اليوم يناقشون راتب مرافقة الزوج .. يااارب

[اختكم بالله]

نفس ماقالت منوره

 

[رضاب 66]

والاجازه فيهت راتب ولا لا ؟؟؟قصدى اجازه الصيف ...

 

[منورة الكويتية]

رضاب اعتقد فيها بس ماينزل دفعه وحده مثل الكويت لا شهر ب شهره
بنات مانزل لكم شي؟
متي يتطبق القرار؟

 

[مجنونة حبه]

منور للحين مانزل
دقيت على دوامي استفسر علما انا اشتغل بالجامعه
قالوا قرار الاجازه طلع (اجازه مرافق براتب ) الحين راح يدزونه قسم رواتب
يقول يمكن شهر سبعه
ولا تنسون ميزانيه سنويه توها عطوهم
فقلت انا يبيلهم ٣ ولا اربع اشهر على مايعدلون الاوضاع

 

[جِراحُ الغَرام]

حبيت اقولكم ان كونه قرار مو قانون عشان جذي ملوعين جبدنا
في وزارات ما شاء الله وزيرهم وقع على القرار فما احتاجوا يحوسون
بس بالنسبة للتربيه الوزيره السابقه ما وقعته فحوووووسه
اضافة ان وزارة التربيه وزاترة الفوضى ... والا ابوي يراكض كذا مره حق هالسالفه اخرتها ملفي مافيه ورقة اجازتي ؟؟؟؟
الله يعينا

 

[اختكم بالله]

بنات انا نزلي الراتب بس مقطووووع بشكل فضيع

 

[اختكم بالله]

اتوقع لازم تراجعون او خلو احد من اهلكم يراجع

لان ماراح ينزل الا بمراجعه

 

[جِراحُ الغَرام]

حبيبتي اختكم بالله عليج بالعافيه وتتهنيني فيهم ان شاء الله
بس ما عليج امر ياليت بس توضحين شنو سويتي لأن والله ذالينا ذل عليها
والله ابوي لايعه جبده من السالفه بس مضطر والا الحين صار لي شهرين مخلصه اوراقي الحين يقولون ما عندهم ورقة المرافق ويبون كتاب حق الوزير

 

[اختكم بالله]

هلا حبيبتي الله يعافيج

الله يسلمج ماله علاقه كتاب الاجراءات كلها بين المدرسه والمنطقه

خلي ابوج يروح الناظرة ياخذ منها ورقه تثبت اجازتج بس توقع عليها بتاريخ جديد عشان القرار جديد

وبس يروح المنطقه يقدمها ويحولونها من

إجازة مرافق زوج من غير راتب

الي

إجازة مرافق زوج براتب

وان شالله يارب تمشي للكل

صج ان قاطعين الراتب بشكل فضيع بس الحمدلله يارب انا راضيه عالاقل شي احسن من لاشي تعيشنا بالغربه

 

[منورة الكويتية]

خوخه شكثر قاصين!
اهو مفروض ينقص حول ال ٣٠٠ صح؟

 

[جِراحُ الغَرام]

بنات حبايبي
اليوم ابوي اكد لي من الديوان ان المقصود بستة شهور مدة ابتعاث الزوج ما تقل عن ستة شهور ( مو ان احنا مر علينا بالوطيفة 6 شهور )
شغله ثانيه : ينزل بأثر رجعي من صدور القانون
شغله ثالثه : سألت وحده نازل لها من فتره تقول اي راتب اساسي مع زياده ما عرفتها وهي غلاء المعيشه 50 دينار اذا ماني غلطانه و علاوة اجتماعيه ( اسمها جذي اذا ماني غلطانه ) وهي 190 دينار تقريبا
يبقى الراتب الاساسي اللي يختلف على مايبدو من ناحية الشهاده والوظيفه على ما يبدو
ولا يزال الوالد يراكض بين ممرات المنطقة التعليمية اللي انا تابعه لها والديوان

 

[اختكم بالله]

منور انا شهادتي دبلوم ويفرق حيل معاي

 

[هــلا الكويت]

عليج بالعافية خوخه

انا اليوم كملت أوراقي بالمنطقة و بشروني خير الحمدلله يعني باقي تواقيع من المسؤولين

و قالولنا نراجعهم خلال اسبوع نتأكد والله كريم بننطر الشهر الجاي

يقولون بأثر رجعي والله أعلم

 

[اختكم بالله]

الله يعافيج هلا الكويت

ان شالله بينزل للكل بس كل وزاره غير عن الثانيه بالإجراءات ومتى ما اكتملت الاوراق راح نزل لج وبأثرياء رجعي


لاتحاتون راح ينزل للكل بس كملوا اوراقكم

 

[رهف المذهله]

السلام عليكم بنات انا اليوم رحت اكمل اوراق الاجازه للحين ما خلصوها لي كل يوم وحده غايبه واوراقي واقفه بس سالتهم عن المعاش قالوا انه ينزل ما يحتاج اروح الديوان !!!!!
بنات اذا خلصت من طلب الاجازه وين اروح عشان اضمن الراتب ما ينقص. ؟؟؟؟؟؟؟؟

 

[Sa7aBa]

اللي ينزل :
الراتب الأساسي
العلاوة الاجتماعية
علاوة غلاء معيشة اللي اهي 120
والدعم المالي اللي اهي 50 دينار



اللي ما ينزل بالراتب التالي:

اما الزيادة الأخيرة ال 100 دينار حق اللي مالهم كوادر فهاذي ما تنزل
و 50 دينار زيادة مادري شنو هم هذي ما تنزل

 

[monyq8]

انشالله يارب

 

[مجنونة حبه]

ادعولي بنات ان ينزل معاشي هالشهر
دقيت عليهم قسم اجازات وقالولي كل اوراق تحولت دايركت حق اجازه براتب
وراح تتطلع عند قسم ماليه قسم الرواتب
ودقيت على قسم رواتب يقولون ماوصل شي واصلا راح يكون من صوبهم اذا عدلوه بالسيستم مالا داعي احنا انغير شي
ان شاءالله هالشهر ينزل

 

[بطه فيها نطه]

خوخه بالمبارك تستاهلين كل خير حبيبتي والفال حق باجي البنات

ربي يرزقكم ان شاء الله ...

 

[اختكم بالله]

مج مج ان شالله يارب ينزل لج وينزل للكل ان شالله

بطوط حبيبتي الله يبارك فيج والفال للكل يارب