الي عيالها ب الابتدائي :: شخباركم مع الرياضيات ::

[وسومه الحلوة]

رد: منهج الرياضيات الجديد ( عطينا رأيك فيه يا ولية الأمر)

لا والله موشي احس ولدي ضايع فيه يعني شنو يقعد يفكر بشي مبهم مستواه يبيله شي تمهيدي قبله اهم غيروا بدون مقدمات ومنو الضحيه عيالنا

 

[شيــوخه]

رد: منهج الرياضيات الجديد ( عطينا رأيك فيه يا ولية الأمر)

صراحه منهج الرياضيااااااااااااات بلمره مو شييييييييي

واليهاااال مو فاهمين شي على المدرسه الي جدامهم ومستواها صراحه

منناحيتي انا لا والله مااتابعها برياضيات لانه يلوع الجبد بس احلى الواجب الي عليها ومرات ابوها ولا مرات انعرف المطلوب ومرات مانعرف شنو المطلوب

والله يسامحهم على هلمناهج عمومتا مو بس الرياضيات

 

[لمار اسماعيل]

عيل الله يعينكم بعدين بثالثه ابتدائي المنهج اصعب فيه ضرب وقسمه وبلاوي ثانيه ىنا عندي توم اولاد يعني اطلعت عيني الا شوي
والمدرسات اي كلام ما يهمها فهم الطالب والاما فهم مو مهم....؟!

 

[سيدة الكويت]

عيل لو تشوفين المنهج الأمريكى للرياضيات شنو تقولون من (صعوبته) ولا شئ هذا يمه

 

[طير الحب]

اااااااااااااااااااااااااااااااااااه ماساه

من جم يوم عطونى استدعاء اول مره والسبه هالحساب مال العباقره

شنو جنه فيزيا

والله اقرا واقعد ساعه افكر عشان اطلع الجواب

 

[أم عقول]

قلبتوا المواجع أنا معاناتي معانات مع الرياضيات وكاسرة خاطري بنتي اذا ما فهمت درس تبجي من الإحباط

 

[انامل كويتيه]

اي والله بنات لعبوا بمنهج الرياضيات لعب حرام عليهم والله حرام احنا اللي قاعد نتعب صج تعبنا وانهد حيلنا

صدمونا مره وحده جك بم غيروا الرياضيات والعلوم لييييييييييييييش؟ قاعدين يحطزن مناهج فوق مستوىالطفل

ما ادري بطلعون فطاحل والله العظيم وصلت لمرحلة الاكتئاب والبجي اذا حسيت اني عاجزه عن تدريسهم

تخيلوا اولى وثالثه ورابعه اشرح واعيد مره يستوعبون ومره لأ ومره ما عندي وقت الحق على منو والا منو؟

لاااااااااااااااااااااااااااااااااااااااااااااا والعلووووووووووووووووووووووووم

الفصل الاول مرحلة نمو الضفدع شرغوف شيطلع شرغوف؟؟؟؟؟؟؟؟؟؟؟؟ والله العظيم انا الي دارسه وموظفه عمري ما سمعت

ان الضفدع اسمه شرغوف في بداية النمو ؟؟؟ والله قمت اقول يالله راحتي اقط معاشي على هالمدرسين واقول الله يستر على مناهج السنه

اليايه يقولون بغيرونها واااااااااااااااااا ويلااااااااااااااه

 

[كويتيه فنتك]

ياليل مطولك..
المناهج وايد صعبه..
وتوجد فيها بعض النقاط اللي لم يكن لها حسبان في عقل ولي امر الطالب.
بصراحه ..وبدون خجل..
بنت اخوي ومع الاعداد 11و21 وطرح ومرات جمع قمت انا وياها مو بس نستخدم اصابع يدينا..حتى اصابع رجولنا صاروا يدهرون ويانا الله يعزكم؟؟
بصراحه طرق مادري من وين جاييه.
بس الله يعينهم.

 

[كويتيه فنتك]

اي والله بنات لعبوا بمنهج الرياضيات لعب حرام عليهم والله حرام احنا اللي قاعد نتعب صج تعبنا وانهد حيلنا

صدمونا مره وحده جك بم غيروا الرياضيات والعلوم لييييييييييييييش؟ قاعدين يحطزن مناهج فوق مستوىالطفل

ما ادري بطلعون فطاحل والله العظيم وصلت لمرحلة الاكتئاب والبجي اذا حسيت اني عاجزه عن تدريسهم

تخيلوا اولى وثالثه ورابعه اشرح واعيد مره يستوعبون ومره لأ ومره ما عندي وقت الحق على منو والا منو؟

لاااااااااااااااااااااااااااااااااااااااااااااا والعلووووووووووووووووووووووووم

الفصل الاول مرحلة نمو الضفدع شرغوف شيطلع شرغوف؟؟؟؟؟؟؟؟؟؟؟؟ والله العظيم انا الي دارسه وموظفه عمري ما سمعت

ان الضفدع اسمه شرغوف في بداية النمو ؟؟؟ والله قمت اقول يالله راحتي اقط معاشي على هالمدرسين واقول الله يستر على مناهج السنه

اليايه يقولون بغيرونها واااااااااااااااااا ويلااااااااااااااه

هههههههههههههههههه اضحك الله سنك ..
شغرشوفه؟؟
هههههههههههههههههههه ايوالله صاجه ...
بس ربي يعينج ويعيننا..

 

[happysun]

[انا الصراحه كاااااااسر خاطري هالجيل لا من مناهج ولا من معلمين اللي الغالبيه بدون ضمير وانا عن نفسي سميت المناهج الجديده ( انتقام أمرأه ) اصحي ياست نوريه ولا اتسمعين الموجهات او المدرسات الاوائل كلهم بنافقونج سألي اولياء الامور اللي اتطقهم الطوف مو عارفين شنو يسوون مع عيالهم مع هالمناهج التحفه اهم شي المعلم ثم المعلم ثم المناهج تعبنا والله تعبنا ,

 

[um khaled]

وليدي في اولى ابتدائي وطالعه عيني من المنهج واغلبيه الصفحات مو مهمة وولدي مضيع يقول 18 19 بعدين عشرتعش بس يللا ما بقى شي عالسنه

 

[bedour18]

عبالي بس انا اللي متوهقة من منهج الرياضيات

ابيييييييييييييييه مأساه مو عارفه اشلون اشرح لولدي

 

[Um_3boud]

انا والله العظيم ان بصير فيني ضغط من رياضيات على طثر ما كنت احبه وهو تخصصي كرهته من كثر ماهو يدوخ وما ينفهم
انا مره سالت ابله بنتي شلون اراجع حق بنتي الماده ردت وقالتلي خلي نفهم احنا شلون افهمهم وبعدبن اعلمج شلون تراجعيلها
موحرام هذا التاسيس الي باسسون الاجيال القادمه الواحد ما ادري وين يشتكي وشيقول

 

[كويتية صغيرة]

الموضوع هذا من كثر مايؤلمنى شاركت فيه للمرة الثانية

خواتى احس وايد تبالغون

شدعوة
لازم المناهج تتعدل و تتطور للأقضل و مايتناسب مع عصر التكنلوجيا

عيل لو تشوفون مناهج المدارس الخاصة .....شنو تقولون

يعنى انا معاك بالنسبة لنا احنا كبار و تعودنا على المنهج القديم و هذا جديد علينا
انزين شنو نسوي ...... بدل مانقعد نتحلطم

عندك كذا شغلة تساعدك بالشرح و انا اطبقها مع عيالي:

* اذا موقادرة اشرح الدرس لولدي ..... اذا صادف درس صعب .... اكلم الأبلة و احاول اشوف طريقة شرحها ..... و بعدين اكتشف انه بمنتهى السهولة ..... و احنا الحريم كله نصعب الأمور بصراحة

* علشان مانظلم المناهج ، انا عندي الاثنين المنهج القديم و الجديد ، الجديد مطور جدا ..... لكن عيبه انه مضغوط و دروسه كثيرة ..... بهالحالة انتى لازم بالعطل تسوين تمارين حق ولدك لتثبيت المعلومة اكثر

* علشان نكون منصفين لأن في بنات يقرون الردود و يخترعون .... ياخذون انطباع ان المناهج سيئة ...... حرام هالكلام شدعوة مو لهالدرجة .........مو كل الدروس صعبة ..... يعنى مثلا منهج اولى : 9 طيور على الشجرة ....طار منها 5 .... كم يتبقى .......(اذا عملية طرح)

* في دروس كثيرة نفسها نفسها .... موجودة بالمنهج القديم (مثل الجمع و الطرح و الأرقام من 1 إلى 100 ) ..... لكن زادت المسائل الحياتية و هذا أفضل للطفل حتى يطابق الرياضيات بالواقع ...... مو نفس ايامنا حشو الأرقام بدون تطبيق بالواقع ، .........احس المنهج الجديد يشغل مخ الطفل أكثر و يعتمد على مسائل من الواقع : يعنى مثلا أيهما أطول مشبك الأوراق الصغير أم القلم ..... أكيد القلم أطول ....... دروس قياس الساعة كلها مفيدة و من الواقع ..... يعنى تقدرين مثلا كلما مرت ساعة تسألين ولدك كم الساعة ألحين و اهوا يقرا ساعة البيت و يجاوبك.......

مثال من الكتاب: رجعت هند من المدرسة الساعة 1:00 و كتبت الواجب الساعة 2:30 و تناولت الغداء الساعة 1:30..... هل كتبت الواجب قبل الغداء أم بعده ؟ ...... هنا الفائدة من المثال واضحة و هي معرفة ترتيب الوقت ....................يعنى كلها مسائل من الحياة و مفيدة و تعتمد على خيال الطفل تقدرين تتخيلين مثال مشابه و تقولينه له

* كتب جمعية المعلمين تهبل ..... كلها تمارين و نماذج امتحانات ..... انا شخصيا وايد فادتنى و ساعدتنى في الشرح و تثبيت المعلومة



و بعدين في شغلة وايد مهمة ..... النفسية وايد تأثر على الطفل ....... يعنى لاتتكلمين جدام ولدك ان المنهج وايد صعب و ان انتى موعارفة تشرحينه لأن جديد عليك ..... يمكن اهو فاهمة من الأبلة فلما يسمعك جذيه ياخذ انطباع ان المنهج فعلا صعب و يضيع الولد بينك و بين ابلته ...... التشجيع المستمر ...... تبسيط الأمور ...... مع الدعاء المستمر ان الله يسهل كل شي صعب

خواتى .....اذا المناهج هذي موقادرين عليها
عيل شنو يسوون اللي مدارس خاصة و مناهجهم اصعب

 

[أم سالم30]

السلام عليكم ، والله إنكم دستو على الوتر الحساس انا بناتي اسم الله عليهم وحده بأولى ووحده بثالثة ابتدائي ووايد تعبانة معاهم ولما يردون البيت أشرح الرياضيات من أول كأنهم مادرسوه بالمدرسة وصح كلام بعض الخوات إن الجيل تغير وتطور ولازم نطور المناهج وتكون أقوى من قبل بس لازم أول يتطورون إلي يدرسون المناهج ويكونون عارفين شلون يوصلون حق مستوى عقل الطالب ويوصلون المعلومة حق الطالب صح مو عالماشي أي كلام وانا موقصدي كل المدرسات لأن لوخليت خربت ومابي أظلم أحد بس بعض المدرسات كيرلس للأسف معاشها ماشي وموهامها شي

 

[أم سالم30]

للرفع

 

[78MariMar78]

انا مع الأخت Dancing^Queen في كل كلامها

 

[um khaled]

منهج اولى اول سنه ينزلونه ويقولون بيغيرونه السنه الجاية برايي منهج سخيف وحسبالهم عيالنا عباقرة كمبيوتر ورياضيات مثل اليابانيين واغلبية المنهج انا موفاهمته مثل النمط والقياسات . ليش ما يقيسون بالمسطرة شكو الدبابيس والمكعبات بس الحمدلله ان السنه عدت على خير

 

[عروب2009]

أنا كنت رئيسة قسم رياضيات والحمدالله إني خلصت من هالمرحلة قبل لا تدخل هالمناهج الجديدة
عشان نكون أمينين المناهج كمادة علمية غنية بالمهارات العلمية اللي تساعد الطالب على التفكير الذهني والتفكير الذهني بمعنى أن يجد المطلوب بسرعة وبدون خطوات ثابتة روتينية
لكن المشكلة مو في المنهج المشكلة في أن حطوا منهج جديد للمراحل الثلاث بنفس الوقت وهذا ظلم اللي في ثانية وثالثة والظلم الأكبر للي في
الصف الثالث أمانة لأن وضع للطالب اللي مفترض إنه مر عليه منهج أولى وثانية الجديد
غير هذا أنت حطيت منهج جديد وفي نفس الوقت جبت مدرسين جدد من دول اخرى مع احترامي وتقديري للزميلات فالمشكلة مش فيهم بس هم اعتادوا منهج مختلف واسلوب تدريس مختلف تماما وغير هذا والأدهى إنهم مدرسين صفوف عليا يعني متوسط أو ثانوي وما عندهم الخبرة الكافية للتعامل مع طالب المرحلة الابتدائية فما بالك بطالب الابتدائية الكويتي اللي ماتقوله انزح وراك وتعود عالدلال والدلع !!!!
أما بالنسبة للزميلات خريجات دولة الكويت فعطيتهم منهج من غير سابق إنذار >>>> خذوه فغلوه !!!!!!!!
اللهم أنهم اجمعونا آخر يوم في السنة الماضية وداروا علينا بالكتب الجديدة وقالقوا هذا المنهج وبس وغير مسموح بإدلاء الرأي أو أي تعليق فالمسألة للعلم فقط وسف يطبق رضيتوا وإلا ارضيتوا طبعا مع وعود كاذبة بأنه سيتم توفير وسائل تعليمة مصاحبة للمنهج الجديد وسي ديهات تعليمية وأن أنت يالمعلم ما عليك اللا إنك تدخل الحصة وتشرف عالطالب اللي سوف يتعلم عن طريق اللعب <<<<<< إيهههه هين كلام وبس !!!!!!!!!
والسلام ختام والله يستر من اللي جاي ماخفي كان أعظم .

 

[سيدة الكويت]

انا اتوقع المشكله مو بالمنهج ببعض المدرسات الى ما يدرسون بضمير ...الله يهديهم