الي بروحون دبي بتاكلونها عدل

[النبيطة]

المشكلة انسي سكنت بالشارقه وفي اخرررر لصيف بس اكلناها زحمه والطريق تجلسين في السيارة ساعتين ( صرنا ننام في الطريق من طوله ) اذ ابروح لابن بطوطة اومول الامارات
وهالاثنين فيها فعاليات ومطاعم تجنن اما البضاعه نفس محلاتنا واحيانا حتى الوكيل نفس اسمه ونفس الاسعار اخذها في الرياض احسن
وسيتي سنتر صار قديم ومبناها موذاك الزود قدام هلااثنين
بس قررت مابعد عن الجميرة وناسه

 

[الغنادير]

خرعتووووني :eh_s(16):
عندي دورة فيها اخر شهر 7 <<< يعني اجباري الروحه:eh_s(11):
وكان ودي اخذ عيالي معاي
بس اذا الديره نااااار
بروح برووحي وبقعد فالفندق ماني طالعه
لأن اكره شي عندي الزحمه والتكاسي اللي نفسهم خايسه ​

 

[mooomooo]

صاااااااجه النبيطة الزحمهههههههه مو طبيعييييييييييييية


والتكااااااااااااااااسي حراااااااااااااااااامية


والله حرااااااااااااااااااامية

واحد ودانا مدينة مدهش اب 50 درهم تقريبا او 49 يمكن

والتاكسي اللي ردنا ردنا اب 25 يمكن بس

ريلي انصدمممممممممممممممممم

ههههههههههههههههههههههه


شفتوا اشلون

 

[النبيطة]

احنا معنا سيارة اجار اريح لنا بس ماراح اسكن في الشارقه الا بعدماتنتهي مباني دبي

 

[dalprincess]

اي والله نااار ... انا رحتلها السنه الي طافت 4 ايام كلفتنا بالضبط 2000 دينار بس تذاكرنا كانت على الجي كلاس يعني اغلى شوي ... وهم شريت بس هم غاليه وايد صايره ...

 

[ورد البحرين]

:eh_s(7):​

 

[ورد البحرين]

صاجة وايد غالية وبزور الواحد يحصل شقة أو فندق وكل سنه تغلى عن السنه اللي قبلها وماتسوى ولفلوس تطير وماشرينا شي​

 

[rawona]

رد

لا وبعد ازيدكم من الشعر بيت ..

يقولكم السنه اليايه دبي بتنافس سويسرا بالغلا!!! ليش حاليا سويسرا اغلى دوله بالعالم و دبي بتصير مثلها ..

انا عندي اقط فلوسي بسويسرا بالبراد ولا اقطها في دبي!!

زحمه وهنود وزلمات وناس الغرب تارسين الديره واذا على السوقه و المجمعات كل شي عندنا بالكويت الحين واذا على الوناسه ما اعتقد في وناسه بالحر مالهم وجوهم انا عندي ااجر شاليه اهني وايد ابرك :eh_s(20):​

 

[brettey]

صاجه روونا اقط المبالغ الكبيره حق دول اوروبا ابرك

 

[ضحكة الدنيا]

اهى فعلا غاليييه ومصرف اللى يبى يروح يحسب حساب الغلا

 

[منورة الكويتية]

توو متش شدعوووه عليهم
صج حلوه بس ماتستاهل هالكلفه

 

[Chocolate Milk]

حجزناا اسبوع لشهر ثمانيه

 

[tofy]

صج صايره غالية انا اول سته كنت هناك

تذاكر على الكويتيه وفندق كلفني 700

ومصرف 1500

ترى بس 5 ايام

 

[ورق عنب]

!!!!!!!!!! جنه وايد ...معقوله

 

[bambena]

لا تخرعوني

تونا حجزنا اسبوع التذاكر على العربيه لي الشارجه 55 دك والسكن منتجع ماربيلا بالشارجه الليله 36 جونيور سويت

يعني كتذكره وسكن مو غالي الباجي عاد عالمصرف شكلنا بنقزرها ماكدونالد

 

[pretty sarona]

وااي الكويتيين يروحون كل مكان وإذا ردو ما يمدحونه !
حلوة دبي و أسعارها مثل الكوييت ,,, هم ديرتنا غالية و سكنها غالي !
واللي ما عنده فلوس لا يروح دبي البحرين أرخص P:

 

[bambena]

صاجه

انا من رايي اللي بيصرف ويقدر يروح واللي بيتكلف مو ضروري الروحه
وممكن تقتصدون يعني مو شرط الصوايغ ولا تاكلون دايما بمطاعم غاليه ويتهيالي تاجير سياره احسن من التكاسي عالاقل لو بتشترين ومعاج جياس واغراض الا تقطينهم بالسياره احسن

 

[babloo]

الحين الي يونس بدي ان التذكره رخيصه على الجزيره انا وريلي جم مره نروح انا معاه رايح راد 60 دينار بس نروح هناك نقط فلوس اليهد آخر مره رحنا قعدنا ليله ونهارين ... يعني وصلنل الصبح نمنا وقعدنا وصار بالليل ردينا قطينا 600 دينار بدون سكن وتذاكر .. وصج الزحمه هناك تييب الماحي .. كنا نحصل تكاسي ترس بالشارع وتضمنين ان محد يبوقج لأن العداد شغال بس زحممممممه أففففف بس الحين ودي اروح ماليزيا هذيج الي صج ديره صحححححح تسوق وتمشي وجو وناسه وناسه كل شوي يطق عليج مطر الللللللللللللللللله انشالله الله يكتب لنا ونروح هالصيف

 

[Saroona86]

أنا رحت بس بشهر 3 الجو حلو وعندهم مجمعات عجيبة جديده فاتحة
واجرنا بفندق بالشارقة حلو 5نجوووووووووم نظيف وتاكسي نطلع بباص الفندق الصبح مجاني ونرجع بالتاكسي اخر النهار وعلي حسب مشترياتج
لا وبعد شرينا بضاعة كلة ماكلفنا 400دينار كنا 3انفار بس ماخلينا مكان مارحنا ولا مطعم بخاطرنا والمدة 5ايام مع العلم شريت صوايغ خفيفة للمقربين
ميرسي

 

[MyLittleBerry]

لا والله اسعارها مثل ماهي انا كويتيه اماراتيه

واهلي بالامارات وكل سنه مرتين اروحلها

الاسعار نفسها ماتغيرت