انا مسكينة عندي 3 بنات

[M.O.F]

عندنا مثل جنه بهالمعنى يقول
عدو عيني ماعنده بنات

يعني مسكين اللي ماعنده بنات لانه اهم صج العزوه في هالزمن

عادي طوفي ولا تحطين في بالج لانه لو بنسمع كل كلمه يقولونها الناس بنتعب وايد

 

[noo7a]

الناس ما يعجبها العجب

تدرين انا عكسج

عندي ولد و الحين حامل فيني ولد الحمدلله

ولمن احد يسالني اقوله ولد نظرات الي اكسر خاطرهم وييييي حسافه

و يبلشون يمدحون البنات حركات و البنات لبس و البنات دلع و البنات و البنات

شدعوااااا يحسسوني ان عندي درزن صبيان وان انا المسكينه

فلا تهتمين للناس سواء عندج بنات ولا عندج صبيان محد بيعجبه جنه اهم الي بيربونهم

 

[الله يعيني]

ناس متخلفه و الله يرزقج

 

[جوري الكويت]

تخلف و المفروض الوحده ترد على عالاشكال برد واحد فقط

اذا رسولنا محمد صلى الله عليه و سلم ما عنده أولاد ،، اللي لو رفع يده و طلب ربي بيعطيه


معقولة ولدكم أحسن ،،




و دام أجيب بنات حلوات مثل امهم ما يطيحون بجبدي الحمدالله ،، مو مثل بنات غيري اللي ما يبون البنات يحاتون الجكر

 

[Habibat Abooha]

والله محد المسكين غير ام الصبيان
عندي صبيان والله يحفظهم
اتمنى كانت بينهم بنيه

يبا ماعليج كلام الناس لايودي ولا ييب

 

[نجمة فجر]

المسكينه اللي عندها اولاد والله

البنات نعمه من الله والاولاد نعمه

انتي ما اخترتي هالشي
خلهم يشتكون للي عطاج اياهم ويتذمرون

اهم شي انتي وريلج وقناعتكم وخلي القافة تسير