*** الي عندهم هالسنه رابعه ابتدائي حياها الله نناقش امور عيالنا ***

[كويتية منسية]

رد: الي عندهم هالسنه رابعه ابتدائي يدشون

الله يعينا ويعينكم على تدريس عيالنا

 

[أم عبووووود]

رد: الي عندهم هالسنه رابعه ابتدائي يدشون

.. سنعه وحبوبه " انا العام ولدي ينني بمعنى الكلمه لانه عارف بيطلع من ثالثه من غير رسوب
بس هالمره حدى خايف لانه عرف هالسنه وقت الجد وبعد مدرساته شديدين مايتفاهمون وترا هالاسبوع اختبار تشخيصي
فانتي قولي لها ترضين تقعدين برابعه ورفيجاتج يروحون خامسه ؟ الله يسهل عليها يارب بالدراسه

ام عبود " مشكووره حبيبتي انا هاليومين احوس بقسم التلاخيص واايد مستفيده ويعطيج العافيه


كويتيه " العفو حبيبتي

العفو ياقلبي

اهم شي ان عيالنا يستفيدون ربي يوفقهم ان شالله

 

[أم عبووووود]

رد: الي عندهم هالسنه رابعه ابتدائي يدشون

امهات رابعه حبيباتي نسيت اقول لكم

بنتي اليوم عندها اول بريزينتيشن للانجليزي وكان عن الرياضة المفضله عندها

جيكو على عيالكم

 

[أمواج البحر]

رد: الي عندهم هالسنه رابعه ابتدائي يدشون

عندي ولدي اسم الله عليه برابعه

لي حد الحين الامور تمام

بس بعد ما يبين شي لي بعد شهر يكون استوعب المواد وعرفت نقاط ضعفه

وان شاء الله اي ملخص احصله بحطه لكم

 

[أمواج البحر]

رد: الي عندهم هالسنه رابعه ابتدائي يدشون

مشكورة om al ghaleen على الدعوة الحلوة وعسى الله يوفق بنتي وولدج وعيالنا كلنا يارب

على فكرة بنتي اسم الله عليها وماشاء الله تبارك الرحمن فائقة بس الحين رابعة حدها متساهله وتتكلم بثقة انها غير البنات ومتفوقة

لكن الثقة الزايدة تقلب على الشخص ودايماً أعطيها مثال سباق الأرنب والسلحفاة اللي بالأخير فازت السلحفاة على الأرنب المغرور

ألاحظ بنتي ماتعلمني إذا عليها بريزنتيشن أو ديكتيشن

إلا لما اكتشف بنفسي أو ألح عليها بالسؤال كذا مرة

مثلا الحين صدفة قلت لها اقري دروس الإنجليزي وتمرني على القراءة عدل وبعدين بسمع لج

لما شافت اني أجبرتها والا تقول ماما الأحد علينا امتحان قراءة إنجليزي :s141:

طبعا طبعا من داخلي انصدمت لأنها ماقالت لي

بس ما أقدر أخانقها وأقول ليش ما قلتي او متى كنتي ناويه تقولين لأن أحاتي انها تتحسف وماتعلمني مرة ثانية​

عانيت من هالمشكله مع ولدي البجر لما كان برابعه

فعلا لانه شاف نفسه متفوق وكل المدرسات يمدحون فيه

شاف نفسه وتساهل بالدراسه و صار عنده كل شي سهل سهل سهل

لما خذا بوحده من المواد اذكر 90% ضاق خلقه وايد وايد وحس بتأنيب الضمير

لدرجة يومها ظل طول اليوم بداره ( لاحظو انه مازال امتياز) بس لانه متعوود درجاته تكون فوق 95

ومن يومها الحمدلله ما قام يستهين باي شي حتى لو كانت الماده سهله

ترى هذي نقطه جدا مهمه

 

[مي الحلوة]

رد : الي عندهم هالسنه رابعه ابتدائي يدشون

هلا بنات انا بعد ولدي البجر رابعة..وحدي ضايق خلقي من العلوم احس ما ادري وين الاجابة
وناوية اشتري له مذكرات من مايسترو..والانجليزي ولدي طلبوااا عليه تعبير وسويته له عن رحلة الي البحر..
وفعلا الله يعيناااا على تدريسهم..والله يوفق عيالي وعيالكم يارب..

 

[عود ومسك]

رد: الي عندهم هالسنه رابعه ابتدائي يدشون

الله يعينا والله
om al ghaleen امس شريت مذكره الاستاذ ياااااااربي تخيلي خليتها تحله وانا موفاهمته!
المشكله شبكت رفيجتي قلتلها تعالي تعالي بصورلج ورقه وحليها عاد رفيجتي شاااااااااااطره ماشاء الله وانا خبري بالدراسه وين صارلي اكثر من 15 سنه هههههههه
رفيجتي كان حلها نصه غلط وجم اجابه صحيحه جان تسألي تقولي وذمتج السؤال جايكم جذي ماعليه قطعه تنقلين منها؟
قلتلها رياضيات من وين قطعه بالله والله جايني جذي
<<بدت تتعقد
الله يوفقنا وياكم ان شاء الله

 

[غلاتي ♥ الكويت]

رد : رد: الي عندهم هالسنه رابعه ابتدائي يدشون

مسك " حبيبتي اخذي لج المرشد الشامل انا شريته من مكتبه بيآن واتوقع بكل المكتبات موجود
فيه حلول الرياضيات بالكتابين الكراسه والتدريبات ... صج غلط اني اخليه ينقل بس اول شي اخليه يحل
المسائل وبعدين اتأكد انا من الحلول لانه الصراحه ماودي افهم ولاشي من االكتاب لوول علشان لااخرب معلومات


غلاتي الكويت " حبيبتي لازم اختج تحفظ من الحين التعاريف وترا موجوده كلها بالكتاب
وخل تحفظهم كتابه و شفوي لانه راح تكون بالامتحانات .. واهو شي العنوان


جنتي نوف " صاجه انا اخليه ينسخ الآيات علشان تسهل عليه الحفظ
متفرغه هالسنه حق رابعه وبناتي واعليا ادرسهم ع السريع

مشكوووورة ام الغاليين اشوة انج نبهتيني على هالشي اليوم انا خليت اختي تحفظ رؤوس التعاريف
وخليتها تحفظ كلمات الانجلش

 

[um meshoooo]

رد: رد : الي عندهم هالسنه رابعه ابتدائي يدشون

هلا بنات انا بعد ولدي البجر رابعة..وحدي ضايق خلقي من العلوم احس ما ادري وين الاجابة
وناوية اشتري له مذكرات من مايسترو..والانجليزي ولدي طلبوااا عليه تعبير وسويته له عن رحلة الي البحر..
وفعلا الله يعيناااا على تدريسهم..والله يوفق عيالي وعيالكم يارب..

وااااااااي ييتي عالجرح انا الحين قاعده ومجابله بنتي ادرس غصب العلوم ياربي شلون احفظها وابلتهم تعطيهم اسئله خارجيه بعد مادري احس توهم على لقاح الزهره وهالسوالف احنا خذيناه بالمتوسط بس انا خل اقولج شسويت يبت دفتر وكتبت عليه ملخص العلوم وكل يوم نكتب فيه كل سوال تاخذه بنتي اوكي ويوم السبت الصبح انا هالوقت ادرسهم اخليها تحفظ الملخص وامتحنها فيه يعني دراسه العلوم يوميه لان فيها كتابه وشرح واحنا عيالنا يالله يكتبون عدل عربي هالمره شرح

 

[um meshoooo]

رد: الي عندهم هالسنه رابعه ابتدائي يدشون

العفو وان شاء الله افيدكم اكثر
بس لا تنسوني من الدعاء لي ولعيالي

مشكووووووووووووووووره واايد لاني انا باديه الخص حق بنتي فبقارنهم مع تلخيصج صج يعطيج العافيه والله يوفقج ياااارب

 

[**أوراد**]

رد: الي عندهم هالسنه رابعه ابتدائي يدشون

وانا بعد عندي بنتي برابعه

الله يعينا ياارب

والله زهقت تدريييس

تعبت

الله يوفق الجميع يارب

 

[**أوراد**]

رد: الي عندهم هالسنه رابعه ابتدائي يدشون

بنتي تقوللي راح نبدي امتحانات مفاجئه هالاسبووع

امبيه شلووون

ماعرف شدرس واي ماده

كلهم يعني ؟؟؟؟

عذااااب

 

[بسبوووسه]

رد: الي عندهم هالسنه رابعه ابتدائي يدشون

بناات بليييز ابي بؤزنتييشن حق الانقليزي

 

[<<لمار>>]

رد: الي عندهم هالسنه رابعه ابتدائي يدشون

وى بنات انا ولدى برابعة بس ماعطوة بريسنتيشن للانجليزى وكتاب الرياضيات لى الحين ماشفتة والله شاكة فيه هالولد الظاهر مودارى وين الله قاطة

 

[عود ومسك]

رد: الي عندهم هالسنه رابعه ابتدائي يدشون

لمار جيكي على كتابه
انا قبل شوي رحت فليت كتبها كتاب كتاب اجيك جان الاقي عندها كلمات انجليزي من الاملاء مفروض تنسخهم والظاهر ناسيه
والله ما ينلامون من كثر الواجبات ترا ينسون

وبنتي ما عطوها برزنتيشن للحين!
املاء بس

 

[<<لمار>>]

رد: الي عندهم هالسنه رابعه ابتدائي يدشون

عود انا كتبة يخليها بالمدرسة بس زفيتة اليوم قتلة الكتب باجر كلها تيينى والله يستر

 

[عود ومسك]

رد: الي عندهم هالسنه رابعه ابتدائي يدشون

الله يعينج حبيبتي لمار
ان شاء الله انهم حالين الدروس لان ما تسوا الكتب هناك ومو حال شي

 

[<<لمار>>]

رد: الي عندهم هالسنه رابعه ابتدائي يدشون

ان شاء الله انة حال معاهم باجر بيبهم وبشوف وبسالكم بنات الحين الوطنية والحاسوب والاسلامية والحياتية بعد ندرسهم اياهم ويمتحنون فيهم ولا بس المواد الاساسية

 

[om al ghaleen]

رد: الي عندهم هالسنه رابعه ابتدائي يدشون

كويتيه " امين ياارب

ام عبود " الله يعطيج العافيه ومشكووره ع التبليغ وبعد ثانيه وثالثه اليوم وباجر عندهم اختبار تشخيصي

عو ومسك " هالسنه رياضيات صدمه اهي الماده الوحيده الصعبه ولاباجي المواد تساهيل اليوم نفسيتي ع الزيرو
فقلت له خلاص اعتمد على نفسك انا علي بس اراجع لك كسر خاطري نام من ساعه وحايشني تأنيب ضمير

غلاتي الكويت " العفو حبيبتي

آوراد " من العام الامتحانات مفاجئه اللهم الرياضيات اهما يبلغون واملاء الانجليزي
من داومو اليهال وكل يوم واحد عنده امتحان

لمار " انا اعتمد ع الخطه الاسبوعيه وامشي عليهآ اذا ماتوصلج الورقه كلمي الاخصائيه تسلمها لولدج

آوراد " ميخالف تحملي لانه الحين اهما محتاجين نأسسهم صح ان شاء الله لا راح المتوسط ترتاحين ويعتمد على نفسه

امواج البحر " الله يوفقه ومايضيع تعبج يارب

بسبوسه " ان شاء الله لا سويت حق ولدي احطه اهنيه لانه لي الحين ما بلغني انه فيه

 

[om al ghaleen]

رد: الي عندهم هالسنه رابعه ابتدائي يدشون

لمار ايه والله انا ادرسه هالمواد بس الحياتيه والحاسوب سهل وايد
بس الاسلاميه ضروريه بالاخص الآيات
الحين ماادري نظام رابعه اذا امتحانات فاينل للمواد هذي