السلام عليكم و رحمة الله و بركاته
أهلين أختي الكريمة ,, الله يحفظك و يسدد خطاك :
ووجهة نظري تقول " الحجاب واجب و فرض على كل بنت "..لكن النقاب... لا اعتقد انه فرض
هذاا نهجي وهذا منطقي وهاذي وجهة نظري اتمنى محد يجادلني فيها..ولا ابي اي وحده تجادلني بالموضوع
هذي وجهة نظرك أنتِ زي ما قلتِ ,, بس الدين له وجهة نظر ثانيـة ,, و أنا ما جيت أجادل أختي الحبيبة أنا حابة أوضح نقطة بسيطة
علها تكون غايبة عن ذهن البعض ,, و وجهة نظرك لك ما أحد راح يجبرك على تغييرها يا عسل ^_^
طيب ,, الفريق آللي أجاز للمرأة الكشف ,, أجازهـ تحت
ضوابط و حدود ,,
يعني الكشف ماهوب جائز بصورة مطلقة ,,
يعني المذهب آللي أجاز الكشف قال : إذا أمنت المرأة على نفسها الفتنة فهنا لا بأس في الكشف ,,
و تبقى التغطية أفضل !
و كلنا يدري إننا الآن في زمن صوارف و فتن ,, زين إذا سلمت المتغطية من التحرش أجل كيف الكاشفة .. و الوجه هو موطن الزينة و الجمال
و المرأة يُعرف حسنها من قبحها ( من خلال وجهها ) و الخاطب لامنه جـاء يخطب أول شي يركز عليه ( هي حلوة و إلا شينة ؟ )
و الجمال و القبح ينعرف من خلال الوجه ,, و من المسلم فيه إن الشعر أقل فتنة من الوجه فهل من المعقول أن يأمرنا الله تعالى بستر الشعر الذي هو أقل فتنة
و يترك الأمر بستر الوجه ( الذي هو موطن الفتنة ) و من خلاله يُعرف جمال الإنسان من عدمه ؟ ^_^
فكرن شووي حبيبات قلبي بكلامي و أمر الأخذ بالنصيحة عائد لكن بكل تأكيد ^^
و آللي ماهيب مقتنعة بفرضية النقاب , نقول لها يا حبيبة قلبي أنتِ براحتك ^____^ حنـا علينا إننا نعلمك الحكم الشرعي
و أمر التزامك فيه عائد لك ,, و لا نغصبك على شي ما تبينه ^^
لكن نقول آللي بتكشف .. على الأقل خلها تتقيد بضوابط الكشف ,, لأن آللي أجازوا الكشف أجازوهـ تحت ضوابط معيّنة
ما قالوا اكشفي و بس ^_^
لازم آللي بتكشف تكشف تحت ضوابط و حدود ,, إنها ما تحط مكياج نهائيًا ,, تحجّب شعرها كله ما تطلع شعرهـ وحدة ,, تكون محترمة محتشمة لابسة عباية وسيعة
تستر معالمها الأنوثيّة .. العباية ما فيها أي نقش و زخرفة ما تحدد شكل الصدر و الخصر .. ما تلتصق بالجسم ^^
سؤال , كم وحدة من الكاشفات التزمت بهذي النقطة ؟ ^_^
أنـا بصراحة آللي أشوفهن كاشفات ,, أشوف الحمرة ,, و الكحل و المسكرة ,, و الأظافر مصبغة و العباية ملونة ,,
و حتى المتغطية أشوف منها هالحركات ,, إلا من رحم ربي ,, يعني الغلط من الجهتيـن ,, آللي كشفت ما التزمت بضوابط الكشف
و آللي تغطّت ما التزمت بضوابط الغطاء ,, ( ما أقول الكل ,, لكن فيه بعض من المنقبات يخالفن الشرع و كذلك بالنسبة لبعض الكاشفات )
تلاقونها متغطية بس مطلعة العيون و حاطة كحل ! لابسة رموش تركيب , العباية جلابية ماهيب عباية !!
تفاصيل الصدر و المؤخّرة باينة !!
والله إنها تلفت انتباهي بصورة كبيرة ( هذا و أنا بنت مثلها ) أجل كيف الرجال ؟
بربّكم أي حجاب هذا آللي يقولون عنه يستر !!
آللي بتتغطىّ ( تحترم الغطاء آللي لابسته ) , تحترم الإحتشام و تنزله قدرهـ ,, أما آللي تكشف و تحط مكياج و العطر يفوح من على بعد
و إلا لابسة جنز راص على جسمها و تقول أنا متحجبة !! و إلا آللي تتغطّى بس لابسة عبايا مخصّرة و مطلعة العيون
و لابسة اكسسوارات و مصبغة الأظاهر آللي يشوفها يقول للقمر انزل و خل تجلس مكانك ثم تقول ( تراني متغطية ) !!
أنتِ هزّأتِ معنى الإحتشام ,, أنتِ امتهنتِ الأدب !! ,, كسرتِ الحياء آللي هو تاج على رأس كل مسلمة ,,
أنا أنصح أخواتي الكريمات و كذلك نفسي بمراجعة الحسابات قبل أن تصيح نفسٌ يا حسرتاهـ على ما فرّطت في جنب الله
قال تعالى : { إنّ الذين فتنوا المؤمنين و المؤمنات
ثم لم يتوبوا فلهم عذاب جهنّم و لهم عذاب الحريق } ..
احترامي و تقديري
ترانيم القصيم
[font=times new roman (arabic)]ولو ان انا اتفق معاج بالحركه
