رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت
والله البنات اللي قبلي ما قصرو
اول شي : خلج واثقه بنفسج .. وواثقه ان ربي خلقني مقبوله وبحاول واسعى باللي اقدر عليه واصير جميله " ان الله جميل يحب الجمال" وبسعى اصير حلوه وشحلاتي بالطرق الصحيحه
يعني بالاول كوني مقتنعه انج حاليا حلوه وانج مع الايام بتصير الاحلى بينهم
وثاني شي خلج قويه وقولي بسم الله ويا انا يا اهم بعتني بعمري وبشوف اليوم اللي يجون ويقولون هاا شحاطه شمسويه ماشاءالله عليج طالعه تهبلين بس اهم شي خلج عندج قوة عزيمة وارادة .
يمكن انتي ما عندج خلفيه كبيره عن طرق الاهتمام بالشكل .
1- اذا كنتي ضعيفه وايد . أنصحج بفيتامينات سبروفيتا صحيه وكلها فيتامينات وتمتنج حيييل بس هاا مو بسرعه يعني بعد 3 شهور من الانتظام بتلقين جسمج واااو وانتي صبري ولا تقولين تنومني .. صح تنوم بس تخدرج اول 3 ايام علىى ما يتعود الجسم عليها وبعدها تردين طبيعي.
2- اذا كنتي متينه: ابتدي برجيم صحي الله مكثر الرجيم هني بالنت دوريلج على رجيم يناسبج وتقدرين عليه بس ابدي من الخفيف لي القوي .
3- ماراح اقولج سوي ليزر حق ويهج لان يبيلها ماده فلوس وانا مادري عن ظروفج. فإذا تقدرين سوي ليزر حق ويهج توخر الشعر واذا ما تقدرين روحي للصالون بالشهر مرتين وحفي ويهج.. الويه بدون الشعر يطلع وايد اصفى وانقى حتى لو شعرج خفيف وما يبين.
4- روحي لدكتور جلدية وقولي ابي اصفي بشرتي وابيضها . يعطيج كريمات حلوه وتفيدج بس ارد واقول التزمي فيهم لو ما يابو نتيجة فالبدايه فلا تستعيليين
5- اسنانج اسنانج اسنانج.. اذا مو حلوين على طووووووووول تقويم وحطيلج موعد بالعيادات الحكومية لو موعدج بعد سنة قولي راضيه لو سنتين قولي هم راضيه وحطي تقويم لان وربي يغير الشكل مليون مره واهتمي بناظفتهم مرتين باليوم
6- اهتمي بشعرج وغيري اللوك . روحي صالونات مختصه بالشعر وصبغي ولا قصيه يعني حركات.
7- حواجبج اذا تحفينهم او تشقرينهم المهم خليهم حلوين جربي شكل غير عن اللي كل مره ترسمينهم فيه
8- تعلمي تحطين ميك اب ناعم وذرب .. دخلي يوتيوب شوفي تعليم المكياج والله عجيب .. لا ترقعين بالمكياج وتخبصين خلج ذربه ومتناسقه الوانج وهاديه.
9- حطي ماركات حلوه للمكياج : الشدو والماسكرا وهالسوالف عادي بس اهم شي بالمكياج الكريم والبدور كل شي يعتمد على هالاثنين
وانا شخصيا انصحج بـ كريم ماكس فاكتر وبودرته 2- كريم nuba وبودرته 3- maybelene كريم وبودرة ميبي لين 4-make up forever هالماركات حلوه وطبعا انسي تحطين كريم وبودرة مو من نفس الماركه لان جذي راح يبقع وتفشلين.
تعلمي شلون تبرزين ملامحج الحلوه .. لا تقصرين على عمرج ..
1- خرقي باذونج حق تراجي ثانيه
11- اهتمي تلبسين التراجي دايم لان يغيرون من الشعل وايد . لبسي الناعمين
12- رتبي ذوقج باللبس وبالالوان
وبتطلعين شحلاتج قمر
وادعيلي
