اللي راح يكون معانا دوم بيصير رشيق اليوم ( تم الاقفال )

[ساره ستايل]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

جاب :حلللللللللللللللوة ابليس الريجيم

 

[سمسميه]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

اشلونكم بنات؟
شخبار اليوع وياكم؟
وناسه اليوم داومت والبنات قالوا لي ما عرفناج من الضعف:eh_s(3):
عاد انا تشققت:eh_s(6): :eh_s(6):

 

[ساره ستايل]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

ماشالله سمسمية
الله يتمم عليج ابصحه وعافيه

زهبي المخصر

 

[jolie_q8]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

مبرررررررررررك سمسميه

اقري على روحج .. ترا من صجي في ناس بس يبققون عيونهم ما يدرون اشكثر عانينا من الرجيم وبلاويه والدويه وغيره

سارا: احسن وزن الصبح.. ومبروك النص كيللوووووووووو

ودايت كير روعه..بس خليه لما تملين من الرجيم


الغنادير: اشلونج

بنات اليوم شريت بنطلون مقاس اصغر:eh_s(9): وطلع راهييييييي

ادعولي بعد انزل مقاس ثاني واصير رشيقه

 

[ساره ستايل]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

جولي انا من ناحية مليت.. ملليت (اول شي ماكو تشجيع من ريلي بالمره )
وملليت من اكلي اللي كل يوم مثل ما اهو

فودي اشترك ابدايت كير عشان التزم بالريجيم
.. واكسر الروتين .. واحلل افلوسي اللي بدفعها

 

[**Jumana**]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

ريوقي اليوم: منقوشه زعتر + فاكه + روب بالفواكهه نفس مال المراعي.

غداي : دجاح مع خضار + سلطه

العشاء : صمونة حلوم زعنطووووووووووووطة.. جني طارتها من بيت جيراننا

العصاري : كيكة كاكاو نفس اللي دزوها لي أمس :eh_s(13):

ما احبها مو وايد شيرا ... أبي شي ينقططططططططط شكر .. هذي ما فيها... ابي شي اشرب معاه قهوة عربية...

 

[supermarket]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

supermarket<< اشلون دايت كير ؟؟ترا انا اول اسبوع وياهم كنت كله يوعانه -بعدين اصلا قمت اشبع بسرعه

وانا بعد اول اسبوع يعت مايمديني اكل وجبتي وانا على الكرسي ايوووع

بس الحين صار عادي ( انا الحين ثاني اسبوع ) بالرغم من انها مقللة اكلي لاني مانزلت الا نص كيلو

بس اكلهم لذيييذ الذ من هيلث كومباني

 

[supermarket]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

سمسمية : رقي روحج العيون ماترحم خاصة فيما يتعلق بالريجيم

سارة ستايل : دايت كير حلو ومنيوهم واااااسع وحلو

وبلا كاكاو بو اسد علشان ماتصيرين كاكاو بو فيل

 

[الطموحه]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

مساااااااااااااااااااء الخير
شلوووووووووووونكم؟؟؟؟:eh_s(8): :eh_s(8):
والله ولهت عليكم وفاقدتكم

آسفة أمس ما طليت عليكم بس كنت بالمستشفى معدتي تعورني طلع معاى التهاب بالمعدة<<< من زمان هالمعدة تعبانة خنت حيلي

وأشوف في بنات يدد انضمواااااااا لنا <<< ما شاء الله اللهم زيد وبارك
وان شاء الله نوصل للوزن المثاااااااااااالي:eh_s(17):

يومياتي يا حبيباتي <<< ههههههه نفس الوزن:eh_s(6):
امس طبعا صوم وبس ماي فما تغديت ولا تعشيت
اليوم ريوقي كان نسكافيه وتوسته وجبنه<<< على فكرة انا ماشيه على الرجيم اللي جولي حطته بس زدت عليه التوست الاسمر:eh_s(15):

 

[دنيــا الولــه]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

هااااااااي عسى الله يصبرنا اكثررررر

وعساكم كلكم تصيرووون رشيييقات

نبي احلى من جسم بيونسيه

انا اليووووم سواااايل الريووق حليب

الغداء شوووربه

العشاااا اورنج جوسسسس

بالتوفيييق للكل (f)

 

[jolie_q8]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

سارا : عيل انصحج في دايت كير اكلهم لذيذ

سوبر ماركت : راح تنزلين بس انصحج تسوين رياضه او تمشين نص ساعه باليوم. وبالنسبه لهيلث كومباني << انا بس اخذ منهم سلطات بس الاكل ما احب الا دايت كير او دايت سنتر


بنت الديره : سلامات ما تشوفين شر

فقدناج .. واستمري على الرجيم نبي نتايج عجيبه غريبه هالاسبوع


جمانه : عليج بالعافيه


انا فاقده ديما-ام فيصل- منينا - نيو مام - مستشاره@@

وينكم؟؟

 

[مستشاره قانونيه]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

هااااااااااي بناااات اشلوووووووووونكم

بعد عمررري جولي عسى انشالله ماتفقدين غالي
انا ادري ماقمت ادش النت واييد يعني لاهيه دوام ونادي ماكو وقت كلش
المهم انا امس كان غداي خضار مسلوقه + كباب الصغار مشوي 4 حبات + دايت بيبسي وبعد ين رحت النادي وعقبها مريت لو فات واخذت سلطه تونا ودايت بيبسي

عاد اليووووم مادري شفيني خربطت اشوي :_( رحت فرايديز واكلت وجبتي المفضله بس ماتريقت وماراح اتعشى وراح اروح النادي بعد اشوي واخذت حبتين زنيكال..

جولي بغيت اسالج شنو الرجيم اللي تسووونه انتي وديما !! شوقتووووني ممكن الرابط بليز

بنات بحطلكم رجيم .. عجبني وايد واخذت من منتدى ( لك ) اشرايكم فييه ينفع يقولون ينزل 15 كيلو في 3 اسابيع .. في وحده منكم مجربته !!؟

السبت .
الافطار . جبنة قليلة الدسم 100 جم + توست + شاي أقهوة ( أنا أحط شريحة جبنة قليلة الدسم وهي متوفرة فوق 1 شريحة بريد بر مع شاهي طبعاً أحط السكر الخاص بالريجيم فقط لا تفركرين تحطين سكر مع الشاهي ولا نقطة هههههه تعذيب صح ) عالعموم اللي يبي الدح مايقول أح ...
الغدا . 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )
العشا . كوب كبير عصير برتقال ( طازج طبعاً أنتي تعصرينة وأنتي ماتشوفين الدرب ) + علبة زبادي قليل الدسم كليها طبعاً آخر الليل مو مع البرتقال ( يازينك وأنتي تاكلين روب وتشربين برتقال )


الأحد
. الأفطار . 2 بيضة مسلوقة مع شاي ( بدون سكر الا من سكر الريجيم )
الغدا . سمكة مشوية كبيرة + صحن سلطة خضراء ..
العشا . شابورة ( طبعاً بر ) مع قطعة جبنة ( اللي ذكرتها فوق """) مع شاي أو قهوة ( شاي اكيد )


الاثنين
الافطار . بيضة مسلوقة + برتقاله + شاي أو قهوة
الغدا . لحم مشوي غير محدود الكمية مع حبة طماطم أو خيار ( أنا أستبدلته بدجاج ) ...
العشا . كوب حليب قليل الدسم ويفضل منزوع + شابورة ( بر ) ...


الثلاثاء
الافطار . شريحة جبنة قليله الدسم + توست ( بريد بر ) + شاي أقهوة .
الغدا . نوع واح من الفاكهة ... ( أنا كنت آكل التفاح ) ......
العشا . لبن قليل الدسم مع توست ( بريد بر )


الاربعاء
الافطار . 7 حبات تمر مع قهوة طبعاً مو شاي
الغدا . دجاج مشوي بدون جلد غير محدود الكمية .
العشا . 3 بيضات مسلوقات مع توست .... ( أنا كنت أحط البيض في المقلى من دون زيت وأقلقلة .. وأحط شوية جبنة فيتا قليلة الدسم علشان يلينة ) ...


الخميس
الافطار . مفتوح
الغدا . مفتوح
العشا . مفتوح


الجمعة .
الافطار . جبن قليل الدسم + 2/1 خبزة + عصير برتقال ...
الغدا . لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ....
العشا . مفتوح


ملاحظة :
مفتوح تعني اختيار أي وجبة مما سبق في الريجيم ( لا تستانسين واجد ) ..


يلاااا جااااااو حبيباتي :eh_s(17): :eh_s(8):

 

[jolie_q8]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

هلا مستشاره

اشلونج!

خوش رجيم اللي حطيتيه

رجيمي هذا


http://q8yat.net/showthread.php?t=57119

 

[مستشاره قانونيه]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

مشكوووووووووووووووووووره جولي

 

[ساره ستايل]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

جومانه : لا يوزج ابليس مثل ما وزني امس حسبي الله عليه

سوبرماركت:انا الحين ككاو بودبدوب .. اذا ماحافظت .. راح اصير ككاو بو فيل على قولتج

جولي : والله تشجعت على دايت كير.. بس بشاور ابو العيال لعل وعسى يرضى
لأنه اول المعارضين حق ريجيمي

دنيا الوله : ماشالله عليج .. تقدرين تستحملين ريجيم السوائل؟:eh_s(9):
احس اذا سويته راح اطيح من طولي وعاد تعالي شوفي الزف من الريل:eh_s(22):

مستشاره : والله خووووش ريجيم .. وايد عجبني خصوصا انه ينزل 15كيلو ب3 اسابيع.. بسجله عندي وانشالله نمشي عليه:eh_s(15):

انا ودي قبل لاتخلص اجازة الامومة.. اضعف عشان ابهرهم ابرشاقتي
مابي اداوم وانا امدربحه.. بشتري مقاسات اصغغغغغغغغغر
ولهت على مقاس 38 :eh_s(20):

 

[مستشاره قانونيه]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

سااااااره ستاااايل انا بعد عجبني وايد وانشالله ببدي فيه من يوم السبت

انا وزني ماينزل بسرعه تعبت ومليت بصراحه مادري شسوي بعمري مع اني رجيم ورياضه بس ماشووف نتيجه سنعه ابــــــــي حــــــــــــل

 

[سمسميه]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

اي واالله يا بنات الله يستر من العين ! الله يكافينا الشر

 

[ساره ستايل]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

مستشارة : والله نفس حالتي
امحافظة وقليل ما اكل ككاو .. قطعت البيبسي حتى دايت ما اشرب
وجبات سريعه حااربتها .قللت كمية اكلي .

بس وزني ينزل بالقطاره

يقولون جذي احسن ..
لأن الوزن اللي يروح بسرعه بيرجع لج ابسرعه
والعكس صحيح

 

[DaLaLy]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

مستشاره قانونيه :

انا مجربته من قبل ما ينزل ولا شي حتى 5 كيلو ما وصل :s واللي راح تظعفينه بتردينه بسرعه ... سوري حبطتكم بس هذا الصج :>

 

[مستشاره قانونيه]

رد: اللي راح يكون معانا دوم بيصير رشيق اليوم (( أعلنا نتيجة الاسبوع الاول )) ))

DaLaLy
ادري لان جسم عن جسم يفرق يعني انا حدي حدي باسبوعين انزل 3 كيلو اذا ماشيه علييه عدل حتى لو 5 راضيه عادي احسن من ولاشي