اللي تعيين جديد (المعلمات )خبر سيء ضروري الدخول

[رذاذ المطر]

السلام عليكم ورحمة الله وبركاتة

بنات وصلني خبر سيء الرجاء الدخول من اللي تعيينو جديد
ان تعينهم متوقف حتي اللي عطوها مباشرة عمل من تاريخ 23/3 /2008


قرار نازل من الوزارة والتأكيد كان 10/4/2008

اللي مداومه للحين تروح تتأكد وتسأل الادارة وتروح المنطقة تلحق علي نفسها
لان مالها اي مستحقات مالية

حبيت افيدهم لان في بنات واجد متعينين جديد وباشرو عمل

ومع سلامة علي الخبر السيء

 

[شاي اخضر]

تصدقييين فكه بس متحسفه عالكرااااااااف الي كرفته بس شلون وماوصلهم شي؟؟؟

 

[رذاذ المطر]

والله المدرسة اكيد تبيج وماتبي تهدج اكيد ماتقول

وصل القرار لكل المدراس بس مايبون يقولون ... جبنا قرار من المنطقة التعليمية

انا حبيت اقولكم لان مالكم معاش

قالي المراقب مالج اي مستحقات مالية فحرام اداومون بدون معاش

بس تأكدووا احسن .. انا رحت بنفسي وشفت القرار بعيوني

 

[شاي اخضر]

صاجه ادري القرار وصل بس قالولهم لايوزعونه عالمدارس لانهم قاعدين يحاولون يستثنون المدرسات ومادري شصار

 

[LUCK GIRL]

اشاعااات

 

[ام عفاف الكويت]

نزلت بالجريده الوطن في الاسبوع الماضي انه المدرسات ليسوا ترشيح وولكن تعيين من الوزاره وليس الديوان
وانا مكلمه المراقب لايوجد اي قرار نازل كانوا شاكين فيه لكن جلسه الاثنين الطارئة بين مجلس الوزاء استشنوا المدرسين

 

[شاي اخضر]

والله محد ماكلها غيرنا وشلون رفيجتي مدرسه وقالو لها تداومين بعد الانتخابات ؟؟؟ ليش مااستثنوها ؟ بس اهي ماباشرت صدقوني الموضوع في ان

 

[رذاذ المطر]

حبيباتي انا بنفسي شايفة ورقة القرار .. مافي اي مستحقات مادية لاي موظف
تم تعيينه من 23/3

انا بلغتكم وانتو علي راحتكم ...
صدقوني انا مثلكم رحت وباشرة عمل ودرست سبوعين
قالي المراقب بنفسة شخصيااا مالج اي مستحقات مالية الا بعد 20 /5

 

[شاي اخضر]

انزين انت منطقة الجهرا ؟؟؟؟ والحين شلون تداومين ولا لا والاداره شقالت ؟؟؟

 

[رذاذ المطر]

الادارة تدري بس ماقالت لنا .... احنا رحنا بنفسنا وشفنا القرار ... والقرار واصل للادارة .. طبعا ماراح يسون شي
ان داوم 20/5 هذا قرار من وزارة التربية

طبعا ماني مداومه باجر بروح وزارة التربية

تكفى بنات اي وحدة تسمع شي جديد تقول لنا لان جد مضايقة كل الايام اداوم واخر شي تروح علي
لا مو منطقة الجهرا

 

[شاي اخضر]

غريبه بس شلون تغيبين من كيفج ومابلغوج رسمي ؟؟ وبعدين بعد تاريخ 20 تداومين بنفس المدرسه ولا نسوي اجراءاتنا من جديد شسالفه ؟؟ الحين اكلم مشرفتي اسألها ؟؟؟ وع مالي خلق اداوم

 

[رذاذ المطر]

شوفي انا رحت للمراقب بنفسة قالي خلص مالج اي تعيين .. تعين موقف شلون اداوووووم
مالي اي معاش ليش اداوم واتعب عمري عليهم

انا صالي اسبوعين اداوم بالمدرسة وكل البنات اللي معاي بيروحون الوزارة
لان الديوان قالنا ليش داومون
نزل قرار بوقف تعين كل اللي باشروا عمل

استثنوا الطباء بس المعلمين للحين ماصدر انهم استثنوهم

اي قالي بترجعين نفس المدرسة اللي تعينتي فيها وراح نبلغج اذا في اي شي جديد

بليز بنااات طمنووني والله اخاف اغيب ويروح علي المعاش وواذا داومت مافي معاش جد محتاارة

 

[عالي مستواها]

لا لا تغيبين مو من صالحج


بعدين انا بنفسي مكلمه المنطقة التعليمية يقولون " داومي حتى إشعار آخر " يعني ليلحين السالفة مو رسمية

بس خلاص انا صارلي أكثر من سبوعين مداومه يماطلون لي متى ما بقى شي وتخلص الإنتخابات وهم ما قرروا

ناظرتنا ما وصلها شي كلش لما أقولها تقول ما عليج منهم ما وصل شي رسمي وفعلاً كلامها لأنه لو صج جان قالولي المنطقة التعليمية كل ما أكلمهم يقولون لا داومي ماكو شي

ما عليج من الإشاعات .. حنا نزل تعيينا وخلاص حتى انا بنفسي شايفه أوراق تعييني واصله من يومين لسكرتارية مدرستي

 

[زيـטּ عَبْس]

بنات لاتخرعوني جذي

وسحايب حتى لو قاريه النشرة بالمنطقه

دام الناظرة مادزتها لج

سوي روحج ماتدرين

وعن نفسي

والله مادريت الا منكم

محد جاب طاري هالشي بالمدرسه واحنا 2 متعينات بالقسم

واحنا بالكويت

بالله منو اللي بيرضى تداومين شهرين بدون معاش

هذي تقلب الكويت كلهاا

عندنا اثباتات ان احنا مداومين طول هالفترة
دفتر الحضور
المديرات
المعلمات
اوراقنا
كل شي

وفوق هذا ماكو معاشات


مستحيل



عاد اللي متعينه معاي قالت لها الوكيله راجعي البنك لان الوزارة مو واصلها تحويل راتب
ولمن راجعت قالها المعاش بينزلج تاريخ 24 مع المدرسات مو بعد 3 اشهر

اقسم بالله هذا كلامها لي

والله أعلم

=========
بس انا ماقالولي راجعيناا






انتوا راجعتوا ولا لأ


شكلي براجعهم

قلبي يرقع


وتفائلوا بالخير يا بنات

لان احنا وضعنا غير تم تعينيناا لازم لنا مستحقات مستحيل
اللي تداوم شهرين تتساوى مع اللي كانت قاعده بالبيت ناطرة التعيين في المعاش

عدل ولا لأ

 

[فرحه بلادي]

لا تعليق ...الله يعينكم علي هالقرارات

 

[ام نورا22]

والله الحظ حده نحس وانا اللي متفائله حدي ولا وقابليني الاوقاف وتخصبقت معاهم وانا ابي التربيه الله يعين انشالله

 

[ام عفاف الكويت]

شصاااااااااار ؟؟؟؟؟

 

[رذاذ المطر]

اليوم اخوي راح وسأل مسكين والله من مكان لي مكان عساه ع القوة

اخر شي جاب لي الخبر الاكيد ان شاء الله

قال اي وحده عطوها مباشرة عمل (ومعلمة )يسوون اوراقهم ويستثنونهم بس للحين ماصار شي

علي اسبوع الجاي يخلصون الاوراق

بنات الله يخليكم اي وحدة تدخل تدعي لنا ان تتسهل الامور

وان شاء الله علي يوم الاربعا او الخميس اقولكم شنو صار

ادعوو بنات ادعووووو

 

[ام عفاف الكويت]

مافهمت سحايب ؟
انا باشرت العمل 26 - 3 ؟

شنو قالوا

 

[رذاذ المطر]

قالوو ان شاء الله يستثنونهم ع الاسبوع الجاي والكلام الاخير بيكون ع الاربعا او الخميس

انا بعد 24/3