انا سفرتج والحين بسافر مع الربع

[كوكو شآنيل]

أنا أشوف مدام انه يوديني ويسفرني ويبسطني عاادي بس هآآ مويسفرني 4 ايام لا ولدبي مادري وين بعد !
الله لا يهينه يوديني لحدآ هالاماكن الراهيه سويسرا باريس فييناا واذا كلش كلش تأزمت اندنوسياا ولا ماليزيا
وعاد بكيفه اذا بيروح مع ربعه ! لا ن تدرين سفرة الواحد بروحه وبلا مسؤليات احلاااا بكثير من انه يشنقل زوجته وعياله ع ظهره بالسفرة وبيني وبينك لو لو حبيتي تسافري بلحالگ مع صديقآتك بتاخذين عيالك معك وزوجك ولا بتقولين برتاح واستانس مع صديقاتي!!!!
ومدام مايخربطون همّ بعد يستأهل هو يشقى طول السنه ف النهايه من حقه يرتاح كم يوم مع ربعه ويستانس بس عاد مو سنوياً السالفه تصير يعني كل 3 سنين!
مجررد راي!

 

[om-HaSsoOon]

خل يسافر اعور راسي شحقه

مثل كلام فوفو لما اسافر بروحي وناسه باكيد اهوو بعد يحس نفس هالاحساس

مايحبوون الالتزام والمسؤووليه على طووول لازم فيه بريك شوي خليه يرووح مو واثقه فيه ؟ دام الثقه موجوووده خلاص

 

[ScarletteO'Hara]

يحليلكم و الله كل وحدة تقول ما ارضى و ما اخليه
يالحلوة اذا الريال حط فباله انه يسافر بروحه مع ربعه و ركب راسه ما راح تقدرين تردينه
فخليج حليوة معاه و لا تقثينه عشان لا يقثج
بعد حلو التجديد و الفجة شوي من الريل اسوي لوك يديد او اغير بالشقة
كافي انه مسفرني بعد ليش اناشبه لي بغى يستانس بجو غير عن جونا لما نسافر؟
يعني انتوا ما تلاحظون ان سفرة الاهل تفرق عن شفرةالربع؟
لما نسافر انا وياه السفرة تكون سفرتي من سوق و مشاوير نسائية
الريال هم وده يغير هالروتين الي ما اييوز له
مع ربعه الطلعات بتفرق
فخليه يروح الله معاه و صدقيني بيرجع لج نفسيته متغيرة و حلوة

 

[قلب حنان]

نفس موضوعي بلضبط الي نزلته من فتره

 

[عاشقة_الجمال]

احس ما فيها شي

مثل ما سفرني وونسني

خل يستانس عليه بالعافيه

ومو شرط سفرة الربع يكوون فيها خرابيط

 

[المبدعة]

مدام ان مسفرة
خليه يسافر
بيس اهم شي واصلي
بالوتس تب
بيني له انج مشتاقة له
و فوق كل هذا ادعي ان الله يحفظه

 

[miss swan]

ليش مايبي يحس بالمسؤوليه
جنه صارت المسئوليه كبيره عليهم وملوعه جبدهم
موقادرين عليها ليش متزوجين عيل
يبطون جبدي
لا مايسافر يقص علي لا بصراحه انا شبعت من سوالفه ياعشان شغل ياتجاره يادراسه وايد عطيته ويهه​

اخر شي مثل ما راح رد​

 

[كياني المجروح]

اااااه بس اكره شي عندي لما يسافر بروحه وساعات ادق عليه ما يرد يغط كم ساعه ما يندرى شيسوي واذا قلتله وين كنت ما ترد بكل برود غطت عيني

 

[كارلوفي فاري]

اذا مو مقصر معاكم خليه يروح يغير جو ترى يبنات والله نعمه سفر الزوج ترا يرجع متلهف لعيالته وتلقينه بس يبي يراضيج علشان يعوضج عن هالسفره
واذا قصدج الخربطه اذا يبي ترا بكل مكان موجود وحدث ولا حرج
ترا الرجل مايتحمل الضغوطات مثل الملااه فالسفر هو بحاجته علشان يجدد نشاط علشانكم وانتي شوفيها بنفسج لو يحصلج سفره بروحج مع رفيجاتج بتقولين لا
لا تصيرين انانيه اذا هو سفراته بالمعقول

 

[boliana_q8]

يا بنات ماعندي مشكلة يسافر بس ياخوفي يتعود كل شوي مجهز جنطته وقايلي مع السلامه الطيارة ناطرتني
ادري مايخربط وماعنده سوالف
بس يابنات بيروح شرم الشيخ ولا تايلند كله مفاصيييييييييخ ياربي قلبي يحترق وانا اتخيله بالبحر يسبح مع بنات بو بكيني
يابنات انا توني ماصارلي سنه من تزوجت بيهدني بيت اهلي اقعد اسبوعين

 

[FeShinGoOo]

اتصدقين انا ما اعارض انه يسافر عادي خل يروح يستانس

بس اللي يبط جبدي لما يدقون عليه ربعه ويحطون الفكره براسه ويحسسونه ان السفره معاي واجب لازم يعوض بروحه عقب مايردني

اتخيلي انا قبل اسبوعين كنت مسافره دق واحد من ربعه بسم الله ليلحن ماردينا الكويت

ويقوله اي الحين سفرتها وسكتهااا .. الحين تعال وسافر معانا

يعني جنه سفرتي انا واجب عيه و ليسن حقه عشان اوافق على سفرته .!!!!


يعني جنه لما سافر معاي ما استانس بس انا الي استانست

جنه اهو ما ريح وماغير جو بس انا

ولازم لما يردني يروح مع ربعه لانهم اهم الي بيخلونه يرتاح ويغير جو ويتنفس

 

[نفهمها صح]

يعني
هوو اذا بغي يسووي شر ببلده ولا بلد غيره
الي يسمعكم ممسوكين..
يسفرني وبسلامته

 

[Om_Ksha]

ام ابيها الله يعينا على هالربع كل يووومين واحد نااااااااااااط بسفره وبغيره يلوعون الجبد لا واللي يبط الجبد اذا تعذر وقال ماقدر ولا ماعندي يقولوله كل شي بلالالالاش بس عليك التذكره !!!!

 

[دانة بعين بحاري]

هالموضوع انطرح مليونين مرة


المهم ،،

انا من رايي ان الزوج مايحقله يسافر بروحه الا الحج او العمرة

لأن سفرته فيها خراب ولاتقولون الريال زين والخراب موجود حتى اهني
بس معروفه نيه الشباب لما يسافرون

وانا من ناحيتي مستحيل اخليه يسافر .. مرة صارت وحلفت اني ارد بيت اهلي لأن كنت ادري منو بيروح معاه

وعندي قناعة ان ريوله على ريولي ومثل مايخاف علي ويمنعني اسافر بروحي .. يحقلي اسوي نفس الشي
ولاشرايكم

هذا رايي بالضبط

 

[elzyn]

وايد هابين الريايل بهالسالفه
و اولهم ريلي

 

[pusy cat]

خليسافر مع ربعه ليش احكره

دام في ثقه مافي مانع

راح استودعه الله وماكو الا العافيه انشالله

 

[dectora 7elwa]

خل يروح
يبا الخراب بكل مكان حتا هني شكو زايد يروح يدوره برا
وبعدين بالنسبه لي الثقه موجوده ولله الحمد

 

[boliana_q8]

والله تفكيركم فج راسي يابنات
مادري انا تفكيري صح ولا انتو صح

عالعموم الله يهدي رياييلنا

 

[رتو الكيوت]

عادي يسافر شفيها الله الحافظ

 

[mmloo7a]

اها تبين الريال بس يجابلج 24 ساعه ؟

اذا انتي مو واثقه فيه هذا شي ثاني

خليه يستانس دام ان سفرج

حمدي ربج غيرج ماكله تبن مقعدها بالبيت حتى سوقه ماتروح

حمدي ربج وداج سفرج


بنات مايترس عينهم الا التراب