انا اشوفها خيانه وهو لا ..... الصلح ؟؟؟؟

[عطاء أنثى]

ااااااااه



صج خربتي ع عمرج




شكووو تعتذرين منه




حلوه هذي






يعني يبيج زوجه. وهذيگ صديقه





انا مو احرضج عليه بس ابشرج انج خربتي على عمرج





مع الايام اي زعل بينكم بيطلع ويخليج انتي تراضينه




لانج علمتيه بحركتج هذي انج سهله وينقص عليج بسرعه (سوري بس اقولج الصج)





الله يسخره لج هذا اللي اقدر اقوله بس موفروض تستشيرين احد قبل تدزين له وتراضينه

 

[فراحينو]

الله يعوووضني باللي احسن منه ... الله يعطيكم العافيييه يا بنااات ماتقصرون
ولاتنسوني من دعواتكم مرضت بسبة هالسالفه ونفسيتي كل يوم للورا
الله يمسح على قلبي

 

[aloooya]

الله يصلح بينكم

 

[فراحينو]

مشكوره حبيبتي

 

[عاشت بلادي]

الله يوفقج ويفتح بينج وبين ريلج يااارب
حاولي تستشيرين اخصائين اجتماعين بهالموضوع وانا انصحج بالدكتوره سعاد البشر وايد ساعدتني

 

[طيــــــــــــف]

استخيري خالقك افضلك

 

[انثى عاشقة]

قريت موضوعك الاول والثاني وردودك
كل الي بقوله لك هذا ما يستاهلك
باجر لي تزوجتيه من اول مشكلة او هوشة
راح يطير لحبيبته القديمة
ع ابو انها تخفف عنه وتفهمه
ما راح يكون عندك عذر تقولين له منو هذي !!
بيقول لي خذيتيني وانتي عارفة ان لي علاقة قبلك
اساسا من جوة قلبه راح يسترخصك
راضية فيني وانا مسوي علاقة مع غيرها !!!!!
اناني ويبي كل شي
الرجال المحترم الي يخطب بنات الناس يترك كل خرابيطه
انتي وري صوره لأهلك واتركيه
وربي يعوضك كل خير
حسبي الله ونعم الوكيل في كل واحد يلعب ببنات الناس ​

 

[انثى عاشقة]

​

بالنسبة لسؤالك تعتبر خيانة ولا لا ؟؟
تعتبر خيانة ونصصصصصصصصصصصصص:eh_s(2):

 

[ورد]

الصراحة الموضوع بيأثر على حياتكم في المستقبل ،، ممثل دور العاشق الولهان الي مو قادر يجرح مشاعر بنت الحرام ويقول لها ان تزوج وخلاص علاقتهم لازم تنقطع
هم الي ما عندهم لا دين ولا مذهب اذا تزوجو قطعو علاقتهم بالبوي الفريند ،، واكيد بعد هالعلاقة الطويلة عرفت اطباع العرب وعاداتهم وخصوصا في هالموضوع ،، يعني ما له عذر ،، وكلش يعني الحين هي متعطلة عليه بتموت لو قطع علاقته معها ،، عادي كل يوم في حضن واحد ولا على بالها اصلا

الشي الواضح ان هو المتعلق فيها ،، وهو الي مو قادر يتركها ،، وبتتعذبي معاه في كل لحظة ،، في كل شي بيقارن وبيذكرك فيها ،، وكل مرة بيغلط بيقول عشت في امريكا وعشت في امريكا .. بتكون شماعة اغلاطه هالامريكا وانتي سكتي ولا تتناقشين معاه لان عاش في امريكا ،، خوش بداية والله ،، بدل ما يستحي على وجهه ويغطي ويستر على ماضيه حاط بلاويه عالفيس بوك ! لو فيه ذرة رجولة ما حط خرابيطه كل من يشوفه ، ما احترم اهله ولا اسم العايلة الي حاملها ،، ولا احترم زوجته الي هي انتي .. مو اول واحد ولا اخر واحد يخربط بس ما يجاهر علنا باللي سواه ، ولا يخلي الموضوع كأنه عادي ،، عمره ٢٩ وعاش ٥ سنين في امريكا ،، يعني يوم يروح كان عمره ٢٤ سنة نسى فيها التربية والدين والاخلاق في كم شهر ؟ (على اساس ان يعرف بنت الحرام من اول ما راح لما ساعدته)

فكري في نفسك اول ،، تشوفينه رجل تأمنين على نفسك عليه ؟

 

[ورد]

وبعدين اول مرة اسمع زوج توه مملك يزعل على خطيبته بالشهر ولا يبادر بالصلح حتى ؟ جايز لاقي له حضن ثاني لان العادة الرجل ما يصبر حتى لو مكالمات ، او الاحتمال الثاني ان شبعااااان من الامريكا حقته وهذا الي بتلاقينه منه على طول ،، احساس العروس لا تحلمين ان يحسسك فيه


والله قاهرني من جد حرررررررني

 

[al-musk]

والله انا اشوف انج سويتي الي عليج وبزيادة

 

[April 29]

السلام عليكم

اول شي الله يعينج وانا لو مكانج اقرر الانفصال لان انا توني عالبر
واذا وافقتي على صديقته وعلى كلامه لج ان ماقدر ابتعد عنها فجأه يعني معناتها بيبتعد عنها بعد سنييييين وبيقولج انا قلت لج ان ماقدر ابتعد عنها فجأه .. عاد متى بيبتعد اهوا كيفه لانج وافقتي ان يبتعد ببطئ
وثاني شي راح تصير بسهوله ان يكلم بنات جدامج وكل شوي بيقولج من امريكا من امريكا ومابينا الا صداقه وهو جذاب

وراح تعيشين بدائره الششششششششك كل ما سافر او كل ماتكلم بالتلفون برا البيت او كل ماطلع بروحه او خصوصا لي قالج بروح امريكا مع ربعي
يعني بتعيشين بعدم ثقه من بدايه زواجج ؟؟؟ ويع

وصدقيني بتتعبين ببدايه طلاقج منه لان اول حب بحياتج وصعب تفارقينه لكن صدقيني بالدعاء والصلاه بسهووووله بتنسينه بأقل من شهر ورببي انشالله بيعوضج الصالح اللي تكونين او حب بحياته

وبقولج ان هم ريلج وقح وقليل ادب وحيا
لانج انتي لو تارسه عينه وماليه حياته ومكفيته ومحترم الارتباط اللي بينكم جان ماحط رفيجته بالفيس بوك جدام خلق الله
وجان مارد عليج بهالوقاحه كلها وقالج كان بينا حب بأمريكا والحين صداقه
اقل رد تردين عليه تقولين ( مالت عليك انت وياها وتصكين الخط بوجهه ) لانه مو كفوووو
وتروحين حق ابوج تقوليله يبا انا ما ابيه لاني عرفت ماضيه وماتحمل اكون بهالموقف
ومستحيل احد يرفض انفصالج لان مادخل عليج
وان قالوا اهلج او ماقالوا او عارضوا انفصالج
قوليلهم ( انا الحين عالبر تبوني اكمل معاه ويدخل علي واجيب عيال وعقب يخوني وارد لكم وانا ام عيال ؟؟ ولا تبون ننفصل وانا عالبر ويخطبني بدال الواحد عشر ؟ )

وانا زوجي ترى نفس زوجج كان يدرس برا 5 سنين بدوله اوروبيه
بس المشكله بالملجه ماكنت ادري عن ولا شي وانا اساسا ماكنت انبش وراه لاني كنت واثقه فيه
توني عقب زواج سنتين ونص اكتشفت ان البنات الهيلق ملوت الدراسه لي الحين وياه لما خذيت موقف جدي وخليته يغير موبايله وخطه ويمشي عالصراط المستقيم ولا مايردني غير بيت ابوي الله يخليه لي وانشالله عاد يكون عند وعده لي ويتعدل
ولي الحين متحسفه اني مانفصلت عنه بالملجه لان كان بينا مشاكل بالملجه وكنت مفكره انفصل وتحملت
وكاني كليتها
مع اني اثق مليون بالاميه ان العوي عوي مايتعدل
بس مالي الا الدعاء

وانتي براحتج
هل موافقه تعيشين مع واحد انتي مو ماليه عينه وحياته ولا احترم الارتباط اللي بينكم ؟؟؟؟
وبعيشين على سالفه يممممممممممممممممممممممممممكن يتغير ؟؟؟ ويمكن مايتغير وتتطلقين بعد دخوله عليج ؟؟

فكري فكري فكري والله من كثر ما انتي مثل مشكلتي صج ودي انصحج ولاودي تاخذينه وتتحسفيييييييييييييييييين وخلاص لي فات الفوووووت ماينفع الصوت ولا ودي تتحسفين نفس ما انا متحسفه الحين
احس بالضبط بالضبط نفس مشكلتي بس انا خلاص ماقدر اتدارك وانتي الحمدالله تقدرين تتداركين وتحلينها وتخلينه يولي

ارد واقولج انتي الحين متردده وخايفه لان اول حب بحياتج وراح تتعبين بس صدقيني بأقل من شهر بتنسينه وبيكوووون ماضي

 

[om-3azo-83z]

الطلاق مو لعبه حاولي تروحين تمسكينه تقعدين معاه قعدت تفاااهم و بكل هدووء طلعي كل اللي بقلبج و مضايقج و قوليله شنو تبين يصير و الله يصلح امورج و ما تطلقين انشالله

 

[فراحينو]

الطلاق مو لعبه حاولي تروحين تمسكينه تقعدين معاه قعدت تفاااهم و بكل هدووء طلعي كل اللي بقلبج و مضايقج و قوليله شنو تبين يصير و الله يصلح امورج و ما تطلقين انشالله

ادري انه مو لعبه بس سالفة شهرين تقريبا هو مافكر يشنو الصح شنو الغلط او مافكر بشنو ممكن يسوي
واقف مكاااانه مو راضي يتحرك كانه كل ماقلت له هالشي حرام ومو زين يزيد يتمسك فيه عناااد
ليش ان الكل جالس يقوله من جهه

انا ماقدر اتحمل بصراحه دامه هوو ماتركها او مو ناوي يتركها وبيوم من الايام فضلها علي مع ان الحين صار عندها حبيب ثاني ولا عليها منه