انا ساحره زوجي

[وردة-الكويت]

الواحد شكثر بيعيش العمر واحد ماندري اعمارنا قصيره ولا طويله دامها وقفت وياج خلاص سامحيها وتسامحي منها

وردي وياها العلاقه بس خليها سطحيه

 

[فاقده ابوهاااا]

دام انتي واثقه بعمرج واهلج واثقين فيج خل يتكلمون لما يشبعون احسن تخففين ذنوب انا بعد عندي وحده غبيه تحش وتتكلم فيني جدام وحده من اهلي واهي ما تدري انها تصيرلي وتعالي شوفي الحجي الي تقوله عني باجي تقول اني ابليس علي هيئه بشر مع انها اهي الزباله الي بلاويها تارسه الديره وسحورتها بس معطيتها طاف اسمع شتقول واضحك من داخلي اقول هذا مة منها من الواهي الي فيها والنار الي شابه بيوفها الحمدالله والشكر

 

[αмάι]

الله يعينك

 

[ثريا الكون]

الحمدالله الحمدالله مليون مره اني بحالي وعلى طول بروحي يادوب اذا ضاقت فيني الدنياا خواتي ولا رفيجتي نصيحه مني انا مو احسن منج انا الدنيا علمتني ان الاصدقاء مو بالكثره وثاني شئ حاولي كثر ما تقدرين محيطج ما تحتكين فيه وايد سلام سوالف عاديه عن فنانين عن الموضه من هل امور وبس واي سؤال في تدخل انتي بشاطرتج ضيعي السالفه انا كلا يسألوني جم معاشج ارد عليهم الحمدالله مكفيني او شنو اسمج الكامل اقولهم شئ خاص شنو راح يفيد خلج عالخط شنو يقولون ردي لا تسكتين والله في ناس ما تنعطى ويه

 

[BeNt PaRiS]

عطيها طاف


ولا يهمونج لا الناس ولا كلامهم


اكثر اللي مستانسين مطنشين الدنيا و بلاويها

 

[!الجادل الصعب!]

الحين الي نصحتح تردين مو هي نفسها الي تقول عنج ساحره!

اذا نفسها فانتي طيبه وساذجه لابعد الحدود .. اقطعي علاقتج
فيهع وخل تولي
انتي راده لان الله كاتب لج تردين اولا وثانيا لو زوجج مافيه شي
زين مارديتي مالها فضل عليج يعني ...!


وحركة الواتس اب سخيفه ترا و وخليتي الناس تتكلم عنج
شكو ارسل لامي وخواتي كلام يغث عشان اثبت لوحده
تافهه اني ماقصدها وانا بنفس الوقت اقضدها واقصد الملقوفه
الثانيه !!!!!!!


سويتي حركه بايخه ولا انتي قدها صراحه والدليل مو هامج
الحين الا تبررين لها ..!

 

[اكرهها]

انا ماهمني الموضوع كثر ما ان مو هامني ان السالفه ماتوصل لريلي وزوجها مع ان بالنهايه الحق معاي وهي مومقصوده بس فشله وشوشره ماله داعي


انا دقيت عليها اليوم وماردت دزيت لها مسج موعيب ان ادق اصحح الغلط العيب اخليج فاهمه غلط بس دام فهمت خلاص الله يوفقج
ومالي شغل فيها بعد اكبر طاف ومشكورين الي دروا

 

[Mrs_Orchidia]

امبيه لوووول .. هذا و انتي ماذكرتي اسم معين انفجرت جذي بالحجي
الله يعين لو قايلة لها اشكره!

حلاة العلاقة مع الحموولة كلللها رسمية .. مو بس حريم حموانج


بعدين انتي المفروض تفهميين السالفة من اولها مدام انها تحش بحمولتج عندج اكيد تحش فيج عندهم
من حكى لك حكى فيك ..

يدتج بعينها شافتها و سمعتها انها تتحجى عنج .. اهي يت و دافعت عن نفسها من غير ما تواجهينها
ما اعتقد ان في مجال عشان تبررين لها

و وقفتها معاج .. شالفايدة من الطيبة اللي من برة و من داخل ظيم؟؟
و شكو تسامحج عشان زوجج؟ هذه فضحت عمرها و بترقع السالفة .. حطت زوج بالنص يعني كلام كبير


عقب هالكلام .. انتي قرري شبتسوين..!

 

[..~Goolz]

طاااف

رااضها مابيدخلج الجنه

 

[عاشقة الاسلام]

انتي الوحيده ادرا بألي يصلحلج

 

[FeShinGoOo]

تجنبيها يامعوده ولاتحتكين فيها ولاتحضرين بوجودها اخاف اتسويلج شي

 

[اوراق جنجفه]

حبيبتى لاتنغرين بالضحكه الحلوه والطيب لونها صج طيبه ماحشت من وراج وقالت سحاره انا اعتقد والله اعلم تبين لج الطيب لانها واثقه انج بتمدحينها عند زوجج وتقولين عنها فيها الخير وطيبه وحبيبه ولا تنسين الرجال مايدور الا هذى الصفات لما يسمع عنج خرابيطها الي هى بنفسها بتنكرها وتقول ماقلت واهله بيصدقون ويعوفونج هنيه ماراح افكر الا بشي اخت مرت حماج الي انتى تمدحينها اكيد بالنسبه له بتاخذ نفس صفاتها الطيبه
يابنت الناس ترى صارت وااااااجد دير بالج تمدحين اى احد عند زوجج وانتى مالج شغل فيهم الزم ماعليج وناسه زوجج وبس عيشيه برومانسيه ولاتضيقين خلقه بسوالف فلان وعلان واهل زوجج اكسبيهم ترى الام ان كسبتيها وخليتيها بصفج بتكسبين زوجج هذا الي عندى لج ياقلبى واتمنى انج تفهمين نيتها وتذكرى هى اذا سولفت معاج وخذت بخاطرج مو علشانج لا علشان تسحب علومج

 

[over love]

لحظه ! مو اهي نفسها الى تقول انج ساحره ريلج ؟

 

[أنآ كيفـي]

سسكبي فييها الحمدلله والششكر

​

 

[ياغفور اغفر لي]

انتي غلطانه ترا الواتس اب ماوراه الا المشاكل
ليش تتواصلين معاهم مالج شغل فيهم طاااف تعرفين شنو طاااف
وبعدبن خلهم يقولون اللي يبون ليش ادققين ع الكلام اللي يقولونه واثق الخطى يمشي ملكاا

 

[نونه المنكوشه]

اف اكره سوالف الحريم وقلنا وقالت واااااااى الله يعينج انتى دزيلها مسج وفهميها الموضوع وقوليلها انا دزيتلج علشان اريح ظميرى انتى صدقتى او ماصدقتى هذا شى يرجعلج وخلاص قطعى علاقتج فيها او خلى العلاقه رسميه وبس

 

[توتة خلود]

شوفي بالنسبة حق مرت حماج الاولى الي تهاوشت مع حمولتج وتالي طارت لوقت فيج مو عشان سواد عيونج حبي وينها عنج كل هالفتره ها ؟؟؟؟؟

حبيبتي اولا غيرتهم منج وثانيا تبيج تيبين لها العلوم شقالوا وما قالوا عنها تبيج حجايه لها فهمتي

وبعدين الله يهداج مطلعه عنج حجي يلوه الجبد وتحجى فيج على بو انتي سحاره جدام الله وخلقه ولا خافت ربها وفجاءة لما تهاوشتي ويا ريلج وقفت معاج

أنا هالاشكال والله حتن لو تسلم يمكن مارد عليها هذي تعرفين شنو سحبي سيفون سيييييفوووووون عليها وقطعي علاقتج فيها ترا بديني جبدي حريتيني تقول عنج هالحجي اهيا واختها وتقولين طيبه امحق طيبه


وبالنسبة حق مرت حماج الثانيه مع احترامي لها وقحه ونجريه وانتي غلطتي يوم دزيتي برودكاست تدرين ليش لانه اشكره اشكره له ومو غبية راح تعرف انها اهيا المقصوده وعشان جذي شاشت عليج وطلعت حرتها

الي صار صار بس الحين لا تحتكين فيهم الثنتين كلش كلش لا تلفون ولا غيره وخليج بس في بيت حمولتج اذا شفتيهم هلا فلانه وبس سمعتي

وجيري بالج من هالاشككككال والله نصيحه التعدي عنهم ويييع مريضين

 

[توتة خلود]

سوي قهوه وخذيلها معاك حلو وهديه وزوريها وطيبي خاطرها ,

وبالنسبة لتصرف البرودكاست خطأ , كان بإمكانك تواجهين أو تحذفينها من اللسته واترتحتي

لا لا لا لا لا لا شكو مرحباً تسويلها قهوة وحلو وطيب خاطرها عن ما طاب متولي اهيا خلاص فهمتها الوضع وقالت لها انتي مو المعنيه بهالبرودكاست ليش تعطيها اكبر محجمها وتخليها تشيخ على راسها ختولي

زعلت عند يدي بالطقاق اصلا خلاص خل تستغل هالفرصه وتقطع بهالاشكال هذي

 

[اميره بعيونه88]

سبحان الله صج الي على راسه بطلحه يحسس عليها الي واثقه من نفسها وتدري الكلام مو عنها راح تقرا المسج واطوف بس الحمدالله والشكر هذي تدري ان اهي المقصوده بالحجي عشان جذي ردت عليج هالرد

انا اقول ختولي دامج مو سالمه من شرها وزين انها افهمت الرساله عشان اتأدب لا ادقين عليها ولا اتأسفين انتي ماغلطتي عليها بس ليش اهي شاكه بعمرها كلتج بلسانها

الله يعينج والله على هالفئة من الناس​

انا معاهااااا
انا حيييييل طيبه
وكل اطوووف سوالف البنات
حييل يدخلون بحياتي
جاان ارسل بي سي للكل وقلت
اللي ما تحترم نفسها رجاءا تحذفني
اللسته مو وقفه عليها واللي علي راسه بطحه يحسس عليها
طبعا كانت صايره ساالفه :rgewrg:
ما اشوف الا الشاله اللي حاشين فيني يعطوني دليت
قلت سبحانك ربي ما اعظم شانك اللي حاطتهم ابالي
احذفوني

خيره لج لا تعتذرين خلي لج شخصيه وعلميهم انج
تعرفين توقفين الوحده عند حدهاااا
:eh_s(15):

 

[توتة خلود]

بنات انا لما تهاوشت مع زوجي ووصلت لمرحله الطلاق محد درى عني ولا سال عني من اهل زوجي مرت حماي اهي الي كانت تدق علي وتدز لي ادعيه وتقولي لاتطلقين ومالج الا زوججوالمشاكل لابد منها وقفت معاي وقفه مانساها بس صدمتني بردها على الواتس اب

وهي فعلا حاشه فيني عند اهلها بس لما كنت اشكيلها وربي عطيتها سر وماطلع منها ولاسمعته بلسان احد

شسوي بنات ابي نصيحه اخت طاف والا ادز لها مسج وافهمها ان موقفها غلط ؟؟؟؟؟؟؟؟

شنو عطيتنا سر غلطاااانه شكو سرج تعطينه مرت حماج الله يهداج بس باجر شنو راح تندمين قد شعر راسج

حبي ماماتي سرج حطيه عند امج ومنتدى كويتيات لوووووول قصدي بس امج صدقيني