انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

[q8_84]

ابي شنوا هذا مافي اسلوب كلش احد يقول هالكلام بوجه الواحد جذي


اذا انتي تقولين ان شكلج زين يمكن صج انتي مهمله نفسج وانتي مو حاسه

اعتني بنفسج وسوي نيولوك روحي غيري قصة شعرج واصبغيه واذا اسنانج فيهم شي عدليهم وسوي تبييض وروحي لصالون وسوي تنظيف بشره

واذا متينه ضعفي نفسج واذا ضعيفه متني نفسج

اصدمي الكل بتغيراتج وسدي حلوجهم

 

[!witcha!]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

حبيبتي والله والله مايعيب الا المعيوب
خلج واثقه بنفسج وبشكلج صدقيني نقص مو اكثر ... كشخي واستانسي بحياتج ولا يهمج اي احددددددد

 

[العبيدان tenuta]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

حبيبتي شوفي انا برد عليج بس ها ابيك وانت تقريين كلامي تضحكين ابيج تفرفيش اولا طلعي من المود اللي انت فية كلمة ججيكرة شنو يعني جيكرة دخلي قوقل وشوفي شنو معناة كلمة جيكرة وشوفي هالمواصفات تنطبق عليج ومنو هم اللي قاعدة تذبحين نفسج عليهم هل هم لجنة اختيار ملكات الجمال وشنو مواصفات الجمال عندج حبوبة حطي ورقة قلم وكتبي شنو مميزاتج ذكية شاطرة اجتماعية ستليل الخ وشنو سلبياتج وصلحيها ولا تصيرين حساسة زيادة عن اللزوم اذا عرفوا ان هالكلمة تضيايقج راح يزيدون وانت ماتعرفين الناس اهنينة بالكويت حق الطنازة ماكو اشطر منهم يعني عفوا عفوا انا اسفة لما يقولون بقرة هل هي بقرة ولا هيلقية بللة عليج شنو يعني هيلقية اموت واعرف معناها حقريهم وعطيهم طاف بو اقوي نوع ومايشوفون شر :eh_s(9):​

 

[II'3anomaII]

خليج واثقه من نفسج و ما عليج منهم
بس هم لازم تهتمين بنفسج

 

[قطووه حلووه]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

سمعي كلامي عدل وحطيييييه حلقة باذوونج
الكلام لايودي ولايجيب اذا انتي واثقه من نفسج
مره ثانيه لو وحده قطت عليج كلمه وقفيها عند حدها اصدميها حتى لو تعصبين اهم عبالهم ان عادي عندج لانج تضحكين معاهم بس لو يدرون ان هالشي يضايقج جان ماقالوو ويبون يطفروونج ومحترين منج
مره ثانيه اذا وحده قطت كلمه فشليها خليها تندم على الحرف مو بس الكلمه فشليها خليها تتمنى الارض تنشق وتبلعها قولي شايفه وجهج؟؟؟
منو يقولي هاللكلام انتي؟؟؟!!!!!
طاع منو يتكلم هههههه واضحكي فشليها خليها تنقد على روحهااااا ماوصيييييييج لان صج حقاااره
واذا على سالفت امج ماعليج من الحجي بس اهتمي بروحج اكثر وبأناقتج فديتج
سكتيهم اصدميهم ولاتحتكين فيهم مره ثانيه خل يحسون على دمهم شوي
وتقولين ليش يحطون عليج غيرة البنات ياحبيبتي ياااكثر ما اسمع سوالف من هالنووووع خل يولوووون يشوفون اشكالهم بس ومايعيب الا المعيوووب
قوليلهم هالكلمه بعد واهم شي مو تنسين الكلام الي قلته لج قولي نفسه باالضبط وشوووفي
حدي احتريت صرااحه ولاتضايقين ولا شي ريحي بالج لانهم ميتييييييييين قهر منج شوفي شغله فيج احسن منهم او شغله بحياتج احسن منهم ترى البنات يغارون ممكن على ابسط واتفه شي واتمنى تسمعين كلامي عدل وتقولين شنو يصير معااج
فديتج ياحياتي ويااااااااااااااجبل مايهزززك رييييييييح

 

[قطووه حلووه]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

الله يعينهم على انفسهم هالاشكال الخايسه الي ماكو شغل بس ودهم يضحكون مالقو شي قالو ماكو الا فلانه نقزرها على رااسها ندري ان اهي بتتضاايق ويفشون خلقهم فيج وانتي حسااسه بعد
اهم تفكيرهم جذي خااايس
وحتى انا امي تقول شوفي فلانه وفلانه بس انا طنااااااااااااااااااش لحمد لله مايهمني هالكلام انتي بعد سوي جذي ماعليج من اي شي ولاتقعدين معاهم هالحوووووش سوي ع الكلام بس شي يقهر
شهالنااس استغفر الله
اهم مريضين نفسيااااا

 

[قطووه حلووه]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

ويكون بعلمج ترى نادر بنت تقول عن بنت حلوه
الا من رحم ربيييييييييي
وربي تهبلين واسلووبج عسل فديتج انا

 

[][ sarah ][]

حبيبتي انتي غلطانه بعدددددددددددد لما يغلطون وتنجرحين لاتضحكين عشان لايمصخونها , خلي بينكم حدود
واذا ماقدرتي حاولي لا قالت ويييع جيكره , قوليلها مثلا ويييع شنو هالاسلوب , شنو ويييع !! عالاقل جيكره احسن من اسلوب ماكووو

وحتى لو كنتي عاديه , ترا الحين الجمال بالنسبه لي ينقاس بالاهتمام بالنفس
ولو تلاحظين ان الحين كل البنات حلوين , امبيه من زمان ماشفت وحده جيكره والسر اهوا بالاهتمام

قبل الجمال كان محصور على شغلات معينه مثلا بياض وشكل ويه معين .. الخ بس الحين السمره والبيضه والطويله والقصيره والمتينه والضعيفه كلهم حلووين

حاولي تسوينلج نظام اهتمام بنفسج

 

[روح مغليهآ]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

البنات ماقصروا

وبالنسبه حق امج لما تخزج وانتي تسولفين وتضحكين مو لانج جيكره او جذي لا اتوقع تبيج تكونين ثقيله جدام الحريم كل الامهات جذي

 

[الاهله]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

ردي عليهم بجديه لاتضحكين معهم ردي بزعل وقوة شخصيه


وبعدين ترى الشياكه والكشخه القصات واصبغات تطلع الوحده قمر حتى لو هي عاديه


وانتو ماشالله في الكويت احلى مشاغل العالم

 

[فخامه كبريائي]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

يا عمري انتي و الله ...
شكلج حيل حساسه ...بس خليج واثقه من نفسج ..ترا الثقه تقنع الي جدامج انج حلوا ..
و الله يمسح على قلبج ...

 

[سمبتيكا ~]

لاتجاملينهم على حساب نفسج
إذا بتظلين على هالحال مع الآيام راح تصيرين سلبيه
وآنتي بنفسج بتقولين آنج جيكره ..!

صج صج صج وقفيهم عند حدهم
لآنها قلة آدب وتصرفات وضيعه منهم
شنو هذا وحده قاعده تسولف وبنص السالفه
يقولون ويع جيكره ! هذا آسلوب ؟!
إللي تتصرف معاج مره ثانيه جذي
لاتجاملينها .. قوليلها شهالآسلوب الوقح !
إذا آنتي تشوفيني جيكره شكلاً ..
آنا آشوفج جيكره وقبيحه داخلياً
مادري شـ فايدة الجمال إذا التصرفات والآسلوب زفت ؟!

لاتسكتين ،
حررريتني وآنتي تجاملينهم
يتصرفون وياج بـ وقاحه وتتصرفين وياهم بـ آدب
هم ماطقوا لج خبر : @
لا تسكتين تسمعيني آنتي <--- عصبت خخخخخخخخخ


إما آمج فـ لاتلومينهاااااااااا
تلقينها من كثر ماتسمع حجي وطشار
وتشوفج تضحكين وتردين عليهم بدون آهتمام
ضاق خلقها عليج ، صارت تنظر لج نفس نظرتهم

بالنهايه هي تبي تشوفج آحلى منهم
والمثل يقول: إللي ماعنده برستيج يسوي له برستيج
<--- توني مآلفته المثل خخخخخخ حقوق الفكريه الملكيه محفوظه

كشخي باللبس والآناقه ، تعلمي ميك آب يناسب ملامحج
قصي شعرج قصه تناسبج (( آهتمي بـ عمرج )) ..
شوفيهم المشاهر بعضهم مافيهم جمال
لكن آناقتهم تسحر وتحليهم بـ عيون إللي حواليهم ..

الله يوفقج ويهون عليج
​

 

[الزين 85]

اهم شي ثقتج بنفسج لاتسمحين لأي شخص ينزلها من مكانها
وياقلبي ماكو ام تقول عن بنتها جيكره الامهات جذي اسلوبهم تلاقينها تقول هالكلام تبيج تهتمين اكثر ماكو ام ماتتمنى الزين لبنتها
ترا بعض الأمهات اسلوبهم عكسي تلاقينها تقولج انتي جيكره انتي ماتصرفتي عدل وماتدري انها يؤثر بالنفس داخليا حسبالهم يقولون هالكلام
وراح نتغير بسرعه عشانه اهم شي مثل ماقلت خلج واثقه من عمرج وكلمي امك قولي لها انا مستعده اهتم بنفسي بس لاتقولين جيكره وربي هالكلمه تجرحني

وطمنينا عليج فديتج ياعسل

 

[انصاريه قمره]

حبيبتي ماكو بنت جيكره بس لازم الوحده تعرف حق نفسها انا لو بدالج اكشخ واقهرهم

 

[قطووه حلووه]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

محترييين من ثقتج بنفسج يبوون يكسرووونج كسريي عيينهم

قولي شكلي عااجبني شاايفه شكلج انتي ((الي تعيب)) صيري وقحه مع الي تعيب مثل ما اهيا وقحه لا تقولين اخلااقي ارقى منهم لا حبيبتي هالاشكاال يبي الي يوقفها عند حدهااااا والله انا حلوه ومره اختي وامي عيبت علي وانا ثقققه وبشاادة الكل حلوووه بس بقوولج ان مراات الحسد يكوون بقرب النااس من ثقتج يدروون انج ثقه والله يوم امي قاالتلي وقفتها عند حدها وهي امي :tongue22: والله اخذي حقج بييدج المشكله بسييطه ترى

بس تدرين ليش متماادين ؟لانج ما عطيتيها كلمه
تسكتهااا وتفشلهاا اختي قالت انها ردت على نفس الموضووع وماشفت ردها وانشاالله تستفييدين
خلااصة الكلااام

العني خير كل من قاالت لج هالكلااام مو تبينيين انج مكسووره واني ماتحمل كلاامكم لا حبيبتي هذيلا يبييلهم وحده اوقح منهم عشاان يتعلموون شلووون يقولون لج مره ثاانيه

اناا ماحترييت منهم انا احترييت منج لاني مرييت بنفس تجربتج للعلم اني حلووه حييل ويقوولون هالكلاام لاني ثقه وما اهتز منهم الساالفه يبيله شووي قوووه

حرييتيني ليش تضحكيين بوجه وحده تبي تبجييج انقدي على شكلها يخرب بيتهاا كل هذا لانها شاايفتج تضحكين فتمااادت ماسكتت لو انها شاافت منج رفض وانج جرحتيها جان ماااافكرت تعييدها

هالاشكاال مو يبيلها قرصة اذوون الا يبييلهاااا طرااق على عيينها استغفر الله منهم نااس ماتحب تشووف احد مرتاااح سوري انفعلت شوي وطمنينا شصااار بعدين​

 

[قطووه حلووه]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

شووفي الخاص عندج

 

[RoWaIsHeDyA]

شوفي في فرق بين الجمال وبين الاعتناء بالنفس يعني كل وحده فينا له مقياس للجمال اهيا تحدده لنفسها ولغيرها يعني الي يعجبج بالدنيا يمكن مايعجب غيرج لو تشابهنا كلنا بارت السلع واختربنا احنا بعد يمكن امج لمن توريج غيرج وهذي اغلبيه الحركات عند الامهات علبالها جذي تحفزج لان في بنات اي تحفزهم هالشغله وتحاول تغيرها وفي فئه لا حساسه ماينفع معاها تبيني عيوبها بالعكس المفروض تزيدين من ميزاتها علشان تعتني فيهم انتي جذي صارت عندج عكسيه انها تنتقدج وادقر فيج يمكن قصدها انتي حلوه بعيونها بس لازم تحافظين على جمالج من خلطات وستايل وصالون وكل شئ تسويه الانثى علشان تزيد انوثتها حبيبتي هذا مو تقليل من قيمتج المفروض تتحمسين اكثر وتغيرين بنفسج حق نفسج هذا الشرط ماتسوي شئ علشان شخص قالج او شخص عيب عليج لا انا اعتني بنفسي حق نفسي
اما بالنسبه حق بنات عنج وخالج صدقيني في شئ ذابحهم منج علشان جذي يقولون عنج جيكره اذا قالت جيكره قولي لها منو انتي شنو حبيبتي في احد حط منظره جدامج او مثلا ردي عليها قولي لها شنو توج تستوعبين انج جيكره ترى كلنا ندري من زمان وساكتين يعني جعميها او نغزيها مثل ماتقط نغزات عليج الناس الي جذي مايسكتون الا بهالطريقه
حبيبتي انا واثقه انج طيوبه وحبوبه وحساسه من طريقتج في طرحج للمشكله وهذا كافي الجمال مو دايما الشكل الخارجي المهم الجوهر

 

[بسم الله علي]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

مالج شغل فيهم ، هذا الحقد ومايسوي..
ماعليج الله راح يبليهم ..
والله عمتي قبل كانت تقول لامي عني بنتج جيكره..
والحين الحمدلله و الشكر بناتها من جيكره لاجكر ..
و كله تقولي سبحان الله شلون صرتي حلوه .. قلت لها من عمري حلوة بس الله معمي عيونج هههههههه ،
استغفر الله ناس عبالها الحجي لعبه ..
حبيبتي لاتسكتين ردي عليهم عطيهم الكلام اللي يسد حلوجهم ..

 

[ســكره ورديه]

حطيهم بالامر الواقع قولي انا اللي تقولون عني مو حلوه بقرار نفسي انا اجمل منكم كلللللللللللللللللكم وش تبون عندكم شي ماهميتوني
امشي واتكلم زي زيكم وعقليتي اكبر منكم واشوف واسمع مثلكم ولا وترا عندي قلب وهالقلب فيه احساس وغيري معدوم عنده

وبس

الكلام يجرح ومعك حق انتي اهتمي بنفسك اعتني في بشرتك وفي لبسك وفي مكياجك مو عشانهم لا عشانك انتي وبس ولاهم صدقيني ان مدحوك ولا ذموك ماراح ينفعوك

حبي نفسك بطريقه ثانيه شوفي الاحتمالات اللي بتعطينها نفسك غيري وحطي وخلي عشان نفسك وراحتك النفسيه ادري انك راضيه بس التغيير حتى لو بمناكير يغيييييييييييير بالنفسيه كثييييييييييييير

جربي وماراح تخسرين شي :ggdw:

 

[Sayounara]

رد : انا جيكره ! كلام اقرب الناس لي عذبني انا راضيه عن نفسي بس يجرحوني بدون سبب تعبت

محترييين من ثقتج بنفسج يبوون يكسرووونج كسريي عيينهم

قولي شكلي عااجبني شاايفه شكلج انتي ((الي تعيب)) صيري وقحه مع الي تعيب مثل ما اهيا وقحه لا تقولين اخلااقي ارقى منهم لا حبيبتي هالاشكاال يبي الي يوقفها عند حدهااااا والله انا حلوه ومره اختي وامي عيبت علي وانا ثقققه وبشاادة الكل حلوووه بس بقوولج ان مراات الحسد يكوون بقرب النااس من ثقتج يدروون انج ثقه والله يوم امي قاالتلي وقفتها عند حدها وهي امي :tongue22: والله اخذي حقج بييدج المشكله بسييطه ترى

بس تدرين ليش متماادين ؟لانج ما عطيتيها كلمه
تسكتهااا وتفشلهاا اختي قالت انها ردت على نفس الموضووع وماشفت ردها وانشاالله تستفييدين
خلااصة الكلااام

العني خير كل من قاالت لج هالكلااام مو تبينيين انج مكسووره واني ماتحمل كلاامكم لا حبيبتي هذيلا يبييلهم وحده اوقح منهم عشاان يتعلموون شلووون يقولون لج مره ثاانيه

اناا ماحترييت منهم انا احترييت منج لاني مرييت بنفس تجربتج للعلم اني حلووه حييل ويقوولون هالكلاام لاني ثقه وما اهتز منهم الساالفه يبيله شووي قوووه

حرييتيني ليش تضحكيين بوجه وحده تبي تبجييج انقدي على شكلها يخرب بيتهاا كل هذا لانها شاايفتج تضحكين فتمااادت ماسكتت لو انها شاافت منج رفض وانج جرحتيها جان ماااافكرت تعييدها

هالاشكاال مو يبيلها قرصة اذوون الا يبييلهاااا طرااق على عيينها استغفر الله منهم نااس ماتحب تشووف احد مرتاااح سوري انفعلت شوي وطمنينا شصااار بعدين​

ارفع لج القبعة احترررررررررررررام :icon30::icon30:
واااااااااااااااااااااااااااااااااايد استفدت من ردج عطيتني بووووووووووش قوووووووووي
لان انا بعد اعاااااااني من كم ووحده
مع ان الكل يشهد اني مملوحة بس يحاولوون يهزون الثقة ..مالت عليهم
..
وأنا متأكده100000000000000% أن كل البنات حلوووووين بس ذيلا اللي يعيبووون سيابيل:icon30: