اللي يملجون من غير ما يشوفون بعض وخصوصا البدو..شنو شعورج اول ما تشوفين ريلج بالعرس؟؟

[april_q8]

وااااي انتحر هيهيهيه الحمدالله انا شرط ابوي اني اشوفه و يشوفني و اكلمه و خطبتي 6 شهور كان يزورنا و يقعد معاي و اهلي موجودين طبعا وايد شي زين يشوفج و يشوف اهلج و تشوفينه و تشوفين طريقته و تتفقين معاه على كل اللي تبين مو عقب ما تاخذينه تنصدمين

و اهم شي عشان تحبينه لأن اذا تزوجتي واحد تحبينه الحياة تمشي و طبعا انتي ما راح تسوين شي غلط لأن اهلج يدرون

 

[طير الحب]

الغريبه انه ليش ما يشوفون دام الشرع حلل هلاشى

يعنى اذا ما عجبته بعدين شيسوى وحتى المره

 

[asma_alyousef]

المنة على من هداه الله ياما ناس تزوجوا عن حب واشبعوا من ويوه بعض لكن بالنهاية انفصلوا وبالمقابل وايد تزوجوا ماشافوا بعض وعايشين ومستقرين كله بيد رب العالمين..

 

[حووور]

والله خوش موضوع تصدقون يابنات انج ما تقعدين مع زوجج قبل الزواج مو شي صعب مثل ما تصورونه بالعكس اكشن انا متزوجه بالطريقه هذي وخواتي بعد وكل الجماعه جذي انا زوجي يقربلي بس ما كانت لي علاقه فيه

بس احنا عندنا طريقه نشوفهم فيها تخليكم تضحكون يوم يجون يخطبون تلقينا انا وخواتي قاعدين عند الدرايش انتنطرهم نطل مع الدريشه واخواني يساعدونا بعد يعني مثل اخوي يوقفهم برا شوي يعني يكلمهم عشان انشوف عدل حتى امي ويانا شوفو المصخره عااد

من له حيله فليحتال

بس اول يوم قعدت انا وياه لي خمس الفجر وانا قاعه على كرسي ما تحركت من

الخرعه الخوف مو من القعده وياه اول مره الخوف من النظرات اللي تخرع ديره

ومثلكم عارف جنه نظرت ممثل مصري واصل حده مصري ههههههههههههههه

 

[cute_girl]

مو شرط انا بدويه وعادي نشوف بعض قبل العرس خلاص ملكه وملكوا ليش التعقيد بالعكس افضل انهم يقعدون ويا بعض ويعرفون بعض قبل عشان اذا ماافيه تفاهم يفصخون الملكه احسن من انهم يتزوجون وبالاخير مشاكل وطلاق

 

[ام مضاوي]

انا تزوجت بدون ماعرف زوجي زواج تقليدي

بس شفت صورته وشاف صورتي بعد ماخطبو اهله

وبعد الملجه بيومين زارني في البيت>>>>كان موقف رعب ويونس
رعب من الحيا ويونس لاني مستانسه فيه
شعور مختلط غريب
بس رووووعه


طبعا لحظتها طلب رقم تلفوني وانا رفضت(تخلف)
يمكن لان مومن عاداتنا عند العايله ان الوحده تكلم زوجها

بس قعدت سنه كامله من الملجه لين العرس وانا افكر فيه
وبعد العرس اهو قالي نفس الشي

بنات اول ايام العرس تكونون متلهفين حيل لبعض
كل واحد بيعرف عن الثاني اكثر

والحمدلله احنا نحس انا اسعد زوجين في الدنيا>>>طبعا هذا مايمنع ان لكل واحد عيوبه

بس الحمدلله كأننا متزوجين عن حب
7
7
7
7
7
7
7

وفي النهايه كل طريقه لها حلاوتها وشعورها سواء كلمتيه ولا شفتيه ولا شبعتي شوف منه

بالنهايه الزواج واحد
والتوفيق من رب العالمين

 

[سوق الجمعة]

انا تزوجت زوجي وحياتي ماشفته حتى لو صورة ..

بس سبحان الله ماكان فيني فضول اشوف .. ويوم العرس الحمدلله يوم شفته شعور غريب يعني مو مصدقة ان هذا زوجي بس الحمدلله وماشاءالله عجبني وعجبته ومرتاحين ماشاء الله عسى الله يتمم علينا ولا يغير علينا..

 

[ناعمة]

لا والله صعبة !

انا مو بدوية . لكن رفيجاتي اعرف منهم اللي تزوجوا بهالطريقة . والله يكسرون خاطري .

يعني الواحد ما يبي لا يظلم نفسه و لا يظلم غيره .

يمكن هالانسان حاط بباله صورة معينة ، مهما كان شكل البنت مو شرط تعجبه !

الجمال مقاييسه تختلف من انسان لانسان . يمكن هالانسان مو هذا الجمال اللي يعجبه ! حتى لو اهي مقتنعة انها حلوة !

و العكس صحيح ، يمكن اهي ما يعجبها هالانسان حتى لو اهو عباله مزيون ! اهي بنظرها مو حلو

و السالفة ترى مو بس جمال . ايضا اخلاق . لازم تقعد معاه و تشوف شلون تفكيره و طريقته بالحياة . مو كل حلو بالشكل حلو بالاخلاق !!

يعني انا ما اشوووف انها عيب لو تقعد معاه و تكلمه بوجود اهلها معاهم . وين المشكلة ؟

الله يهدي الجميع





و مشكورة اختي على الموضوع الحلو . يزاج الله كل خير

 

[تووت]

اي والله الله يهدي الجميييييييييييييييييييع

 

[يارا 2009]

بنات انا ابوي حيل متشدد واخواني بعد

انا املجه علي ولد ولد عمي اقدر اقول حق ابوي ولا واحد من خواني اني

اشوفه واتكلم معاه واشوف شنو اللي يحب وشنو اللي يكره وشلون حياته هل هوعصبي طيب اشلونه يعني.

بس اخاف من ابوي يهاوشني واخاف من اخواني معني ماكنت راضيه فيه اهم املجوا غصبن علي وولد اختي يقول عنه انه طيب بس عصبي ويطق اخوانه ومطول شعره
وكان قبل قبل مغازلجي علي فكره اهو الولد موحلو بس مقبول فيه شفته مع الدريشه يوم يخطبوني ياربي والله ودي ابجي انشاالله الله يهديه ويكون احليل معاي

بنات اقول حق ابوي ولا لا بس اخاف ياخذ عني فكرة موزينه
وربي يسخره لي انشاالله ويسعدني معااه ويوفقنا قولو امين

 

[katko0ota]

و هل يعقل اتزوج واحد مو شايفته ؟؟؟

بالله لما شافني ما تقبلني !!!!!

انا كل اللي تقدمولي قعدت معاهم بوجود الأهل طبعا و كلهم عاهات الحمدلله و الشكر .على فرض انا واحد من الي تقدمو ما شفته جان شنو بيكون مصيري!!!!

و تبقى وجهه نظر.

 

[يارا 2009]

انا والله محتاااره

 

[miamy]

لأ لأ لأ

انا مستحييييييييل اسوي هاشي

لأن مره انخطبت شفنا بعض اوكي ولما كلمته انصدمت من افكااااااااااره واي حده متشدد

انا الصراحه هالشي ما يمشي معاي ولا اهو يبي وحده متحرره شويه ف احنا الاثنين ما بغينا بعض تخيلو لو اني مو شايفته ولا مكلمته واخذنا بعض!!! جان يا بتطلق او بتطلق!


انا برايي لاااااازم الاثنين مو بس يشوفون بعض يتكلمون مع بعض بعد لان لابد من تقارب الافكار على الاقل

وسلامتكم

 

[عجزت القى اسم]

يارا 2009

الله يعينج وانا انصحج انج تكلمين ابوج واقري وادعي قبل لا تكلمينة عسى الله يهدية وبعدين يكون احسن من بعد العرس لو ما اتفقتوا والله يوفقج

 

[Q8ia_100%]

بس في رؤيه شرعيه بالدين
الدين وايد ارحم واهون من العادات والتقاليد
الحين هذي اللي ما شافها ريلها قبل لا يملج عليها تلقين السايق شايفها وراعي المحل شايفها واللي بالسكه كلهم شايفينها ما يت على الريل اللي من حقه وربه امحلل له رؤيه شرعيه

الله يوفق الجميع يا رب

 

[Q8ia_100%]

بنات انا ابوي حيل متشدد واخواني بعد

انا املجه علي ولد ولد عمي اقدر اقول حق ابوي ولا واحد من خواني اني

اشوفه واتكلم معاه واشوف شنو اللي يحب وشنو اللي يكره وشلون حياته هل هوعصبي طيب اشلونه يعني.

بس اخاف من ابوي يهاوشني واخاف من اخواني معني ماكنت راضيه فيه اهم املجوا غصبن علي وولد اختي يقول عنه انه طيب بس عصبي ويطق اخوانه ومطول شعره
وكان قبل قبل مغازلجي علي فكره اهو الولد موحلو بس مقبول فيه شفته مع الدريشه يوم يخطبوني ياربي والله ودي ابجي انشاالله الله يهديه ويكون احليل معاي

بنات اقول حق ابوي ولا لا بس اخاف ياخذ عني فكرة موزينه
وربي يسخره لي انشاالله ويسعدني معااه ويوفقنا قولو امين

خلاص انتي ملجتي وقع الفاس بالراس فلنفرض الله لا يقدر وما اعجبج وقلتي مابيه
انتي امطلقه امطلقه
الله يهديه لج ويسخره وما يشوف مره غيرج

 

[سارونه أشكناني]

امبيه لأ مستحيل ما اشوفه الا يوم العرس اصلا اهلي ما يرضون الحين لما يخطبوني خواتي يتحرشون فيني امي وابوي يقولون خلوها ما صار شي يمكن البنت ما يعجبها 6 مرات خطبوني مع انه فيهم مزاين وفي لأ وفي اللي اقصر مني بعد لووووووووووووول ونقعد ونسولف بس انا استحي اهو يسأل وانا اجاوب وكل ما يقولي ما عندج اسأله اقول لا اللي بغيت اسأله انت تكلمت فيه خخخخخخخخخخخخ بس مو اي واحد يدخل خاطري مو شرط حلو ولا لأ ،، نشوفه يوم الخطبه بعدين اذا وافقنه على بعض اييون يقصون مهر الحريم بروح والرياييل بروح بعد ما يتفقون على المهر ايي حقها ويسلم عليها بس وبعدين الاهل يتفقون عشان يروحون يشترون الدبل بس معاهم من الاهل وبعدين يوم الملجه يملجون وعلى طووووووووووووووووووووووووووووول ياخذها ومطاعم ويأثثون ويكلمون بعض انا اختي الحين مملوجه ياخذها من البيت الظهر ويردها 5 الفير ومعاها احتياطات من ملابس وغيره خلاص عندنه تعتبر زوجه واللي يبون يسوونه كيفهم عاد كلهم يسوون كلشي بس (( الشسمه )) عشان التقاليد يخلونه بيوم العرس ووالله في بنات اعرفهم خخخخخخخخخخخخخخخخخخخ بالعرس حامل ، اعذروني طولت عليكم .. والتوفيق من الله

 

[زهرة اللوتس]

بس في رؤيه شرعيه بالدين
الدين وايد ارحم واهون من العادات والتقاليد
الحين هذي اللي ما شافها ريلها قبل لا يملج عليها تلقين السايق شايفها وراعي المحل شايفها واللي بالسكه كلهم شايفينها ما يت على الريل اللي من حقه وربه امحلل له رؤيه شرعيه

الله يوفق الجميع يا رب

نفس اللي بقوله هذا شي رب العالمين محلله ليش التعقيد

 

[برشلونيه]

مو شرررط البدوو بس

يعتمد ع العايله نفسها

انا افضل انه يشوفها وتشوفه بوجود الاهل طبعا بس ماله داعي تكلمه وتطلع معاه

احس بيمل منها جذي حلاته بليلة العرس يكون متشوق ويسولف معاها لي الصبح

احنا حضرر واهل ابوي عندهم عيييب تكلمه او تطلع معاه بالملجه يوم الخطبه تشوفه ويشوفها وبس




شكراا ع الطرح

 

[malak_alroo7]

بس في رؤيه شرعيه بالدين
الدين وايد ارحم واهون من العادات والتقاليد
الحين هذي اللي ما شافها ريلها قبل لا يملج عليها تلقين السايق شايفها وراعي المحل شايفها واللي بالسكه كلهم شايفينها ما يت على الريل اللي من حقه وربه امحلل له رؤيه شرعيه

الله يوفق الجميع يا رب

رايي من رايج