امهات الاطفال المعاقين سمعيا........

[منـــار]

السلام عليكم كيف الحال بنات ان شاءالله بخير وبصحه وسلامه بكنب لكم مشكلتي مع طفلي لان ثقتي فيكم كبيره وادري انكم ما راح تقصرون معي.............. انا ام لبنتين و ولد اللي اهو صاحب المشكله ولدي معاق سمعيا وفيه ضعف سمع شديد من الولاده بس ما اكتشفناه الا بعد ماصار عمره سبع اشهر وركبنا ه السماعه العاديه في عمر سنه ونص ولا استفاد منها ويوم صار عمره سنتين ونص سوينه له عملية زراعة القوقعه اللي هي جهاز الكتروني داخل الراس وظيفته مثل القوقعه الطبيعيه واللحين الحمدالله يلبس السماعه و يروح مركز سالم العلي وعنده جلستين في الاسبوع واللحين الحمدالله صار احسن عدى مرحلة الاصوات وبدى بالنطق وصار يميز اسمه اذا ناديناه ويميز اصوات ماشاءالله
اللي ابيه منكم تساعدوني بافكاركم وخبرتكم لاني ابي اشد عليه في البيت وشنو الالعاب اللي راح يستفيد منها وتنمي عنده حصيلته اللغويه وابيكم تساعدوني باحسن الحضانات والمراكز الخاصه والمتخصصه للفئه هذي واللي نعرف اخصائيه نطق وتخاطب تجي البيت تعطيني رقمها ............. ويلا بنات همتكم اللي عندها طفل نفس حالة ولدي او تعرف ناس عندهم نفس اللحاله خلووووووووووونا نتناقش ونفيد ونستفيد وحياكم الله.........

 

[الصابرة المحتسبة]

الحمدلله إن وليدج تعافى وبدا العلاج وإن شاءالله الخوات اللي عندهم نفس الحالة يتواصلون.

 

[منـــار]

اي والله الحمدالله بفضل الله ان العلاج متوفر عندنا بالكويت وعلى حساب الحكومه واغلبية الدول يسوونها بس على حساب الاهالي والله يخلي لنا شيخنا ويطول في عمره ويحفظ ديرتنا اللي مو مخليه علينا قاصر...............ز

 

[الدلوعه2008]

حبيبتي والله ما ادري انا كنت ابي اسوي عمليه قوقعه بس قالولي راح تكون نفس السماعه ما راح يختلف شيء عرفتي بس شلون راح فهم صوت للي وراء ما رح فهمه فعشان جذي ماسويت العمليه ادام قالولي نفس السماعه بس تلبسينها 24 ساعه كل يوم فهذي صعبه علي انا

مشكلتي اني سمع صوت بس ما فهم صوت اذا ينادوني من ورا احس ينادون غيري عرفتي فانا اسمع صوت عدل وفهم اذا يكلموني من جدام

كل ناس غير يا الغاليه

 

[منـــار]

اهلين اختي الدلوعه بالعكس من يقول ان عملية زراعة القوقعه نتايجها نفس السماعه العاديه بالعكس يرجع السمع للمستوى الطبيعي ولو كانت نفس المستوى ليش الناس يسوونها وما قصرت اختي على الرد.............

 

[منـــار]

بناااااااااااااااااااااااااات اللي ما عندها رد على الاقل تدعي لولدي وترفع الموضوع
ومشكوووووورررررريييييييييييييييين ما قصرتوااااااااااا.............

 

[منـــار]

للرفع
للرفع
للرفع

 

[رتو الكيوت]

انا تخصصي اعاقه سمعيه الله يخلي ولدج ويشفايه يارب


مممممممم في لعبه استخدمها شوفي جيبي سيدي فيه مجموعه اصوات وسيدي فيه صوررر وبالكميبوتر خل يلعب مثلا يسمع صوت ويختار صورته فهمتي علي ؟ ووتنطقين انتي اسمه او الجهاز ينطقه وهو يتدرب وانتي لما تتكلمين معاه وضحي مخارج الخحروف بفمج


حاولي تدربينه شغلي صوت الاذان قول يالحين وقت الله اكبر صلاه بس هو حبيبي صغير اتوقع سنيتن مو

بس اصوات الحيوانات وصورهم ينفع حقققه

السيديات انا اسويهم اصوات كمبيوتر والصور اناا استخدمهاا خارجيه وفي برامج ع الكبيوتر سيديات تعليميه روحي للمكتبات ودوريهم وروحي للمعاهد المراكز طلبي سيديات تعليميه لهالفئه متوفرات ترى

وعززيه حسيه بالثقه وترى مو كل شي بسرعه علشان ماتعصبين وتنظغطين

ايه صح شوفي مراكز التدخل المبكر يطورونه بسرعه :eh_s(6):


وحبه حبه ولدج يصير احسن من العاديين يارب :eh_s(6):




كتبت بسرعه وماقريت عدل الردود وراي اختبار بس قلت برد عليج







موفقه يارب

 

[توت وتين]

أسأل الله العظيم رب العرش الكريم أن يشفي أبنك وتقر به عيناك


في حضانة بالخالدية اسمها البستان خاصة بضعاف السمع

وإلي نفس حالت ولدك اتصلي عليهم وبالنسبة لتخاطب فيه

دكتورة كويتية عندها مركز لنفس الحالات الجلسة ب10 دنانير

اسمها مدينة جمعة وهذا رقم مركزها أذا ما تغير 25625399

ولا تنسينا من صالح دعائك

 

[منـــار]

مشكووووره اختي رتو الكيوت ما قصرتي والله يعطيج العافيه وبالنسبه للسيديات اللي قلتيها وين القاها بالضبط لاني شريت سيدي مؤثرات صوثيه وطلعت اصوات من غير صور ووين مكان مراكز التدخل المبكر وشنو الالعاب التعليميه اللي اقدر اشتريها له ويستفيد منها ومشكوووووووووووره اختي مره ثانيه ..............

 

[منـــار]

مشكوره اختي توت وتين ما قصرتي وبالنسبه للحضانه اللحين ماشيين بأوراق التسجيل وراح ندخله السنه الجايه ان شاءالله وراح ادق على المركز واخذ موعد عندهم ان شاءالله والله يوفقج اختي وينولج اللي ببالج.............

 

[رتو الكيوت]

منار
انا اركب الصوت والصوره


شوفي هالموقع كل الاصوات الي تبينها فيه http://www.alsound.com/index.php

واشتريت سيدي صووووور اطفال مجموعه حيوانات مجموعه سيارات ادوات مطبخ اذان الخ


الصور طبعتهم وحطيتهم بورق مقوى من المكتبه سويتها وووالاصوات حطيتها بسيدي والاطفال يسمعون وويرتبون الصور


ومره شريت العاب على حيوانات وسياره شرطه وهم يسمعون ويجيبون اللعبه انتي خليها بالالعاب سمعيه الصوت قولي اليوم بنلعب اي لعبه ؟

يجيبها لج العبي معاه قولي له كلمات وهوو حبيبي سنتين صغير ترى العاديين يالله يتحجون بسس عوديه ع الاصوات وكلمات يقدر عليها شوي شوي


وانتي روحي للمكتبه قولي ابي العاب حاسب تعتمد ع الصوت وشوفي السيديات ومراكز التدخل المبكر بالكويت مدري وين بالظبط لاني ادرس بالسعوديه بس باجر بجي اان شالله للكويت


سالي البنات هنا اكيد عندهم خبر احرصي ع التدخل المبكر علشان يجتاز المشكله بشكل ممتاز






ايه صح سمعيه مثلا صوت وانتي قلدي الصوت قولي يالله حبيبي سو زينا ؟

شوي شوي انتي سمعيه وهو يقلد علشان يركز

مثلا صوت تصفقيق صفقي وخليه يصفق صوت ضحك صوت سياره شرطه صوت قطوه :ggdw:

 

[رتو الكيوت]

والعفوووووو

 

[الصابرة المحتسبة]

عسج على القوة أختي رتو

 

[بناتى هم حياتى]

اختى والله فرحت لمه شفت موضوعج نفس حالت بنتى زارعه قوقعه بس بالندن من سنه والحين تكلم وتغنى وعوووووووووووووووووبه فديته انا عندى ثلاث بنات وهى الكبيره عمرها الحين 3 سنوات بس لمه الزرعت القوقعه كانت سنتين وبناتى الباقى الحمدالله مافيهم شى وبالندن طلبت منهم اعرف سبب فقد السمع مااااااعرفو بس الحمدالله الى الله فرحنى بكلام بنتى انا عندى تواصل كبير مع نادى زراعه القوقعه ترا يفيدج بنتى ادربه بالبيت وعندها مدرس بالسبوع مرتين وهم سالم العلى بالاسبوع مرتين بس المدرس احسن من السالم العلى ياااارب لك الحمد بنتى من اسرع الاطفال الى تكلمو الانها ذكيه مشاء الله عليها من كثر مايسولفون فيها الى يدربونها يدقون على اولياء امور يسألون عن بنتى وطريقت التدريب يارب لك الحمد بس انا من زرعت القوقعه حق بنتى وانا ادربها والله انى اشترى لها قصص والعاب كلها تعليميه كل شهر بحدود الميه غير المدرس صج تعبت حتى نبرت صوتى تغيرت من كثر مادربها حتا وانا بسياره اقولها شوفى سياره كبيره سياره حمره باص ونا بالجمعيه هذا علج هذا بطاط هذا عصير بس لك الحمد يارب شفت ثمااار التعب وانا ساكنه مع اهل زوجى وطبعن هى البجر ولكل طاير فيها وهذا شى يساعد خخخخخخخخخخخخخ حتى الهنديات يعلمونها وجدها وحموانى وهى اجتماعيه يااااااااحياتى ومزيزنه بعد الله ياخذ ويعطى بنتى انها حيل دلوعه عند بيت حمولتى وهلى وطبعن غير دلع ابوها لها فوق الخيال عشان جذى اهم شى عليج انج اتخلينه اجتماعى ولا تعزلينه وترا عمود الفقرى حق النجاح زراعه القوقعه التتدريب والبرمجه ونصيحه برمجى عند دكتوره امينه وعلى فكره الاسبوع الجاى تبى تجى فكتوريه من الندن مبرمجه شااطره والحين انا ارتحت من التتدريب مو كثر اول خلاص قامت هى تلقط اى شى خل اقولج مثال يعنى امس هى تشوف بارنى حيييل تحب بارنى وانصحج فيها ترا يعلم لأطفال واختها كانت واقفه قدام التلفزيون جان تقول حق اختها واخرىىى وانا مو معلمتها وخرى قامت تلقط اى كلمه بس والحين ى تعرف تعد من الواحد الى الخمسه وتعرف الالوان احمر اصفر اخضر ازرق اسود وردى بنى وتعرف تغنى بس موكلمه كامله تلحن مثل لالالا طيور الجنه ترا هم حلو حق الاطفال وتقول اعضاء الجسم وتعرف عماته كل وحده تقولها عمه بأسمها يعنى تتعتبر جمله تقول كلام وايد يعنى انوع اطعام ترسم وجه وعين وانف واذن ترا الى بسن ثلاث سنوات مايعرف يرسم هذا من فضل ربى انتى شدى على ولدج ترا اهم شى اول ثلاث السنين بنت رفيجتى طبيعيه بس بالكلام بنتى اشطر وهى تلبس حفاضه وبنتى قاطه الحفاضه يعنى اللحمدالله هى ماشيه بالعمر اما عن الحضانه انا مانصحج بالبستان دخليه روضه عاديه

 

[منـــار]

مشكووووووووووووووووووووره اختي رتو الكيوت والله يجزاج خييييييييير ما قصرتي علمتيييييييييييينيييييييييي اشياء كثيره ماكنت اعرفها وانتي اللحين اخصائية نطق وتخاطب ولا توج تدرسين ومشكوووره اختي مره ثانيه...................

 

[رتو الكيوت]

العفو حبيبتي منار اناالسنه الجايه تخرج ان شالله


وصح في لعبه تذكرون لعبه تلفون مقطوع!!!

الي نقعد دائره ونقول كلمه وكل واحد يقولها باذن الثاني لينتوصل لررئيس انها شنو الكلمه !!!!!!!!!!!!!!!!

ترى هاذي تفيد بس صغير ولدج استخدميها لاكبرررر خل يلعبها مع اخوانه ولا خواتج وانتي معهم تخليه يبييركز شيسمع

العب بالترفيه مفيد حيييل علشان مايزهق ولدج

وصح كلام بناتي خليه اجتماعي يعني في العاب لا تركزين عليه هوبس جيبي اخوانه خل يلعبون معاه ويقولون الاصوات علشان يتشجع مايحس ان هو بروحه شمعنى ؟ ويحس بنقص وبالمره علشان يتحمس واصلا بيقلدهم لاشافهم




مغافى يارررررررب انشالله

 

[رتو الكيوت]

الصابره تسلمين لي يارب

 

[توت وتين]

الله يبارك لكم في أطفالكم ويارب تفرحون فيهم


منار شكرا على الدعوة الطيبة الله يجزاك خير

 

[الصابرة المحتسبة]

إعداد :
محمد علي الجلاب
مشرف وحدة السمعيات
ميسوم محمد علوان
أخصائية سمعيات


تعريف الضعف السمعي:

تتمثل في عدم القدرة على سماع الكلام والأصوات الأخرى بالعلو الكافي أو عدم القدرة على فهم واستخدام الكلام حتى عندما يكون مستوى العلو كافياً.

أسباب الضعف السمعي:

- إصابة الأم بالأمراض أثناء الحمل مثلاً( ا لحصبة الألمانية).

- تناول الأم للأدوية أثناء الحمل.

- أسباب وراثية.

- الولادة المبكرة ( قبل أسبوع (32) من الحمل)

- نقص الأكسجين عند الولادة.

- نقص وزن المولود ( أقل من 1500جرام).

- إصابة الطفل بالأمراض المتلازمة.

- العيوب الخلقية في تركيب الأذن.

- إصابة الطفل بالحمى الشوكية، ا لحصبة، النكاف، أو التهابات الأذن المزمنة.

- التعرض للأصوات العالية جداً.

- الأورام.

- عامل التقدم بالسن.

أنواع الضعف السمعي:

ضعف السمع التوصيلي:

ينتج عن خلل يصيب الأذن الخارجية والوسطى مع وجود أذن داخلية سليمة وتكمن المشكلة في توصيل الأصوات إلى الجهاز التحليلي في الأذن الداخلية.

ضعف السمع الحسي العصبي:

ينتج عن خلل يصيب الأذن الداخلية ولا تكون المشكلة في توصيل الصوت وإنما في عملية تحليله وتفسيره

ضعف السمع المختلط:

عبارة عن ضعف سمعي مشترك يتضمن الضعف السمعي التوصيلي والحسي العصبي وذلك نتيجة لوجود خلل في أجزاء الأذن الثلاثة.

النوع المركزي:

يحدث حين تتأثر مراكز السمع في الدماغ نتيجة الحوادث أو الأمراض وليس بالضرورة أن يؤثر على مستوى علو الصوت ولكنه يؤثر على مستوى فهم الكلام.

بعض العلامات التي يمكن للأهل ملاحظتها لدى المواليد المصابين بالضعف السمعي:

- عدم استجابة الطفل للأصوات العالية المفاجئة مثل إقفال الباب، صوت الجرس ، الهاتف أو ما شابهها.

- عدم استجابة الطفل عند مناداته بإسمه.

- عدم استمرار الطفل في المناغاه حيث أنه لا يستطيع سماع صوته مما يؤدي إلى فقد اهتمامه باستعمال الأصوات والمناغاه.



المشاكل الناتجة عن ضعف السمع:

عندما يحدث الضعف السمعي نتيجة لأسباب ولاديه أو لأسباب حدثت بعد الولادة أو مع التقدم في السن وتهمل ولا يتم التدخل وعلاج ما يمكن علاجه دوائياً أو جراحياً أو تأهيلياً فإنه قد تحدث أو تنشأ المشاكل التي تؤدي إلى حدوث مشاكل أكبر وهي باختصار كالتالي:

المشاكل اللغوية:

تأخر نمو اللغة مما يؤثر على عدم القدرة السليمة للاتصال بالآخرين مما يسبب المشاكل التعليمية والاجتماعية.

المشاكل التعليمية:

ينتج من ضعف السمع المهمل ضعف التحصيل العلمي مما يسبب التأخر في التعليم وضعف المستوى الأكاديمي ويؤدي إلى مشاكل نفسيه واجتماعية ومالية … إلخ.

المشاكل الاجتماعية:

القدرة السمعية المهملة قد تؤدي إلى عدم قدرة الاتصال بالمجتمع أفراداً وغيرهم فيؤدي إلى الانعزالية وبالتالي إلى الإحباط والمشاكل الاجتماعية في عدم فهم أو التعامل مع المجتمع أو الأفراد ويؤدي إلى حالات نفسية خطيرة.