اللي عيالها في مدرسة الحياة للخليفي تدخل رجاءا

[اي اسم]

السلام عليكم بناتنا الحلوين
انا اليوم دقو علي مدرسة الحياة وقالو لي مبروك ولدج انقبل عندنا
جان اخترع
ما ادري اطلعه من مدرسته الحالية وودي عندهم والا اخليه
فشرايكم بمدرسة الحياة
وشنو تجربتكم معاها

 

[اي اسم]

كنت اتمنى احد يدخل الموضوع ويشارك فيه
يفيد ويستفيد
يعني ما في احد عياله بمدرسة الحياة العالمية او يعرف احد حاط عياله هناك
لو فيه احد بليييييييييز يرد علي ويقولي عن المدرسة وشلونها

 

[جوكليت بار]

مبروك القبول

بصراحه المدرسه ممتازه مع انها يديده بس يكفي انها باشراف

الدكتور ابراهيم الخليفي

بنت رفيجتي فيها وايد تطور مستواها وصارت شخصيتها قياديه لااله الا الله

وشاااطره بالأنجليزي


بس ولدج اي مدرسه حاليآ ؟

 

[اي اسم]

هلا اختي العزيزة شوكليت بار
اشكرج الشكر الجزيل لانج عبرتيني ورديت علي
انا ولدي حاليا بالبيان ثنائية اللغة واهي ممتازة من الناحية العلمية ولا غبار عليها
ولكن فري واختلاط وزادوا الاسعار في المدرسة يعني الابتدائي صار تقريبا 3 الاف الا 14 دينار تقريبا
وانا صراحة ودي بمدرسة فيها جانب ديني ولا يغلب عليها الجانب الدنيوي
بالاضافة الا ان ولدي ماخرينه سنه في البيان لانه مواليد شهر واحد واهمه نظام امريكي يعني يقبلون لحد 31 ديسمبر بعدين لسبب ما مددوا تاريخ القبول لحد 14 يناير وانا ولدي مواليد اخر واحد
وهذي السنة اخر فرصة عندي اني اودي اولى ابتدائي لان اذا استمر بالبيان راح يروح روضة ثانية ويصير متاخر طول عمره

 

[جوكليت بار]

العفو حبيبتي اشدعوه ماسويت شي

اي عيب البيان انها مختلط

يعني قصدج بتودينه مدرسه ثانيه عشان يدخل الأبتدائي ؟

ترى الحياة نظام امريكي مثل البيان ما اعتقد يقبلون ولدج بالأبتدائي , اهمه قالولج بيقبلونه ؟

 

[أروى]

للأسف ماعندي فكرة

استخيري

إهي نفسها المعالي والا غير؟؟

وإذا ممكن تطرشين لي رقم الحياة؟؟

وبالتوفيق يارب

 

[اي اسم]

هلا خواتي
الحمدلله الحياة اقبلت ولدي اهي صج نظام امريكي بس يتبعون وزارة التربية بالنسبة للاعمار
وولدي ان شا الله بيروح اولى ابتدائي عندهم
مدرسة الحياة العالمية ثنائية اللغة غير عن المعالي
الحياة بالسالمية خلف الجامعة الامريكية
وهذا موقعهم
hayatschool.com
رقم التلفون
5750825
5750826
5750827

 

[زيزو]

حبيبتي انا ولدي بحضانة افنان وصاحبها الدكتور ابراهيم وولدي تغير 180 درجه من دخلته الحضانه فلا تترددين دخلي ولدج وشوفي اشلون بيصير احسن

 

[مدرسة مكروفة]

الصراحة آن دخلت ولدي فيها السنة الجاية يعني أولى إبتدائي وكذا وحدة امدحتليها وآن استخرت ومرتاحة من الاستخارة والله يدبر الخير لنا و لكم.
الناظرة خيرية الودعاني قابلت ولدي وكانت مقابلتهم دقيقة وحسيت إن الناظرة مثقفة وبنفس الوقت حسيت إنها تميل للاتزام بالنسبة للجانب الديني عشان جذي آن ارتحت لأن يهمني الدين .طبيعت المدرسة إن المدرس يدرس رياضيات وعلوم و إنجليزي أما العربي و الدين غير طبعا آن دخلت المدرسة وتجولت فيها المدرسة من داخل جنها نادي وايد حلوة وملمومة الرياضيات لهم غرفة خاصة وفي غرفة للقصص أسمها حببابة كل عطلة الأطفال ياخذون قصتين عربي و إنجليزي .

 

[اي اسم]

مشكورين خواتي مدرسة مكروفة وزيزو
طمنتوني
وبانتظار مشاركات باقي الاخوات

 

[هبونه]

ما عليكم امر جم اسعار مدرسة الحياة بالنسبه للروضه او الابتدائي

 

[مدرسة مكروفة]

ثانية روضة تقريبا 1700
أولى ابتدائي 2100
كل ماتزيد المرحلة يزيد السعر

 

[اي اسم]

ها خواتي ما في اخبار او معلومات جديدة عن مدرسة الحياة؟

 

[مدرسة مكروفة]

لاوالله إنتي شصار عليج

 

[اي اسم]

انا خلاص سجلت ولدي فيها وبيروح ان شا الله اولى ابتدائي
وان شا الله تطلع المدرسة زينة وما تخيب ظننا

انت ولدج بيروح اي صف مدرسة مكروفة؟

 

[XالمستحيلX]

آنا

سجلت بناتي فيها وبعد ما سجلتهم رفعوا الاسعار صارت 1800 الكيجي ون والكيجي تو بس من كثر ما مدحوها الناس تشجعت والله والا آنا ضد فكرة كل يوم أنقل اليهال لمدرسة بس شسوي أبي الزين لهم وما همني الأسعار اذا أهم صج مثل ما آنا متوقعة وعلى فكرة أنا بناتي من الحضانة كانوا بمدارس خاصة والله يستر صج مرات يحوشني شوية أفكار ووساوس بس الله يكتب اللي فيه الخير ​

 

[مدرسة مكروفة]

انا خلاص سجلت ولدي فيها وبيروح ان شا الله اولى ابتدائي
وان شا الله تطلع المدرسة زينة وما تخيب ظننا

انت ولدج بيروح اي صف مدرسة مكروفة؟

آن ولدي كبرى ولدج بروح أولى إبتدائي إنشاءالله

 

[اي اسم]

اختي المستحيل والله طمنتيني
يعني دام ان في ناس مادحينها وتعرفينهم
ان شا الله فيها الخير وان شاء الله نرتاح احنا وعيالنا مع هالمدرسة
قولي امين
ومشكورة على المشاركة

 

[اي اسم]

اختي مدرسة مكروفة "عيل ان شا الله عيالنا ربع"
ولازم نتعرف على بعض ببداية السنة

بس انتو بيتكم شبعده عن المدرسة وشراح تسوين على التوصيل باص والا سايق والا انتي او الابو يوصل

انا مشكلتي ان ولادتي على اخر سبتمبر فكنت مفكرة اشركة بباص خلال فترة نفاسي وبعدين انا اوصله
بس خايفة شوي من فكرة الباص

تعرفين احد جرب باصاتهم؟

 

[مدرسة مكروفة]

اختي مدرسة مكروفة "عيل ان شا الله عيالنا ربع"
ولازم نتعرف على بعض ببداية السنة

بس انتو بيتكم شبعده عن المدرسة وشراح تسوين على التوصيل باص والا سايق والا انتي او الابو يوصل

انا مشكلتي ان ولادتي على اخر سبتمبر فكنت مفكرة اشركة بباص خلال فترة نفاسي وبعدين انا اوصله
بس خايفة شوي من فكرة الباص

تعرفين احد جرب باصاتهم؟

إنشاء الله يكونون ربع صراحة آن ليلحين ماأدري بس احتمال الصبح بس باص والهدة آن أييبه إنتي وين ساكنة المدرسة بعيدة عنكم
الصراحة آن ما أعرف عن باصاتهم شي بس إنشاءالله إنهم ثقة أكيد بتكون في أبلة معاهم بالباص .
بالنسبة للمدرسة طبعا بعيدة علي آن ساكنة بخيطان حاليا. وبننزل إنشاءالله بيت جديد بجنوب السرة