اللي عيالها في مدرسة الحياة للخليفي تدخل رجاءا

[اي اسم]

انا ساكنة بصباح السالم
واتمنى ان باصاتهم تكون زينة وولدي يتقبل فكرة الباص وما يسوي لي كل يوم الصبح مناحة
والله يكتب اللي فيه الخير ويوفق الجميع
ومشكورة اختي مدرسة مكروفة على ردج السريع

 

[مدرسة مكروفة]

الله يوفق الجميع يارب لاتخافين من الباص وقولي استودعتك الله الذي لا تضيع ودائعه بغيت أسإلج شنو مستوى ولدج بالإنجليزي الحين بالتفصيل لأن ولدي ياي من روضة حكومة و آن خايفة من الإنجليزي.

 

[اي اسم]

يعرف شوي لانه كان بروضة خاصة بس كان بكيجي ون (روضة اولى) _ مدرسته القديمه نظام امريكي فكان متطلبات العمر عندهم غير ياخذون الاطفال اكبر من العمر المطلوب بالحكومة فكانوا حاطينه بروضة اولى فعشان جذي نقلته لاني ما ابي ااخره سنه
بس مشكلة ولدي انه ايده حيل ضعيفة بمسكة القلم ورخوة وما يعرف يكتب شي
يعني متوقعة ان المدرسات راح يشتكون من هالناحية اول السنه
بس لا تحاتين راح يتعلمون :

 

[مدرسة مكروفة]

إختي( أي إسم) ودي أعرف شنو يعرف بالإنجليزي بالضبط
ولما قابلوه شنو قالو عنه بالإنجليزي

 

[موني موني]

انه بعد سجلت عيالي فيها و دفعنا رسوم التسجيل 200 دينار حق كل واحد بس و عطوني ملفات للصحة الوقائية و توني مكملتهم و خلصتهم الحين باقي ان اردهم للمدرسة بس لي الحين محد كلمني على متى بداية العام الدراسسي..


بنات اللي عيالهم هناك هل في احد بلغكم ؟؟؟

 

[اي اسم]

اختي موني
الادارة بتداوم 17 اغسطس يعني باجر وقالو انهم راح يتصلون بالاهالي ويبلغونهم بداية العام الدراسي متى ومتى نقدر نشتري الملابس
عيالج اي مرحلة دراسية؟ اولاد ولا بنات؟
وليش حطيتيهم بالحياة هل سمعت معلومات عنها؟

 

[XالمستحيلX]

اختي المستحيل والله طمنتيني
يعني دام ان في ناس مادحينها وتعرفينهم
ان شا الله فيها الخير وان شاء الله نرتاح احنا وعيالنا مع هالمدرسة
قولي امين
ومشكورة على المشاركة

اختي اي اسم امين يا رب .. وعسى نرتاح معاهم ........ اللي ماسكين المدرسة شكلهم شادين حيلهم عدل حتى بالعطلة كانوا يشتغلون بالمدرسة انا قبل اسبوعين كنت طالعة من المواساة مودية بنتي للطبيب جان امرهم قلت اشوف اذا فاتحين واحد عنده فكرة عن اللبس متى يتوزع ؟ والا الاسعار وشصار عليهم ؟ولقيت وحدة من المؤسسة اللي ما سكة المدرسة مداومة ولقيت شركة النظافة شغالين عدل يعني ما تحسين مثل باجي المدارس ما يهتمون الا اذا عندهم نادي صيفي :0bee2e8d89: اهما صج ما عندهم نادي صيفي بس شكلهم مهتمين وانا بصراحة يهنمي المدرسة اللي مهتمة بالنظافة علشان عيالنا وسالت الموظفة عن الاسعار وشصار عليها بعد رفع الاسعار 5% جان تتصل على الادارة وقالولها لا ما راح ترتفع الاسعار مثل ما وقعنا يوم قبلوا عيالنا .. واليوم يداومون الادارة وباتصل عليهم بعد شوي باشوف.. :tek: ​

 

[XالمستحيلX]

اليوم رحت للمدرسة

واستلمت اللبس بس جد تفاجأت ان اللبس عندهم مو غالي سعره مناسب طقم البناتي من مريول وتي

شيرت ب 10 دنانير زين والله :ggdw: والشي اللي بعد اشتغربت منه ان اللبس واحد من البري كي جي

الى القريد 4 نفس الشي يعني مافي فرق بين الروضة والابتدائي :080402ask_prv:.. المهم والأهم ان

بعض القياسات مو موجودة مثل البدلة الرياضية مقاس 26 موموجودة تقوللي على الاسبوع الجاي انشااله

بتتوفر المقاسات كلها . يالله اللي عيالها بالحياة تروح تاخذ اللبس قبل لا تخلص المقاسات .​

 

[مدرسة مكروفة]

ترى آن دقيت عليهم وقالولي إن الدوام 3/9 إنشاءالله

 

[مدرسة مكروفة]

بغيت أسأل في عندهم حصة سباحة بالمدرسة

 

[اي اسم]

انا شفت عندهم حمام سباحة بالسرداب بس ما ادري عن طريقتهم بدروس السباحة !

 

[موني موني]

هلا و غلا بنات ,,,

انه عيالي الله يحفظهم واحد بالبري كي جي ووالكبير ب كي جي ون و يوم الاربعاء اللي طاف يااااااااااالله استلمنا اليونيفورم ... ما كان في قياس عيالي ...

و داوموا امس الحمدلله بعد معاناة مع البجي

 

[اي اسم]

سلام بنات
شلونكم
شرايكم بمدرسة الحياة لحد الحين ؟
بلييز رايكم وتجاربكم تهمني لا تبخلون
وانا بعد راح اكتب رايي

 

[اي اسم]

يا بنات يا حلوين بلييز اللي عندها احد من عيالها بجريد ون
بليز تشارك بموضوعي المتعلق بواجبات مدرس الدين لان صج باط جبدي
بليز لازم نتعاون ونلاقي حل لهالواجبات والمدرس
ومشكورين

 

[مدرسة مكروفة]

يا بنات يا حلوين بلييز اللي عندها احد من عيالها بجريد ون
بليز تشارك بموضوعي المتعلق بواجبات مدرس الدين لان صج باط جبدي
بليز لازم نتعاون ونلاقي حل لهالواجبات والمدرس
ومشكورين

آن ولدي بجريدون صراحة حتى آن مدرس الدين باط مرارتي موجبدي شنو هذا يقول نقلوا الفاتحة مرتين من المصحف الشريف آن ولدي عسى يكتب عبير وسالم صراحة آن مومرتاحة من هالمدرس وكلمت الناظرة وقالتلي إنه ياي من ماليزيا ومتعلم على طلبتهم بس آن بكلم رجاء الصالح أحسن إنشاءالله بعد العطلة. إنتي ولدج بأي صف آن ولدي GR1u

 

[اي اسم]

انا ولدي grade 1 H

 

[اي اسم]

ان شا الله تطلع مدرسة زينه انا ان شا الله بس تنحل مشكلة واجبات الدين راح اكتب رايي بالمدرسة

 

[موني موني]

حياكم بنات .. انه بالنسبة للمدرسة واااايد عاجبتني وان شاء الله عيالي يستفيدون

حسيت عيالي افرقوا علي يعني لما يصفنون مع نفسهم اسمعهم يغنون بالانجليزي و يسمعون اللي بالمدرسة خذوووه .. بنفس الوقت لما اسأل كل واحد فيهم انت بأي صف يقولولي كي جي ون و بريييييي كي جي ..

و الابلات يهبلووووووووون ... و حتى السلام .. يسلمون بتحية الاسلام


يالله قولولي رايكم

 

[اي اسم]

الحمدلله ابلة الانجليزي اللي تدرس ولدي ومساعدتها حليوين ويهبلون:ggdw: واذا كتبت لهم رسالة او تعليق يردون ما يطنشون مو نفس مدرس الدين الله يهديه :eh_s(14):والا ابله العربي اللي اقولها انا بروح المستشفى اولد هالاسبوع لان طاف موعدي والدكتورة بتدخلني المستشفى فولدي محد راح يتابع معاه كتابه الواجبات هالاسبوع ابيها تتفهم وما تحرجه وتقوله ليش مو كاتب الواجب راحت حضرتها مترستلي دفتر الواجب علامات استفهام:eh_s(14):