*** الي عندهم هالسنه رابعه ابتدائي حياها الله نناقش امور عيالنا ***

[روعه الأحساس]

رد : الي عندهم هالسنه رابعه ابتدائي يدشون

وأنا بعد وياكم معاناه من التدريس الله يعينا بس

 

[سنعة وحبوبة]

رد: الي عندهم هالسنه رابعه ابتدائي يدشون

السلام عليكم

بنتي البجر برابعة

لعوزتني بمعنى الكلمة حدها بااااااارده :0bee2e8d89:

يعني لما أعصب عليها وأخانقها والتفت ثانيه وحدة عنها ألاقيها تأشر لأخوها الصغير وتضحك :lololoe:

الله يعيني ويعينكم ويفتح على عيالنا فتوح العارفين :yaaaaaarb:​

 

[اجمل احساس ..!]

رد : الي عندهم هالسنه رابعه ابتدائي يدشون

نونه + كويتيه الله يرزقكم بر عيالكم ويصلح امورنا وامور المسلمين

الله يجزاكم خير

اضم صوتي لصوتكم

بنتي البجر ب رابعه الله يعين

دخلتها القاعه الحلبيه انجليزي ورياضيات

الله يوفق عيالنا للعمل الصالح ياااارب

 

[مسك81]

رد: الي عندهم هالسنه رابعه ابتدائي يدشون

مشكوره نونه كيوت يعطيج الف عافيه

 

[أم عبووووود]

رد: الي عندهم هالسنه رابعه ابتدائي يدشون

السلام عليكم

خواتي ياليت اللي عندها اي تلخيص او اختبار تحطه في قسم التلاخيص اسهل وافضل في عملية البحث خصوصا اذا وصلنا لاخر الفصل

فاي مشاركة في هالموضوع بيكون فيها تلخيص او اختبار سوف تحذف وياليت الاخوات اللي نزلوا تلخيصهم ينقلونه ااى قسم التلاخيص

مشكوووورين على تعاونكم معانا :hjy5jewf:

ربي يوفق عيالي وعيالكم

 

[كويتية منسية]

رد: الي عندهم هالسنه رابعه ابتدائي يدشون

..,, نونه وكويتيه منسيه الله يعطيكم الصحه والعافيه مشكورين وايد


اليوم مريت المكتبه وخمطت لي كتب تعلميه واخذت منهج الرياضيات هذا اللي حصلته
وان شاء الله اذا جهزت اسأله الكتاب احطهم والله يوفق البرآعم "

//

الله يعافيج حبيبتي ما قصرتي

 

[كويتية منسية]

رد: الي عندهم هالسنه رابعه ابتدائي يدشون

السلام عليكم امهات رابعه ابتدائي

انا بجري هالسنه رابعه ابتدائي والله يعين اعيالنا على دسامة المنهج وصعوبته
ويبيله مجابل اول بأول
ومشكورين نونه وكويتيه وشاكره لكم جهودكم والله يوفق اعيالكم
ووافونا اول بأول بالجديد وثــــــانـــكس لكم

العفو يا قلبي الشكر لله تشرفت بردج ومرورج

 

[om al ghaleen]

رد: الي عندهم هالسنه رابعه ابتدائي يدشون

.. سنعه وحبوبه " انا العام ولدي ينني بمعنى الكلمه لانه عارف بيطلع من ثالثه من غير رسوب
بس هالمره حدى خايف لانه عرف هالسنه وقت الجد وبعد مدرساته شديدين مايتفاهمون وترا هالاسبوع اختبار تشخيصي
فانتي قولي لها ترضين تقعدين برابعه ورفيجاتج يروحون خامسه ؟ الله يسهل عليها يارب بالدراسه

ام عبود " مشكووره حبيبتي انا هاليومين احوس بقسم التلاخيص واايد مستفيده ويعطيج العافيه


كويتيه " العفو حبيبتي

 

[سنعة وحبوبة]

رد: الي عندهم هالسنه رابعه ابتدائي يدشون

مشكورة om al ghaleen على الدعوة الحلوة وعسى الله يوفق بنتي وولدج وعيالنا كلنا يارب

على فكرة بنتي اسم الله عليها وماشاء الله تبارك الرحمن فائقة بس الحين رابعة حدها متساهله وتتكلم بثقة انها غير البنات ومتفوقة

لكن الثقة الزايدة تقلب على الشخص ودايماً أعطيها مثال سباق الأرنب والسلحفاة اللي بالأخير فازت السلحفاة على الأرنب المغرور

ألاحظ بنتي ماتعلمني إذا عليها بريزنتيشن أو ديكتيشن

إلا لما اكتشف بنفسي أو ألح عليها بالسؤال كذا مرة

مثلا الحين صدفة قلت لها اقري دروس الإنجليزي وتمرني على القراءة عدل وبعدين بسمع لج

لما شافت اني أجبرتها والا تقول ماما الأحد علينا امتحان قراءة إنجليزي :s141:

طبعا طبعا من داخلي انصدمت لأنها ماقالت لي

بس ما أقدر أخانقها وأقول ليش ما قلتي او متى كنتي ناويه تقولين لأن أحاتي انها تتحسف وماتعلمني مرة ثانية​

 

[اجمل احساس ..!]

رد : الي عندهم هالسنه رابعه ابتدائي يدشون

اب اب

 

[om al ghaleen]

رد: الي عندهم هالسنه رابعه ابتدائي يدشون

.., العفو سنعه " مثل حالتي لآزم اساله ولامايقول من كيفه ولامايتذكر الا وقت النوٌم :s142:
الله يعنيا وانا بالشاليه ولادرسته ولا راجعته ولا حل واجباته :eh_s(2): وحدى فيني نوم

 

[غلاتي ♥ الكويت]

رد : الي عندهم هالسنه رابعه ابتدائي يدشون

اب
اب
اب

 

[جنتي نوف]

رد : الي عندهم هالسنه رابعه ابتدائي يدشون

الإنجليزي لازم حفظ الكلمات اول بأول..والقراءه بعد شبه يوميا..وتحضير المواضيع اللي يطلبونها مهمه وراح تجي بالإمتحانات
والمرسه راح تعطيهم مذكره لازم دراستها ومراجعتها..ولاتستغنين عن جمعية المعلمين او ملخص انا شريته من مكتبة السنافر عجييييييييييب لجميع المراحل
وبخصوص العلوم اذا مايدرس يوميا راح يصعب عليه ولازم يحل كتاب التمارين..وخليه يحضر للدرس الجديد عشان يتميز ويفهم الدرس
والرياضيات اذا مو عارف جدول الضرب مارااااح يفهم شي..خليج امواضبه معاه بحفظ الجدول وراح تسهل عليه الماده
اللغه العربيه عندج القواعد ياخذها يوميا درسيه واعطيه امثله..ولازم يحفظ الدروس اللي مقرره للحفظ,,
واي ماده صعبه عليج وموقادره اتفهمينه , جيبي له مدرسه ادرسه من البدايه..راح ترتاحين بوقت الفاينل
والتربيه الإسلاميه لاتستهينون فيها اذا تراكمت صعبه يدرسها لأنها حفففففظ,,فيه موضوع نازل بقسم التلاخيص عن التربيه الإسلاميه للصف الرابع روووووعه
وان شاء الله اي شي يستجد راح ابلغكم حبايبي

 

[عود ومسك]

رد: الي عندهم هالسنه رابعه ابتدائي يدشون

انا بنتي برابع والله اني حاطه ايدي على قلبي وخايفه
تدرون يا بنات ان الابله مو قايله لبنتي تحفظ تعاريف العلوم
توني اقولها تحفظين تقولي شكو؟ ههههههههههههه
ما الومها لما تقول شكو لان الابله مو قايله ياربي هل الابله ناطره يتراكم على بنتي وفجأه تقولها احفظي 5 او 6 تعاريف
والا الابله ناطره اشم على راحة ايدي؟
الله يعينا والله
وصراحه الايام اللي طافت كنت ادرسها من النت قسما بالله مخي وقف منصدمه
انا احس العربي حاليا بالنسبه لنا قواعد هين شوي بسالفة الجمل وجذي بس انا للاسف مو قاعده اشرحلها قاعده اوفر جواب السؤال بس
ياربي الله يعينا الرياضيات انا اكرهه كره العمى والله اني ما افهمه ابد اقولها فهميني عشان اساعدج بالحل وتعالو شوفو اذا كانت بنتي مو فاهمه اتوهق
المصيبه وين يا امهات
ان بنتي ما تعرف تقرا وتكتب تخيلو مامن تأسيس ويوم شافتني زعلانه حيل ومعصبه بدت تقرا كل ما قالتلي شنو اعصب اقولها انتي اقري
وقامت تقرا حرف حرف ولما اعطيها جمله قامت اشوا يعني تقراها عالخفيف
ربي يسهل علينا ويوفق عيالنا

 

[عود ومسك]

رد: الي عندهم هالسنه رابعه ابتدائي يدشون

بنات ضاق خلقي كنت بدرس بنتي رياضيات ما قدرت كلش كلش ما فهمت ولا شي
والعلوم!!
اقولها انتي شنو فهمتي من الشرح
المشكله اني قعدت ادور بكتاب الصف عشان احل بكتاب التمارين اخذ من كتاب الصف اجوبه مالقيت!
والا انا ما اشوف
الوكاد دقيت على مكان يبيعون مذكرات الله يجزاها خير عضوه حاطه رقمهم عاد طلبت رياضيات وعلوم

 

[(( الذهب ))]

رد: الي عندهم هالسنه رابعه ابتدائي يدشون

بنات نصيحه من قلب

لا تحفظون عيالكم بس بالكلام لا بالكتابه يمكن تشوفونه شاطر الكلام بس لما تجي الصجيه ما يعرف شي ويتوهق
خلوه يكتب لكم الاجابه بورقه يعني اسئلي واهو يكتب الجواب لين يتعود عليه والاسئله خلوه يقراها

>> الله يعينني علي ولدي تحلفوون باوله ابتدائي كلش ما يعرف يقرا وثلج بالكتابه حتي مرات يكتب حروف مو بالكلمه

 

[غلاتي ♥ الكويت]

رد : الي عندهم هالسنه رابعه ابتدائي يدشون

بنات اللحين كتاب العلوم لازم احفظ اختي التعااريف @@ ؟؟ لاني مو محفظتها

 

[::كيك وعسل::]

رد: الي عندهم هالسنه رابعه ابتدائي يدشون

بصراحه خوفتوني انا بنتي البجر رابعه هالسنه وكلش مو يم دراسه
عجزت فيها شسوي ساعدوووووووني

 

[om al ghaleen]

رد: الي عندهم هالسنه رابعه ابتدائي يدشون

مسك " حبيبتي اخذي لج المرشد الشامل انا شريته من مكتبه بيآن واتوقع بكل المكتبات موجود
فيه حلول الرياضيات بالكتابين الكراسه والتدريبات ... صج غلط اني اخليه ينقل بس اول شي اخليه يحل
المسائل وبعدين اتأكد انا من الحلول لانه الصراحه ماودي افهم ولاشي من االكتاب لوول علشان لااخرب معلومات


غلاتي الكويت " حبيبتي لازم اختج تحفظ من الحين التعاريف وترا موجوده كلها بالكتاب
وخل تحفظهم كتابه و شفوي لانه راح تكون بالامتحانات .. واهو شي العنوان


جنتي نوف " صاجه انا اخليه ينسخ الآيات علشان تسهل عليه الحفظ
متفرغه هالسنه حق رابعه وبناتي واعليا ادرسهم ع السريع

 

[نونه كيوت]

رد: الي عندهم هالسنه رابعه ابتدائي يدشون

انا ولدي احسه عادي مادري شنوادرسه قاعدهاحفضه العلوم والانقليزي الله يستر منه
ماقال لي ولدي طالبين عليه تعبير انقلش بس ودي اسويله بدون لا نطلب منه كنشاط يصير والا لا
شنو التعابير اللي تصلح للي برابعه لان عندي تعابير ومادري شنو اللي اسويه له
وشنو الافكار المرافقه مع التعبير اللي عندها فكره حلوه لا تبخل علينا والله يوفق عيالنا وجميعا