انا اشوفها خيانه وهو لا ..... الصلح ؟؟؟؟

[فراحينو]

الله يكون بالغون مشكورين حبيباتي ولا تنسوني من دعواتكم بهالساعه

 

[گـحِـلْ |~]

ئي اذكر موضوعج

عادي ترى مشكلتج بسيطه بس لانها اول مشكله بحياتج فتشوفينها كبيره و صعبه
انا قلت لج بموضوعج طنشي و سوي نفسج ان الامريكيه مو هامتج
بس تكونين حريصه و يغضه يعني تسوين نفسج الموضوع مو مهم قدام زوجج لكن من وراه اكيد مهم و حاولي على قد ماتقدرين تجذبينه صوبج

الله يهديكم

معاهاااا

 

[رقـة الاحسـآس]

الله ايسر امورج

 

[فراحينو]

الله يكتب لي الخير

 

[كتكوته حبيبي]

السلام عليكم
مع احترامي للكل آنه ما ايد انج اتراضينه. آنه درست في امريكا 8 سنوات و للحين عايشه في امريكا. اقدر اقول 80 بالمئه من الشباب الكويتي و السعودي يخربطون بالجامعة مع البنات سواء كان عل خفيف او انهم يرتبطون اب علاقات مع البنات اهني. او هم في شباب مشاء عليهم عينهم بالارض مايطالعون و الا يسون اي شي حرام. موو عذر انه الواحد اذا عاش برا يتخلى عن دينه او تقاليد ديرته الي تربا عليها اكثر من عشرين سنه. او فوق هذا كله ترا الي عايش برا او كانت عنده علاقات ما تمله عينه بنات البلد. في النهاية هذا الانسان راح يكون ابو عيالج. وانتي ما راح اتكونين دايما رشيقة او كاشخة. بتييج ايام في حياتج راح تنشغلين بالعيال او مشاكل الحياة او في هل الاثناء راح يحن حق الامريكية. صراحة الشباب اليح اشوفهوم مستانسين لانه البنات اهني ما يطلبون و لا يتشرطون او دايما الشعر ناعم و بالشرة شحلاته فلا تقولين ما راح يقارن او يحن لها. مثل ما انتي صنتي نفسج لا ترضين ابواحد اقل منج في هل المجال. او مثل مايقولون البحر مليان سمج. الله راح يسخر لخ الي احسن منه. ترا لاتحاولين تبررين موقفه او حركاته. استخيري ربج او توكلي على الله. راح تتعبين معاه او كلامي عن خبره يا اختي

معاها خصوصا بسالفه الشكل مع الايااام لو اهملتي بيقارن وبيحن والله يكتب الي فيه الخير انشاء الله

 

[فراحينو]

أنا معاكم يأقلبي بس المسأله أكبر من مسألة شكل ....

 

[فراحينو]

بعد مرور شهرين من بداية سالفة الزعل

احب اقولكم ان الحمد لله على كل حاال اول شي وان شاء الله انها خيره

اخر اللي صار بالموضوع ان قبل يومين انا كنت راسله بالبيبي برود كاست ان اذا كنت مزعل احد لاتنام وهو متضايق تصافوا قبل لا تنامون
قام خطيبي رسل وحشتيني ... رديت عليه مايوحشك غالي ... بعدها سألته انا من اخر مره مافتحت معاك الموضوع وسكت وقلت بخليك على راحتك (لاتقولون كل هالفتره ماحسوا اهلج ... لان احنا ماعندنا زيارات وايد يعني عادي يمر شهر ماشوفه ..)) المهم الحين قولي انت شنو تفكر ... وليه بالذات الحين وحشتك ... قال لانج رسلتي البرود كاست وانا عارف انج متضايقه مني وانا جالس افكر شلون ارضيج بس اللي يرضيج صعب على خصوصا هالفتره لاني توني راجع من امريكا يعني مو معقول فجأه بقطعها ... وهي اصلا الحين باديه علاقة حب بس حتى لو كلمتها احنا مجرد اصدقاء مابينا شي ... وكلام وايد ان انا احبك وودي ارضيج بس تفكيري هالفتره متأثر ببرا وانا ماصلح لج وهالشي يعور قلبي ويزيدني هم واتمنى تكونين بحياتي بس ماني عارف شسوي و صعب هالشي اسويه الحين
وكل الناس ضدي انتي وامي واخواني ...وان انا ماني كامل واللي يبيني يرضى فيني بعيوبي وحتى لو قلتي ترضى اني اكلم واحد غيرك اكييييييييييييييييد ماراح ارضى ولا ابي حتى يخطر ببالي الموضوع وادري اني غلط وانتي الصح ....

هذا كلامه اخر شي قلت له انا احبك ... وانت سو اللي يريحيك بس ماتقدر تجربني امشي معاك بهالطريق
وانتهى الكلام بيناااا



بنات شرايك خلاص اطلب الطلاق ؟؟؟؟؟ ولا استنى شوي مابي اقول لاحد من اهلي لان لو صار نصيب وكملنا مابي يطيح من عينهم

 

[&&&&&&&&]

الماضي لا تفكر فيه

لا يقتلها الشك وبس

ودي وتقديري​

 

[فطوم 84]

شوفي والله من تجربه انا جربتها ((كرري اللهم لاسهل الا ماجعلته سهلا وانت تجعل من الحزن ان شيت سهلا)) كرريها وايد لو٩٠ مره بقلب صادق بتشوفين الحب بينكم يرجع هذا الدعا سبحان الله يحل اي مشكله والله في موضوع كان صعب صعب بنظري وكررت هالدعا وانحل بسهوله اقسم بالله بس كرريه واييد وانشالله الله يصلح اموركم ويسخر زوجج لج حبيبتي

 

[فراحينو]

مشكورين ياقلبي انتوا
ولله ماتقصرون
بس انا بحييييييييييره مرات يكسر خاطري ومرات اتذكر كلامه عنهااااا
يعني شلون ابدا حياتي مع واحد يكلم حبيبته السابقه
صحيح ان الحين هي صار عندها حبيب ثاني وهوو خلاص بس اللي بينهم مكالمات كل مابين البين
بس بعد ماااااااااااااقدر

 

[*peace*]

استخيري

بس حطي ببالج بتعانين من هالسالفه طوووووول عمرج بعد ماتتزوجينه الا ماشاء الله وهداه وترك هالسوالف !!

 

[كويتية222]

اختي اهو استعيل لما خطبج لانه لايزال في دوامة المقارنة بين حياته بامريكا والسعودية يعني الاخ عباله امريكي !!

يبي كل شي هناك يكون عنده بديرته !!

ولو انه ناوي فعلا يفتح صفحة يديدة بحياته كان عطاها بلوك وحذف حفاظا على مشاعرج وعلشان يبدا حياة زوجية صح

لكن للاسف اهو عايش الدور انه عاشق ويبيله وقت علشان ينسى لاخر الفلم المصري !

اهو مخربط وياها وكانت القريل فريند مالته =زاني بتقولين ظلمته بقولج لا والا هالادمية بتصبر عل علاقته فيها من غير جنس!!

اذا كلمج في موضوعها قوليله انت الان هنا واهي انتهت من حياتك بلعها بهالشي وانك كشرقي تحب تبدا حياتك الزوجية

صح ومن غير صور نساء بمتصفحك ع الفيس بوك لان زوجتي بشوف وبتقرأ كل شي وما تبي شي انتهى يأثر ع حياتي وياها

وخلج قوية قلب واملي عليه شروطج بقوة منطقك ​

 

[فراحينو]

الله يعييين يارب خر لي واختااااااااار يارب ياكريم

 

[فراحينو]

اااااااااااااااااب

 

[love love]

مافي شي اسمه حياتي كانت جذيه وماقدر اقطع عنها فجاه ليش؟ من اهلك ولا شنو


خل يختار يا انتي يا اهي

واكيد بيقول انتي

انا ماابي اشيشج بس لاني بامريكا وشايفه بعيني سوالف

اذا من الحين تجرآ وقالج ماقدر باجر بييلج دايما من باب انا كنت بامريكا وكنت بامريكا

مااقولج غيريه بس اقل شي يمسحها ماله داعي علاقات بنات

 

[يارب يطيب عبود]

احنا كذا نخرب على انفسنا ما نسوى شي كامل ( ترا مر بس انتي اغلب الحريم)
تحركنا العاطفه
يعني يوم زعلتي عليه المفروض اهو يراضيك مو انتي اللي تراضينه وش حقه رايحه بتراضينه لا وفوق كل هذا بعد يدلع
حبيبتي اهو واحد من اثنين يأما بيعودك يزعلك وبعدين يطنشك لين تراضينه
يأما انتي تعودينه انو يحط لك اعتبار ويحسب لتصرفاته الف حساب قبل مايسويها ويقدرك ويراضيك اذا زعلك

انا اقول خليه لين يجي اهو ويراضيك وانتي طنشيه هالفتره وحتى اذا كلمك كلميه عادي لازم لا تمشين السالفه الا اذا راضاك

 

[brettey]

قولي له انا بعد ابي يكون عندي صديق ما اظن انك تمانع مافيها شي انت فري ومتفهم ولا عادي تحلل على نفسك وتحرمه على غيرك
وشوفي رده
ما اشيشج بس مو حجه هذه انا بامريكا كنت وكنت اي شي

 

[غنج اهلها]

تراكلها 5 سنوات ومسوي فيها تاثر

ماعليج منه عوابه رجاجيل ولعب

شدي عليه وهذا من الحين قالج جذي حبيت وصفحته متروسه بنات

بصراحه لومكانج ماصبر وربي يعوضج بلي يستاهلج

 

[بعد روحي]

ألعن أبو الهممممممممممممم كتبت رد اشطوله وانمسح
آنه ما ارد عالمواضيع وايد بس دشيت خصوصي افيدج ابتجربتي
المهم فتحي عينج وعقلج معاي آنه صاحبة تجربه
تزوجت خايب الرجا وكان يحب وحده تقدم لها اهلها رفضوه وماقدر ينساها
ساعات حتى يغلط باسمي! .. ويبي يعزمها على عرسي!
على بو ان بيقهرها
ووقح وشين وقوي عيييييييين اموريني رسايلها وهداياها
حتى معطته عطر مايستخدددددددمه يقول مالي قلب!
ومن يحطون اغنية اهيه اتحبها قام يتبجبج يعله مايسكت
وفوق هذا راعي رفيجات
من اطلع معاه هالرفيجات يتحذفون علينه ويسلمون عليه وضحكهم يوصل للحدود البحرينية السعودية
هذا غير الضيم والظلايم اللي شفتهم من اهله حسبي الله ونعم الوكيل فيهم

الله وكيلج سنة وحده وتطلقت منه عطيته 2000 دينار وجهازي وأطقم ذهبي بس ابي افتتتتتتتتتتك منه
عقب الطلاق حفا يبيني اردله ومارديت ماخلا واسطة ولا داهيه الا ويابها عشان ارد
وياني بيتنا ويه اهله يبوني ارد قلتله لو عساك آخر رجال مارديت لك
نصيحة ومن تجربه لا تاخذين واحد اتعرفين ماضيه وفري جذي وراعي رفيجات
لا تخلين الفاس يطيح بالراس
آنه تزوجته وعمري 19 يختج وبعد سنة تطلقت منه وألحين عمري 22 وامطلقه!! تخيلي..

ننننننننننننننننصيحة مني لا تجازفين بعمرج

بنات ادعولييييييي الله يعووووووووووووووووووووضني خير

 

[أم عزيـز]

اهو بنفسه قال انا ما اصلح لج !!

يعني يناقض نفسه الله يهديه
وكرر انه ما يقدر يغير طبعه والطبع هذا الي عاجبه وما يقدر يغيره حرااااام وما يجوز شرعا

يعني معناته اذا كان مدمن خمر وشرب يقولج ما اقدر اقطع هذا طبعي وانا توني راد من امريكا !!


والله اخو زوجي قعد بأميركا 8 سنين ماشاء الله عليه الحين دكتور بالجامعه
ومتدين ومحترم وما عنده خرابيط ولا بنات ولا غيره

فلا يقنعج ان سالفه عيشته بأميركا سبب انه يسوي هالسوالف
من الحين خليه يكون واضح معاج بيقطع علاقته ولا بيكمل بالحرام !!

علشان ما تنصدمين اكثر باجر وتلقين عنده بدال الصديقه 10
وما يقدر يقطع علاقته فيهم