اليوم يناقشون راتب مرافقة الزوج .. يااارب

[اختكم بالله]

جراح الغرام للأسف المنطقه مايدرون وين الله قاطهم

 

[اختكم بالله]

بالنسبة لسؤالج

اي اختي لازم تكون عندج خدمه اكثر من ٦ شهور

يعني اللي متوظفه وماكملت ٦ شهور مالها شي اعتقد هذا اللي اعرفه وقالوه

 

[اختكم بالله]

الله يعين بنات اللي ينزل لها هالشهر تبشرنا عشان نعرف يمكن أوراقنا فيها خلل نعدلها ونراجع

 

[جِراحُ الغَرام]

مساء الخير حبيباتي
اختكم في الله شكرا على اجابتج لأسئلتي
طبعا انا مواعدتكم اعطيكم الاخبار اللي عندي اول بأول
شوفوا من ابوي الله يخليه خلص لي اوراقي قبل اسشبوعين وانا اشيك من موقع ديوان الخدمه متى راح ينزل الراتب حقي وطبعا طول الفتره اللي طافت كان يطلع فراغ عن التاريخ
يعني يحط لي جذي : تاريخ _

اليوم توني فتحت الموقع وطلع لي :

موعد تحويل الراتب فى حسابك يوم 25 من الشهر الحالى

:eh_s(9)::eh_s(9)::eh_s(9)::eh_s(9)::eh_s(9):
:yaaaaaarb::yaaaaaarb::yaaaaaarb::yaaaaaarb:
الحمدلله الحمدلله قولوا يالله ان شاء الله كلكم يطلع لكم نفس الشي
واذا نزل راح ابشركم

بس اختكم بالله هذا يدل على شي ان ما احتاج الى مدة خدمه عشان ينزل لي المعاش
لأن اللي نزل لها الشهر اللي طاف داومت شهر لا غير وانا مداومه 3 شهور فقط
ويااااارب تتهنون كلكم بالراتب

 

[هــلا الكويت]

عليج بالعافية يا جراح الغرام و الفال لنا يارب

جربت اسوي نفسح و دخلت الموقع ماطلعلي شي

شكله لازم نراجعهم ،، الله كريم والله مالنا خلق لويه الوزارة و المنطقة بس شنسوي

 

[جِراحُ الغَرام]

حبيبتي هلا الكويت
الله يعافيج قلبي ويارب تفرحونا بعد ان مشى لكم
انتي وزارة التربيه ؟ سويتي اوراقج ؟ لأن التربيه وبعض الوزارات تحتاج ان تسوين اوراق وجذي
انا صارلي اسبوعين من خلص ابوي اوراقي او 3 اسابيع
واي سؤال ان شاء الله حاضره

 

[اختكم بالله]

هلا جراح الغرام الحمدلله بشاره طيبه وان شالله ينزل يارب

والله يحفظ ابوج ويطول بعمره يارب


شلون ادخل الديوان ماعرف علميني بجرب

 

[هــلا الكويت]

جراح ماعليج امر شنو الخطوات اللي لازم اسويها

وين اروح الوزارة او المنطقة انا مدرسة فتبع وزارة التربية

و شنو الاوراق اللي يطلبونها مني لاني بالكويت حاليا فأقدر اكمل اوراقي

هلا و غلا خوووخه اشتقت لتجمعنا

 

[De3La^85]

وي خواره هالوزاره محد يدري وين الله قاطه كل وحده تقول حجي !

انزين اشلون طريقه الديوان الي اجيك متى ينزل معاشي ؟ علمونا عفيه

وان شاءلله ينزلنا كلنا من غير اجراءات ولا لويه من له خلق لويه الوزاره واجراءات ومراكضهم !!

وعفيه اي وحده ينزلها خلتبشرنا

والله يبارك لنا برزقه وييسر امورنا بهالغربه يارب

 

[اختكم بالله]

امين يا دعول

هلا الكويت شخبارج اشتقنالج

 

[هــلا الكويت]

هلا والله طريقة الموقع

كتبي بقوقل "ديوان الخدمة المدنية الكويت"

اول موقع يطلعلج فيه رابط تحته مكتوب الدخول للنظام

تدخلينه بعدها يطلب منج الرقم المدني و الرقم السري

رقمج السري اهو نفسه اللي كنتي تستخدمينه لما كنتي تاخذين طبيات بالتلفون

و اذا ناسيته كاتبين لج بالموقع شلون تردينه

والله كريم يارب

 

[جِراحُ الغَرام]

مساء الخير حبايبي

اختكم بالله مشكوره حبيبتي عالدعوه الحلوه وربي يحفظ لج كل عزيز وغالي
اولا بالنسبه لطلبكم شلون تشيكون موعد نزول الراتب ... في طريقه مثل ماذكرت هلا الكويت
بس الظاهر ان هالجزء مو updated لأن ما يطلع لي شي
في هاللنك ضغطوا عليه ودخلوا رقمكم المدني والرقم السري نفسه اللي حق المرضيات

http://www.csc.net.kw:8888/csc/Login1.jsp?s=1

بعدين راح يفتح معاكم كذا خيار فيه بند مواعيد صرف الرواتب الشهريه ضغطوا عليه ( ساعات يعلق فسووا ريفرش حق الصفحه او باك وضغطوا عليه مره ثانيه وويطلع لكم )
بالبدايه ماكان يحط شي امس حط لي تاريخ

اختي هلا الكويت ... انا اتوقع ان طريقة التقديم كأنج بتمددين اجازتج يعني ورقة تثبت ان زوجج عنده بعثه و اتوقع عقد الزواج شي جذي بس تقدرين تسألين الموظفات بالمنطقه اللي تابعه لها لأني مو متأكده شالطريقه الوالد اللي سوى كل شي ... جدد لي الاجازه بس صارت اجازه براتب ووقعها من الناظره اول بعدين المنطقه تعطينهم يكملونها ... بس هذا اللي اعرفه وسامحيني

و ان شاء الله اذا نزل راح اخبركم حبايبي

 

[اختكم بالله]

جراح الغرام مشكوره حبيبتي وان شالله يارب ينزل للكل يارب

 

[De3La^85]

هلا الكويت وجراح الغرام مشكورين عالطريقه عاد انا ناسيه الرقم السري بس بتعبث فيه بعد اشوي اشوف شسالفته ان شاءلله خير

الله يسهل ان شاءلله

 

[اختكم بالله]

علمينا شنو يصير معاج دعول

 

[هــلا الكويت]

بنات اتبعت خطوات جراح الغرام بالموقع و طلعلي


موعد تحويل الراتب فى حسابك يوم 25 من الشهر الحالى
المسئول المختص فى الفرع الرئيسى للبنك

و انا ما راجعت جهة عملي للحين .. الله كريم يمكن دايركت بينزلون لنا ..

 

[اختكم بالله]

هلا الكويت حتى انا طلع لي نفسج

تتوقعون ينزل دايركت

 

[chanel N22]

بنات موقع الخدمه المدنيه مغبر كاتب موعد تحويل الراتب للكل ما يدري ان احنا ما اخذين اجازات يعني لازم اهلنا يراجعون يارب يسهل ان شاء الله

 

[اختكم بالله]

الله يعين

 

[مجنونة حبه]

بدوامي يقولون للحين عالاجراءات قاعدين يمشون فيها ماخلصوا يمكن يبيلهم شهر