الي عيالها ب الابتدائي :: شخباركم مع الرياضيات ::

[xxx]

السلام عليكم

شلونكم ؟؟


بنتي ب اولى ابتدائي بمدرسة خاصة ثنائية اللغه

والمأساه انهم ياخذون الرياضيات من الحكومة

غير الرياضيات الي بالانجليزي الي يدرسونه .. والله اسهل من منهج الحكومه المعقد

انا دارسه ومو فاهمته .؟ شلون بفهم بنتي .؟

الي سمعته ان منهج ياباني معرب

شياب عيال اليابان حق عيالنا :dddds:


قولولي شلونكم مع المنهج ؟

والمدرسات تكفون عطونا طريقة سهله ندرس عيالنا :eh_s(1):

 

[القرآن ربيع قلبي]

رد: الي عيالها ب اولى ابتدائي :: شخباركم مع الرياضيات ::

ههههههههه
عيال اليابان وعيالنا التشابه عجيييييييييييب
انا ذابحني هالمنهج احس الابلة تدريس والسلام فهمو مافهمو مو مشكلة
لازم الجمع والطرح على خط الاعداد
ولازم تعرف النمط الي ذبحونا فيه بكل المراحلمادري مكتشفين هالكلمة والا شنو
واكبر واصغر
حرام اهم خل يتقنون الاعداد بالاول تالي هالسوالف
لا وبعد11 و12 معاهم بسوالف الجمع والطرح
بنتي احسها ساعة تستوعب وسااااااعات لا
وانا اعصابي الي محترقة
الله يعين طلعت الي بقلبي على هالمنهج

 

[(كويتيه عسل)]

رد: الي عيالها ب اولى ابتدائي :: شخباركم مع الرياضيات ::

انا مو أم بس ابلة ابتدئي رياضيات سابقا

اشوه الله يحبني بعد ما انتقلت وغيرو المناهج

صج والله المناهج يابانيه ولا تتغشمرون هههههههههههههههه :krkrkr: يقولون اردني ماادري سوري

وهالمناهج انعرضت على كذا دوله عربيه ورفضته

 

[(كويتيه عسل)]

رد: الي عيالها ب اولى ابتدائي :: شخباركم مع الرياضيات ::

ههههههههه
لازم الجمع والطرح على خط الاعداد

من صجهممممممممممممممممممممممممممممممممممممممممممم

صف سابع يعني ثالثه متوسط ياخذون الجمع والطرح على خط الاعداد

 

[xxx]

رد: الي عيالها ب اولى ابتدائي :: شخباركم مع الرياضيات ::

انا مو قاهرني الا

(( النــمط ))

ههههههههه


الله يعدي هالسنة على خير

يقولون 2 و3 اصعب

 

[Dancing^Queen]

رد: الي عيالها ب اولى ابتدائي :: شخباركم مع الرياضيات ::

ابيكم تشوفون بنتي لي يت تعد
اثنتاعااااشاااااار

صلاصتااااعاشششر
ماعليه بنت الكويت بس ئلبتي المواقع وقلبي متروسه ولازم افرغ قلبي لا انفجر بشقح بره الموضوع الرئيسي بس بتكلم بشموليه

ليتكم سامعين الكلام ال لي قالوه امس بالراديو بطلعتي من الدوام
مقابلين مادري منو ببرنامج الثاني اذاعه الكويت
اخييييييييييه بس اخيييييييييييييييييييييييييييييييه

يهاااااااااااااال ابتدائييييييييييييييييييي ثالثه ابتدائي ياعمري عندهم 12 كتاب

عفييييييييييييييييييييييييه شمخلين حق تخفيف الحقيبه المدرسيه
بنطلع يهال والا مصارعين
12 كتاب بالفتره الاولي و12 كتاب بالفتره الثانيه = يطلع لياهل دارس 24 كتاب بالسنه وعلي شنو بالله !
ويح قلبي علي الياهل وامه ويوقولون معدل الطلاق زايد بالكويت وغلاء المعيشه
حلفو بس
الحين اذا وحده عندها 3عيال وينن بتدرررررررس وشنو بتدررررررررررررس
12 كتاب يا الظلمممممممممه شقاعدين تدرسون اليهال
خبري عربي ودين ورياضيات وانجليزي (قبل علي ايامنا بالمتوسط)وعلوم
بس ه ذول المواد الاساسيه
ليش 12 كتاب !
شنو المواد الباجيه لايكون دخلو الجبر والاحصاء !
والام لي خلصت تدريس اليهال وطق الميتر عندها لين الحمر
بتحط الحره بالخدم وبيننحاشون وتنفس علي الابو وينحاش كذلك ويزيد حالات الطلاق بالكويت
او تحافظ علي اسرتها وتصكهم كللللللللللللللهم مدرسين خصوصين وباي باي معاشات

ليش جذي
شهالمناهج
انا اشهد انا اشهد
عيالي يدرسون بس عربي من الحكومه ودين
اكو منهج ياعرب يبتدي اول درس فيه اين القطه؟
فوق الكرسي تحت الكرسي تحت الطاوله فوق الطاوله !<<<<<هذا درس عربي
بطلو الكتاب الاخضر مادري الوردي اولي ابتدائي وشوفو اوووووووووووول صفحه
وين الاحرف الابجدييييييييييييييييه
وين أ ب ت ث
شتترجون من منهج يبتدي وين القطه !

وغير جذي كل ماحجوه علي المناهج وانها حشو وحشو و حشو
قال لا من قاااااااااااااال اثبتت التجارب ولا م ن ق ااااااااااااااال حتا احنا بيامنا درسنا مواد وايد وانا يوم كنت ب الثانوي درست 16 كتاب ماضرني وكا عيال الكويت اغلبهم امتياز (انت بالثانوي دارس 16 كتاب والحين مخليهم بالابتدائي يدرسون 24 كتاب )

علي شنو ! شنو المعلومه اللي قاعدين ياخذونها هاليهال ب 24 كتاب

 

[& شهد &]

رد: الي عيالها ب اولى ابتدائي :: شخباركم مع الرياضيات ::

الرياضيات جاب لي الطعة والطعتين والثلاث

يا الله

شيئ مو طبيعي

اقول لودلي يمه قوم بس قوووووووووووووووووووووم


شفهمك بالنمط وربي دخت منه

واللي زاد وغطى رياضيات 3 ابتدائي يا حرام الكل يصيح منه

بنت اختي العام مكرمينها الطالبه الذكية والبنت ما شاء الله تحفة

السنه بالرياضيات مقبول

منو يصدق

 

[omajiad]

رد: الي عيالها ب اولى ابتدائي :: شخباركم مع الرياضيات ::

آآآآآآآآآآآآآآآآآآآآآآه على المناهج يا حلاة ((مع حمد قلم)) كان منهجنا طفولي بريئ مو الحين أدرس بنتي منهج أولى ابتدائي جني أدرس أولى متوسط

 

[رفرف]

رد: الي عيالها ب اولى ابتدائي :: شخباركم مع الرياضيات ::

بنات الظاهر انتو متعقدين لأن المنهج بالعربي ..

انا اليوم تصفحت كتب البنات بالمدرسة والا نفس منهج بنتي مال كيجي2 بس بنتي تدرسه انجلش واهمه بالعربي ..
ترا عادي عيالكم يطلعون اذكيا عيل تبون المنهج القديم هذه دائرة وهذا مثلث (حلفو بس الياهل ننطره يوصل 6 سنين علشان انعلمه الدائرة والمثلث)

بس ترا بيني وبينكم بالانجليزي الشرح اسهل من العربي لأن اللغة تعيسة شنو نمط ؟ والاسئلة مو مفهومة ..

(جنكم بتطقووووني ؟؟)


هذاك اليوم قعدت ساعة اخز الورقة مالت الهوموورك !!
حاطين لها صورة مسطرة .. اوكيه ؟
يمها صورة مشبك ..
يبونها تقدر طول المسطرة جم مشبك فيها ؟؟ وبعدين تقيسها !!!!
واي صعععععب المشبك شدراني شطوله علشان اقيسه ؟
وبعدين المسطرة مدرجة لخبطت بنتي ..
تعقدت وانا اشرحه لها بس النمط على قولتكم حلو سهل مو صعب ..

 

[xxx]

رد: الي عيالها ب اولى ابتدائي :: شخباركم مع الرياضيات ::

مشكورين على المشاركة

رفرف

بنتي تاخذ ماث

بس شيابه حق منهج الحكومه

وايد اسهل مع ان نفس الفكرة تقريبااااا

 

[om al ghaleen]

رد: الي عيالها ب اولى ابتدائي :: شخباركم مع الرياضيات ::

واااي يبتيها ع الجرح والله حدها الانماط مضيقه خلقي

Dancing^Queen صدقتي والله قعدت اجمع 12 كتب على 3 جم يطلعون


والله طلعت عيوني وصرت مثل المينونه بالبيت بس اصرخ على اليهال واعليا

\\

 

[farawla_q80ia]

رد: الي عيالها ب اولى ابتدائي :: شخباركم مع الرياضيات ::

تري الافكار اللي بمنهج الابتدائي نفس الافكار اللي بالكتب الانقليزية بس عيبها انها تدرس بالعربي واللغه العربية شوي فيها صعوبة مثل كلمة نمط وغيرة - لاحظوا لمن تشترون كتاب خارجي بالانقليزي لو تلاحظون من سن 3-6 لو تقرون الافكار راح تقولون صعبة علي هالعمر اذا كانت بالعربي ما ادري اذا فهمتوا فكرتي

 

[manarah]

رد: الي عيالها ب اولى ابتدائي :: شخباركم مع الرياضيات ::

أأيد رفرف وفراوله كويتيه المشكله ان المنهج ينشرح بالعربي واللغه العربيه مفرداتها اصعب على الياهل والا الياهل اشعرفه بنمط خل اعرفه انا اول ... يعنوا انتو اذا بتاخذون المنهج شكو امترجمينه يا تاخذونه نفس ما اهو والا خلاص حطولكم منهج بروحكم اشفيهم مناهجنا قبل وكانا اشزينا طلعنا احسن ما يمكن بالرياضيات .. ويح قلبي والله مادري شنسوي بعمرنا يعني اعيالنا يضيعون اذا دششناهم حكومه !!
رفرف على طاري المشبك انا قصصتله اوراق وسويت شكلهم نفس المشبك ( شسوي ماكان عندي مشابك ) وهم قصصت كيوب وخليته يصفف ويعد .. امبييه بس والله مو سهل حتى الحين والله سالفه الكلندر واللس تايم واللونج تايم الله يعييييين

 

[كويتية صغيرة]

رد: الي عيالها ب اولى ابتدائي :: شخباركم مع الرياضيات ::

منهج الرياضيات ....... وايد حلو (لا تستغربون و لا تتضايقون)
انا أؤيد تغيير المناهج و تطويرها الى ما يتماشا مع مستوى الطفل

ألحين بنات ..... جيل عيالنا مو مثل جيلنا...... اهم سابقينا بالعلوم و التكنلوجيا ..... جيلنا مافي كمبيوترات و الانترنت...... الحين عيال صغار يستخدمون الكمبيوتر

و احنا مشكلتنا ...... نبي كل شي نفس اللي احنا درسناه

انا شفت منهج الرياضيات اولى ابتدائي كامل..... مافي شي بس لو يلغوندرس الفردي و الزوجى لانه صعب عليهم
بس الباقي كله وايد حلو و مطور ..... افضل من المنهج القديم (القديم درس كامل يعطونه رقم واحد بعدين درس كامل يعطونه رقم 2 ..... وين قاعدين )
اليهال ألحين بالروضة يعطونهم الأرقام قراءة و كتابة من 1 إلى 15
لازم المناهج تتعدل الى مايتناسب مع مستوى الطفل ......... و بعدين في شغله ........ مو شرط اذا انتى موفاهمة الدرس ..... اذن ولدك موفاهم الدرس..... مثلا النمط احنا موفاهمينه لأن اول مرة يمر علينا مادرسناه من قبل ......لكن البنت او الولد ..... المدرسة تعطيه تمارين يوميا حتى يثبت المفهوم عنده

 

[رفرف]

رد: الي عيالها ب اولى ابتدائي :: شخباركم مع الرياضيات ::

مناره انا سويت نفسج بدرس المشابك اللي ما يتسمى ..
اشوه انهم مثل ما قالت كويتيه صغيرة ايون الدرس مشروح لهم وفاهمينه والا لو انا اللي بشرحه جان بدددعت

 

[حلم الطفولة]

رد: الي عيالها ب اولى ابتدائي :: شخباركم مع الرياضيات ::

مادري ؟؟ بدخل على النت وشوف منهج الرياضيات اللي تتحجون عنه ..,,
بس بعلق تعليق .. اللي يحررر بالكتب في الحكومه انها ... ( أي كلااام )
واللي يألفونها .. ( مع احترامي اثنين ثلاث تطوير مناهج .. يتفقون ويعتمدون المنهج ومع السلامه !! )
مايشوفون كتب الانجليز ؟؟ كتاب أولى ابتدائي : المؤلفين لجنه متخصصه بتأليف وتطوير المناهج .. : 3 بروفيسيرات ...6 دكاتره .. 12 مدرسين .. 7 اخصائيين تربوين .....الخ !!!

_____________________________

وبعدين بطلع الحره ... خلونا من الرياضيات ماقدر أحكم عليه ماشفته .. ’ الحين كتب التربيه الاسلاميه .. شيبيلها بالتأليف ؟؟
من أولى لين ثالثه .. الدرس ابصوب والأسئله بصوب ... تقولين لازم تبحثين بين السطور حق تلقين جواب !!
لأ..لأ ... وساعات سؤالين ثلاث كلهم اجابتهم وحده بس غيري الاسلوب .., وكلهم الجواب اهوه نفسه عنوان الدرس !!!
ليش ؟؟ .. وين الثقافه الاسلاميه للطفل ؟ وين نقاط بنهاية الدرس ( تلخيص تساعد للأجوبه ) ؟
هذيله يهال .. يعطونهم درس مختصر جدا جدا ,, وبعدها تقويم فيه لف ودوران وتعقيد ومو موجود بالكتاب !!
_____________________

 

[xxx]

رد: الي عيالها ب اولى ابتدائي :: شخباركم مع الرياضيات ::

انزين خلو عيالنا الي باولى ابتدائي ولحقو على المنهج اليديد من بدايته

والي ب 2 و 3 و ... الخ

مساكين دشو على شغلات غريبه مايعرفونها

واكيد أصعب من منهج اولى

:eh_s(1):

 

[القرآن ربيع قلبي]

رد: الي عيالها ب اولى ابتدائي :: شخباركم مع الرياضيات ::

بنت الكويت بنتي 3 دشت اول المنهج مئات الالوف تخيلي
ولا ترتيب وتمثيل واهي العام ماخخذين مئات منهج 2 القديم حتى الف ماخذو
الوضع مزري ياتربية وللخلف سر

 

[xxx]

رد: الي عيالها ب اولى ابتدائي :: شخباركم مع الرياضيات ::

بنت الكويت بنتي 3 دشت اول المنهج مئات الالوف تخيلي
ولا ترتيب وتمثيل واهي العام ماخخذين مئات منهج 2 القديم حتى الف ماخذو
الوضع مزري ياتربية وللخلف سر

:0bee2e8d89: :0bee2e8d89:

 

[حلوة الروح]

رد: الي عيالها ب اولى ابتدائي :: شخباركم مع الرياضيات ::

منهج الرياضيات ....... وايد حلو (لا تستغربون و لا تتضايقون)
انا أؤيد تغيير المناهج و تطويرها الى ما يتماشا مع مستوى الطفل

ألحين بنات ..... جيل عيالنا مو مثل جيلنا...... اهم سابقينا بالعلوم و التكنلوجيا ..... جيلنا مافي كمبيوترات و الانترنت...... الحين عيال صغار يستخدمون الكمبيوتر

و احنا مشكلتنا ...... نبي كل شي نفس اللي احنا درسناه

انا شفت منهج الرياضيات اولى ابتدائي كامل..... مافي شي بس لو يلغوندرس الفردي و الزوجى لانه صعب عليهم
بس الباقي كله وايد حلو و مطور ..... افضل من المنهج القديم (القديم درس كامل يعطونه رقم واحد بعدين درس كامل يعطونه رقم 2 ..... وين قاعدين )
اليهال ألحين بالروضة يعطونهم الأرقام قراءة و كتابة من 1 إلى 15
لازم المناهج تتعدل الى مايتناسب مع مستوى الطفل ......... و بعدين في شغله ........ مو شرط اذا انتى موفاهمة الدرس ..... اذن ولدك موفاهم الدرس..... مثلا النمط احنا موفاهمينه لأن اول مرة يمر علينا مادرسناه من قبل ......لكن البنت او الولد ..... المدرسة تعطيه تمارين يوميا حتى يثبت المفهوم عنده

انا اؤيدج بكلامج مع اني طالعة روحي وانا ادرس بنتي بس بيني وبين نفسي اقول احسنلها