المدارس الخاصه بالكويت

[حلم الطفولة]

رفع .........

 

[Mazyoona]

السلام عليكم اشرايكم في مدرسة دسمان ثنائية اللغه

وي يحليلها مدرستي

أنا اقولج اب دسمان CDC و ال KG اقوياء حيل يعني تبين تاسسين انجليزي
اوكي لكن عربي لالالا نص يهالنا ما يفهمون عربي عدل
اللي بيدخ عياله دسمان
هذي نصيحتي
خلوهم لمن GRADE 6 سادسه و بعدين طلعووهم
لانه بصرااحة الاوضااع صارت سااايبه صبيان قليلين ادب
و بنات مياعه مادري وين اهلهم اللي بسابعه تكلم اللي بالثانوي
و تشوفينها طاقتها السوالف و قاعده يمه .... بمعنى ماااكو رقاااابه
اوكي يمكن سمعة الدراسه قويه و لكن ركزوا لكن ماكو مدرسين سنعين
منهج يشق شق و مدرسين خرطي لانه المدرسه ما تبي تدفع معاشات غاليه
لمدرسين ذوو كفاءات عاليه و بالتاااالي طلبه علاماتهم مييييييح و لا هالايام
هابين لنا هبه اسمها ال CURVE :eh_s(14): هذا الله يسلمكم لمن صف كااامل اييبون
علامات زفت طبعا لانه محد فاهم شي يقومون يسوون ال CURVE يرفعون
كل الصف 10 ولا 20 ولا 30 % على حسب اذا بالعشره في طلبه وصلت
علاماتهم للتسعينات يطبقون العشره لكل الصف و اذا عشرين يطبقون العشرين واذا
ثلاثين يطبقون ثلاثين ليييش !!!!! على قولتهم علشان الطلبه بس لا علشان المدرسه
يتفيخرون جدام التعليم الخاص و الله طالعوا نص طلبتنا PRINCIPAL LIST "لائحة
الناظره" و النص الثاني بلوحة الشرف يعني اللي صج يجتهد علاماته نفس اللي مهبب
ومطبقين عليه ال CURVE !!!!

باختصار المدرسه ما صار فيها تعليم سنع الحين و الشباب اللي فيها اغلبهم مو كلهم خمة و البنات
منهم انواع المياعه و قلة الدب و منهم اللي يحترمون نفسهم

 

[حلم الطفولة]

حي الله مزيونه مشكوره عالمشاركه

أكو موضوع عن دسمان شرايج تكتبين معانا دايما

 

[حلم الطفولة]

..... رفع ........

 

[حلم الطفولة]

رفع

 

[malekatsabaa]

اسمحيلي بنت الكويت
انتي طلعتي مدارس الحكومه بالحظيظ
احنا ندري ان المدارس الخاصه مناهجها اقوى وافضل..

بس تر مو كل الناس قادره تحط على روحها3000 حق كل ياهل ..هذا المبلغ خيالي الصراحه
ولو كانت الحكوميه خواره جان ما طلعت اطبا ومهندسين ومن جامعات اجنبيه.صح ولا لأ؟

هذا رايي وتقبلي مروري

 

[leza_q8]

السلام عليكم ورحمة الله وبركاته ..

انا خبرتي بالخاص مع اعيالي من البدايه سعيت ودورة لهم مدرسه قويه وزينه ورسومها مناسبه واقدر ادخل كل اعيالي فيها

من غير لا افضل واحد على الثاني وعطي لواحد فرصه افضل من الاخر

دورت وسئلت وستخرت تالي اخترت الانجليزيه الباكستانيه

مميزاتها قويه بالدراسه الي فيها مسلمين رسمومها مناسبه لنا

عيوبها كارفين الياهل واجبات وايد زحمه الترفيه فيها قليل

انا مدخله ولي وبنتي بصراحه مستواهم حلو وقوي وونس

بس يتني فتره كنت حامل وايد تعبت من التدريس وغيره وصحت الداد لكن سهالات الحمد الله __ الله مسهلها وميسرها

" بختصار زينه وقويه على مستوى فلوسنا "

 

[حلم الطفولة]

leza_q8 مشكوره عالمشاركه الله يوفق عيالج حبيبتي , والباكستانيه ماعليها غبار من حيث القوه.

 

[ننوووش]

اسمحيلي أنا عيالي في باكستانية المنقف_في الصف الأول تـأسيسهم حلو_بس عيبهم واجباااااات وصعبة جدا في ثانية وثالثة_والعربي ميح_انشالله راح أوديهم مدرسه نظامها نفس الحكومة

 

[أم فرووحة]

صراحه عيوني اطلعت على ماقريت كل الصفحات هههههه الموضوع قوي ماقدرت اقوم الا لم خلصته بس تعبت والله

صراحه يستاهل التثبيت..

بالنسبه لي قاعده ادور على المدرسة اللي تهتم بالقرآن و الأخلاق قبل الإنجليزي..لأن باجر الله بيحاسبج عليهم و بلبسونج تاج الوقار ان شاء الله اذا كانوا حافظين القرآن

و ماراح يلبسونج شي اذا كانوا بلبل بالانجليزي ^_^

يعني فكروا في مصلحتكم اول ههه


بالنسبة لي محتارة بين القطوف و روض الصالحين..

المشكلة ان الفرق بالسعر واااااااااايد فرق

القطوف صارت بعد الزيادة 600 للابتدائي و روض الصالحين 1600 تخيلوا يعني فرق 1000 :\\\ ويح قلبي

مع ان خاطري بروض الصالحين بس قاعدة افكر بفرق السعر لأن عندي اسم الله عليهم بنتين و هم اللي يايين بالطريج ما ابي اظلمهم يعني لازم نفس المستوى كلشي ولا التفرقة بين عيالكم..
و هم أخاف تطلعلي شغلات مني مناك يعني مفاجآت تحتاج فلوس الا كل فلوسي على مدارس اليهال..

خاطري بروض الصالحين بس سمعت انها وايد قوية و تحتاج امجابل بالدراسة ما ادري هل هالكلام صح ولا لا..؟

ياليت ارسى على برررررررر

محتارة

 

[.. مـــلاكـ ..]

ررفع

 

[الصابرة المحتسبة]

رفع

 

[*sweetgirl*]

ليش محد يمدح اكسفوورد الي بسلوى ولدي فيها مشاء الله كلش ماتوقعت ان بيطلع جذي معنى توه kg2 واول سنه ادخلة وياهم

الحين ماشاء الله يعطي جمل بالانجليزي ويسولف ويا خدامتنا ويفهمها وياي لوووول

تدريسهم حلو والحين سجلت بنتي عندهم اولى روضه بخليها سنتين ويا اخوها ومن تروح اولى ابتدائي بنقلها مدرسه للبنات مابيها تختلط مع الصبيان

 

[مهبوله]

رد : المدارس الخاصه بالكويت

زين تكلموا عن المدارس الثانويه تكفوووووووووووووووووووووووون بلمنطقه العاشره

بليييييييييييييييييز