انا صح ولا غلط .. تعبانه وابي احد يشور علي

[rayare]

الله يفرج عليكم

 

[حساويه ملح85]

رد : انا صح ولا غلط .. تعبانه وابي احد يشور علي

حبيبتي

الله يعينج و يعينه

بس يا قلبي عليج بالاستغفار ثم الاستغفار ثم الاستغفار والله انه شي عجييييييبب

و عليج بقيام الليل

و عسى ربي يفرج عليج

البنات ما قصروا

و انا اوافقهم راضيه بهالوضع تحملييه

و عسر ربي يعوضج خير

بس حبيبتي

العطاء اللامحدود طبيعه كل انثى

بس غلط

لازم تخلين حدود لعطائج

ادري صعبه حيييييييل

بس راح تتعودين

سلام حبوبه

 

[حنونه بطبعها]

الفلوس تيي وتروح المهم الريال يومنه زين الفلوس بنظري مو مهمه

تمسكي فيه وانا اختج لحد ما الله يفرجها

ادعي اللهم بدل حالي الى حال احسن منه

اللهم اغنني بحلالك عن حرامك

تقبلي مروري

 

[جذابه بنت ذيابه]

رد : انا صح ولا غلط .. تعبانه وابي احد يشور علي

بسم الله توكم ماصار لكم متزووجين ..!



حبيبتي عسى ربي يوفقج يارب بس نصيحه من اخت معاشه خل يسدد دينه فيه ويدفع الشقه ويحط مصروف شهريا للبيت
يعني مثلا 100 للبيت من اكل واغراض وهالسوالف ,,


وانتي معاشج احفظيه لنفسج ولمستقبلج .. ومصروف لج وتشترين شي بخاطرج وتدشين جمعيات فيه ..
واذا تكلم معاج وقال لج اشتري من معاشج او وين معاشج <نفرض قال شي لاغراض الشقه
قولي معاشي لي وتعذري .. لاتعودينه نصيحه ..


الا اذا احتاج لاتقصرين معاه ,,



واعياله هذي من طيب اصلج وطيبج يوم تشتريلهم وتعطينهم ..



بس نصيحه لا تعودينه على انج انتي اللي تدفعين لان بالاخر راح يكبر راسه ويشيل ايده ويقول انا ماالي شغل
ماعندي ميزانيه ومن هالكلام ويتعذر




وعسى ربي يوفقج يارب​

 

[i'm so happy]

الله يعينج

 

[om_dodo]

اب

اب

 

[3sho0o8a]

رد : انا صح ولا غلط .. تعبانه وابي احد يشور علي

الله يهديه ويفرج عنكم

 

[رحيل المرافيء]

رد : انا صح ولا غلط .. تعبانه وابي احد يشور علي

اولا فيه مثل يقول لاتعطي كثيرا فتندم كثيرا
انتي صرفي على نفسج والباجي ساعدي فيه ميخالف
بس لاتبدين احد على نفسج
ثانيا لاتتنازلين عن حقوقج مثل شقة جديدة على الاقل حفلة صغيرة حفلة زواج مو لازم صالة وفندق شي بسيط على الاقل المفروض لو يحبج
جان قط نفسه بالنار عشان يسوي لج شي بسيط
مهر شبكة
لاتتنازلين عن حقوقج
والديون ديون شنوو اللي عليه ماقلتي
خل يبرمج هالديون ويسددها دين دين مو لازم مرة وحدة
معاشج لج لاتعطينه شي
وهو ريال ويدبر عمره ياخذ من ابوه اعمامه خواله اخوانه يدبر عمره لو هو ريال

بس لقى وحدة تصرف عليه

 

[M O O N]

رد : انا صح ولا غلط .. تعبانه وابي احد يشور علي

انتي صح

اللي سويتيه صح

واجرج على الله انتي دره نادر اللي مثلج قليل


بس عاد لحد اهني كافي !!

ستووووووب

انتي سويتي الي عليج واكثر

والحين دور ريلج اهو الملزوم بالمصرف

هذا واجب عليه مو اهو متفضل عليج بهالشي

الريال ملزوم يصرف عليج (الرجال قوامون على النساء بما فضل الله بعضهم على بعض وبما انفقوا من اموالهم )

الحق حق وما ينزعل منه ..

الحل الحين تبدين شوي شوي تمسكين ايدج عن المصرف بالتدريج

قولي بالاول عندي التزامات ما اقدر اصرف وايد

قولي ابي اونس عمري بفلوسي من زمان ماشريت شي حلو

بعدين قوليها بصراحه انته ملزوم تصرف علي وانا وقفت معاك وايد بس بهدوء ولا تحسسينه انج تمنين عليه

قولي حشى والله انت تستاهل عيوني بس هالوضع مؤقت لأنه انته كنت تمر بضروف والحين خل نحط النقط ع الحروف

وفي كلمة من فوزيه الدريع عاجبتني حيل (لا تعطي كثيرا حتى لاتندم كثيرا )

 

[رحيل المرافيء]

رد : انا صح ولا غلط .. تعبانه وابي احد يشور علي

يقول المثل :
لو فيــه خير ما عافـه الطير !
لو في رجالج خير ما طلق وهو عنده عيال من زوجته ،
وشلون ماعنده خرابيط وانتي وياه طايحيله حب قبل الزواج ؟؟؟
شلون عرفج وعرفتيـه ؟؟ أقصد قبل الزواج ؟ وشنو يضمن لج انه ماتعمد هالشي
عشان تصرفين عليه من معاشج يا ذكيــه !!

حبيبتي زوجج لو فيه ذرة رجوله ما سمح لج تصرفين عليه
وانتي يا حلوه ركضتي ورا قلبج وتحملي اللي صار لج !
والا بنت بيوت وأصل وفصل شاللي يقردها تاخذ واحد مطلق وعنده عيااااال ؟؟

مشكلتج انتي جبتيها لعمرج
ومابيدينا شي نسويه لج ، ولاحظي كل الردود اللي قالوها البنات
ولا وحده فادتج بشي .. لأن الغلط غلطج خيتووو

الله يعينج عليه

حبوبة شفيج انتي
هو مطلق ماقالت خذته متزوج هو مطلق
بعدين شفيه المطلق ماهو عيب ولاحرام ويمكن العيب من مرته شدرااج انتي
يعني بنت الاصل والفصل ماتاخذ مطلق اول مرة اسمع
الرسول طلق كثير والصحابة طلقوا كثير
الطلاق ماهو نهاية العالم شرع الله
والزواج عقد مثل باقي العقود ممكن ينفصخ بأي وقت
تفكير غريب

 

[معكرونه أسبكتى يم يم]

رد : انا صح ولا غلط .. تعبانه وابي احد يشور علي

مثل ماقالو البنات ................. الريال لاتعود خلاااص عليه العوض ومنه العوض

 

[A7la KatkoOota]

رد : انا صح ولا غلط .. تعبانه وابي احد يشور علي

الله يعينج حبيبتي انتي تنازلتي عن ابسط حقوقج وانتي الحين قاعده تدفعين ثمن هالتنازلات واتقولين عطيتيه نص مهرج والحين يبيج اتكملين النص الثاني اتسدين دينه والله احسها قويه بحقج ماادري شقولج بس يبيلج وقفه سنعه معاه اتقولين استحي اهوا مااستحه منج قاعده تصرفين عليه والحين يبيج اتسدين دين نص المهر اللي تسلفه اخييييه الله يعينج ويصبرج عليه ويفرجه عليكم