انا اشوفها خيانه وهو يقول لا ........؟؟؟

[فراحينو]

الله يسمع منج يااااااااااارب

 

[فراحينو]

ياااااااااااااارب تفرج همي

 

[*E.B.D.A.3*]

حبيبتي شوفي بعطيج حل
قوليله بالفيسبوك غير وضعك الاجتماعي الى متزوج
from single to married
انا مادري اذا اهوه غيره والا لا؟
اذا ماغيره اطلبي منه فورا بانه يغيره
ترى الامريكيات على فكرة، تلوع جبدهم من المتزوج
وهالامريكية لا تلومينها وايد يمكن اهوه معشمها لي الحين بانه سنقل !!
يمكن لي شافت الستاتس تغير لي متزوج اهيه بروحها تفج منه

قوليله ورديلي خبر

 

[سوسانا عسل]

اي ولله
خيانه واستهتار
نصيحه
لاااا تطوفين ووتتنازلين عن كرامتك

 

[Sanyoreta_20]

اي شي وين قاعدين حبيبتي يا يهدها يا يطلقج حلوه هذي متزوج ويكلم

 

[Bubble]

حبيبتي الله يعينج ..

اساليه بكل صراحه .. ترضى انه يكون لي صديق ..مجرد صديق اسولف وادردش معاه..
اذا قال لج ايه عادي .. فاغسلي ايدج منه .. هذا ريال ماعنده اخلاق ولا غاريه على اهله ..مامنه رجاااا

اما اذا قال لج لا طبعاً .. فقول ايه وانا مثلك.. ما ارضى احد يشاركني فيك ..
غير ان هذا حرام ومرفوض اخلاقيا واجتماعيا.. ...

كلميه على انج تحبينه وخايفه عليه وماترضين ان الغلط يطلع منه ..
مو بعصبيه ونرفزه .. ساحليه وسايريه ...
والله يهديه ويصلح مابينكم

المزعج في الموضوع كله ..
ان شبابنا ينسسون كل شي مع الاجانب يفصخون الحيا خير شر .. على ابو انهم مودرن وكووووول ..

هي وقلنا ماينشره عليها .. اجنبيه لا دين ولا سنع ..
هو يصير مثلها ليش .؟؟؟ ودي افهم

امانه.. انا اشتغل مع اجانب امريكان وبريطانيين ..
ماشوفهم يسوون جذيه او يتمادون باي تصرف الا اذا الواحد عطاهم المجال
و وايد يحترمون عاداتنا وتقاليدينا ..

الخلل مو فيهم .. فينا
والله المستعان

 

[قسى قلبه وخلاني]

يمكن خجلان منها وفعلا هي صديقته
بس شكو يحط صورتها معاه
صبري عليه شوي متل ما قالت فوفو كلامها حيل عجبني

 

[فراحينو]

الله يكوووووونبالعون مشكورين كلكم

والله قلت له ترضا انا اسويها او يكون عندي صديق مثلك .... طبعا مايرضى ويعصب ويجلس يقول المقووووله المعروفه انا غيييرلاني كنت عايش هناك وهي زميلة دراسه وبينا صداقه ووقفت معاي وكلام يعور الراس ويحر

ما اقول الا الله يصبرني ويلهمني بس ويكتب ليولكم الخير

 

[ام سوسوالبطةاي]

صج مشكلتچ تحير الله يعين ادعي وصلي اشتخاره انشاءالله بتلقين القرار الي يريحچ

 

[فراحينو]

الله يعيين

 

[Patcholli]

ويعني اهي بامريكا وانتي بالكويت ..؟؟
بيحطله بكل ديره حرمه ..؟؟
وهل هالشي يبررله ويحلله انه يكون علاقات مع حريم اجانب ؟؟
كلميه بالشرع طالما ان التفاهم مايفيد معاه ..!!
يرضى انج تكونين علاقات ويا رياييل غرب اذا كانو برى الكويت ..؟؟
وانتي شيظمنج ان هالبنت ماتيله زياره للكويت ..؟؟

 

[هيفاء 966]

شلون يعني ما اقدر اقطع علاقتي فيها ما سوت لي شي. غريب أمرهم هالريايل

 

[راحتي بصراحتي]

انا اوافق راي الاخت فوفو

بصراحه عيييييين العقل ونصيحه اذا انتي تحبينه كنسلي الموضوع نهائيا لانج حاولتي كذا مره
وماجاب نتجيه
والزوج يحب الزوجه اللي اتريحه ومااتنكد عليه ولااتدققين في اموووره

اهتمي انج تكشفين شخصيته واتعرفينها عدل مو هو اللي يكشف شخصيتج وعطي نفسج ثقه انج راح اتنسينه صديقته وقبل كل شي اتكلي علي ربج هو اللي بيحلها
لا انتي ولا احنا اللي بنحلها والله يكتب لج الخيره


ونصيحه لاتنسي الاستغفاااااااااار

 

[yasmin10]

لازم تصبرين لان البنت عاش معاها سنوات مو بالسهولة ينساها

 

[فراحينو]

حبيبتي ياسمين انا فاهمه عاش معاها 4 سنين ومقدره هالشي .... بس هذا مايشفع له انه يكلمها فووون ... اوكي بينهم سوالف بالفيس بوك امشيها ... ومايشفع له بعد انه يرز صوره معاها بالفيس بوك قدام الله وخلقه

 

[Queenleo]

من اللحين حلي الموووضوع معاه
وحطي النقط عالحرووف
قبل ماتروحين بيته

واستخيري بهالزواج
واذا قررتي تستمرين مجبور يتركها حتى لو دخلتي اهلج واهله بالسالفه

 

[Mjnont '3lay]

الله يعينج ويصبرج ويسخره لج ويجعلج اجمل من الحور بعينه والوحيده في قلبه ويعمي بصيرته عن جميع بنات حوا

 

[حجيه هيونه]

حبيبتي الشباب الطلبه اللي بامريكا واروربا

عادي تصير عندهم علاقات عميقه تكوّنت بسنوات

صعب تركها بايام

بالتاكيد سوف تنتهي

ولكن مو بطريقتك

ولا بطريقته

بطريقه الذكااااء

انا عاشرت الامريكيات وهم نساء ذكيات

وبالحب مشاعرهم قريبه من العرب

يحبون ويخلصون ويغارون

فاوعي تبتدي حرب معها

لانها هي تلعب باحساسه

وانتي تلعبي باعصابه

والاحساس يغلب الاعصاب

فالحل

تمثلي امام زوجك انك الزوجه الواعيه المتفهمه للموقف

وانك رح تقدري موقفه وتوقفي جنبه

<<<هنا عطيتي الامان

2- حاولي تعرفين اكثر بذكاءك عن الشخصيه اللي يحبها زوجج وتلبسينها حتى ما يشوف ولا يسمع ولا يكلم الا الشخصيه اللي يحبها

3- لا تتكلمي عنها بسوء .....ولا بالفاظ نابيه ......فقط اشغلي عنها

بالنهايه هالامور اوتوماتيكا بتختفي عقب ما تجيبون عيال وتنشغلون فيهم

وتصير هالامور ذكريات مضحكه

فوفو

اول وتالي اهي شي انتهى

ومع الوقت راح ينساه تماما


خلج شاطره واتركيها عنج وسمعي كلام فوفو

 

[فراحينو]

مرحبا بنات

حبيت أشكر كل من نصحني وووجهني ..... وأنا اليوم إلصبح قررت أني أبدا بالصلح معاه غشان أكسب حياتي وزوجي ... قمت رشلت له مسج عن إلصبح واني مشتاقه له ... رد بس بصباح النور ..... قلت له مشتاقه لك و حبيت أصبح عليك. رد بس تشتأق لج. العافيه حتئ ما سأل شخبارج شلونج ..... وهالكملا من 7 إلصبح الين الحين .... بصراحه أحس نفسي عافته فوق أنه هو الغلطان يرد بنفسيه. يمكن لو ماتصلحت الأمور استخير وأفل هالزواج ....



شرايكم

 

[(مزاجية)]

استخيري و سوي الشي اللي يميل له قلبج اكثر