انا صح ولا غلط .. تعبانه وابي احد يشور علي

[رضاهم جنه]

انتي تدرين بظروفه قبل لا تاخذينه

والمفروض تكونين متوقعه ان حياتج راح تصير جذي

واحمدي ربج ان زوجج معاج زين وحبيب ترى الهدايا والطلعات مو كل شي

واكثري الاستغفار وان شاء الله يسر اموركم يارب

 

[noynoy]

ما تقدرين تغيرينه لانج عودتيه
بس بيدج تدعين
كله اقري سوره الضحى على طول يعني طول منتي قاعده اقريها كل ما فضيتي اقريها
و كرريها
و اللي تبينه يصير سواء فلوس او رزق او عيال او اي شي بخاطرج فيه
و الله اكلمج عن تجربه

 

[brettey]

رد : انا صح ولا غلط .. تعبانه وابي احد يشور علي

حبوبه انتي يوم خذيتيه اكيد كنتي عارفه ظروفه
خلاص مالج الا الصبر والدعاء والاستغفار
والله كريم

 

[بدويه زوووغه]

فديتج يالغاليه عادي فتره وتعدي
بس انتي لاتكلفين نفسج فوق طاقتج ولا تسوين نفسج علي بونه الحل عندي
والله العظيم باجر يعتمد عليج اعتماد كلي مو بس سالفه المعاش بامور ثانيه
انا اقول مافيها شي لو تقولين لزوجج حبيبي انت لازم ادورلك دوام ثاني
او اقنعيه يكمل دراسته
وانتي شكو اتروحين ادورين لج شغل ثاني المفروض اهو مو انتي وانشالله تعوضينها
وتستانسين مع زوجج والايام جايه واجد
بس في مثل مادري مقوله اتقول لا تعطي كثيرا حتي لاتندم كثيرا
ترا مو قصدي اشيشج لاكن الي اقصده عطيه بامعقول ​

 

[WaChoCha]

رد : انا صح ولا غلط .. تعبانه وابي احد يشور علي

اول شي عسى الله يهنيج معاه ويجعله لج الزوج الصالح
انتي شريتي الستر وهذا مو عيب ولا غلط ... انتي كنت عارفة ظروفه ووافقتي عليه فلابد تتحملين شوية انصحج بالتالي

اول شي انا مو مع البنات اللي قالو انتي عودتيه .... لان توج ما صار لج الا 4 اشهر بس يعني مدة مو طويلة للتعود ..انتي اللي سويتيه انج تنازلتي بزيادة فلابد انج تغيرين هالشي بالتدريج علشان ما تصير عادة عند ريلج انه ياخذ منج ، مثلا اذا طلب منج تشترين شي قولي له حبيبي هالشهر ماقدر مصروفي بسرعة طار مني .. او رحت الجمعية وشريت لي اغراض خاصة فيني وطار شي وشويات من المعاش، طبعا انتي لازم تسحبين مبلغ من معاشج 30 او 40 او 50 اللي تقدرين عليه وتخشينه بمكان ما يوصله وتخلينه علشان تشترين حق روحج اللي تبين

ثانيا شي ترى اغلب الرياييل يشوف معاش زوجته كانه معاشه فيسألها جم معاشج واشكثر بقى لج ودفعي عني وخلافه ..اهني لازم توقفين انتي منتي مضطرة تقولين حق ريلج جم معاشج واشكثر يصفى لج

ثالثا: دخلي جمعيات صغيرة بينج وبين اهلج هالجمعيات لاتزيد عن 20 او 30 صج المردود صغير منها لكن صدقيني الله يبارك فيها

رابعا: اذا عياله اييونج الويد اند ... لا تشترين اكل من بره مثلا وعوديهم على اكل البيت ولا ترهقين مزانيتج علشانهم ولا تعودينه انج تشترين لهم ترى منتي مجبورة ... مثلا اذا بقيتو عشا قولي له حبيبي وانت ياي بالطريج هات لنا سندويشات للعشا وانتي سوي شغلات بسيطة بالبيت واكلو مع بعض

خامسا: ترى الريال مثل الياهل .. دامج ماخذته عن حب تقدرين تغيرين الطبايع اللي مو عاجبتج فيه ولو ان اي ريال مايحب طاري انج تنصحينه على سالفة الفلوس

سادسا: حبيبتي ماله داعي تشتغلين الاضافي اذا فلوسهم بتروح على الريل والبيت واذا انتي مضطرة خشي منهم شي لروحج

يعني باختصار اذا انتي شايلة المسؤولية كلها .. بالتدريج تخلي عنها بحيث ما يحس.... ترى اذا حس بنفص من ناحيتج بالفلوس راح يزعل ويتضايق ..ما عليه تحملي بس مع الايام راح يتعود انج ما تكونين مصدر الفلوس له

وربي يوفقج ويسخره لج ولا تنسين الاستغفارررر اكثري منه

 

[Tom ♥ Jerry]

.

واهلي ماكانو راضين

سبحآن الله و لامره سمعت ىنه في وحده تزوجت بدون رضا اهلها و تهنت !
عسى الله يهدي ريلج آن شاء الله :*

 

[sweet december]

رد : انا صح ولا غلط .. تعبانه وابي احد يشور علي

انتي سالتي بمنوضوعج انا صح ولا غلط

وانا بجاوبج انتي غلط وغلط وغلط

انتي الي عودتيه تحملي واهو ماقص عليج انتي تدرين بكل شي وتنازلتي من الاول الانج تحبينه

تحملي والله يوفقكم

 

[شمس 20]

مقولتي الدااائمه


الرياجييل جلاااااااااب

 

[هنـــــد]

رد : انا صح ولا غلط .. تعبانه وابي احد يشور علي





يقول المثل :
لو فيــه خير ما عافـه الطير !
لو في رجالج خير ما طلق وهو عنده عيال من زوجته ،
وشلون ماعنده خرابيط وانتي وياه طايحيله حب قبل الزواج ؟؟؟
شلون عرفج وعرفتيـه ؟؟ أقصد قبل الزواج ؟ وشنو يضمن لج انه ماتعمد هالشي
عشان تصرفين عليه من معاشج يا ذكيــه !!

حبيبتي زوجج لو فيه ذرة رجوله ما سمح لج تصرفين عليه
وانتي يا حلوه ركضتي ورا قلبج وتحملي اللي صار لج !
والا بنت بيوت وأصل وفصل شاللي يقردها تاخذ واحد مطلق وعنده عيااااال ؟؟

مشكلتج انتي جبتيها لعمرج
ومابيدينا شي نسويه لج ، ولاحظي كل الردود اللي قالوها البنات
ولا وحده فادتج بشي .. لأن الغلط غلطج خيتووو

الله يعينج عليه

 

[ريمي اميري]

رد : انا صح ولا غلط .. تعبانه وابي احد يشور علي

طيبة العشاق .............. انا ما راح اتفلسف عليك باين انك تحبين زوجك وهو عندك بالدنيا كلها الله يخليكم لبعض
بس شوفي خيتوو لو كنت بمكانك كان ابد ما الومه انتي شوفي الوقت المناسب وفهميه بالحسنى انك انتي متعوده على مستوى معين من
الحياة هو مايصير انه ينزل عنه بالعكس لازم يعمل الي يقدر عشان مايحسسك بالنقص اصلا انتي تستاهلين لانك واااقفه معه ومقدره ضروفه
وحاولو انتم الاثنين تتوصلون لحل مناسب لكم لو مثلا تقترضون من مكان محدد تسددون ديونكم وتحاولون تحطون الباقي بمشروع لكم يفيدكم
يعين لا تقولين هو بس الي لازم يتصرف لا انتي خلي موقفك واحد مثل ماكنتي اول لا تتغيرين عليه عشان امور ماديه
صح اكيد مافي وحده ماتحب تلبس وتكشخ ويصير عندها احلا بيت بس مو كل شي بين يوم وليله كل شي بالصبر والتوكل على الله يجي
ياربي يرزقكم ويفتحها بوجيهكم ولا يغير عليكم غلاكم عند بعض ,, موفقه

 

[*ريما*]

رد : انا صح ولا غلط .. تعبانه وابي احد يشور علي

حلوالتعاون بين الزوجين
بس مو لهدرجة

 

[لذيذة]

بسم الله
حبيبتي انتي جبتي علة وحطيتيها على قلبج اللي قاعدة تسوينه غلط لانج ما راح تتحملين لانج انثى تبي الدلال والعز مو شي خيالي لكن لو حتى شي بسيط والرجل لاقي اللي يسد عنه ويشتغل بداله اضافي
صدقيني ما راح يتغير بالعكس راح يعتمد عليج اكثر واكثر وباجر يحط عليج قرض للبيت وغيره وغيره وراح تصي ين انتي الريال وراح يكرهج لان صارت القوامة عندج
اتمنى انج فهمتيني اذا مو حامل خليه وخلي الشقا ولا تقولين حب لان اول ما راح تصير عنده شوية فلوس راح يدور وحدة جديدة يفرض عليها رجولته وحدة محتاجتله مو وحدة شايلة روحها بروحها ما هي محتاجة منه شي
ردي بيت اهلج عيشي حياتج تمتعي بمعاشج عطيه فرصة يفكر بجد انه يسنع عمره وانتي تستردين مكانتج وانوثتج لان الطريقة اللي بدتي فيها غلط مهما كان تقدرين تساعدين بالقليل ولكن مو بكل شي
لازم تصلحين الوضع عشان ترتاحين وصدقيني هو راح يرتاح الرجال يحب اللي تحتاجه مو اللي يحتاجها بس يخلص منها راح يخليها

 

[ترووفه]

انتي غلطتي بالاول

ماراح احاسبج لان شي راح وصار

بس الحين لازم تحطين حد

لاتقولين استحي ومادري شنوو

والله ماتسوى عليج ينكر كل شي سويتيه عشاان ويخليج بس تصير عنده فلووس ويتغير عليج

والله الرياييل جذي

مايبين بعينهم

نصيحه تلاحقي على عمرج

ماتسووى عليج والله باجر شيصير فيج من الصدمه

واعرفي شغله مهمه


اذا كلمتيه بخصوص الفلوس وانج ماتقدرين تساعدين اكثر وتغير عليج اعرفي انه مايحبج وانه انسان مصلحجي لو شنوو صفااته تكون

لان اللي يحبج يحبج لذااااااااااااااااتج

وربي يعطيج على قد نيتج

 

[~LiBrA~]

رد : انا صح ولا غلط .. تعبانه وابي احد يشور علي

مادري اذا غلطانه ولا لا بس انتي قبل الزواج كنتي تدرين بكل الظروف والمفروض تتحملين شتسوين بعد

بس مالومج دام الوضع مطول

كلميه قوليله انج تعبتي ونفس الحجي الي كتبتيه اهني يعني تبين تصرفين على نفسح بس مو قادره... يمكن يتلحلح ويشوفله وظيفه ثانيع يطلع منها معاش وانتي قطي نغزات على هالشي

 

[برياني لحم]

رد : انا صح ولا غلط .. تعبانه وابي احد يشور علي

لا تضيق حتى تنفرج

ودام هو زين عليج تحملي

 

[الديما85]

السلام عليكم ورحمة الله وبركااته
الله يعيينج بس الريال غلط تشيلين عنه وخاااصة ان من فلووسج تعطيينه...
يعني جم يبيله على مايخلص ديوونه؟؟ سنه سنتين ؟؟ الحين كملي معرووفج معاااه بعدهاااا خلاااص
الفلوس فلوووسج واهو يتصررف كييفه....ودامج حياوية وتستحين تكلمينه بهالسالفة كملي انج تسديدين دينه وبعدهاا تعذري بأشياء لا تقطينهاا بويه لان مهماا كااان حبوووب واينن معااج.. وعسى ربي يسخره لج

 

[ديانا سبنسر]

مادام صارحج من البداية بظروفه وهو زين معاج خلاص مالج عذر تشكين والسنعة هي اللي تصبر على الريال وتسنعه حاولي تقنعينه ان يدور شغلة تحسن من ظروفكم او حاولي تدشين مشروع مع احد شكثر عندهم تجارة وهم قاعدين ببيتوهم

 

[][عروسه 2008][]

رد : رد: انا صح ولا غلط .. تعبانه وابي احد يشور علي

بس انا مستغربه من شي اشلون هذي مشاركه 1 وتاريخ العضويه اليوم باديه وانتي صارلج سنتين. مممممم

فعلا ناس تدقق على أشياء مدري شنو تبي ؟؟؟


:gr4uu:

 

[سارحة بالغنم]

حبيبتي ماصارلج 4شهور متزوجة هالسرع مليتي وتقولين ماشريتي من عرسج شي يسوى خلج قنوعة مامداج حتى تلبسين كل جهازج توج عروس وإذا الرجال طيب تحملية وإذا تحبينة مايخالف ضحي بس هاااااا بحدود يعني الرجل هو المفروض الي يصرف مو المرة والمرة ممكن تساعدة بس وقت الحاجة مو دايما وعزيز النفس مايطالع بفلوس مرتة واللة يوفقج ويااااااة:tek:

 

[لوازم العائلة]

لاحول ولاقوة الا بالله