف حوالين روحها ولما حملت هالمرة بولد زوجي رفض يعلم امه واخوانه لانه زعلان منهم ومن تدخلهم بحياتنا

 

[أم مهره وميثاء]

ناس متخلفه.. ماعليج
انا عندي بنتين بالدنيا ومافيها

 

[sharshora80]

ابو البنات ينام شبعان وابو الاوﻻد يبات يوعان
حبيبتي وﻻ يضيق خلقج حريم اول تفكيرهم جذي سكتي واخذي اجر بعد مايصير تراديدين عيوز باجر محد يعزج غير بناتج الله يحفظهم ويخليهم