حبيبتي اللي اعرفه انه اذا طلعت لج حبووب بعد الحف ماتحطين رتن اي. البنات يمدحون كريم الاسد Fucicort. بس جنه يحطونه سيده بعد الحف. لان اللي اعرفه لمن تنشال الشعره تسحب معاها الدهن لي البشرة فعلشان جذي تطلع الحبوب. عموماً انا ماجيس الحبة اهدها تطخ بروحها!
اذا ويهج صافي وطالعتلج بس جم حبه حطي رتن اي على الحبه بسسسس اذا على ويهج كله يمكن يأثر ويطلع لج الحبوب اللي داخل الويه ماتدرين عنها. واذا تبين شي يشيل الجلد الميت وغيره دوري exfoliants ولا انج تحطين رتن وتطلعين بويهج حبوب.
طبعاً لأ. الرتن يعتبر=Tretinoin والبنزاك =بنزول بروكسايد. شالفرق؟ الفرق بالتركيب بس اثنيناتهم زينيين لحب الشباب.انا اول مره سمعت عنه من موضوع عن الحبوب لي طلعت للموديلز فالطبيبة تعطيهم اياه. طريقة البنزاك انه يقلل من البكتيريا اللي تسبب الحبوب لانه يعتبر antibacterial وممكن انه ينشف البشرة وتقشر فعلشان جذي احسن انج تحطينه على الحبة بس! في وايد تراكيز منه فروحي الصيدلي وريه ويهج ويعطيج اللي يناسبج. انا عطاني 5%. الرتن اي نفس ما قلت من قبل يغير طريقة تجديد الجلد! " يساعد عملية
cell turnover يعني الويه كل جنه 28 يوم خلايا الجلد تطيح من الويه الرتن اي يقصر هالفترة بدل 28 يوم يقللها فااللي تشوفينه مقشر هذي الخلايا الميته" لول توني استوعب اني كاتبة خلايا ميته! كان قصدي الجلد الميت!
