اللي وصفلها الدكتور رتن اي والدكوين _تدخل

[أنوثهـ حتى الثمالهـ]

اخلطيهم مع بعض واستخدميهم 3 شهور بس الخلط يكون قبل االاستخدام مباشره وقبل النوم عشان النور واهم شي السن بروتكت والتنظيف اليومي

 

[مسالمه]

مشكوره انوثه بس واجد 3 شهور الرتن اي يقشر اخاف بعدين يخفف الجلد

 

[pink Engineerah]

بون جزاج الله خير كفيتي ووفيتي وتستاهلييييين يارب يععطيج كل ماتتمنين ولا يوريج يوم حزن آمين
مسالمه التريتوسبوت عباره عن مكونات الريتن اي +الدوكين +كورتيزون +شوية حمايه
فماله داعي تضيفين عليه شي بس احرصي ع الترطيب بعد استعماله
وللتفتيح الدكتور بعد الريتن اي والدوكين عطاني كريم اسمه ديسبغمن للتفتيح وماله اضرار جانبيه
مافيه لا كورتيزون ولا هيدروكينون واذا بشرتج حسلسه اخذي ديسبغمن بلس

 

[أنوثهـ حتى الثمالهـ]

مشكوره انوثه بس واجد 3 شهور الرتن اي يقشر اخاف بعدين يخفف الجلد

انا استخدم خلطة كريمات من دكتوره فيه رتن اي من شهر 6 اللي طاف لين 10شهر
الكريمات تاخذ وقت

 

[Bon vivant]

واي والله انج تستاهلين صفقه لمدة ساعتين <عاد مادري شمعنه ساعتين
لج دعوه والله من قلبي انه الله يفتح بوجهج وين ماتروحين ويرزقج بلي تمنينه عاجلا غير اجلا حبيبتي والله
بس ماشاءالله شاطره بهالسوالف عاد وقفي ورفعي ايدج راح انبلش عليج :
طيب سمعي انا قطعت الرتن لاني استخدمته شهر والدكوين من اليوم بقطعه بس عفيه قوليلي ابي شيء يبيض احطه بشكل يومي وداءم وماله تاثير ومايطلع احبوب
وهم ابي احلى حمايه من الشمس مايجثي او يتشقق
وهم بقولج انا الحين استخدم الدكوين مع تريتوسوب نقطه من كل واحد وادهنه على المنطقه الحساسه عادي استمر فيه ولا لا واذا عندج بديل حلو يقشر ويبيض هالمكان ياليييت تقوليلي .. مواااح
فديت كل من رد ياليت الكل يستفيد

لوول مابي صفقة ادعيلي لمدة ساعتين احسن :yaaaaaarb:
حبيبتي والله مشكوووورة على الدعوة، وصرت شاطرة بهالسوالف بسبة ردى الدكاترة اهنيه
مسالمة ماقلتيلي ليش وصفلج هالوصفة؟ عندج آثار يعني ؟
حبيبي للتبييض والله ماقدر اساعدج لان توني قاعدة اجرب شي يديد و احسن عدل ويهي بس للحين ماصارلي الا اسبوع
بنت خالي وصفلها الدكتور كريم تقشير وتفتيح اسمه كوزميلان و تخلط معاه كريم سان دالفور عرفتيه؟ اللي جنه قوطي مربى صغير كان يبيعه احمد المغربي لول انا علبالي بوطقة! بس هالدكتور وصفه لها ومشاء الله بشرتها فتحت ونضااارة لا اله الا الله. انا مجربه سان دالفور من قبل صج عدل ويهي بس الحين شريته جربته 3 ايام ومافيني صبر ورحت شريت الكريم اللي قتلج عنه تو اسمه BLENDING BLEACHING CREAM من صيدلية الروضة ب 12.650
اهوا فيه كوجك اسيد يبيض وايد اامن من الهيدروكنن و طريقته انه يفتح بس كاتبين 6 اشهر يبين مفعوله الكامل. انا خل اكمل شهر واعطيج update ان شاء الله. وللحماية انا استخدم من بيودرما فوتوديرم اسمه واكو فيه لون. و اكو من avene يمدحونه الدكاترة واختي تمدح سوسكن روحي الصيدلية ويعطيج ان شاء الله هالماركات طبية وزينة!
و حبيبتي والله ماعندي خبره بذاك المكان اللي خبرج ولا جان فدتج بس اللي اعرفه لازم تقشير وبعدين تفتيح! بس ليلحين مادورت على كريمات تفيد!

pink حبيبتي والله دعوتج تهبللللللللللللل مشكوووورة
الكريم اللي عطاج اياه من atache ميته ابيه بس مالقيته بالصيدلية! اي صيدلية لقيتيه عفيه!

 

[مسالمه]

بينك وانوثه وبون جزاكم الله الف خير ربي يرزقكم بلي تتمنونه بروح اساءل عن اللي قلتوه فديت قلبكم الطيب والله انكم احلى خوات

بون انا الحمدالله بشرتي زينه مافيها حبوب بس انا طلعتلي جم حبه بعد الحف جان اروح استخدمه من روحي بدون استشاره طبيب والحين قطعته وبستخدم شيء يومي يحافط على بياضي انتي قلتيلي على خلطه تقشير وشي ثاني انا خلاص ماابي تقشر ابي شيء يومي يحافض على بشرتي قاعده افكر افمالج بيلدينق او مال بينك ديسبيغمن بشوف هالاثنين بس ان شاء الله انه بشرتي تستمر بالتفتيح

والحمايه ايفن يقث مااحبه بجرب فيودرما او سوسكن مشكوره قلبي

 

[جويـريه]

يعني هو على الحبوب بس او كل الوجه ؟؟

 

[آبـلـہ نـونـو]

لا حبيبتي مايصير تستعملينهم للابد لانه مقشر
يقشر البشره وكثرته يسبب تجاعيد انتي تستعملينه
ليما توصلين للنتيجه المطلوبه وبس تقطعين
وانا جربتهم رووووووووعه فظيعه واللحين رديت لها
لان بشرتي خربت من كريم الصبوحه الله لايصبحه بخير
خخخخخخخخخخخخ
اما الدوكين والله والله وصلني لمرحله مااحط فيها كريم بس حمرهوكحل
لا جربيهم وماراح تندمين

:rerrerek:

كلآمهآ صحيح 100%

إدعي لي بـ آلتوفيق ،

..

 

[مسالمه]

ابله نونو الله يوفقج دنيا واخره شتبين بعد لووول

جويريه اهوا مايستخدم بس للحبوب اهوا ماشاءالله يبيض ويشيلج الجلد الميت انا انصحج فيه جربيه مراح تندمين

 

[بروريتآ]

مممممم زين والـ بينزاك ....؟؟؟

نفس الرتن آيه ..؟

 

[عذبة السجآيآ]

هلا حبيبتي انا بقولج تجربتي اللي وصفتها لي الدكتوره من دار الشفا

اول شي لازم تحطين براحت ايدج شوي من الرت ايه وشوي من الدوكين وتحطينهم على وجهج كله ماعدا حول العين اوكي

بس لاتحطينهم يوميا لان يسبب جفاف

والدكتوره قالتلي طريقه حلوه

السبت --الدوكين والرتن ايه
الاحد -الصبح حطي حمايه من الشمس لان الدوكين والرتن يقشر الوجه واذا تعرضتي لشمس تحترق الطبقه الجديده ومايتغير شي بالي سويتيه
الاثنين --لاتحطين التقشير
الثلاثا--الصبح نفس الشي حطي الحمايه ومرطب اذا عندج وباليل حطي التقشير

يعني يوم وترك تحطين التقشير نصيييييييييييييييييييييييحه لاتحطينه يوميا وهذا كلام الدكتوره لي والله العظيم

والدوكين يبيض والرتن يقشر يعني كل ماتقشر وجهج الدوكين يبيضه

واي شي تبينه عن الرتن قوليلي انا حاضره

 

[مسالمه]

مممممم زين والـ بينزاك ....؟؟؟

نفس الرتن آيه ..؟

ياحياتي والله مااعرفه ان شاءالله البنات يفيدونج

 

[مسالمه]

السنافيه مشكوره الله يوفقج مع زوجج دوم يارب ماقصرتي

 

[dla3_princess]

تهقووون استخدمه ؟؟

ويهي فيه مسامات و اثار و جم حبه ووودي يصفى

 

[داريني]

اول شي الرتن اي من مشتقات فيتامين اي يوصفونه وايد حق التجاعيد وحب الشباب والتقشير الخفيف
انا اسخدمته حق الحبوب و الآثار بس مشكلته اول ماتستخدمينه يطلع كل الحبوب اللي بالويه والوصخ كله يطلع فأول شي عادي خليج عليه ولا تقطعينه ويستحسن انه تبدين كل 3 ايام مره وبعدين كل يومين وبعدين كل يوم علشان مايصير فيج حساسية منه. ولا تحطين وايد اذا توج باديه لان الويه ماتعود عليه بعد. انا حطيت شكثر لول و قب ويهي احمر وعيني جنه احد معطيني بوكس و رحت الطبيب عطاني كريم حساسية و حبت الحساسية و كان بيعطيني ابرة كرتزون قلتله مابي.
فلازم تحطين منه شوية بس لمن ياخذ ويهج عليه وبعدين ينظف المسام و يصغرها و يفيدج انشاء الله مع البلاك هيدز.
صج الرتن وايد حلو يعطي نضارة للويه بس شكثر تستخدمينه يعتمد! انا استخدمته 6 اشهر وقطعت لان خلص ويبت اكرتين اهوا رتن اي صناعة السعودية وشكله خواره عطوني اياه العيادة فان شاء الله برد على رتن اي السويسري وايد احسن.
وبعدين يقولون تقدرين تستخدمينه طول عمرج مامنه مضره اهو ماايقشر يقشر اهو طريقته يساعد عملية
cell turnover يعني الويه كل جنه 28 يوم خلايا الجلد تطيح من الويه الرتن اي يقصر هالفترة بدل 28 يوم يقللها فااللي تشوفينه مقشر هذي الخلايا الميته. بس لازم لازم لازم سن بلوك!

نيي حق الدوكين! قطعيه مامنه فايده انا نفسج بديت فيه مع الرتن اي وبعدين قالتلي الطبيبه اقطعه واحط الرتن بروحه. واصلا ما سوالي شي مامنه فايدة. ومعروف الدوكين عبارة عن هيدروكينن وهي المادة الاولى للتبييض عند الدكاترة بس اوربا مانعينها لان شاكين انها تسبب السرطان الله يكافينا الشر! طريقته انه يدش في الميلانين اللي في الخلايا ويوقف شغلها انها ماتنتج لون. وترى يسبب حساسية بالذات اذا صار مع الرتن اي فعلشان جذي يوصفون شي فيه كرتزون معاهم علشان يخفف من التأثير. بس الزبده خليه يولي لاتحطينه! خلج على الرتن يفتح ويعطيج نضارة ويصفي ويهج بس يبيله وقت. لي خلصتي ابدي الخطوة الثانية واهيا التفتيح!

بعد اذن صاحبة الموضوع ارد على الخوات:
حندوسه: البقع آثار ولا بقع شنو بالضبط؟

زمرده: الرتن اي مافيه كرتزون!والدوكين مايقشر واللي فتح ويهج اظن الافالون لان وايد اقرا انه يفتح الويه.

قرنفلة: استخدمي الرتن اي للابد عادي بس اقولج اياها اول ماتبدين يحمر ويهج ويقشر ويطلع الحبوب بس لانه ينظف الويه من داخل!

مطيرية فله: مايسبب تجاعيد اهو اصلاً علاج للتجاعيد!

واللي تبي تبدي فيه تبدي الحين عادي بعد مايه واهي الصيف! بس لازم سن بلوك

داريني: حطيه الحين اسبوعين يقشر شوي وبعدين اتوقع عادي حطي ميكب بس مو كل يوم انتي قاعدة تنظفين ويهج ماايصير تصكينه مساماتج بالمكياج.

وبالنسبة للسن بلوك حفظو هالحجي: والاشياء اللي كاتبتهم بالانجليزي علشان تشوفون اذا موجودين بالسن بلوك مالكم:
لازم يينحط قبل 20 او 30 دقيقة من الطلعة علشان تمتصه البشره او اذا فيه زنك اوكسيد او تيتانيوم ديوكسيد طريقتهم بالحماية فوريه واذا موجودين بالسن بلوك معناها uva/uvb protection and broad spectrum . لازم ينحط مره ثانية كل ساعتين. ولازم لازم لازم تحطونه كل يوم ان شاء الله مطر ثلج ولا الجوم مغيم لازم تحطونه.
اختاروا spf عالي لانه جونا يهبل
uva/uvb protection لازم يحمي من الاشعة ولا مامنه فايدة
non-comedogenic ما يسكر المسام
hypoallergenic مايسبب حساسية واللي يفضل انه ما فيه عطر يختار fragrance free
واهم شي يكون broad spectrum

استاهل دعاء ولا لأ ؟ :edbf4317b9:

نسيت اقولكم هذي تجربتي الشخصية مع الرتن والدوكين كل وحده بشرتها غير عن الثانية ما حط بذمتي شي اللي تبي تستخدمه تستشير صيدلي ولا دكتور! انا ما كتبت هالحجي الى للافاده و ان شاء الله فدتكم!

مشكوووووووووووووووووووووورة حبيبتي والله تستاهيلن كل يوم ادعي لج
وانا بروح امر الصيدلية كوكو
بس وين مكانها بالضبك قالولي صوب مروش اي صوب بالضبط؟
وجم يكلف وشنو احسن سن بلوك جربتيه ؟ مع رتن اي ويصير احط في اماكن ثانيه
مثل ايدي لانها مسمره من شمس و منطقة الحساسه يصير ؟

 

[مسالمه]

داريني تقدرين تشتخدمين الرتن اي لليدين والمنطقه الحساسه استخدمي مقشر تروبوسبوت والله ماشاءالله روعه

وسن بلوك لصيدليه كوكو ليش مادحينها لج ؟

دلع برنسيس حبيبتي انصحج تجربينه والله راح تشوفين الفرق ما شاءالله يصفي ويشيل الحبوب

 

[سعودية تعشق الكويت]

عن تجربة استخدمت الدوكين فترة نفاسي للمنطقة الحساسة لان مع الحمل صار فيها زي الكلف ..والحمدالله لاحظت الفرق وطريقته استخدمه بالليل قبل النوم ..بس شرطت على كلام الصيدلانية خطر انك تستخدميه اكثر من شهرين حده شهرين بس ...وفي منه نسبتين في خفيف وفي القوي أظن انه 4%..........

 

[sowsan]

اب
اب
اب

 

[ناعم العود305]

استخدمت الرتن اي والوكين لمده شهرين وعطاني نتيجه حلووه

 

[مسالمه]

يعطيكم العافيه بنات صج ماقصرتو