انا سفرتج والحين بسافر مع الربع

[boliana_q8]

السلام عليكم ورحمة الله​

بنات حبيباتي
في الآونة الاخيرة:bbbiu: <<<<< يعني اسلوب
المهم هالايام الرياييل هابين هبه كله بنسافر ويا ربعنا:rgewrg::rgewrg::rgewrg:
يعني ريال متزوج يروح حق زوجته ويقولها ابي اسفرج ياطويلة العمر جم يوم ويقص عليها يوديها دبي ولا لبنان بو اربع ايام ويردها
وبعد جم يوم يقولها انا سفرتج وونستج الحين بسافر اسبوعين مع الربع :jumpon:
وعذره انه يبي يحس باستقلاليته وانه ماعنده مسؤوليات ولا مسؤول من احد


ادري راح تختلف الاراء في حريم يأيدون الريال يسافر بروحه وفي حريم مايرضون

ودي اعرف انتوا اشرايكم؟؟

وانا من الناس ريلي يقولي بروح شرم الشيخ مع ربعي قلتله انا اولى من ربعك انا تكسب فيني اجر لما تونسني وتسفرني وربعك بتستأثم فيهم

خوش والله يبي يروح مع ربعه حق الصياحة والتمغزل والمصخرة
وانا حاطة ايدي على خدي انطره

ولا اشرايكم؟؟؟؟​

​

​

​

 

[قآنون كيفكـ!!]

يها الرياييل

الحاصل بعد قلبي انتي يانج ماتخلينه يروح وتقب مشكله
ولا يروح ويدج على خدج

بعد ماهم اطفال نتحكم فيهم مشوربين على طل وانا اختج

 

[nooorrrsss]

انا ماخليه يروح يمكن من تزوج سافر مرتين ويوم واحد ويرجع علشان يكون عرس ربعه المشكله ادري انه اوكي بس الي معاه مايندره عنهم قولي له اذا سافرت ابروحك انا بعد بروح بروحي يعني خرعيه وعوديه انه مايسافر ابروحه وعوضيه عن الي امفكر انه يطالعة اهناك

 

[مون لايت الكويت]

وااااااي تعبت من الموضوع

 

[Leann]

انا يوم ريلي خطبني قالي ان يحب السفر و الشاليه ويا ربعه و انا قلت له بكل برود روح عليك بالعافية حتى انا احب السفر و الشاليه ويا رفيجاتي

جذي اتفقنا اني ما امنعه لما يسافر ويا ربعه و لا اهو يمنعني لما ابي اسافر ويا اهلي و خواتي

بس لما جرب السفر وياي .. احم :eh_s(7): علمته شلون ان اونس وياي من ربعه و بعدين قام يشوف ان بالسفر اغلب الناس اللي رايحه كل واحد يا ويا زوجته و الاجانب ويا رفيجاتهم فقام يقتنع ان احلى السفرات اهي اللي وياي

 

[مون لايت الكويت]

اب اب

 

[* ملكني الخوف *]

كلنا نفس الحاله واذا تكلمنا سولنا سالفه خليها على الله*

 

[فوفو22]

تبين الصج

اايد سفر الزوجين مع بعض

ولكن لما جربت

اسافر بروحي .........احساس حلو وغير

انام واقوم واقعد واكل واشرب واطلع واشتري علة كيفي

اتوقع احساس الزوج لما يسافر بروحه نفس احساسي

شعور حلو لفتره قصيره

وشوق ووله على العايله بشكل كبير

اذا الزوج قايم بواجباته كلها

مافي مانع يشم هوا بعيد عن الروتين

<<<وجهه نظري

فوفو

 

[فانتا ستروبري]

بعض الرياييل انانيين يحبون الوناسة بس حق نفسهم ويقصون علينا بجم كلمة حلوة

او على قولتج سفرة اربع ايام يعني مو مقصر معاج وديتج والحين دوري انا اروح استانس

الله كريم
​

 

[هنـــد]

اول شي جزاه الله خير سفر زوجته وونس اعياله

اشفيها اذا سافر مع ربعه .؟

والي يدور السوالف الثانيه شكثرها بالكويت ماله داعي يسافر

وحطي نفسج مكانه لو انتي عادي اهلج يخلونج تسافرين بروحج مو اتروحين مع رفيجاتج لان تغيير

خليه يسافر ويغير جو ويردلج مشتاق

لان مسافر مسافر سواء رضيتي او لا وخليه بطيبة خاطر عشان يتذكرج اهناك

 

[Tom ♥ Jerry]

.،


صراحه لو ريلي يقولي بـ سفرج و آونسج بعدين اسافر مع ربعي
اقول رووووووووووح دربك خضضضضضر !
حمدي ربج على الاقل فكر فيج و يبي يونسج قبل لا يستانس
بعض الرياييل يآخذ اغراضه و يسافر
و مرته صارلها قرن مآ سافرت معاه (=

 

[فلنتينو]

انا عااادي عندي مدام سفرني دوله سنعه وستانست
كيفه بيسافر اهو رفيجه كيفيه بس هااا مو اي دوله

 

[عاشقة هواك]

الله بعينكم صراحة

 

[om MaRyooM]

هالموضوع انطرح مليونين مرة


المهم ،،

انا من رايي ان الزوج مايحقله يسافر بروحه الا الحج او العمرة

لأن سفرته فيها خراب ولاتقولون الريال زين والخراب موجود حتى اهني
بس معروفه نيه الشباب لما يسافرون

وانا من ناحيتي مستحيل اخليه يسافر .. مرة صارت وحلفت اني ارد بيت اهلي لأن كنت ادري منو بيروح معاه

وعندي قناعة ان ريوله على ريولي ومثل مايخاف علي ويمنعني اسافر بروحي .. يحقلي اسوي نفس الشي
ولاشرايكم

 

[some one waw]

عليه بالعافية

 

[متوترة]

ياشيخه خليه يسافر بروحه بكيفه لتخلينه يندم انه تزوجك
زوجك مو حكر لك خليه يسافر ويشم هواء ويا ربعه وترا
وربي من صالحك يسافر عشان تفضين حق عمرج
اتضبطين روحج . اممممم تلعبين بالروتين لعب تخلين كل وقتك نوم
ورايحه وراده ع اهلك وتطلعين ويا صديقاتك وتونسين عمرك
يعني لسافر مو تربطين روحك بالبيت اتصلي عليه قولي حبيبي بروح ويا اهلي
مشوار واكيد من وناسته ويا ربعه ولابيسال وين بتروحين بيقول اوك روحي
وانتي عاد خذي راحتج واهم ششششششششششششيي مايرجع الا وانتي مغيره من شكله
عشان كل سفره يروح فيه بوقت الرجعه بيفكر الحين شمسويه بنفسها ههههه

< كاني خرجت عن الموضوع
< تفضلي برا انتهى وقتك

 

[La t7atini]

زين والله فكر يسفرني قبل -

للحين ماصار معاي هالموقف وعندي احساس
بيصير قريب لاني حامل وهو متعود كل صيف
يسافر

اثق فيه وماعلي من الي معاه
ودامه يصلي لو فكر يغلط بيانبه ضميره

خليه يغير جو وانا فرصة اغير ب نفسي وبيتي

 

[جوري 2007]

مايسافر سياحه بروحه بس اذا ترجاني بخليه لانه مو مقصر وياي لا بسفر ولا باي شي

 

[PuPa^^SWeeT]

والله موافقة ولا مو موافقة

مرده بيسوي اللي يبي

بس اذا انتي مو راضية لاتبينييله علشان ماياخذها عادة يسافر من غير رضااج

 

[الشيخة@]

والله موضوعش
رفع ضغطي