انا سفرتج والحين بسافر مع الربع

[HaYoOoMa]

ياا سلام شهالربع اللي مجابلهم 24 ساعه ويبي يسافر وياهم بعد

لا لا اعترررض ولا ارضااا

الا بحاله وحده اذا بيروحون شله عشان يحضرون مباراة ويردون السفره بو 5 ايام
او البرازيل والارجنتين لان خاطره فيهم ويقول اذا بروحلها بروح مع ربعي لانها تخرع ومافيها امان ما اقدر اروح انا وياج

ومكه ولا قنص السودان وسوريا وهالسوالف مايشوووف شرررر

غيرررررره لااااااااااااااااااااا
وين يعني اوربا امريكا ماليزيا استراليا محد يروحلها الا ريال ومرته
وتايلند شبابيه بس لو يموت اخليه يروح والله ازعل واروح لهلي اذا فكر بس

وبس خلصو الدووول ههههههه

 

[tunaQ8]

عليه بالعافية

عليه ألف....ألف......عااااااااااااااااااااافيه
الريال أذا قرر انه يسافر مايرده ألا ربج سبحانه أما الي يقولون مايسافر ألا معاي هالحجي ماخوذ خيره

 

[ToOoT"Q8]

عآدي مايشوف شر
لووول
وبعدين لازم يكون في فترة نقاهه بين الزوجين
عشان يردون مشتاقين لبعض
وألي فيه بلآ بيسويه بأي مكان
وأنا استغرب من بعض الحريم
حيييييل يهتمون بهالسالفه
موزين لنفسيتج
خليج ريلاكس وشوفي حيآتج
الدنيآ مو وآقفه على الزوج وبس

 

[FeShinGoOo]

خل يسافر اهم شي يسفرني سفره معتبره مو على قولتج بو 4 تيام وديره قريبه واهو يصير ابن بطوطه ويفر العالم

لا اذا سفرني سفره معتبره الله وياه

بالعكس وناسه لما زوجج يسافر

تتفرغين حق روحج شوي

انتي بعد تحسين بالاستقلاليه والحريه والراحه

وهم عشان تشتاقون حق بعض

انا استانس اذا زوجي سافر بس لايطول

احس اني ماخذه بريك شويه ومريحه

 

[happy girl]

واالله اذا بيسفرني درررررربه خضررررزز بس عاد مو يزودها كل يوم رايح

 

[اينااس]

ممنوع يساافر وحده

وهوه مانعنى اساافر مع اهلى ريله على ريلى

 

[OM BARAK]

سفره لي و سفره مع ربعه بس دول مو مشبوهه! يعني عادي توه ريلي يقولي يبي يروح امريكا يزور ربعه اللي كان يدرس معاهم و توه من شهر مسفرني و مونسني فتقبلت الموضوع لان الصراحه الزواج مو سجن و الريال مع ربعه غير بكل شي مثل ما انا مع اهلي و رفيجاتي غير​

 

[الثلاثي المرح3]

الخراب بكل مكان خليه يسافرمع ربعه

 

[نور خانوم]

وافقي وريحي نفسج لانها بتنقلب عليج

 

[سفيره الكويت]

فيه ريال مايهد مرته لاصق فيها ومرته طفشانه منه وفوق هذا مسفرها ومدللها ومو عاجبها وفي ريال مطنش مرته ويسافر مع ربعه ولا

تقدر تقوله شي انا اقول لو كل وحده توصل لقلب زوجها وتمتلكه صدقوني ماراح يشوف غيركم

 

[كويتيه مذهله 87]

قولي الحمدالله ريلج مسفرج قبل لا يسافر فيه بعض الحريم رياييلهم يسافرون ومايدروووووووووووون ان مساافر اشرايج بالله
يرد من الكويت يقولها انا كنت مسافر لوووول


انا اقول بلا فلسفه وحبوا ايدكم ظهر وبطن علي الريال الي عندكم
فيه حريم ماكلين تبن


اذا واثقه من ريلج يروح الله معاه اذا مو واثقه فيه هذا شي ثاني يعد

ما احب المرا الي تمنع ريلها من السفر احسه موريال

 

[بيتي بوب بس كويتيه]

انا ريلي يسفرني الديره الي أبيها ويونسني
وبعدين يسافر مع ربعه وعادي اخليه
واهوا بعد يخليني أسافر حتى لو مع رفيجاتي او اهلي