اللي يملجون من غير ما يشوفون بعض وخصوصا البدو..شنو شعورج اول ما تشوفين ريلج بالعرس؟؟

[رضاب]

أنا مو متزوجه

وبدويـــــــــــــة واتمنى إني أشوفه يمكن ما يعجبني

 

[يارا 2009]

حنا بعد جذيه انا خواتي يوم تزوجو لاشفوهم ولا كلموهم

بس انا للحين ماتزوجت بس اذا تزوجت

وشفته بليله العرس بصاله اذا شفته جيكر ماينبلع
راح ابجي واسوي نفسي مغما علي واقول حق امي ابروح
معاج ماابيه


واذا كان زوجي يهبل لا اقعد واضحك
بس اذا كان حلو اذا جيكر اموته

هههههههههههههههههههههههههههههههه
هههههههههههههههههههه

ماعليكم من سوالفي تراني جااااهل

 

[* ألماسه *]

من صجكم
الله يخلي الدرايش
وهو مايحتاج اكيد بنشف ريج امه وخواته وشايف بطاقتها
اصلا امه وخواته ماراح يختارون له الا الزين واحسن البنات
مو اخوهم ليش يغشونه
والأب تتوقعون يعطي بنته لمن ماكان لازم يسأل هاذي بنته فلذة كبده

وبعدين السوالف الي ذكرتوها عن الي ماتمشي واللي جيكرة الصراحة
ناس سفهاء يخطبون وماعندهم معلومات ولا شافوهم خوش والله وتالي تحطون عالبدو وتعمون هاذي اقليات

ولمعلوماتكم عيالنا صحيح عندهم سوالفهم وخرابيط حالهم حال كل الشباب

بـــــس الواحد اذا يبي يتزوج قال لامه أبي حــرمه وعلى ذوووووووووقج انتي فصلي وانا البس

 

[لولوه الكويت]

انادبسوني اهلي خوش تدبيسة انصدمت موحلو والنفس شينة بس ياللة شنسوي مع اني حلوة والكل يبيني بس النصيب

 

[رقي]

اعرف وحده حلوة موووووووووووت
تزوحت بهالطريقة
وثاني يوم تطلقت
اهيا حلوة وريلها مسكينه
اللهم عافنا ولاتبلانا ابرص

 

[بنت الدلال]

احنـه مـاعندنـا جـذي ووايــد صعبه عـلـي

اول ماتملج تطلع وياه يتعشون بـره


ابوي يقول اذا ملجتو لاتردون البيت لي باجر الصبح هههههه يبي الفكـه

 

[بنت الاكابر]

موضوع حلو.... احنا املك المعرس يشوف عروسته الا يوم الدخله...يعني حاط ايده على قلبه وهو وحظه ياتصيب ياتخيب.. ذكرتوني بسالفةبنت اعرفها تضحك..تقول انا وزوجي ماشفنا بعض الا يوم العرس.. وكان حاجز نسافر اليوم الثاني تقول رحنا المطار وكان زحمه شوي راح يكمل الاجراءات وانتظرته طول تاخر ادور يمين شمال
تقول اشوف رياجيل واجد بس موعارفته للحين ماثبت شكله وهو نفس الشي يدورها موعارف شكلها شلون صاير......

 

[لؤلؤية]

انا متزوووجة بهالطريقة البدائية

الصراااحه...كانت اول سنه بزواجناااااا كلها تعااارف هههههههههههههههه

والحمدلله سعيدة بحياتي:eh_s(22):...والحين مخلفة صبيان وبنات....وبناتي بسن زواج

((للعلم زوجي مااايصير لي))

اول ما شفته طبعا بليلة العرس ....

شعوري ...خجل...وربكه...و....احس اني كنت بحلم...يعني مو حااسة بنفسي>>>شالسالفة؟؟؟!!!

واهو بعد مررررتبك..هههههههههههه و.... مبتهر فيني ولله الحمد...:eh_s(15):

انا اعتبر فترة الخطوووبة والملجة وشهر العسل....كلهم صاروا بعد الزواااج ههههههههههه

((( استغربت من الموضوووع تبوون السلبيات بس...ما سالتوا عن الايجابيات... انا اشوف انها خوووش طريقة وتنفع للبنات الحلوااات اكثررر :eh_s(20): )))

اتصدقون يا بنات :eh_s(10): >>>> تبي تسووولف

مع انه زوجي تعليمه عالي...لاحظوا >>>دارس بامريكااااااا
لكنه يقووولي مستحيل ارضى انه بناتي:eh_s(7): يقعدوون مع خطااابهم او ازواجهم ...الا بعد العرس الرسمي!!!! واللي يتقدم لهم يجي عشان صيت ابوها واهلها :eh_s(12):...مو عشان يتفرج على بضاعة...!!!!

يعني للحين تفكيره نفس تفكير جده وجدي:eh_s(16):​

 

[sevenseas]

انا ملجت بنفس الطريقه
اهو ما شافني بس صوره البطاقة المدنية اللي تخرععع
انا لمحته من الدريشة بس
المشكلة مو بشكللله
المشكلة
هل نتقبل بعض ولا لا بعد الزواج؟؟
و شخصيتة شلللون صايره؟؟











الطريقة هذي كلللش ما تعجبني

 

[رايقة1980]

ام فيصل

سوالفك تونس

 

[عجزت القى اسم]

الله يهنيكم

 

[@ الرسامة @]

يعطيكم العافية

 

[ام السلمي]

انا عاد وايد استغرب شلون اتزوج واحد ماعمري شفت ويهه بلا ما عجبني اقول ما ابي واصبر مطلقة!!

والله مادري شنو شعورهم بس دامهم مقتنعين عليهم بالعافية والله يوفقهم انشا الله

 

[" أضـــــوى "]

انا مااختي توت مليووووووون بالميه

انا بدويه بطن وظهر

بس لازم اشوف زوجي مع وجود محرم طبعا

وعلى قولتهم الاختلاف لايفسد في الود قضيه..انا عماتي بعضهم ماشافو ازواجهم والحمدلله مرتاحين

بس انا عن نفسي لازم اشوفه..مو عشان شكله بس..عشان اعرف لو شوي عن شخصيته ..عالأقل يكون في ارتياح وقبول

 

[..may..]

احنا عندنا البدو و الحضر يشوفون المعرس ففترة الملجه
قبل الملجه في شوفه بعد ..

بس البدو فترة الملجه قصيرة وايد يعني أسبوع أو أكثر شوي ..

في قليل منهم .. الملجه مع يوم العرس .. و أحسه غلط

عايلتنا عادي يشوفون المعرس و يطلعون بس مو لين نص الليل .. لوقت معين

و الله يوفق و يهني الجميع الجميع

 

[Raveena]

صعبة الوحدة ما تشوف ريلها الا يوم العرس

يمكن ما يعجبها و يمكن ما ترتاح له

انا قبل ما اتزوج شفت ريلي في بيت خاله و بعدها تزوجت و كنت اطلع معاه فترة الملجة و كنا ناووين نسوي عرس بس صارت عندنا و عندهم حالة وفاة خلال الاسبوعين بعدين تزوجت

عمي دايما يقوللي ملجتج احسن ملجة لا عرس ولا شي

 

[Om_RayooMa]

واي صعب ماشوفه
بالله طلع وحش؟ تعالي جابليه@@
قراده
اول يوم تعالي فصخي!!
اى شي

اشوه اني شفته وشافني

 

[BlackRose]

مادري لازم اشوفه ويشوفني واكلمه بنات الزواج مو بس وااحد حلو وواحدة حلوة

هذي روح بتجابل روح الجمال زايل بس الاخلاق والطباع اهي اللي تبقى

وبعدين هذا شرع الله والحلال بين والحرام بين

انا واعرف واحدة صديقتي بدوية يوم اهيا جميييييييييييييييلة وطويلة وجسم يهبل واخلاقها عسل انصدمت بالمعرس يوم العرس كرررررررررررررش وحول استغفر الله وايد انصدمت مسكينة قالت المهم الاخلاق ميخالف المهم النصيب والمصيبة انه طلع ماكو اخلاق يننها وايد وايد اهوا وامه وتطلقت يعني بالذمة لو كانت شايفته الرؤية الشرعية جان صار لها اللي صار

اللي يسوي بشرع الله في كل شي عمره مايخسر وانا مااقدر ابني حياتي كلها ومستقبلي ومستقبل عيالي اللي راح اجيبهم على والله يمكن زين او ان ابوي سأل عنه وطلع خوش ريال عيل وين الراحة النفسية؟؟؟؟؟

وياما مرات نسمع ان واحد فعلا خوش ريال والمرة خووووووووووش مرة بس تطلقوا لان الطباع ماتواقفت

وانا اعتقد ان البنت اللي تكون مرتاحة في بيت اهلها لازم تروح على بيت تكون مرتاحة اكثر واكثر واكثر والا اشرايكم؟؟؟؟؟؟؟؟

 

[sondos]

سبحان الله كل عايله وعاداتهم ........احنا خطبه وملجه وبعدييييين العرس


بس المحبه من الله واخوانا من بعض عوايل البدو مايشوفون بعض الا بالعرس ........وهم ينوجد الحب ....بس كل شى حبه حبه وهذا اللى يطول عمر الزواج ويجدد الحب

 

[MissChoco]

مادري والله بس انا عن نفسي ما احب انه مايكون شايفني وانا شايفته
ولا احب اني انصدم فيه بيوم العرس :×
لازم اكون اني مكلمته وعارفه طبعه وكل شي واطيح الميانه
بالمره لوول
واكون اطلع وياه وايي بيتنا وجذي .. هذا الشي لازم لانه ريلي
واحسن شي عشان نتعود على بعض

بس همن مانقول انه هالشي مايييب الطلاق بالعكس الطلاق أيي من اي
صورة من الصور سواء شافها او ماشافها

بس انا اشوف انه لو يشوفها احسن لانها مرته