اللي عندها اي استشارة قانونية تدخل وانشالله بتلاقي حل

[بنت الأصايل]

مساء الخير
اول شي ابوي و امي عايشين و ابوي عندا املاك عقارات غير مؤجرة كان امسجلها بأسمي مع خواتي بس الوالد تعبان والوالدة اجبرتني اني ابايعها نصيبي بالعقارات من غير ما استلم اي فلوس وناكرة ان لي اي شي و اني ماكنت املك شيي جدام الناس والموضوع صار لة تقريبا سنة و نص ممكن اتقوليلي شنو التطريقة الي اقدر اطلع فيها الأوراق الرسمية الي وقعت عليها وشلون اذا برفع قضية عشان ارد حقي و هل فعلا برد حقي او لا

شكراا و يعطيج العافية

رديت على رسالتج اللي بالخاص

 

[black-diamond]

مرحبا بنت الاصايل ويعطيج العافية على المجهود
وحبيت اسال عن اذا الوحدة فوق 21 سنة تطلقت تقدر تستقل بمسكن بروحها عشان تحمى خصوصية ابنها لان يعانى من مرض عصبى حتا لو اهلها عارضو مثلا ابوها واخوانها وشلون تقدر تثبت حقها بالاستقلالية ياريت تردين على بالخاص اذا مافيها ازعاج

 

[نبـــآطه "]

هلا اختي طالما الأم تطلقت تقدر تطالب بحضانة البنات وتحكم لها المحكمة بحضانة البنات القاصر والبالغ 21 سنة
وتقدم مايفيد انها مطلقة وتقدم خلو زوجية وترجع لها الحضانة

يعطيج العافيه بس البنات مايبون الأم يبون يعيشون مع ابوهم هل الام لها الحق انها تجبر الابو على التنازل عن البنتين

واذا قدمت خلو الزوجية تقدر تاخذ البنتين بالغصب يعني ؟

واذا الجواب اي شنو يسوي الابو عشان اتظل الحضانه عنده ؟

 

[كويتيه كوووووووووووووووول]

سلام عليكم بنت الاصايل عندي استشارة لو سمحتي
عندي رفيجتي وزوجها حابين يرممون بيتهم ويوسعون فيه عشان عيالهم بس اهو مطلق وطليقته ساكنه بالبيت طبعا البيت مقسوم وهي موراضيه توقع على البنيان مع انه راح يبني لهم دور ثالث اكبر من الي ساكنين فيه والبلدية مو راضين يعطونهم ترخيص الا لين توافق وعيالها كلهم كبار مباقي الى البنت للحين ماتزوجت وهي لها حق السكن حتى تتزوج البنت. زين الحين هم شيسوون؟

 

[كويتيه كوووووووووووووووول]

حبيبتي بنت الاصايل وينج مارديتي

 

[بنت الأصايل]

سلام عليكم بنت الاصايل عندي استشارة لو سمحتي
عندي رفيجتي وزوجها حابين يرممون بيتهم ويوسعون فيه عشان عيالهم بس اهو مطلق وطليقته ساكنه بالبيت طبعا البيت مقسوم وهي موراضيه توقع على البنيان مع انه راح يبني لهم دور ثالث اكبر من الي ساكنين فيه والبلدية مو راضين يعطونهم ترخيص الا لين توافق وعيالها كلهم كبار مباقي الى البنت للحين ماتزوجت وهي لها حق السكن حتى تتزوج البنت. زين الحين هم شيسوون؟

عزيزتي منو الجهة الرسمية اللي طلبت موافقة المطلقة حتى يتمم اجراءات الترميم ؟؟

لأن عادي هو يرمم او يبني هذه من حقة

 

[نبـــآطه "]

حبيبتي مارديتي علي ؟؟

 

[كويتيه كوووووووووووووووول]

هلا حبيبتي
الجهه الي طالبة البلديه عشان يعطونهم ترخيص للبناء وياخذون السلفيه ال25 بس اهي مو راضية توقع وتطلع من البيت

 

[بنت الأصايل]

هلا حبيبتي
الجهه الي طالبة البلديه عشان يعطونهم ترخيص للبناء وياخذون السلفيه ال25 بس اهي مو راضية توقع وتطلع من البيت

شوفي عزيزتي المرحلة هذه لازم تراجعين فيها مكتب محامي عشان يشوف الاوراق ويعطيج الجواب الكافي

 

[KUW未来]

السلام عليكم ورحمة الله و بركاته
بغيت أسألج إذا سويت حق طليقي (طلب حجزما للمدين لدى الغير) و عليه متجمد من النفقة ,, هل راح يعطيني المبلغ إلي أطالبه ,,
و بغيت أفهم شنو يعني هالإجراء و يعطيج العافية

 

[بنت الأصايل]

السلام عليكم ورحمة الله و بركاته
بغيت أسألج إذا سويت حق طليقي (طلب حجزما للمدين لدى الغير) و عليه متجمد من النفقة ,, هل راح يعطيني المبلغ إلي أطالبه ,,
و بغيت أفهم شنو يعني هالإجراء و يعطيج العافية

يعني معناته انج راح تتحصلين على فلوسج من الجهة اللي انتي مسوية فيها الحجز

والاجراء روحي ادارة التنفيذ واطلبوا منهم يسوون لج هذا الاجراء

 

[KUW未来]

يعني معناته انج راح تتحصلين على فلوسج من الجهة اللي انتي مسوية فيها الحجز

والاجراء روحي ادارة التنفيذ واطلبوا منهم يسوون لج هذا الاجراء

و بعد بغيت بعد أسألج إذا إعيالي تزوجوا هل راح يلغون النفقة المتجمدة أم يصير إنطالب فيها ?

و مشكورة

 

[بنت الأصايل]

و بعد بغيت بعد أسألج إذا إعيالي تزوجوا هل راح يلغون النفقة المتجمدة أم يصير إنطالب فيها ?

و مشكورة

ماراح يلغونها لأن محكوم لج بأثر سابق

 

[مدام فستقه]

اذا وحده طالبه الطلاق يقدر القاضى يطلقها غيابي بدون حضور الزوج؟
وزواجهم بالمحكمه الجعفريه

 

[بنت الأصايل]

لا عزيزتي مافي طلاق غيابي لا من الزوج ولا من الزوجة

 

[مدام فستقه]

لا عزيزتي مافي طلاق غيابي لا من الزوج ولا من الزوجة

الزوج مريض بين الحياه والموت بالحاله هذى ما يطلقها للضرر؟؟

 

[بنت الأصايل]

الزوج مريض بين الحياه والموت بالحاله هذى ما يطلقها للضرر؟؟

ممكن يطلقها للضر لأن الضرر واضح للقضاء ولكن لازم ترفع دعوى للطلاق ويعلن على عنوانه وليس ضروريا حضوره جلسات المحكمة

يكفي ان يتم اعلانه بها ويجب على الزوجة ان تقدم مايفيد للمحكمة مرض زوجها ورقوده في الفراش وبعدها يحكم لها بالطلاق

 

[om-hayooona]

مشكووووووووووووووووووره وااااااااااااااايد وااااااااااااااايد على مساعدتج لنا يا محاميتنا الغاليه ..

 

[الحياة لحظة]

صباح الخير حبيبتي بنت الأصايل
أنا قاعدة أدور على محامية شاطرة بس أول شي أبي إستشارة قانونية لأكون على نور
أنا عندي 5 أطفال و أنا كويتية و زوجي كويتي
شنو الحقوق اللي يعطيها القانون للزوجة في حال تقصير الزوج بالمصروف
يعني أنا أريد أن أحصل على حقوقي و حقوق أولادي القانونية
و شكرا على هالموضوع الجميل
_shh_:_shh_:

 

[الكرملين]

السلام عليكم اختي مطلقه وعندها عيال يصير يطلع لها بيت مع عيالها ولاتنطر ليما يطلع بيت طليقها وتسكن فيه

طليقها مومتزوج ومسجون شنو الاجراءات اللي تسويها وكانو مقدمين على بيت في عريفجان قبل الطلاق