الي بروحون دبي بتاكلونها عدل

[همسات ليالي]

كلمن راح دبي يشتكي من غلاتها

 

[shai6onah]

تدرون شنو حبطتوني @@ انا حاطه ببالي بروح دبي شهر 4 ويا اختي الصغيره والفنادق من الحين مدودهتني وبقعد 5 ايام وانتو حجيكم حده يحبططططططططططططططططططططططططططط ودي ابجي!! ليش جذي

 

[فورلا]

اهي تكلف من 800 الى 1200 تقريبا اذا 4 أيام شخصين تذاكر وفندق ومصرف ومشترى معقول

 

[فورلا]

بس لها مواسم تقل فيها اسعار الفنادق او تزيد وفي الغالبتقل و تنزل الاسعار بالصيف وترتفع اوقات المعارض الدولية وراس السنة والمهرجانات

 

[فورلا]

جربيحجزي من الانترنت على العربية والا الجزيرة يسوون عروض حلوة وفجأة وفي مواقع حلوة لحجز الفنادق بأسعار زينة

 

[ام سلطان20]

عييل احناا وش نقوول عن الغلااا بس الله كريم

 

[ة_ة]

يمكن على حسب الفنادق يعني ممكن تاخذون شقة ويا مكثر الشقق المفروشة فدبي وسووقها انا اشوف اسعرة متوسطه نفس الكويت وماليزياا

 

[كيوت_25]

ويييييييييييييي يا حسرتنا و احنا 7 انفار بنروح لها عقب يومين

شكلنا بننزلغ زلغ

 

[فوفو التخينة]

أنا رحت أول العام تايلند وكلفتنا أنا وعيالي 2 وزوجي 20 يوم 2300 دينار
وناسة وما خلينا شي بخاطرنا من مشتروات ورحلات وهدايا
شامل كل شي تذاكر - فنادق - طيران داخلي لبوكيت وشانغماي مع مصرف الاكل والتنقلات
عاد أنا هبلة أقط 2500 اسبوع بدبي
لا لا لا

تايلند ماكو غيرها اللي صج توسع الصدر

 

[ظبية الامارات]

:68_asmilies-com:

شحالكم بنات الصراحه الامارات مستويه نار نار نار واسعارها واااالعة بلادي واعرف لها :dddds:

بس ليش الله اعلم وفعلا دبي صارت واااااايد مزعجه حتى حق اهل البلاد الزحمة والناس والدنيا

وحتى الشارجة ... تبون نصيحتي بوظبي العاصمه مدينه هاديه وزحمتها خفيفه والعين حلووة بعد وايد

مدينه صغيرونه بس ملمومه .. بالنسبه للأسعار كلنا مضايقين من الوضع بس ماباليد حيله..

 

[PearL]

ما تسوى دبي 3000 دينار وايد عليها

دبي ما فيها غير المجمعات

اقطها على دوله اجنبيه ابرك

 

[bambena]

ظبيه ابوظبي اتينن شرحه وهاديه انا وايد حبيتها

 

[مريوما الحلوه]

مره شفت مقابله مع واحد من سياحه دبي شي جذي يقول بنخلي دبي حتى المليونير ما يقدر يدشها بتصيررر غاليه وااايد

 

[ندووو]

ياااااربيه ناقصتكم مولات ناقصتكم مطاعم ,الكويت مليااانة من هالشي

روحو اوربا دورو على الطبييييعه فينا فقر طبيعه ومشي

 

[COOCOO-STYLE]

صح كلامج انا رحت شهر 10/2007 مصرفي بروحي كان 3800 يعني قريب على 4000 رحت 10 ايام
صراحه الماركات عندهم شي مو طبيعي وتاخذين وانتي مرتاحه

 

[um wahaby]

انا رايحه بالهاي سيزن وماكلفتني هالسعر حق 6 اشخاص وقعدت 9 ايام

اهي التذاكر ابلاش والاكل بعد حسب اختيارج في الغالي وفي المتوسط وفي الفاست فوود والرخيص

وتاجير السياره ابلاش 7 دنانير باليوم وبانزينهم رخيص

انا مادري ليش يقولون دبي غاليه

اللي صج غالي ويرفع المصاريف السكن والفنادق نااااار

والمشكله ماتقدرين تقعدين بفنادق رخيصه والسبب البلاوي اللي بهالاماكن

قطع قطع مره جربت فنندق 3 نجوووم واااي مسخره عالاخر لاا وهذا انا داقه عليهم وقايلتلهم اذا كان الفندق بس للعوائل قالوا اي @@

 

[أم حمودي**MALL**]

صج دبي صلرت ناااااااااار
الواحد يروح اوربا او شرق اسيا احسن

 

[بنت باباتي]

اي والله دبي نار

 

[بنت دبــي]

ما نلومكم والله خواتي

احنا عيال دبي من بعد رحيل زايد الله يرحمه كل شي تغير في الامارات
احنا كنا عيال عز وعايشين بخير ونعمه وهاي هاي
والحين العين بصيره واليد قصيره

اذا احنا عيالها نشتكي , ما نلومكم والله

 

[أم حمني المزيون]

ويييه كنت ناويه أروح هالصيف جنكم خليتوني أهون!! شدعوى لهالدرجةصارت غالية؟؟؟عيل بفكر بمكان ثااااني أبرك