النــقــاب " ستر "..ام " تســتر / تنــــكر"..

[بنات حواء2]

انا معاج بالكليه نفسها
ونفس الي سوته فيج سووووه فيني الله لايوفقهم
قبل الامتحان الدكتوره قالت كتبكم بره القاعه عند الباب كان فيه طاوله
حطيت عليها تلخيصي
المهم انا الحمد لله و ذكروا الله بنات
معروف عني شاطره
بنتين من بعيد يطالعوني وانا حاطه الكتب و اعرفهم معاي بالكلاس
دايمن ييوني يقولولي انتي شنو تاكلين الي مخج جذي
معنه و الله الي فيني مو عبقريه اهتمام و دراسه بس
المهم اهمه سلمو اورقت الامتحان و انا طلعت وراهم
يوم طلعت شفتهم يمشون بالممر ميتين ضحك
ويتلفتون
انا دورت كتبي ماحصلتهم مو بس كتاب تلخيص تخيلي كل محاضره ارجع الخصها و التلخيص في معلومات و تعاريف موموجوده بالكتاب
قعدت عند القاعه ابجي وماظلمتهم و لا حطيت بذمتي ولا يه على بالي انهم ماخذين كتبي
المهم اسبوع كامل ماحضرت الماده هذي من التعب النفسي و الصدمه
المهم ذوله البنات اعرف رفيجتهم هي وايد معاهم بس حبوبه و تحبني ومعانه بنفس الكلاس
المهم حضرت بعد اسبوع وقعدت دشت الدكتوره قالتلي وينج ليش ماحضرتي قتلها انباقوا كتبي من برا دكتوره و الغلطه غلطتج لانج خليتينه نحط كتبنه بره و نسيتي انه في يهال و حسودين معانه بالكليه
الدكتوره طالعتني و انا بعيني الدمعه قالت من الحقيره الي مسويه جذي لا اعرفها ماراح يحصل لها خير
المهم يعد المحاضره طلعت جان تييني رفيجتهم وقالت الكتب اذا تبينهم تلقينهم بسيارت وحده فيهم عطبلوم لحقيها وراح تشوفينهم من الجامه اخذيهم ولعني خيرها
المهم لحقتهم ولمن راحت سيارتها لحقتها بطلت الباب بتركب رحتلها
قلت لها عطيني كتبي لا اروح اخر الاكو و الماكو عند الدكتوره هي من الخرعه خذت الكتب و حذفتهم علي
وداااااااااااااااااااااااااااااااست
طبعن انا رديت الكليه وقلت حق الدكتوره و الدكتوره خفست بجريد البنتين ذوله
انا الحمد لله عرفتهم وبردت جبدي
بس انتي مشكلتج ماعرفتيها و لا عرفتي السبب
بس ما اقول الا حسبي الله ونعم الوكيل على كلوحده تسوي هلسواة

 

[رو&الشقاوة&وح]

اولا انتي لهدرجه مغفله تعطين كتابج لوحده ماتعرفينها حتى لو كانت منقبه ؟؟؟؟؟؟؟؟؟

ثانيااااا لما شفتي كتابج او حتى شكيتي فيه ليش ماطلبتي من البنت تراويج ايهاه وتشوفينه ؟؟؟؟

غيرجذيه اذا حابه تسبين النقاب سبي بشكل مباشر مو جذيه بقصه سخيفه مالها معنى

الله يعينا على هالعقليات التافهه والدنيا فيها الخير والشر

في محجبات وحجابهم اي شي وفي سفوووووور واستغفرالله يمشون مفصخااات يعني وقفت على المنقباااااااااااااااااات

ترا احنا مو اغبيه نفهمها وهي طااااااااااااااااايره

 

[برنسس أوراق]

انا منقبه

النقاب ستر وطهاره وانا معاج بوجهة نظرج 100%

لكن للأسف فيه البعض من البنات مو بس شوهوا صورة النقاب

لاأ

حتى صورة الحجاب شوهوهاا ‏

انا خريجة التربيه وياج ودرست وشفت وايد من هالنوع

انتي كتابج..عيل ما بالج باللي سرقوا حتى نيديتهاا عزكم الله

حتى هالشي حلا بعيونهم

تقبلي مروووري

 

[منار البربرية]

يا زين النقاب اذا بلبس ماراح البس حجاب راح البس نقاب على طول اريح وفكه من عيون الناس وحسدهم وسبحان الله البنت المحترمه تنعرف لو شنو ما سوت تصدينها الدخيلات على النقاب مادري لي متى يشوهون صورته حرام عليهم ؟؟؟
موعاجبج لا تلبسينه ؟؟ مو غصب

 

[Dalo0o3a Cute]

مدري شقولج بس الصراحه قليل اشوف متنقبات صج ملتزمين فيه من ناحيه لبس و تكون مو حاطه ميك اب او تكون حاطه بس يكون خفيف

انا اللي اشوفه اللي تتنقب لازم تلتزم اكثر لان النقاب له احترام
ومع الاسف لما اطلع واشوف البنات المنقبات طبعا مو كلهم حيل انزعج من المنظر خصوصا لو يت لابسه عبايه مخصره والمكياج خصوصا خطة العين اتضبطها اهني مع الاسف تطيح من عيني

و انا اتفق معاج 100% بعض البنات يستغلونه لسوالف .... ما يعلم فيها غير الله

والصرآحه اللي تتحجب او تنقب عليها تلتزم اكثر باللبس وحتى من ناحيه الميك اب الا شالفرق بينها وبين السفور

والصراحه الحين من ناحيه الستر ما ينقاس على حجاب او نقاب على طريقه لبس الوحده مرات اشوف وحده مو متحجبه استر من وحده متعبه نفسها بعبايه او نقاب او حجاب وطبعا هالشي ما ينطبق على الكل

 

[ام عبدالقادر]

ياكرهى لهاالاشكال الى شوهت معنى النقاب ولا السنام الى يحطونه فوق روسهم وانتى على بو انها متنقبه تعطينها كتابج واذا سؤالج النقاب ستر او تنكر فى ناس تلبسه للستر وناس مغصوبه عليه انا بدويه وابوى ماغصبنى البس نقاب بس انا عندى قناعه ان الحجاب الشرعى للمراه انها تستر جسمها وشعرها وجها لان اول شى يلفت النضر ويفتن وجهها وفى ايه نازله عن الحجاب ماقدر اكتبها الحين واسالى مفتى شرعى عنها بعدين والله الدنيا ماتسوى وبنموت وبيشبع الدود من وجيهنا لازم نعمل لاخرتنا

 

[PinkY Dreams]

انا ساعات اذا رحت المباركيه ألبس نقاب علشان قطيعه الهنادوه والمصاروه اهناك بس يخزون

 

[اوركيدا20010]

اولا انتي لهدرجه مغفله تعطين كتابج لوحده ماتعرفينها حتى لو كانت منقبه ؟؟؟؟؟؟؟؟؟

ثانيااااا لما شفتي كتابج او حتى شكيتي فيه ليش ماطلبتي من البنت تراويج ايهاه وتشوفينه ؟؟؟؟

غيرجذيه اذا حابه تسبين النقاب سبي بشكل مباشر مو جذيه بقصه سخيفه مالها معنى

الله يعينا على هالعقليات التافهه والدنيا فيها الخير والشر

في محجبات وحجابهم اي شي وفي سفوووووور واستغفرالله يمشون مفصخااات يعني وقفت على المنقباااااااااااااااااات

ترا احنا مو اغبيه نفهمها وهي طااااااااااااااااايره

:rerrerek::rerrerek::rerrerek:

 

[أحبك أمي]

الله اكبر
كل وحده ونيتها
ماأحط شيء بذمتي

 

[أحبك أمي]

انا ساعات اذا رحت المباركيه ألبس نقاب علشان قطيعه الهنادوه والمصاروه اهناك بس يخزون

وشهد شاهد من اهله:d

 

[caramil]

انا ساعات اذا رحت المباركيه ألبس نقاب علشان قطيعه الهنادوه والمصاروه اهناك بس يخزون

لوووووووووووووووووووووووووووووووووووول

صح تعالوا شسالفه بس بالمباركيه اشوف هالشفاحه !
بالاماكن الثانيه ماكو احد يخز جذي
احنا بديرة خير ونعمه ورياييلنا شاايفيييين خير

 

[الدره الصافي]

شلونج اختي
زين طرحتي موضوع نقاب بحكم أني متنقبه

الي تبي تبوق تلبس نقاب علشان محد يعرفها
الي تبي تخربط مع الشبابً تلبس نقاب
الي تبي تبرز عيونها تلبس نقاب لانها لو نفصخ نقاب محد يلاحقها

اللاسف شوه سمعة البنات منقبات انزين إحنا متنقبات علشان نقاب امر ديني
الحين لي رحنا السوق ما ناخذ راحتنا بسبب عيون الناس علينا بسببهم


اندج حل فيديني

 

[caramil]

الله يستر على بنات المسلمين و الله الحافظ
والبنت الزينه تنعرف من البنت المنتهيه..
حتى لو تسترت بألف رداء من الحشمه
او استرت خلف مفهوم الاسلام ...
تنصاد تنصاد .. لأنها راح تتعب من التمثيل والتصنع وتبين على حقيقتها
عاجلا ام آجلا..

 

[ام متلق]

صاجه الحين النقاب مو حق الستر الي جيكره تخش جكرها واطلع بس عيونها وترسمهم رسم ومكياج ماله والي
والي لابسته عشان الفتنه والمغازل والعيون والخدود طالعه من كل صوب النقاب صار شبهه مو ستر استغفر الله
خربوا النقاب وصار يفشل

 

[كفن]

لا اله الا الله و لا حول ولا قوه الا بالله


حبيبتي اول شي ادعي لك بان الله يفرج همك و تلقين الفلاش اللي ضايع .. وان الله يسترنا ويسترك و يستر بنات المسلمين


اول شي انا منقبه و اول ما تنقبت كانوا اهلي مو راضين ولا يبون النقاب

وانا معاك بكلامك ان النقاب تشوه حيييييييييييييييييل من فئه او فئات اهدافها بالنقاب مختلفه و بعيده عن ان النقاب ستر وامر شرعي ...


انا اشوف محجبات و سفور بعد افضل من كثير منقبات .. افضل بالاخلاق و الحشمه بعد .. يعني في سفور لبسها احشم و استر من بعض المنقبات للاسف

شنو العبايه المخصره ؟؟ ليش لابستها .. والنقاب اللي مغظي الوجه و الوحده بلا اخلاق ؟ شنو الفايده منه ؟

في التستر و في التنكر و في اللي مغصوبه .. واجد انغصبوا عليه بس اقتنعوا فيه و لبسوه بطريقه ما تشوه هالنقاب

واللي تخط المكياج و تتخصر و تحط هالقفه على راسها و حاطه هالقطعه السوده المقصمله على وجهها و تسميه نقاب ..

من زين الشكل كله على بعضه .. استغفر الله العلي العظيم ..

للاسف النقاب ينلبس على اخلاق تحتاج نقاب


اختي لا تنجرفين بالتقاش و يحدك الحوار تعممين ان كل المنقبات من هالفئه .. انتي على حق بانتقادك بس صدقيني مو كلنا كذا ..


اختك ...

كفـــــــن
​

 

[كفن]

استغفر الله و لا حول ولا قوه الا بالله العلي العظيم

 

[ام متلق]

كفن ترى الاخت كاراميل كانت منزله الموضوع هذا قبل يضيع الفلاش مموري مالها حبيت اوضحلج بس

 

[البندري]

لصراحة عنواننج للموضوع عجيييييب ( النقاب ستر اوتستر )

 

[رهيبة قطر]

صج في بنات يلبسون النقاب بطريقه غلط او عشان يسون بلاوي بس مانقدر نقول انهم يشوهون سمعة النقاب والمنقبات لانها ماشوهت الا سمعتها اذا هي اساءت استخدامه مب معناته ان انا اسيء الحكم لمنهج الله ومنهج رسول الله

 

[BESHO-EL DMERA]

ياحبايبي الحين أصلا لا السفور ولا المتنقبه ساتره روحها


في الشين وفي الزين وفي الطاالح وفي الفالح بكل مكان وزمان ............