الي عيالها ب الابتدائي :: شخباركم مع الرياضيات ::

[أم أنور]

رد: الي عيالها ب اولى ابتدائي :: شخباركم مع الرياضيات ::

اي والله يا بنت الكويت انا اللي غاثني النمط حده امعقد واشلون بفهمه ولدي

 

[ديرتي الغاليه]

رد: الي عيالها ب اولى ابتدائي :: شخباركم مع الرياضيات ::

آآآآآآآآه لاتشتكون لي ابجييييلكم ........

انا لمن سألت المدرسه الرياضيات والانجلزي انهم يمشون بسرعه بالدرووووس ما يمدي الياهل يحفظ حرف او رقم الا مطامر علي الارقام والكلمات الثانيه ردوا علي قالوااااااا هذا من الوزاره هذا اللي علينا كل يوم حرف او رقم <<<<ياعمري علي بنيتي عز الله ماراح تطلع من الثانويه هذا اذا طلعت من الابتدائي

 

[نووووونا]

رد: الي عيالها ب اولى ابتدائي :: شخباركم مع الرياضيات ::

انا شايفه ان منهج اولى احسن من اول

يعلمونهم الجمع والاعداد بطريقه حلوه ,, عكس اول بس يعطونهم الارقام من 1 الى 10 بس الشكل وشنو الرقم


احس الحين احسن الطفل بهالعمر عنده استيعاب ومستعد يتعلم ,,

بس سالفه الكتب هذى انا اؤيد كوين من ناحيه كمية الكتب ,,,

رياضيات 2ودفتر مربعات

علوم 2

عربى 2 غير دفترين

انجليزى 2 ودفترين هوم ورك وواح للصف

اسلاميه 2 مع القران

مهارات 3

وطنيه 1

حاسوب 1

كراسه رسم 1


وهلمممممممممممم جراااااا الله يعين ظهورهم يا بعد عمرى هالاطفال ,,,,,,,

 

[أم عبووووود]

رد: الي عيالها ب اولى ابتدائي :: شخباركم مع الرياضيات ::

انا ماعرف كتب اولى ابتدائي القديمة لان عيالي كانوا بالخاص لكن اشوف المنهج الحالي واااايد حلو بس يبي له ابله شاطرة وتعرف شلون توصل المعلومة لليهال وشدوا حيلكم مع عيالكم وشوي شوي بتتعودون والياهل والله ذكي بس يبي اللي يفهمة والا عيالنا كل شي يعرفون واذكيه

الله يوفق عيالي وعيالكم

 

[توت عنكبوت]

رد: الي عيالها ب اولى ابتدائي :: شخباركم مع الرياضيات ::

انا احترت مع ولدي اعلمه العد عالأصابع ما فهم

بس لما درسته على خط الأعداد استجاب وفهم ؟

احنا بعد بالمستقبل ثنائية اللغة بس ما ياخذ الرياضيات انجليزي؟

 

[وافية*]

رد: الي عيالها ب اولى ابتدائي :: شخباركم مع الرياضيات ::

توت منو الي تدرس ولدج؟؟مس ندى
انا واللة ولدي بمدرسة المسقبل وانا مدرسة رياضيات بس ماني مععتمدة على طريقتهم بخط الاعداد احس وقفوا مخ الولد انا صراحة اعلمة الجمع بالاصابع العدد الكبير يحطة بمخة والصغير بايدة ومشتغلة علية احفظة اسماء العدد عشرة لانها اهم شي بعدين راح يحتاجها بالطرح والجمع باعادة التسمية والباجي احس مافي شي عادي المنهج...اللة يعين اللي عيالهم بثالثة انا اعاني من البنات والامهات:0bee2e8d89:

 

[malekatsabaa]

رد: الي عيالها ب اولى ابتدائي :: شخباركم مع الرياضيات ::

انا عندي باولى وثالثه ابتدائي

بصراحه واااايد اايد تغيير المناهج .. وحدي استانست ..لان المناهج القديمه حدها تقليديه وعتيييقه
بالبدايه تعقدت..بس تابعت عيالي وتعبت وياهم وفهمت المنهج ومن اول اسبوع انا قاعده ببلعوم الابله ..

تر الرياضيات من المواد الي يبيلها مدرسه شااااطره بغض النظر عن صعوبة المنهج وتعقيده ..
ومتاااابعه من ولي الامر بشكل غير منقطع بتاتاً

 

[mooomooo]

رد: الي عيالها ب اولى ابتدائي :: شخباركم مع الرياضيات ::

هذا مو منهج ياباني

اللي وصلني

انه الدكتورة نوريه الصبيح عطتهم منهجيبن للموجهين

منهج لبناني ومنهج امريكي

قالت لهم شوفولي ايهو الاسهل

عقب الدراسه اكتشفوا انه اللبناني اسهل وقالولها


قالت عيل طبقو الامريكي ههههههههههههههه


وصاجين البنات ولدي يوم كان بالمعالي قريد 1 كان ياخذ نفس الشغلات وبالانقليزي وكنت اقدر ادرسه

بس الحين بالعربي صعععععععب حده بثانيه ابتدائي

المشكله انهم يطبقون وبسسسسسسسسسسسس

يعني المفروض يتدرج اولى ويصعد معاهم هذا اولن

ثانين عيالنا لازم يكونون متهيئين من الروضه

ولازم نهيئهم عدل

مثلا قالوا بطبقون الانقليزي بالرياض

حلووو وااااايد حلووووو

بس منو بدرس ؟؟؟؟

طبعن ابله الروضه وموراضين ييبون ابلات انقليزي

انزين اشلووووون ابلات الروضه بدرسون الانقليزي ؟؟؟؟

هذي لغة لازم اللي بدرسها دااارسها عدل

اهيا مو بس احرف واعداد وارقام


لازم المجادثه قبل كل شي

بس على قولتكم للخلف سرررر

 

[xxx]

رد: الي عيالها ب اولى ابتدائي :: شخباركم مع الرياضيات ::

المنهج حلوووو وترى نفسه بنتي تدرسه بالانجليزي ومفهوم >> لان المدرسات عارفين له ومطبقينه عدل

بالعربي >> المصطلحات غريبه والشرح مو شي

احنا اهون على الاقل خذوه من 1ب الله يعني الي ب2 و3

 

[سفيرة العشق]

رد: الي عيالها ب اولى ابتدائي :: شخباركم مع الرياضيات ::

بفهم شنو هالنمط اللي علونا فيه ؟؟؟

 

[lolo77]

رد: الي عيالها ب اولى ابتدائي :: شخباركم مع الرياضيات ::

ما اقول الا الله يعينا
ويعين اليهالوووو عل الدراسه مساكين

 

[xxx]

رد: الي عيالها ب اولى ابتدائي :: شخباركم مع الرياضيات ::

نورتو الموضوع

 

[السنعة2]

رد: الي عيالها ب اولى ابتدائي :: شخباركم مع الرياضيات ::

النمط يعني الطريقة او الاسلوب المتبع!!!!!!!!!!!!!!!!!!

 

[بنت البحرين]

رد: الي عيالها ب اولى ابتدائي :: شخباركم مع الرياضيات ::

انا مع الاخت كويتيه صغيره

بس المشكله في الروضه يتخرجون مايعرفون غير الرقص والاغاني
لا يعرفون الارقام ولاحافضين شي من القرآن ولاحتى اسمهم يكتبونه

يعني لازم دخلين الطفل روضه خاصه

 

[المقروده]

رد: الي عيالها ب اولى ابتدائي :: شخباركم مع الرياضيات ::

المنهج انا اشوفه حلو ومطور بس يبيله ابله شاطره

 

[قصص شتى]

منهج الرياضيات الجديد ( عطينا رأيك فيه يا ولية الأمر)

السلام عليكم ورحمة الله

تعتبر مادة الرياضيات من أهم المواد العلمية الأساسيةونظراً لهذه الـأهمية القصوى وما تم من تغيير في مناهج الصف الأول والثاني والثالث
أود أن استطلع رأيك كولية أمر في المنهج الجديد:

1_ هل يواجه ابنك صعوبة في فهم المنهج بشكل عام ؟
2_ ما هو تقييمك للمنهج بشكل عام
3_ هل انت قادرة على متابعة ابنك في المنهج

وشكراً لكم مقدماً

 

[@ NIGHT_STARS @]

رد: منهج الرياضيات الجديد ( عطينا رأيك فيه يا ولية الأمر)

وعليكم السلام ورحمة الله وبركاته

آنا مو ولية أمر بس مرات أدرس بنت اختي بأولى ابتدائي

اللي اشوفه ان مناهجهم مصعبينها وظاغطينهم فوق طاقتهم وعمرهم

بس هي الحمد لله ما تواجه صعوبة فيه بس وايد وايد يعطونهم اشياء حرام توهم صغار

 

[omajiad]

رد: منهج الرياضيات الجديد ( عطينا رأيك فيه يا ولية الأمر)

المنهج مو منهج أولى صح قاعدين يعطونهم كل شي بالتدريج بس الدرس ما يعطونه حقه يعني درس جمع الثلاث أرقام بس حصه وحدة ...

 

[^SwEeTa^]

رد: منهج الرياضيات الجديد ( عطينا رأيك فيه يا ولية الأمر)

انا بنتي في أولى ابتدائي .. و راح أجاوب لج على الأسئلة:


1_ هل يواجه ابنك صعوبة في فهم المنهج بشكل عام ؟

و الله بنتي كانت تواجه صعوبة في بداية السنة لأن مدرستها الله يهديها ما كانت متمكنة .. حظرت لها حصة و انا ما فهمت اشلون اليهال؟؟
لكن الحين لا الحمدلله وايد فرقت علي .. أشوفها قامت تفهم لأن المدرسة اللي مسكت الصف هالفترة وايد مستواها أقوى من الأولية ما شاء الله عليها ربي يوفقها.

2_ ما هو تقييمك للمنهج بشكل عام؟

المنهج قوي .. و تراوالي يوسع مدارك الطالب .. لكن العيب بالتطبيق

3_ هل انت قادرة على متابعة ابنك في المنهج

انا عن نفسي لا و الله ماني قادرة أفهم بنتي شي .. لأنه يبيلي أفتح دليل المعلم .. كل ما أفتح الكتاب ما أفهم شنو المطلوب .. لأن الشرح مو بالكتاب .. الشرح كله بدليل المعلم!

 

[^SwEeTa^]

رد: منهج الرياضيات الجديد ( عطينا رأيك فيه يا ولية الأمر)

اقتراح: يا ليت يسوون لنا كتيب صغير للمناهج اليديدة و يسمونه (دليل الأهل) يلخصون فيه الهدف من كل درس و طريقة التدريس .. مو شرط بالتفصيل .. حتى لو رؤوس أقلام بس .. و لا هالهيصة اللي احنا فيها .. محنا فاهمين شي!!