انا عاجلة و مابي اخرب بيتي

[بقلآوه،]

المره إذا راقبت الريال بتتعب نفسيتها أكثر والله ولا بترتاح طول حياتها

نصيحه مني تقربي منه دامه اعترف بغلطته و عطي مواعظ ونصائح أن هالشي حرام وف النهايه هذولي بنات حرام وانتي حبيبته و امه و زوجته وكل شئ و ف الأخير تذكري أن مهما سوى و مهما فعل ما رده لج و آخر الليل رائج برأسه و هي نزوه ومثل ما كلمته بتكلم غيره،،،


تقبلي مروري

 

[كيوت للابد]

مرة سالت امي عن هالموضوع قالت كل واحد محاسب من الله يمكن الوحده تضايق تبجي تحسر بس لاتقصرين فبيتج او بواجباتج الزوجية واجرج على الله وتذكري ان الله موجود ويجوف صج بترتاحين لان هالدنيا فانية فترة وتزول ما يبقى غير رحمتنا واخلاقنا مانتهور ونصرخ لا انصحج ما تكبرين الموضوع اهم شي بيتج بيتج بيتج بيتج هذا ريلج الله سخره لج الحمدلله طاف انسي كل شي وتذكري كلام امي الله فوق راسه يحاسبه مو انا

 

[كيوت للابد]

ونصيحه لا تصدينه ولا تنفسين صدقيني بعض النصايح بتهدم بيتج بيروح يدور البنت البشوشة المبتسمه برا ويقول شنو هالقرف الي عندي بالبيت اعتذرت وفوق هذا مبوزة بالله وين بيجابلج نكتي خلج نكته بالبيت مو مركز شؤم ولؤم يتنرفز لي جافج

 

[جذابه بنت ذيابه]

الله يهديه لج يارب ونصيحه ركزي بدراستج وبعد الدراسه روحي مكه معاه

 

[غمزه وإبتسامه]

الله يهدي سركم ان شاااءالله

 

[الـجـوري]

اللَّہ يهديهم

 

[زوجة عزيز]

الله يعينج انتي غلطتي يوم سامحتيه الحين خلاص كل مره بيعودها

 

[Red Al Rainbow]

آهتــمي في بنتج و في نفسج . .

و هو طآآآآآآآآآآآآآف !!!


و آبدآآآ لآ تيبين سآلفة آلسفر . . .

لأآنه عقب بيقول بخونهآ و بوديهآ دبي كم يوم . . !!!

فبيصير آلشي عآدي عنده !!!

آصبري شوووي !!

 

[al-musk]

دايما كثري من الاستغفار وادعي ربج يمسح على قلبج والزمن والايام كفيله بحل كل شي

 

[nameIess]

مفروض اخذتي موقف جدي قلتي له ودني لبيت أهلي بأخذ راحتي بتفكير و لا اخذتي كل أغراضك بس أغراضك المهمة وإذا رحتي لأهلك سكري جوالك و اقطعي كل اتصالاتك فيه عشان يحس انك بتبيعينه على غلطته عقب ١٠ أيام خليتيه يجئ لبيت اهلك و تتفاهمين معاه

استغرب من بعض الردود! خافوا الله في هالناس اللي قاعدة تعرض عليكم مشاكلها.
اذا مالج تجربة او معرفة في الموضوع لا تاعطين راي.
مع الأسف من اللي شفته بهالمواضيع ان ناس تاعطي اقتراحات اسمحولي....... ومع الأسف في ناس ما توزن الأمور عدل وتسمع الكلام سيدة! (وانا اتابع المنتدى من سنين وشفت بلاوي البلاوي وسجلت اليوم فقط عشان ارد على موضوع لان من قريته السبوع اللي فات واهو يقرقع بقلبي الرد)

بالنسبة للأخت اللي تقول هدي البيت... صاحبة الموضوع تقولج اللريال قام يلعب واهي برة البيت، تقوليله هدي البيت؟ هذا عقل؟ هذا منطق؟ تهد له البيت عشان يقعد متضايق ويرد حق اللي خان مرته معاها؟! جذي نصيحة بالله عليج؟!

 

[فوفو22]

غالبا نزوات الرجال تكون بفتره نفاس الزوجه

خاصه لما تكون ببيت اهلها

ومشغوله بالضيوف كل يوم

وبالبيبي


حواراتها معه

جيب وحط


واذا صار ايمانه ضعيف

سهل ينحرف خاصه احنا بوقت تخافين عن الرياييل من البنات

اعتبريها نزوه لها بدايه ونهايه

وابتدي صفحه جديده معه

وانسي هالموضوع ولا تذكرينه


فوفو

 

[قلب الزعابي]

اللي يخون مره بيخون مليون مره
هذا من تجربه
هالدموع التماسيح ترا كلها خرطي
حسبي الله ونعم الوكيل

 

[دانة_ دبي]

كبداية اكبر غلطة ترتكبها الزوجات هي فترة النفاس بيت اهلها
40 يوم و يوصل ل شهرين 3 شهور و تقعد ف بيت اهلها و تخلي زوجها
يعني شو فيها لو رحتي بيت اهلج و طلبتي من اهلج يرتبون لج غرفة حلوة او في المجلس و تنامين فيه مع زوجج

و في حالتج دامع اعتذر حطي لج شروط و ااكدي عليه انها اول و اخر مرة و ما بتسامحينه ابدا في حال كررها
و سافري غيري جوو و انسي الماضي

 

[أم حسوون]

السلام عليكم ، الله يهدي سركم ويصلح بينكم ، أولا حبيبتي ماني عارفه شنو نوع الخيانه هل هي كبيرة ولا مجرد كلام. سوالف وخرابيط، طبعا في كل الحالات أنت صارحتيه مع أني أرفض وبشدة مصارحه الزوجه لزوجها بالخيانة الا إذا كان الوضع زاد عن حده وأصبح مفضوح ولا يطاق ، بس أنت علي كل سبق وصارحتيه وذكرتي من ميزات زوجج أنه طيب. يحبج وأعتقد كل وحدة فعلا عارفه في قرارة نفسها هل فعلا زوجها يحبها ، فأنصحج أنج تنسين اللي صار أو على الأقل تناسيه وتفتحين معاه صفحه جديده بس بثقل شوي ،. بعدين ركزي على امتحاناتج وانسي السفر الا إذا هو اقترح أنه يسفرج فما عليه والله يوفقج يا قلبي .

 

[مولاي الفرج]

ان شاءالله مايعيدها وانا مع انج تصارحينه

طلعي كل اللي بقلبج بالوقت المناسب وسفرة حلوة يارب

 

[keka89]

من بدايتها خيانه وووويع شهريايل الي مايترس عينهم الا التراب

عيل ابشري باجر بخيانات مع بنات وصبيان راح تشوفين بلاوي

كلهم جذابين وحقيرين نفس بعض والله

 

[اميرة بكلامي]

حبيبتي اغلب الحريم تمر بهالفتره
و دام واجهتيه و اعترف لج شي حلو لان غييره يقدر يرفض و يعاند و يقلب الموضوع عليج
حاولي تنسين الموضوع و الله يسخره لج

و سافري بس لما تخلصين الفاينل و غيري جو

 

[Tom ♥ Jerry]

,


روحي سافري و غيري جو و يمكن قص عليه الشيطآن
خو الشيطآن يمشي و يدور المتزوجين و يقص عليهم هههه

زله و سامحيه و مع الايام رآح تنسين آنشالله ..
روحو غيرو جو آنشالله تردين بجو ثاني عشان تقدرين تركزين بالفاينل

الله يعينج و يمسح على قلبج و يخليلج بنوتجج