امي مدري شفيها علي ؟؟!!

[أم عزيـز]

حبيبتي لا تخلين احد يدخل في حياتج حتى لو امج او ابوج
دامج تقولين الريال مو مقصر وما ياخذ من معاشج ولا فلس
يعني الريال حقاني وما غلط

ولا تخلين احد يشيشج على زوجج دامج مرتاحه معاه

وعلى فكره الريال مو ملزوم يشتري حق مرته ساعه او جنه ب500 وفوووووق !!
اهي تبي شي غالي تشتريه بفلوسها وما تقدر تجبره يشتري لها هالشغلات

الا اذا الشي متعلق بأثاث البيت او المصرف او الاكل هذا لازم يصرف على مرته
بس لبس ماراكات ولا ساعات وجناط هذي كماليات الريال مو مجبور يشتريها
المره عندها معاشها تشتريها واهلها مالهم حق يسئلونها شنو سويتي في معاشج ووين وديتيه

انتي قولي حق امج مره ثانيه زوجي ما يقصر معاي وانا مرتاحه معاه
وهذا معاشي كافي اني اصرفه على وناستي وراحتي

حاولي تصيرين عون حق زوجج لا تصيرين عليه فرعون
تره للأسف بعض الامهات يضيعون بناتهم بنصايحهم اللي تهدم بيوت
حتى لو البنت مرتاحه مع زوجها تقولها نصايح ما منها الا خراب البيوت

 

[فاطمه زوجة كريم]

معليس كل انسىن عنده اسرار
تعلمي كيف تكون لج خصوصيةة وأمك صادقه لازم تحوشين لك
تشترين أرض او شيء بكره تحدك الظروف يكون لك شيء


بس بصرآآحه مافي احسن من انك ترضين بزوجك ولا تخلين أحد يحسسك
انه منقص عليك

عآدي أذآ معه بيعطيكك
لاتكوني أنسانه تخآف من الفقر

ماحد ميت من الجوع واّا مآت يومه
وماحد يضمن مستقبله

أعرف لك وحده خشت فلوسه وحارمه اهله وبناته
اخراته كرهت حياته

 

[فـدوه]

أمج كلامها غلط, الريال مسكين مو ملزوم بجناطج و هدومج كافي مسؤلياته و اذا بيجمع حق طوارئ او بيت. حطي بالج تضغطين عليه وايد رياييل كرهوا حريمهم و السبة هالسالفة. و كا شوفي ريلج ماقصر دق و قالج اعطيج. حافظي غلى بيتج و ريلج و خففي صرف, تشترين جنطة بهالمبلغ و انتي معاشج مو وايد قوي, عالعموم عليج بالعافية بس لازم المره تخش جزء من فلوسها حق امور هالدنيا.

 

[Patcholli]

امج غلطانه ..!!واذا سمعتي نصيحتها بتخربين بيتج وبتكسرين ظهر زوجج ويمكن تطيحين من عينه ويقول مشفوحه ومو شايفه خير

خليني اكلمج بصراحه مثل ما اكلم خواتي او ارفيجاتي .. بدون مجامله ولازعل ..

اوكي قلبي ..؟؟

اولشي الريال ملزوم يصرف على زوجته بس مو مفروض انه ينتف روحه عشان كماليات ..!!

اهو يعطيج مصروفج الشهري وانتي عندج معاشج ولازم تعيشين على قد اللي معاج ..

تبين تجمعينهم كيفج تبين تصرفينهم هم كيفج ..

واكيد اذا قصر معاج ماراح يقصر بس مو معناته انج تحملينه فوق طاقته ..!!

ونصيحه مشترياتج والي بخاطرج خليها اخر الشهر ..

اشتري الظروريات واذا بقى معاج فلوس لي اخر الشهر اشتري فيه جنطه ولا ساعه مو مشكله ..


بالنسبه لي هاذي طريقتي ..

احط مصرف زوجي اللي يعطيني مع معاشي اما اصفر منه او اني اخشلي مبلغ معتبر

اما احط فلوسي بالبنك واقوله تعال عطني مصرف واشترلي جنطه اب 600 دينار وساعه اب 1500 و بدل الوحده مو اقل من 200 دينار لا والله وين قاعدين شالمنطق ..؟؟

لما كنتي فبيت اهلج ابوج كان يقولج خشي معاشج واهو يعطيج ويقولج روحي اشتري جنطه ولا كنتي تشترين من معاشج ؟؟

اكيد كنتي من معاشج وابوج يعطيج مصرف بسيط

فليش النظره لازم تختلف مع زوجج ؟؟

وجان زين على اشياء مهمه على كماليات واشياء تافهه ..

اشتري جنطه كل 3 او 4 شهور مو لازم كل شهر وانتي ماعندج وتقعدين حافيه اخر الشهر .؟؟ ماتسوى ..​

 

[خوووخه w]

ترا مافيها شي تساعدييييييييين زوجج ليش امج ماجتها فتره ساعدت ابوج اكيييييييد ساعدته هذا زوجج حرام يمكن مايكون عنده يحتاج وبعديييييييين ترا حرام تقطين معاشج على جنطه ماتسوا ترا ربي راح يسالج عن كل فلس وين صرفتيه جمعي فلوسج ترا الدنيا صارت تخرع وكل يوم يزيد الغلا اكثر راح يجي يوم تحسفين على كل فلس قطيتيه على جنطه ولا شحاطه حق لبستين وقطيتيهم والله يهديج حبيبتي

 

[FJ style]

حبيبتي لا تسمعين كلام احد
لا احنا ولا حتى الوالدة الله يخليها لج
انتي وزوجج ترتبون حياتكم بروحكم
اذا اهو مسكين على قد حاله ويدفع الاجار واغراض الشقة ووو ومو مقصر الحمدلله
وقايم فيج ويحبج ويغليج
خلاص لا تخربين بيتج بايدج
وانتي ما توظفتي الا عشان ترتاحين وتاخذين راحتج

حمدي ربج مالج شغل بمصاريف البيت
انا وحدة كل شي احط مع زوجي فيه من اجار واغراض بيت ومصاريف واقساط المدارس ووو
والحمدلله عايشين ومرتاحين
اذكر اغلب هوشاتنا قبل بسبة تشيش الاهل قوليله وسويله وخليه يسوي وووو
هذا اللي يخرب

اقول عقلج براسج وتعرفين خلاصج
محد فينا قام يدخر ويخش له بيزتيج
والوالدة عبالها معاشج الف والفين وعبالها انتي من بنات اول نفنوف نفنوفين وخلصتي
ماتدري شنو بلاوي الكشخه هاليومين

يبا لا تفتحين موضوع مع زوجج
وسالفة لازم يعطيج 50 بالشهر
اقول
كا تروحون سينمات ومطاعم وووو ولا يخليج تدفعين وهذيل يطلعون اكثر من الخمسين شنو خدامة انا يحط بيدي 50
انا عندي استانس بمعاشي واعينه بالبيت ولي احتجت قلت له عطني
احسن من ان يعطيني شي بيدي وماكو غيره

 

[الدانه 123]

مفروض شرعا ان الريال يصرف عليج حسب قدرته. لو كنتي مليونيره. لازم يعطيج فلوس كل شهر مب شرط وايد المهم يعطيج شي
بس اذا انتي غنيه وعندج راتبج مافيها شي تستانسين فيه. بس انصحج تيمعين مبلغ معين كل شهر للدنيا. ماتدرين شنو يصير وتحتاجين. يكون عندج

 

[!الجادل الصعب!]

باختصار
معاشج لج .. تصرفين منه علا روحج مو عليه هو ..
قصرج شي اخذي منه من حقج مو عيب ولا حرام

 

[white soul]

شوفي اختي ..

الادخار جدا ضروري .. كل شهر شيلي من معاشش 100 دينار ع الاقل
وخففي صرف على الشنط والمظاهر

وحاولي لين طلعتي مجمع او مكان تاخذين شي على حساب زوجشش تنورة او بلوزة
او يعطيش مصروف حق لبسش حتى لو بسيط واقل من معاشش
بس مو تكسرين ظهر وتخلصين معااشه



​

 

[english muffin]

لاااااااا حرام عليج اللي سويتيه بالريال

جم عمرج انتي ياهل ماتعرفين الصح من الغلط تمشين ورا كلام امج ؟؟

اوكي امج وعلى عيني وعلى راسي ولازم ترضينها بس ترى ريلج هم بعد ربج يحاسبج عليه خافي الله وربي نرفزتيني

سوري ادري انتي محتارة بس اعتبريني اختج وزفيتج عشان تتعلمين

ريلج زين لا تفرطين فيه وربي يوفقكم مع بعض ترى الماديات اذا دشت بين الاثنين اختربت حياتهم

مافيها شي لو ساعدتي ريلج وساعدج الوالدة ماتعرف ريلج مثل ما انتي تعرفينه انتي اللي عايشة معاه وتحكمين اذا كان ريلج زين ويستاهل ولا لا

وبعدين انتي موظفة اهوا مو مجبور بكمالياتج الواجب عليه الايجار والامور المهمة اما جنطة بمادري جم وساعة بمادري جم مو مجبور الريال اذا مو قادر

عقلي وتعوذي من ابليس ولاتسوين جذي مرة ثانية وماله داعي تقولين حق الوالدة كل صغيرة و كبيرة ترى مو كل الامور تنقال

m3ahaaaa

 

[حبيبي مالكني]

هاي امج لا تزعلينها بس لا تسمعين لها
معاشج اذا صرفتيه على روحج لاهو عيب ولا حرام
وريلج ما ياخذ من معاشج يعني الحمدالله اهو ريال مو عينه على معاشج

 

[&&&&&&&&]

قوليلها طيب ولا تزعلينها

اذا سألتكي مره ثانيه قولي عندي رصيد بالبنك كذا كذا

لا تدمري بيتك اسمعي كلامي ما راح احد ينفعك

سايريها واكسبي رضاها

افهمي وانتي ذكيه تفهمين

ودي وتقديري​

 

[رنيم الروح]

حبيبتي اسمحيلي اقولك انتي مبذره يعني انقول راتب شهر تشترين الي تبينه الراتب الي بعده لا تصرفينه شيليه والرجال خفي عليه شوي اذا مو مقصر حمدي ربك ولا تكرهينه فيك بكثر الاسراف مو كل شي لازم ينجاب او نشتريه وخافي الله فيه يعطيك مصروف ماقلنا شي بس مو كل شي نفسنا فيه نشتريه مره وحده لا بالتدريج يصير يعني لا تحرمين نفسك منشي ولا تبذرين مره وحده

 

[مولي؛]

انتي تصرفين على نفسك موعليه

لو عليه بقول مع الوالده حق الله يخليها لك ويطول بعمرها

 

[كيكه توفي]

مع احترامي لامج ولغيرها من الحريم لانه في وايد يفكرون بنفس طريقة امج

الريال مو ملزوم بالفشخرة والكماليات اللي خاطرج فيه .. دامه قاعد يوفرلج اساسيات الحياة لا تكلفين عليه اكثر .. والله في حريم رياييلهم يغصبونهم يحطون من معاشاتهم مفروض اتقدرين هالشي من زوجج

المهم ..

اللحين الدنيا تغيرت .. وصارت المرا مو بس تصرف على نفسها وهم تساعد ريلها بمصروف البيت .. لانه ظروف الحياة تغيرت وصار في غلاء .. امج معاها حق مفروض ماتطيرين معاشج مره وحده .. يعني اذا عاجبتج جنطه غاليه مو ضروري تشترينها بنفس الوقت جمعيلها جم شهر ولا انج اتقصرين على روحج فجأه .. بس غلط تضغطين على الريال وممكن تخلينه يتسلف بس علشان يوفرلج كمالياتج وانتي رصيدج بالبنك عامر !! بالعقل يعني !!

انتي سوي كنترول على نفسج مو الا تشطحين .. اذا بخاطرج شي غالي ابدي جمعيله من مده علشان ترتاحين .. سوي استقطاع شهري من معاشج 200 مثلا وخليهم على صوب وبعدها راح يتكون عندج مبلغ حلو

الحياة مشاركة و منطق امج غلط

كلامها صح

 

[ام الدرر]

نصيحه حبوبة
مو كل شي ينقال للوالدة
اذا سالت قولي لها عندي خير
والحمدلله
واذا اصرت جذبي باقي لي 200 ولا 300
واذا زوجج مو مقصر وياج
حاولي تجملينه بعيون امج
وذكري دايم ان شرالج هالشي ودفع لج للشي الفلاني
وتحاشي تنتقدينه ولو على شي بسيط
والله يتمم عليكم
​