امي مدري شفيها علي ؟؟!!

[نجود بنت محمد]

،

مرحبا بنات

الصراحه انا محتاره اول مره امي جذي تكلمني :eh_s(16):

اول شي انا موظفه و ما صدقت اتوظف عشان اشتري كل الي كان بخاطري فيه

انا ليش درست و تعبت عشان استانس بحياتي في معاشي

اليوم امي قالتلي جم فيه رصيدج بالبنك قلت 5 دنانير

قالت ليش وين معاشج قلت شريت جنطه شوبارد بـ 580 خاطري فيها و ما بقى من معاشي
الا ميه و شوي عاد راحت وين ما ادري سبحان الله الفلوس تروح و حنا ما ندري عنها

قعدت تهاوشني تقولي المفروض الرجال يصرف عليج و معاشج ما تحركينه الحين المفروض رصيدج فيه
الفين و طالع :eh_s(11):

انا و زوجي ساكنين بشقه بايحار وهو يدفع الايجار و هو ما يقصرررررر والله حييييل

اي شي ابيه ما يقولي لا ...حرام انكره و هو طيب

قلتلها هو مو مقصر معاي قالت ادري انه مو مقصر بس المفروض ما تصرفين معاشج

و انا بنات بس اصرف معاشي على ملابسي بس

يعني اشتري بدل و جناط و جذي كله من معاشي

لانه هو بسرعه يطير معاشه نروح نشري اغراض للشقه من الكتونيات و اشياء و يطير
حتى ساعات يقعد من غير شي

قالتلي امي عادي الرجال يعرف يجيب فلوس لا تقولين حرام ما عنده

خليه حتى بالملابس يدفعلج !

بنات شنو اسوي

ابي الحين المتزوجات الموظفات شلون طريقتكم كل شي يدفعه الرجال و معاشج ما تحركينه؟

وربي تضايقت اليوم من امي حسستني انى غبيه و ما افهم

حطيت حرتي فيه قلتله متضايقه بالبي بي قالي اشفيج قلتله ما عندي فلوس و عليه فاتوره تلفون

استغفر الله جذبت على طول دق علي قالي اشفيج انا عندج اي شي محتاجتله قوليلي ما عليج انا ادفعلج

كسر خاطري

و الحين امي صح كلامها و الا شلون ؟؟؟؟؟
​

 

[Om fhoood]

لاااااااا حرام عليج اللي سويتيه بالريال

جم عمرج انتي ياهل ماتعرفين الصح من الغلط تمشين ورا كلام امج ؟؟

اوكي امج وعلى عيني وعلى راسي ولازم ترضينها بس ترى ريلج هم بعد ربج يحاسبج عليه خافي الله وربي نرفزتيني

سوري ادري انتي محتارة بس اعتبريني اختج وزفيتج عشان تتعلمين

ريلج زين لا تفرطين فيه وربي يوفقكم مع بعض ترى الماديات اذا دشت بين الاثنين اختربت حياتهم

مافيها شي لو ساعدتي ريلج وساعدج الوالدة ماتعرف ريلج مثل ما انتي تعرفينه انتي اللي عايشة معاه وتحكمين اذا كان ريلج زين ويستاهل ولا لا

وبعدين انتي موظفة اهوا مو مجبور بكمالياتج الواجب عليه الايجار والامور المهمة اما جنطة بمادري جم وساعة بمادري جم مو مجبور الريال اذا مو قادر

عقلي وتعوذي من ابليس ولاتسوين جذي مرة ثانية وماله داعي تقولين حق الوالدة كل صغيرة و كبيرة ترى مو كل الامور تنقال

 

[روان المطيري]

عيين العقل ^^

 

[بطوووطة$بيضة]

عفوا الله راح يحاسبها انها اطلبت فلوس من زوجها؟؟؟؟؟؟!!!!!!!!


حبيبتي المفروض زوجها شهريا يعطيها مصروف لو خمسين دينار وهالشي بالشرع انا مو يايبه الحجي من عندي

والريال ماقالها قولي شنو محتاجة الا عنده مو ناقصته فلوس

بس اتتي حبيبتي مسكي ايدج شوي اذا عاجبتج جنطة ولا ساعه اخذي بالمعقول ولا دشي جمعية

 

[مستحيل اخونك]

لا انا ابدا مو مع امك مافيها شي لو شريت بفلوسي اشياء ليه لنفسي

وزوجي لو طلبته مابيقول لا وكمان عادي لو تساعديه

الحياه مشاركه

طيب

فرضا جمعتي وبعدين اش بتسوين

الحياه مره وحده عيشي حياتك الفلوس ما بتروح مع الواحد قبره

تمتعي ومتعي زوجك

والله يوفقك

​

 

[Tulips]

مع احترامي لامج ولغيرها من الحريم لانه في وايد يفكرون بنفس طريقة امج

الريال مو ملزوم بالفشخرة والكماليات اللي خاطرج فيه .. دامه قاعد يوفرلج اساسيات الحياة لا تكلفين عليه اكثر .. والله في حريم رياييلهم يغصبونهم يحطون من معاشاتهم مفروض اتقدرين هالشي من زوجج

المهم ..

اللحين الدنيا تغيرت .. وصارت المرا مو بس تصرف على نفسها وهم تساعد ريلها بمصروف البيت .. لانه ظروف الحياة تغيرت وصار في غلاء .. امج معاها حق مفروض ماتطيرين معاشج مره وحده .. يعني اذا عاجبتج جنطه غاليه مو ضروري تشترينها بنفس الوقت جمعيلها جم شهر ولا انج اتقصرين على روحج فجأه .. بس غلط تضغطين على الريال وممكن تخلينه يتسلف بس علشان يوفرلج كمالياتج وانتي رصيدج بالبنك عامر !! بالعقل يعني !!

انتي سوي كنترول على نفسج مو الا تشطحين .. اذا بخاطرج شي غالي ابدي جمعيله من مده علشان ترتاحين .. سوي استقطاع شهري من معاشج 200 مثلا وخليهم على صوب وبعدها راح يتكون عندج مبلغ حلو

الحياة مشاركة و منطق امج غلط

 

[إحساس شرقاوية]

اوووووووووو نفس مشكلتك اناااااااااااا

امي سوتلي مشكله مع زوجي وسبب هالموضووع

انصحك لاتقوليين لآمك كل شي نصيحه مني لك

انا لليوم عاني من هالموضوع امي وزوجي مايكلمون بعض وسبب ان انا تهاوشت معاه اني سمعت كلام امي وهو عرف ان امي الي

وازتني عليه

اذا زوجك مو مقصر معاك ولا يآخذ منك واذا خذ منك عاااادي بس حاولي ماتصير كل مره

الله يعينك

 

[نجود بنت محمد]

،


اووووف و ربي ريحتوني

مشكلتي ما اعرف اتصرف

و انا هم اقول جذي الحياه مشتركه و الواحد يستانس و يعيش حياته​

 

[سكوتي بذوقي]

انتي تصرفين على نفسك موعليه

لو عليه بقول مع الوالده حق الله يخليها لك ويطول بعمرها

 

[الجوهرا]

استغفرالله انا ليش اتوظف عشان اخش فلوسي ولا ادلع نفسي الله اذا رزق عبده يبي يشوف نعمته على عباده وماله داعي امج تدري بالداخل والطالع امي على عيني وراسي بس خصوصيات بحياتج المفروض ماتدري عنها

 

[popa]

اهو عليه الايجار والماجله و معاش الشغاله ومصرف العيال
انتي عليج من نفسج فقط لا غير
وشيكرن

 

[ملكة البيت]

بصراحه امج تصرفها غلط
هذي امج على عيني وراسي طيعيها
بس بصراحه من هالناحيه كلامها غلط
يعني مو كل شي على الريال
اذا صارت الحرمه تشتغل زين تتساعد ويا ريلها
وتشتري كل اللي خاطرها فيه
قولي لها امج طيب معاشي ايش اسوي فيه !
يعني اخزنه بالبنك وخلاص !
قولي لها طيب انا يكون في نفسي وخاطري اشياء واجد اشتريها مايصير انفه عن نفسيو اشتري كل اللي ودي فيه !
انا اعتقد والله اعلم امج تبيج تعطيها من معاشج
ولا ايش يدخلها في فلوسج
هذي فلوسج وانتي حره فيها
المهم اذا استلمتي المعاش عطيها كم ورقه عشان تسكت الله يهداها <<يعني جم دينار
لانها احسها تبي فلوس من عندج
الله يهديها لج

 

[اميرة انفاسه]

يوه لحووووووول لاتخلين امش تسبب مشاكل بينش وبين زوجش صحيح امش وواجب عليش تطيعيها بس في اشياء واشياء مب في كل الاشياء
نصيحه تلاشي هالسالفه جدام امش يعني لما تروحي تزورينها وتكلمش بهالسالفه ضيعي السالفه وتلاشي وتجاهلي الموضوع
وبعدين حرام هذا رجلش يعني لاشسمه لا تسوين معه شذيه ترى خطا تصرفش بالاخير روحي استسمحي منه وقولي له انا جنت امزح معك
واضح زوجش يحبش ويغليش واللي عنده ماهو له واللي بجيبه لش وامش على راسش بس بهذا الشيئ لاتطاوعيها قولي لها فلوسي فلوس زوجي وفلوس زوجي فلوسي لافرق بيننا
وقولي لها انا مو قاعده اصرف على زوجي او البيت قولي لها انا قاعده اصرف على نفسي عشان اكشخ لزوجي باللي احبه غيره لا
وانصحش لو قبضتي راتبش عطيها فلوس شكلها زي ماقالو تمبي فلوس امش

 

[اميرة انفاسه]

وقولي لها معاشي يروح مع غلاء السوق يعني قولي لها انا لما اشتري جنطه او ساعه او شي خاطري فيه يكون غالي وينزعب رصيدي بالبنك وتروح فلوسي
والعمر بتعيشيه مره مو 100 مره لاتطاوعي كلام غيرش سوي اللي انتي تشوفيه صح هذا افلوسش انتي ومن حقش تفسفسيهم على كيفش ماحد له دخل فيش
تقبلي ردي وربي يوفقش

 

[[ نور عيني ]]

:


البنآت ما قصروا ..
و أمج على العين والراس ..
بس تفكيرها غلط ,
والحياه مثل ما قلتي مشاركه ..
ولا تقولين حق أمج جم رصيدج ،
وعيشي حياتج اشتري اللي تبين واللي خاطرج فيه ..
ا

 

[دآنة آلرشآيده]

حبيبتي المره تساعد زوجها مافيها شي
حسب كلامج زوجج كفو ومومقصر وياج بشئ
لو نقصته فلوس عادي ساعديه مافيها شي

امج مثل اي ام تخاف على بنتها
لان شكثر بنات رياييلهم ماخذين عليهم قروض
وقاصين عليهم لاتلومينها من حقها تخاف عليج ​

 

[some one waw]

مع السنين راح تعرفين ان امج معاها حق

فعلا لازم يصرف عليج والزوج لو بحاجة او ازمة فعليه وصج >> اهني ممكن تساعدين

 

[ورد]

الزوج مو ملزوم يوفر الكماليات الي نتفاخر بها قدام الحريم ،، الزوج في نظره شنطة ام ١٠٠ دينار تكفي وزود بعد ،، احنا ما تملي عينا صراحة ،، فهميها هالشي ..

 

[أحلى البشر]

لااااااا حرام عليج انا ابدااااا مو مع امج والمثل يقول اذا حبيبج عسل لاتلحسه كله الريال مو مقصر بواجباته باجر لين شافج طمعانه بفلوسه وماتجيسين معاشج بينحاش ساعتها خل تنفعج نصايح الوالده الله يحفظها
واهو مو ملزوم بكشختج عندج راتب اشتريلج فيه كل اللي خاطرج فيه اهوا له مصروفانه من اجار وماجله وطلعاتكم وغيره
الحياة مشاركه وعمرها البيوت ماتعمر جذي الحياة اخذ وعطا
وانتي صح لاتغيرين نظامج والاحسن لاتسولفين لاهلج عن حياتج الخاصه افتكي وسلمي على بيتج وريلج

 

[Mrs Al-Nasser]

حق شنو تخشينهم يعني ؟
اوكي الريال لازم يصرف عليج وعلى البيت
بس مو ملزوم يصرف حق كشختج وجناط وملابس
يصرف على البيت وعالاغراض وكل شي

اما اشيا زايده عن اللزوم وبس حق وناستج عادي انتي تشترينها من فلوسج
خو اهوا مو قاعد ياخذ من فلوسج او انتي قاعده تصرفين عالبيت عشان جذي امج تزفج :eh_s(1):

شحقه المعاش عيل
حق الوناسه والتكشخ

ما عليج حبيبتي الحياة مشاركه
ودام ريلج الحمدلله مو مقصر عليج ويصرف عليج وعلى البيت بس هذا المطلوب منه
اما الباجي اذا في خاطرج شي ثاني كلش عادي انج تدفعين على روحج
انتي قاعده تدفعين فلوس حقج وحق وناستج مو حقه : \

والله يخليكم حق بعض :eh_s(7):
​