اللي يملجون من غير ما يشوفون بعض وخصوصا البدو..شنو شعورج اول ما تشوفين ريلج بالعرس؟؟

[عجزت القى اسم]

مشكورين حبيباتي على الردود

والله يوفق كل البنات إن شاء الله

ويالله نبي تفاعل بعد

 

[MyLittleBerry]

ماعتقد ان الكل يوافق هالشي

رفيج ريلي بدوي اهله خطبوله وحده ماشافها ويوم العرس نفسه انفصلو انصدم من جكرها قالها بروح عند الربع شوي وارجع طبعا انحاش ومارجع !!!! والله

مو اي انسان يدش بقلبه اي انسان

 

[dima]

كل الطرق تؤدي..........................









الى...........




غرفة النومممممممممممم!!

!!!!!!

 

[عنايد]

انا معاكم ان السالفة قسمه ونصيب
بس مدام ان الشرع كفل للمرأة هالحق ليش يمنعونه ؟؟
صج انه مو سبب رئيسي للطلاق بس عالاقل الوحده داشه واهي عارفه اهي شنو مقبلة عليه
بصراحه انا مع النظرة الشرعية

 

[ام اطوشه]

وربي ضحكتوني الحين انتو اتفكرون شنو شعورج لما اتشوفين زوجج


بأول يوم العرس مافكرتو بشعور أزواجنا؟ مساكين الي متخيل زينب العسكري


والثاني متخيلها نانسي والثالث متخيلها شكيرا وفجأه تطلع فتووووووون


اخت دواس وربي مساكين هههههههههههههه:eh_s(12):


لا اسم الله علينا مافينا إلا الزين بس وربي مسكين الي ما ايشوف زوجته



إلا بعد الملجة مع اني تزوجت ابهالطريقه ومشى الحال الحمد لله:eh_s(15):​

 

[شندوخه]

لالا مستحيل والله اصلن صعبه
شنو بليله العرس خذوه فغلوه
لا يبا لازم اشوفه ويشوفني واتكلم اعرف اسلوبه شنو اهو بالله طلع شكله يهبل وماكو اسلوب ولايعرف يتكلم شغبر فيه بعدين ؟؟

 

[روزالكويت]

انا تزوجت ماشفته كلش وبليله العرس طلع زين شكله وتقبلته عادي ومافيه شي وانا من ناحية شكلي عجبته حيل ..\
بس النصيب ما استمر وانفصلنا موعشان هالموضوع شكثر بنات تزوجوا وتوفقوا بهالطريقه بس اول وتالي التوفيق ممن الله ..
تذكرت رفيجاتى حضريات بالدوام يستغربون كل يوم يسالوني متى بتشوفينه معقوله بتتزوجين واحد موشايفته اقول لهم عادي عندي مايصدقون ياحلوهم.
يقولون ليش ماتطلعون تتغدون برا ولا تاثثون مع بعض شقتكم فيها قبايل هذى ههههههههاى
والحمدالله على كل حال

 

[ملاك هدية]

نا عن نفسي بغيت اموت من الخرعه قعدت اسبوع كامل من يوم العرس ما اعرف شكله لو اشوفه بالشارع ماعرفته كنت مستحيه ماحطيت عيني بعينه
بس بعدها طاح الحطب

 

[sHa6o0ra]

انا تعرفت على بدويه وقالتلي ان اخوها ملج وان عرسه قرب وليلحين ماشاف مرته ,, الصراحه استغربت اول مره بحياتي اسمع عن جذي

احس حتى لو مواصفاته زينه وشكله زين ماراح اتقبله بسبت الطريقه الي
تزوجنا فيها

 

[atooma]

احنا زواجنا امسح واربح

التوفيق من عند رب العالمين

 

[زيـنـه]

احس صعب

على الاقل وقت الخطبه يشوفها و تشوفه بوجود اهلها و اهله .. و هالنظره محلله شرعا .

 

[مهاوي البحرين]

اشوفها صعبه

ما اشوفه ولا يشوفني الا ليلة العرس

احتمال ما عجبته او ما عجبني من المسؤل

ما دام رب العالمين محلل النظره الشرعيه ليش ما اتطبق في هذا الموضوع

 

[girl_in_abottle]

امبيه إذا الرسول صلى الله عليه و سلم قال لازم لازم لازم تشوفها قبل الزواج
اشلون تقولون لا مانبي نشوف؟؟

انا اعرف وحدة معاى بالدوام, تقول انحاشت بالعرس من الصدمة

و الغريب انة ريال لا عرفة و لا يعرفني
اول مرة اشوفة
و اخرتها يدخل علي !!!!!!!!!!!
احس مستحييييل
الله يوفق الجميع

 

[Dancing^Queen]

التوفيق من الله

 

[عجزت القى اسم]

بصراحة مشكورين عالردود

وودي هم اعرف شراي الرياييل بالموضوع ودهم بعد يشوفون؟؟؟؟

ولا نفسكم عادي عندهم؟؟؟؟

بس والله صعبة بالله طلعت المرا طرمة ماتتكلم؟؟

شنو اخرتها...ماودكم اتغيرون الطريقة هاذي؟؟؟

في ناس يشوفون ولا كلكم جذي

 

[الســ بنت ـلطان]

انا بالنسبه لي مو عادي... الشوفه مهمه لي حيل...

والغريب انه الي تقدمولي ما اطلبوا انهم يشوفوني ..كانوا مكتفين بوصف اهلهم.. وانا اذا حسيت السالفه تبين تصير صج.. كنت اقول حق امي ما يصير شي قبل ما اشوفه.. تقولي الريال يطلب الشوفه مو البنت..وتقولي كافي الصوره.. قلتها لأ .. نفس فلانه الي قصوا عليها ..

رفيجتي يوم اخطبوها .. يابوا لها صوره واحد حلو مزيون.... وانصدمت فيه بالعرس .. طلع سحت.. كلنا انصدمنا فيه..
حتى انا مره بالصدفه .. طلعت اعرف مرت اخو ريلها ,, وقالت لي قاصين عليها مودين صوره اخوه...

وكان مو عاجبني .. سالفة الحب قبل الزواج وانج تعرفينه قبل وتاخذينه عن حب... احس الزواج التقليدي وايد انجح...

بس صار الي ماكنت احبه.. وتقدملي واحد كان معاي بالدوام ويحبني .. وكنت رافضته بالاول .. بس اهو ما طخ.. ظل وراي ..لين وافقت..

كل شي نصيب... وانتي ونصيبج.. ياتصيب لا تخيب

تقبلوا تحياتي
بنت السلطان​

 

[random]

عادي

انا كنت افكر مثلج بس والله التوفيق والهداية من الله

كاني انا وزوجي الحمدلله مستانسين والله يثبتنا

 

[أبلـــة منيـــرة]

مو كل البدو ما يشوفون زوجاتهم0000

كم عايله بدويه بالكويت..!! معقووله كلهم ما شافو؟
طبعا لا


في هيك وفي هييك

 

[غيوووض*]

ياجماعه المساله مسالة توفيق من الله شفته او ما شفته قبل العرس 00000

 

[um_baskoota]

اهيه المسألة اكييد توفيق من رب العالمين .. بس هم ما يمنع انه يشوفها و تشوفها و يتكلمون مع بعض .. هاذي عشرة عمر و مو يوم او يومين .......

الله يوفقكم يا ربي و يسخرهم لكم و يرزق جميع المسلمات ......