انا اشوفها خيانه وهو يقول لا ........؟؟؟

[فراحينو]

لا هي امريكيه ... ولصقة عنزرووووت يعني حتى لو هو ما سال عنها هي تجي وتسأل وتكتب له

 

[((غلاي))]

خلاص امريكيه
انزين اسالي نفسج
شنو يحب فيها
انا مو قصدي مقارنه
بس ليش متعلق فيها
هل اسلوبها و حوارها او شكلها
صدقيني انا ما اعرف مشاكلج
بس واضح ان زوجج تفكيره غير
لازم تغيرين بنفسج و شخصيتج صدقيني
اجذبي زوجج لج و هي خلاص انسيها
اعتبريها شي طاااااااااااااف من الماضي

 

[G!RLooNa]

يا سلام يعني اهوا يرضا ان يكون عندج فرند بس فرند ريال!! لا و فوق هذا يدري ان كان حبيبج بيوم من الايام و تحطين صورج معاه جدامه!!! شنو ما يحسون و لا يستهبلون :| حبيتها و حبتك صديقتك بالطقاق شكو راز صوركم مع بعض!

 

[((غلاي))]

صدقيني زوجج يبي حوااااااااااااااااااار كلام تفهمينه تحتوينه
ترى الاجانب حتى لمن يتهاوشون كل واحد يحترم الثاني ووجهة نظر الثاني

بعدين اجنبيه خلاص


الله يهديكم و يصلحكم يارب

 

[G!RLooNa]

و على فكره الصداقه ممكن تتحول لي حب بس عمر الحب ما يتحول لصداقه و هذا شي معروف مو بس عندنا حتى عندهم

 

[روان المطيري]

عشان جذي انا ما افضل اتواصل مع زوجي قبل يوم زواجنا لان هالمشاكل ممكن تهدم بيتنا اللي للحين ما اكتمل

حبيبتي بشطارتج انتي تقدرين تنسينه هالبنت وتنسينه نفسه بعد

هذا ماضي بالنسبه له بس انتي زوجته بعد المعاشره وبعد ما تكونون بيت واحد وتتعودون على بعض
وبدلالج له واهتمامج فيه بينسا طوايفها لا تخربين بيتج اتمنى تنسون اللي صار ولو تخلون بعض هالفتره تصفي النفوس وترتاح نفسيتج وتنسين اللي طاف

والله يوفقج حبيبتي

 

[نونو العصله]

خليج شاطره وحاولي تناسينه اياها
تزوجو و حاولي تشغلينه عنها اطول فتره
ومع الوقت بينساها
صدقيني صدقيني
اذا بقيتي تحنين عليه وكل اتصال نكد وهواش
وهي ام السوالف والضحك والوناسه
بيروح لها و يخليج
وتلقينها ما تجيب طاريج
بس انتي ذابحه روحج

صيري ذكيه
ونسو ارواحكم
ولا تدورين وراه عشان ما تتعبين
استانسو
لا تجيبين طاريها جدامه خير شر
انتي قاعدده تدخلينها براسه
اسحبيه لج بلضكه والابتسامه
ترا الهواش ما يجيب نتيجه

 

[فراحينو]

حبيباااااتي كلكم ماتقصروووووووونان شاء الله بسوي اللي قلتووووه.... والله ينولكم اللي ببالكم ....ز ولاتنسووووووووني من دعوااااتكم
ادعوووووووولي تكفوووووون ادعووووووووووووولي لاني احس ان قلبي يتقطع ...والله يتمم لنا على خير

 

[محتاره بدنيتي]

حبوبه شفتي كل اللي بخاطرج اتقولينا لنا اشلون وبطريقه واضحه وتوصل على طول المخ جذي كلمي ... ابدي انتي بالمصالحه علشان تكبرين ابعينه اول شي لان اهناك حبيبتي البنات مايهدون الشباب على قولتج لزقة عنزروت .. دزيلا مسج قوليلا لازم نقعد ونتفاهم ولا جذي راح تخترب حياتنا ودام انت اتقول شاريني وتبيني لازم انخلص من هالموضوع واذا رد عليج قوليلا كل اللي بخاطرج ولازم اتفهميني عدل ان اذا يبيج لازم إقلل من سولفا معاها اشوي شوي لين كللش مايلمها وقوليلا لازم توعدني انك فتره وبعدها خلاص ابتمسحها اهم خلي احس انج واثقه في قوليلا انا ماراح اسإلك ولا راح اكلمك عنها واذا شفت شي بالفيس بوك او صوره لك معاها ماراح اكلمك لانك قلتلي ان كل شي انتهى وانا اصدق كلمتك حبيبتي لازم اتصيرين ذكية معا علشان تكسبينا وتنسينا هذيك وان شاء الله بينسى بس انتي خلي بالك طويل لازم تتعلمين مو كل شي غيره او حتى لو تغارين لاتبينيين وايد انج اتغارين وصيري قويه وان شاء الله يهديه لك

 

[سكوتي بذوقي]

تصرفي معاه بشكل طبيعي

لاتقولين له أي شي عنها علشان مايعاند ويتمسك فيها أكثر

وهو من نفسه راح يتركها

الله يهديه ويسخره لك يارب

 

[نونو العصله]

لا لا تجيب طاريها كلش
وتكلمون بلي صار
ابدي صفحه يديده
ولا جنها موجوده
تكلمو هلى مستقبلكم
اثثو بيتكم
تكلمو بتفاصيل العرس
اي شي بلدنيا
غير موضوع هذيج سيئة الذكر

 

[فراحينو]

بعد عمري انتوا الله ينولكم اللي ببالكم


نونو العصله اي والله سيئة الذكر بنت ابليس هههههههههههه

 

[Patcholli]

ليش مايقدر يقطع علاقته فيها ..؟؟
طالما انها ماتعنيله شي وانتي كلشي بحياته ايهم الاولى يقطع علاقته بانسانه بعيده وبكل بساطه بلوك ودليت وماراح ومن عقبها تنمسح من حياته ولا انسانه مجابلته ويقول يجبها ومتمسك فيها ونفسيتها تعبانه من الوضع ..؟؟
عزيزتي باختصار زوجج مو مايقدر زوجج مايبي ينهي علاقته فيها وواضح ان عاجبه الوضع وليلحين يبيها لان لو فعلا يحبج بكل بساطه يعطيها بلوك ودليت ولا من شاف ولا من دري
يعني شنو بتسويله لو غير ايميله او حذفها منه ..؟؟
حبيبتي خلج واضحه وصريحه معاه قوليله انا ولا اهي
اثنين بوقت واحد مايمشي عندي
تبي زوجه وتبي رفيجات مايصلح
انا ادميه عندي احساس وعندي مشاعر وحالي حال اي حرمه لها حق على زوجها اللي تسويه مايجوز شرعا ولا عرفاً
انت كنت تدرس وعشت ايام طيش ومراهقه هالشي يتطوف لكن الحين متزوج وعلى ذمتك مره وتبي تستمر بهالطيش فهالشي مايصير ولازم ينحطله حد

 

[فراحينو]

ليش مايقدر يقطع علاقته فيها ..؟؟
طالما انها ماتعنيله شي وانتي كلشي بحياته ايهم الاولى يقطع علاقته بانسانه بعيده وبكل بساطه بلوك ودليت وماراح ومن عقبها تنمسح من حياته ولا انسانه مجابلته ويقول يجبها ومتمسك فيها ونفسيتها تعبانه من الوضع ..؟؟
عزيزتي باختصار زوجج مو مايقدر زوجج مايبي ينهي علاقته فيها وواضح ان عاجبه الوضع وليلحين يبيها لان لو فعلا يحبج بكل بساطه يعطيها بلوك ودليت ولا من شاف ولا من دري
يعني شنو بتسويله لو غير ايميله او حذفها منه ..؟؟
حبيبتي خلج واضحه وصريحه معاه قوليله انا ولا اهي
اثنين بوقت واحد مايمشي عندي
تبي زوجه وتبي رفيجات مايصلح
انا ادميه عندي احساس وعندي مشاعر وحالي حال اي حرمه لها حق على زوجها اللي تسويه مايجوز شرعا ولا عرفاً
انت كنت تدرس وعشت ايام طيش ومراهقه هالشي يتطوف لكن الحين متزوج وعلى ذمتك مره وتبي تستمر بهالطيش فهالشي مايصير ولازم ينحطله حد

مع الاسف حبيبتي يوم قلت له بكل وضوح انا او هي ... قال شهالحركات السخيفه وكبري عقلج وهي بامريكا وانتي هنا عندي وقام يقول كلام مو منطقي

 

[little kitten]

عيالنا كلهم ادرسوا برع ولا عمرنا شفنا في فيس بوكاتهم ولا تويتر بنات

حتى لو كانوا مخربطين هناك بس هالاشياد ماترجع معاهم بلادهم

وللله انج على نياتج وطيبة
والمفروض مايفرط فيج

انا اقول ماله حاجة بفيس بوك ولا غيره .. ترى محد بيموت من غيره
خل يسكر الاكاونت وذيك اجنبية،، يفهمها باسلوب ان العلاقات هذي بعد الزواج بتسبب له مشاكل
وبعدين قلوا ربعه عشان يرافج هذي

مافي صداقة بعد حب ،،، اصحي يا قلبي

 

[little kitten]

مع الاسف حبيبتي يوم قلت له بكل وضوح انا او هي ... قال شهالحركات السخيفه وكبري عقلج وهي بامريكا وانتي هنا عندي وقام يقول كلام مو منطقي

لأنج تكثرين كلام معاه ،،، لا تنطرينه يبرر
قولي له عالتلفون اما انا او هي .. وعندك لين بكرة نفس الوقت بادق عليك وتعطيني ردك
اما تتركها او تتركني،،، وسكري التلفون على طول


وانبهج بعد مرة لاتعطينه مجال للكلام .. اذا طولها معاج قولي واخرها شنو ردك؟
لا تخلينه يضيعج بالكلام


انتي للحين صغيرة والحياة جدامج بس اذا هذي اولها الله يستر من اخرها

 

[عيـون المهـآ]

هلآ وغلآ حبيبتي

أولاً : الشباب الي دارسين برى غآلباً يكونوآ متهآونين في هـ الأشياء .. فـ لازم يكون بآلش طويل
مو بيوم وليله آهو بينسى كل شي !!
لازم تعطيه الوقت الكآفي عشان ينسى

ثانياً : المشكله الحآليه الي آنتي فيهآ آنه مو ( مقتنع ) بقطع علاقتهم .. يعني اذا الشي لما يتغير بدون قناعه
لازم بيرجع له ! لأن القناعه هي كل شي !

بالنسبه للحلول .. ( كوجهة نظر ) .. عليش بالبدآيه .. تنصحيه قول له آنت قبل مآترآعي شعوري وتحط هالصور !! خاف واخشى من ربك ..
من متى ربي يحل لينآ لمس المرأه سواء كانت أجنبيه أم عربيه !!
يعني ذكريه بربه وذكريه ان السالفه فيه جنه ونار !!
واذا قال لك ان هو بديره وهي بديره . . قولي له حط نفسك مكآني ترضى اكلم شخص سبق وكان حبيب لي بيوم من الأيام ومو بس كذا .. !!
الا احفظ صور مثل هالصور كتذكار عندي !!

والاهم لا تفكري تنفصلي عشآن مآضي له ..
عقل الرجآل مثل البيبي ... بشوية ذوق وحوار وشخصيه يعجب فيك
واكيد مآننسى الآناقه .. اهو صج للحين يكلمهآ بس نهآيتهآ بيمل منهآ
انتي بشطآرتش نسيه وخلي صورتش الوحيده الي ببآله

آلله يهدي زوجش ويسخره لش ..

وطمنينآ عنك :$

ودي ​

 

[فراحينو]

الله يعين بس والله تكلمت وقلت ترضا ولا ماترضى بس تعرفون اللي كانج تعبين جربا مشقوقه هو جذي

مابي منكم الا الدعاااااااااء الحين الله يصلح بينا ويهدي سرنا ويتمم لنا

 

[Roty]

والله لو انا بكون مثلج واكثر


انا ماعندي صديقه وحبيبه سابقه وهالخرابيط

مابي اشيشج بس انا بعد اغااار

الله يصبر قلبج ويهديه

 

[عيـون المهـآ]

يآقلبي .. آن شآء الله ربي يهديه ويسخره لش
ومآيشوف غيرش ملكه بعيووونه ​