انا عاجلة و مابي اخرب بيتي

[Emanii]

السلام عليكم :eh_s(17):
بدش بالموضوع على طوول
الي ما يعرفني عمري 20 و ريلي 23 و متزوجه من سنتين و عندي بنت عمرها خمس شهور الله يحفظلي ياها يارب
عايشة بيت اهل ريلي بي لي شقه بروحي و خالتي اعتبرها امي احبها و تحبني و دايما مع بعض حتى بيت اهلي يوم الزواره تيي معاي الحمدلله الله لا يغير علينا
احب ريلي و ادري انه يحبني بس عقب الولادة تغير و قبل اسبوعين اكتشفت انه يخوني
و انا متأكده مو مجرد شك و انا ما بي اخرب بيتي ومابي مشاكل و واجهته و لمني و بجى و كان ندمان وانا سامحته و ما قلت حق احد بس انا من داخلي مكسورة و متضايقه بس افكر ليش سوا جذي مادري
الحين ودي اسافر 3 ايام دبي اغير جو معاه يمكن انسى الي صار
ابي نصايحكم شورو علي شسوي
و انا على ويه امتحانات فاينل بالجامعه و مابي هالشي يأثر على دراستي

 

[latkt7as]

شوفي هالمشكله اغلب الحريم مرو فيها

والسبب فتره النفاس يتعذرون فيها انهم يحسسون بوحده
وانه مجرد تسليه واخر شي يتعود عليها

خوو الوحده 9 شهور ولاده وفوقها نفاس شهر وزياده تعب

بس نصيحه مني حسسيه بتانيب الضمير
عشان مايكرر غلطته ويقول هذي بالطقاق عندها

قولي له انا كنت اثق فيك ثقه عميا وانت كسرت هالشي فيني

والثقه صعبه ترجع بسرعه بس كل شي بايدك

الله يكون بعونج
هذا انا على وشك ولاده وادري بيصير هالشي

الله يجبر خواطرنا

 

[شــــــــــــــوقــــه]

شلون لج نفس تسافرين معاه و توج مكتشفة شي مثل هذا

صبري بالاول لا تعدين الموضوع بسهالة خليه يتوب

 

[ظبية بوظبي]

اي. طلعي عينه

 

[قآنون كيفكـ!!]

الله يعينج ويسخرة لج

 

[Um Tuki]

أدبيه

شنو اسافر اغير نفسيتي

فكري في اليوم وباجر و عقب 3 سنوات جدام

بحس انج سهله وتحملي اللي اييج

 

[Mrs. AL Ajmi]

الله يعينج حبيبتي. انا صراحه من رايي انه تحسسينه بالذنب زياده على اللي سواه عشان اذا حس انه بسهوله سامحتيه ممكن يعيدها وما يحسب حساب حق زعلج.
بس بالعكس, سافري و استانسي وكل شي بس خلي معاملتج معاه غير عن اول. خليه اهو يرد يحاول يكسبج ويردج مثل ما كنتي.

الله يهديه ويبرد على قلبج يا رب

 

[ام خلوودي حبيبي]

شوفي حبيبتي في شي زين بريلج انه ندماااان وبجى وتاب هذا اوك في رياييل والله يقولون طقي راسج بالطوفه سوري موعنج اقصد في منهم وكيفي هذا انا تبين ولا ماتبين والله رفيجتي جذي قالها ... طبعا مومعناته انج تتساهلين الموضوع وطااااف وبسرعه تسامحين لا لأن الريال ذكي ترااا يشوف من البداية هذي تسكت تسامح وطيبه وبنفس الوقت لاتهدمين بيتج الي انصحج فيه اهوو انج تبيين له ن هالشي كبييييييير الي سواه بحقج وان خلاص لو يتكررر راح ينهدم كل شي وتدش السالفه بين الاهل وخلاص لايمكن اعيش معاك وبينيله انج راح تتناسين وتضحين عشان بيتج ولا انتي موناسيه متناسيه وراح تعطينه فرصه اخيييييره وبينيب له انج بتردين الثقه فيه ونصييحه لاتعايرينه كل شوي خلاص حاولي تنسين وتملييين حياته عشان لايتعذر باجر بشي وبني ادم خطاااااء ولج بالدعاء

 

[عناقيد الجنه]

نفس نصيحة أغلب البنات

غيري معاملتج له خل يحس انه مسوي شي غلط

وسافري وسعي صدرج ليش لأ

الله يسخره لج ان شاء الله

 

[سيلينا]

بنات ليش ماتفكرون بالعكس ان الرجل بعد لي شاف مرته
تجاوزت عن زلته ممكن تكون رده فعله حب زياده لانها احتوته ليش تفكرون ان بيتساهل الموضوع
الرجال مو كلهم واحد! ولي كنتي تعرفين زوجج او مر عليج موقف مو شرط انج تعرفين شخصيات الرجال كلهم

حبيبتي نصيحتي لج ,, قولي له الي بخاطرج مو السفر اهو الي بيعدل نفسج صارحيه قولي له حابه اطوف السالفه لان ثقتي فيك اكبر بس انا مجروحه ساعدني اتجاوز هالسالفه!

لو سافرتي من غير لا تطلعين الي بخاطرج مااراح تمر السالفه يمكن لانه ما عطاج فرصة تعبير عن نفسج واعتذر بقى كلام بخاطرج احسن شي تشرهي عليه وقولي الي بخاطرج كله له خله يساعدج تطوفين الموضوع

 

[ميممآإ]

حبيبتي انتي غلطتي انك عديتيها له يوم لمك و تأسف
مفروض اخذتي موقف جدي قلتي له ودني لبيت أهلي بأخذ راحتي بتفكير و لا اخذتي كل أغراضك بس أغراضك المهمة وإذا رحتي لأهلك سكري جوالك و اقطعي كل اتصالاتك فيه عشان يحس انك بتبيعينه على غلطته عقب ١٠ أيام خليتيه يجئ لبيت اهلك و تتفاهمين معاه و تخلينه يسفرك لبرا سفره محترمة مؤ سفره عاديه لدبي و لا ترجعين له إلا إذا سواها

 

[M!SS.LOBY]

الله يهديه ويسخره لج

 

[زوجت الشمري]

اذالله يغفر ليش حنامانغفر يقلبي دام تعذرلج واعترف غيره ينكر وسافرواستانسي ولاتذكرتي هاسالفه استغفري

 

[سبحآن الله"]

الخيانه بفلس عندهم .. !

 

[امـ خــزامـى]

المشكله صارلها اسبوعين يعني مااقدر اقول كبريها
ولو كبرتيها بيحس ان احد مشيشك عليه ومارح تسفيدين شي

اللي تقدرين تسووينه اثقلي عليه لاتدلعينه حركات يوميه او شي تعودتوا عليه اقطعيها

شي تسوينه له حلو قبل لايغلط غيريه
حسسيه انك مجروحه ومتغيره وزعلانه عليه
خليك غامضه لاتعطينه الاولي والتالي مثل قبل
هو اذا شاف التغير بيسألك وش فيك ليش متغيره ردي باختصار ولا شي وقومي وخليه
خليه يتعب ويحاول ينسيك ويراضيك من غير ماتقولين ولا كلمه

طبعا تغيري بس مو يعني تكشرين بوجهه وتصارخين وتنفسين لالالا
بس التضحيه الزايده والكلام والرومانسيه الزايده والاهتمام وكل شي خففي منه

وزيدي على هالشي انك تهتمين بنفسك اكثر حبييييها ودلعيها
خليه يشوفك تسوين شي خاص فيك وتحبينه
طبخه او فيلم او طلعات وزيارات او اهتمام بالجسم والبشره
سوي سنفره واقنعه قدامه خليه يشو اهتمامك لنفسك

انتبهي يدخل عليك ويلفاك جالسه تنظفين او مقابله بنتك

لالا كل مره يدخل البيت يلقاه نظيف ومرتب وبنتك نايمه ومسويتلك جو كم شمعه على فيلم كوميدي وبوب كورن وبيبسي ومن هالحركات وتكون ضحكتك وااصله لاخر البيت

او يدخل ويشوفك معبيه البانيو رغوه وشموووع ومسويه قناع لوجهك وحمام زيت لشعرك
اذا اسألك وش تسوين قولي ابد مثل ماانت شايف ادلع نفسي واكافئها بالاسترخاء والاهتمام


بهالتغيرات بتضربين عصفورين بحجر
1 يهتم فيك اكثر ويدور رضاك
* يلهى فيك ويبتعدعن اللي يخونك معها وينساها


موفقه حبيبتي وسفره هنيييه كلها انانيها <<ياعيني خقيت على نفسي

 

[نونه المنكوشه]

انا كلامي عكس البنات انتي عاتبتيه وعتذر وندم الحين احتويه وقربي منه اكثر علشان يحس بذنب اكثر انج ماتستاهلين يخونج لانه لوعاملتيه بنفسيه وجفا بيقول بداخله يبااا هذي موكفو اني اصونها وتخلينه يحن حق خيانته اكثر الحريم يغلطون هالغلط كل فعل وله ردت فعل يعني اذا غلطه خفيفه ممكن الواحد يعديها ويمشيها وخاصه الطرف الثاني ندمان ويبي يتغير لكن اذا شي جايد لأ طبعا مستحيل يتعدي بسهوله لكن بنسبه لج انتي احتويه وخليج يمه ولاتنفسين عليه وتعاملينه جنج مغصوبه بالعكس يكفي نظره منج جنج اتعاتبينه يمكن تكسر قلبه وانتي ادري بريلج والطريقه اللي تنفع معاه والله يسخره لج

 

[Pinky -cat]

طبعا ما تعدين الموضوع وتكبيرنه عشان يعرف انه هالشي كبير ومو سهل ، ولا تسافرين ولا شي بس سوي اجراءات يعني
تليفونه ، راقبي تصرفاته لين يتوب

 

[طيبة83]

كوني حازمه معاه عشان ما يعيدها

دخليله من ناحيه الدين

خليه يقسم على المصحف

ترا ريلج وايد صغير وشكله انقص عليه

سامحيه وطوفيها له هل مره

بس تاكدي ان ما يعيدها

والياهل الثاني خلي نفاسج في بيتج

 

[Dalo3at Rayli]

حبيبتي الله يعينج , الله لا يحطني و لا يحط اي وحده بهالموقف ..
اول شي لا تفكرين تهدين بيتج , هاذي اكبر غلطه حق اللى يقولون روحي بيت اهلج !!

و لا تعزلين فراشج خلي علاقتج معاه رسميه ردي عليه علي قد كلمته !!
لا تاخذين و تعطين معاه نهايئا بختصار خليييج بارده وياه حسسيه انج مجروحه منه !
حسسيه بتأنيب الضمير و ان صعب انسي ثقتي اللى كسرتها ..

خليه يحاول و يحاول و يحاول وايد وياج علشان ينسيج ..
عدمي احساسج علشان لا يتعود يعيدها !!
انتي تحبين ريلج و شي طبيعي بس يسمعج جم كلمه تهدين و تردين طبيعيه معاه !
بس لا غلط ,, ما عليه صح صعب هالشي بس تحملي .. لا يكسر خاطرج !!
لو بجي يمج خليج بمكانج و لا تتركينه بس بنفس الوقت حسسيه بالحاجز اللى بينكم !!

ساعتها شوفي الوقت المناسب و سمعيه الكلام العدل بس بهدوء بنبره بارده !!
كلميه بنبرة عتاب عاتبيه عاللي سواه ..
حسسيه اللى سواه غلط و غلط بحقج وااييد و بحق العشره اللى بينكم !!
يعني كنتي بـ اصعب فتره بحياتج و اهو وين دوره كـ زوج .. ؟؟
قوليله انت المفروض بهالفتره توقف وياي مو تخونني !!
هاذي جزاتي لك تجازيني بهالشي ,, لا تسالينه شلون و كيف بس عاتبيه !!

قوليله انت رجع ثقتي لك بـ ايديك كنت اثق فيك و الحين انعدمت ,,
مابي اضيع بيتي ,, و انت لا تضيع بيتك و بنتك ..
انا زوجتك اللى اصونك و انت بعد المفروض تصوني و جم كلمه مني !!

و بعدين خلاص انسي اللى صار و لا عاد ينفتح الموضوع سكريه نهايئا ..
و اذا شفتي الامور مشت ساعتها سافري و غيري جو ويا ريلج ..

و لا تقولين حق خالتج او اي احد عاللي صار .. نصحيه مني خلي الامور بس بينكم
و الله يهديه و يسخركم لـ بعض ياااارررب و ما يشوف غيرج :eh_s(7)::eh_s(7): ..



​

 

[جوري الصالح]

الخـــــــــــــــــيانه عنـــــدهـــــــــم ... بفـــــــــــــلس

لاتخـــــــــــلين الســـــــــــالفة تعدي بكــــــــل سهـــــولة راجــــــــــــعي نفـــــــــــــــــــسج