انا ساحره زوجي

[swanyway]

انا اشوف تسرعتي بالمسج للكل يعني هالمسج ماراح يسكت اللي يشتغل من تحت لتحت
انت الحين يمكن يقلبونها عليك انك راعية مشاكل موسوسه وومن النوع القوي

مفروض خليتيها تتكلم لان ماحد بيصدقها كلامها يضحك اصلن و كانت بتطلع هي بالشينة و انت وكلي امرك لله وتحسبي+ اللي تدخل بحياتك ومغير تسأل كنت تقدرين تعطينها طاف منتي مجبرة تردين على اسئالتها او عاملتيها بالمثل مغير تسألين بس عشان تندقر وتسكت او تغيرين السالفة او تردين بمزح فلانه تبين التقرير اليومي كتابي ولا مصور هههههه الخ الخ الخ

 

[RO0O7Y KUWAITYA]

استغفر الله صج حريم فراااغه
حبيبتي عطيها طاف انتي واثقه وبينتيلها بس اهي اللي ردت فعلها اوفر بزياده جنها حاسه بنفسها
بس في شي متناقض
شلون تسولف فيج عند الناس وسرج ماطلعته ووقفت معاج ؟؟؟؟؟

 

[Queenleo]

من غير زعل الحركه الي سويتيها مو حلوه بغض النظر اذا حاشه او لا او بتوصلين الحجي لغيرها
انا لو بحط نفسي مكانها حتى لو مو حاشه فيج بززعل
شكو يندزلي كلام جذي
يعني ووجهي الكلام للشخص نفسه ووخلج صريحه
ماله داعي دازه للكل
الحركه سووري بس بايخه
وويمكن غيرها بعد اخذ بخاطره مو حلووه بصراحه

 

[أم توتو]

ماردى من الحموات الا حريم الحمى الله يكافينا شرهم 000
اختي انتي مابينك وبينها صله رحم لاهي عمه ولا خاله اللهم اللي يرببطك فيها زوجك واخوه الاخوان يتواصلون انتي اتركيها واذا شفتيها في مكان سلمي وبس وبالنسبه انك تروحين وتبررين موقفك انتي بررتي خلاص ماله داعي تنزلين من نفسك اكثر من كذا واشدعوه اهي بصدقك عاد ---اذا اتهمتك بالسحر هاذي اسمه قذف المحصنات الغافلات وانتي تروحين لها وتبررين --بس شبعنا تبريرات للحموله وبعدين شحصلنا الا التطنيش منهم واللي مثل مرت حماك حظها قاعد عندهم هذا رائي وانتي كيفك

 

[last-moon]

يبووووووووووووووووووووووووووووووووووووووووووووي
هذي شنو
الله المستعان

 

[أم الأسلوب]

حسبت صج ساحرته الله يهداج خرعتينا بالعنوان

 

[ليمون حامض]

أقول مير الله يعينك على هالنوعية من الناس حالها مايل وآبد ما ينعدل لكن الله يكفيك شرها ..........................

اما سالفة السحر و الخرابيط رجالنا قبس لو نزين وشوه لازم من قلقهم

 

[يآسمينه]

هذي منافقه

و لسانها طويل

شتبين فيها !

ختولي​

 

[اسيرة شجونك]

طااااااااااااف احسن شيء

 

[مقمش لولو]

استغفر الله ولاحول ولاقوة الا بالله

شنو هالجو اللى كله حش وحقد وحسد

حبيبتى قصري الطريق وسكري بابج عليج وسكري اذونج يعنى اللى لاتسمعين حق اللى ينقل لج كلام

اتوقع ان هالحريم حاسدينج ليش ماحملتى وريلج زين معاج

ابتعدي عن هالجو كله وايد ابرك لج

 

[&ريانة العووود&]

لاحولة ولا قوة الا بالله
الله يآجرج ع صبرج
وطنشي ولاتحطين ابالج >>>>>>لانه الي يتكلم فيج ويتسرق علومج ترا بقمة الحره

 

[sKntyny]

اكبر غلط لما ارسلتي كاست كامل للجميع يكونمبهم ماينعرف لمنو ؟؟
ومنو المقصود ..!!!

لكن حاولي تتجاهلينهاااا .. شلج في المشاكل

 

[انونا]

حبيبتي كلامج اللي دزيته كان غلط وقبل لا تسوين اي خطوه فكري فيها من ناحيه اجابيه وسلبيه

واذا شفتي سلبياته اكثر لا تسوينه

انتي من النوع الطيب حيل والي بقلبج على السانج فاهمتج وفاهمه شخصيتج بس لازم تفكرين قبل لا تتصرفين


مشكلتج ما تفكرين لين بعيد بس تفكرين بالوقت الحالي

انتي بمسجج اتهمتي الي مو مسوي شي بغض النظر سوت ولا ما سوت
باختصار المسج يضايق وخلت الكل يتكلم

وشي طبيعي اذا بتتكلم بتتكلم عند اهلها مجرد فضفضه وسوالف نسوان
الحين الحل لا تبررين دامج واثقه من نفسج وخليهم ي
قولون الي يقولون عندج ربج بياخذ حقج

 

[إلشآمخة]

بنات نصيححة اسرارج لاتطلع / واذا كلش لخواتج /الناس ماتستر والسر اذا طلع من ثنين ماعاد ينسمى سر
وحزتهاا لومي نفسج

 

[om jana90]

لالالالالالالالالالالا تبرررين انتي ما دزيتي البرود كاست عشان تبرررين


وبعدين اهي شاكه بعمرها مو هي صج مو مسولفه وحاشه جان ما دشت

قوليلها ليش مو واثقه من عمرها دامج مو حاشه شحقه مسويه خبه


قطططططططططع سوالف الحش وتنقل السوالف


الله يعينج ويبعدج عن هالسوالف

موفقه حبوبه

 

[لذيذة]

الله يهديج
ما كان له داعي المسج
بس الحين اللي صار صار
ولا تدقين عليها ولا توضحين لها شي
انت كنت تبين الكلام يوصلها صح
خلاص انت الحين وصلتي كلامج واللي بخاطرج طلع بس
اهي فهمت ما فهمت مشكلتها
بس انت قرصتيها يمكن تتادب
وانا اقولج لا تحاتين كلام الناس
كلام الناس ما يخلص
المهم انت واثقة من نفسج وريلج واثق منج
خلاص كلام الناس بالطوفة ولا ياثر فيج صدقيني الله ماراح يخليهم وراح تشوفين من غير ما تدعين حتا
لان ربي ما يرضا بالظلم
واللي مسجاتها تغثج علطول بلوك خل تولي مو علا كيفها متا مابغت تتواصل تدز واذا ماتبي ما تعطيج رقمها
انت حقريها وامسحي رقمها
الباب اللي يجي منه الريح سده واستريح

 

[Um Tuki]

حبيبتي .. اول شي عن موضوع انج ساحرة ريلج ..

خبري زوجج قوليله يا فلان ترى فلانة قاعدة تتكلم فيني في ميالس الحريم أني مسويتلك سحر .. و قوليله انت أدرى فيني و اني ماحب هالسوالف و مب عارفة آوقفها عند حدها .. شتشور علي ؟؟ لا تقول سكتي لأنها قامت تتمادى وايد !!!

عن موضوع الوات ساب .. اووووقفي لهم وقفة ... قوليها بالويه .. احسدج على شنو ؟؟؟ الحين القطو يحلم و يولد وايييب درازن و يقططهم بعد ..
و الرزق من الله انتي شعليج يمكن انا مأخرة الشي .. و اللي تحش فيج قوليلها بويها حسبي الله ونعم الوكيل يعل حووووبتي ما اتعداج .. و الله ما أحللج و لا أسامحج يومج عقرتي فيني من وراي و تكلمتي في سمعتي .. و عني

 

[الغـــــزال]

ألحين هي اللي تحش فيك..وتقول انك ساحره زوجك ومدري شنو
وأخرتها..أنتي متأثره أنها زعلت!!؟

،

أصلا كان واجهتيها..هذا كلام كبير
حطت انك راعية سحر وخرابيط..وأنك تعرضين عليها تسحر زوجها بعد
كيف سكتي عن هالكلام من الآول..
وألحين بخاطرك ما تخسرينها...صراحه شي غريب!!

 

[رآآحٺ آيآمڪْـ]

اذا زينه ويآج لآ تخسرينهـآ
​

 

[دنيا أبوها]

لا حول ولا قوة إلا بالله ..
الله يعينج ويسهل أمورج و يوفقج لما يحب ويرضى ..