اللي تبيني احلل شخصيتها او تتعرف على نفسها اكثر تتفضل

[سمي النور]

مشاركة: اللي تبيني احلل شخصيتها او تتعرف على نفسها اكثر تتفضل

اناااااا بعد ويااااااااااااااكم.



اممم البحر:

لونه أزرق يرد الروح..

احبه .. احب هدوءه .. صوت الموج .. لونه ..احب بعده .. احب اطالعه .. اسبح فيه..
استرخي فيه.. اسسسسسرح فيه.. واحبه بالليل واول الفجر .. عموما انا اموت بالماي احسه حياه ..


الغاابه..

اتخيلها خضراء .. اشجاار طويله كثيفه متداخله في بعض..ومادري ليش دايم اول ما اسمع غابه تطري علي القرده متعلقه عالشجر ..
والغابه ما عمري رحتلها بس احس ما احبها مو مريحه.. ما حب الحشرات اكره شيء عندي ولا احب الوسخ والطين .. ولا شيء يلزق فيني ولا يطيح علي مادري من وين اتضايق واتنرفز..


الحيوانات.. مااااااااااااااااااحبهم..

بس يمكن الأرنب احب فيه لونه الابيض الثلجي..

احب الفراشه الملونه.. احب الوانها .. تجي فيها الواااان مختلفه ومتناقضه بس حلوه سبحان الخالق..

احب الطاووس .. احب الوانه ودرجاتها منظره روعه..بس مااااااااااااا احب المسهم ابدااااااا ابدااااااا ابداااااااا ..

الميداليه .. اول شيء قلت احط مفتاح واحد بعدين قلت لا مو حلو شكله بروحه .. اثنين .. او ثلاثه..

المزهريه .. ابيها شفافه حييييييل .. كريستال يعني طويله ضعيفه .. مافيها شغل .. ماحب الزهريات الملونه ولا احب الشغل واجد ​

waiting You ​

 

[Maltesers]

مشاركة: اللي تبيني احلل شخصيتها او تتعرف على نفسها اكثر تتفضل

وانه بعد ابي اتعرف على نفسي اكثر

 

[Maltesers]

مشاركة: اللي تبيني احلل شخصيتها او تتعرف على نفسها اكثر تتفضل

البحر :- احب البحر واحب اسمع صوت الموج فيه واحب لونه وريحته بس اخاف منه وخصوصا بالليل اتخيل داخله اشياء خطره وتخرع لأن ظلمه



الغابه :- طبيعتها ولونها الاخضر مريحين بس احسها وصخه وايد وكل مكان فيها حشرات


الحيوانات اللي احبهم :-

1- اسماك الزينه احب لونهم وحركتهم بالماي يسوون حركه بالبيت بس ما احب وصاختهم وريحتهم الزفره

2- احب الكتاكيت الصغار الملونين شكلهم حلو وخصوصا لمن يمشون ههههه احب اصيدهم بس ماحبهم لأنهم يموتون بسرعه

3- واحب الدياي مادري ليش بس صوتهم مزعج


مفتاحين



احبها تكون كلاسيك والوانها مفرفشه ومريحه مو دعله وكبيره والونها قامته

 

[كاكاو]

مشاركة: اللي تبيني احلل شخصيتها او تتعرف على نفسها اكثر تتفضل

يعطيج العافيه و الظاهر متعبينج وايد

انا احب سوالف تحليل الشخصية واحب اشارك بهالموضوع

1****شنو تعليقج لكلمه بحر : اوصفيه على قد ما تقدرين

احس البحر حيل كبير
احب البحر لما يكون لونه ازرق فاتح ويلمع بالنهار .. واتضايق لما ما اشوف لونه الازرق
واحب اتسبح فيه لان مايه دافي .. احب اشوف البحر وقت الشروق او الغروب بس للاسف للحين ما شفته بهالوقتين .. واحب صوت الماي .

2****ونفس الشي بالنسبه للغابه اوصفيها

انا الصراحة اتمنى اعيش بغابه .. ابنيلي بيت من خشب على الشير .. احس الغابه حلوة بزرعها الاخضر واشجارها و وردها وعصافيرها.. بس مااحب اعيش بغابه فيها حيوانات مفترسه تخوف

3****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه

احب الحصان لان شكل جسمه حلو واحسه رشيق وسريع ومتواضع .. والي مااحبه ريحته
واحب الغزال .. احس انه جميل .. وما فيه شي مااحبه
واحب الاسد لان يسمونه ملك الغابه واحس ان له شخصية قويه ويتحمل المسؤولية فيعجني .. وما احب فيه ان يعتبر من الحيوانات المفترسة


4****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه

مفتاحين

5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟

احب تكون المزهرية طويلة بس مو وايد .. ويكون لونها نحاسي ومنحوته بنقشة خفيفة وفيها وردة وحده حمرة

وبانتظار ردج

 

[كاكاو]

مشاركة: اللي تبيني احلل شخصيتها او تتعرف على نفسها اكثر تتفضل

نحن بانتظار الرد

 

[محتارة]

مشاركة: اللي تبيني احلل شخصيتها او تتعرف على نفسها اكثر تتفضل

****شنو تعليقج لكلمه بحر : اوصفيه على قد ما تقدرين

البحر كبيررررررر اذا كان فاتح وهادئ احب اشوفه واجابله وافكر واتمشى على اليال بس اذا عاصف ولونه غامج اخاف منه واخاف حتى اني اطالعه احسه غدار ويخرع .. واخاف من اعماق البحار احسه غامضه وموحشه ..
2****ونفس الشي بالنسبه للغابه اوصفيها

الغابة احس انها كلها اسرار والاشجار متشابكه احب اشوفها من بعيد بس اخاف ادشها ..
3****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه

انا بطبعي ماحب الحيوانات ... بس يمكن استانس على الارنب : احب اوكله جزر وخس استاانس واحب اشوفه يركض بسرعه ... وماحب انه يقرب مني او امسكه واشيله ...
احب الذبانة خخخخخخخ احس انها ماتضر ولا تسوي شي ويوم كنت صغيره اخليها تمشي على ايدي احب فيها انها هادية وماتعض... واكره شي فيها انها وسخه وممكن تنقل الامراض واكرهها اذا اذتني وطلعت اصوات وتزن صوبج احسها لزقه ...
احب الصخلة .. احب فيها انها تعطينا الحليب ومنتجاته احسها مفيدة ونافعه واستانس لما اشوف يدتي تحلبها .. بس ماحب ريحتها ولا احب امسكها او ايي صوبها ...

4****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه

انا ماحب احط مفاتيح وايد في الميدالية .. اقصى حد 3 مفاتيح ...

5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟

ممممممم ابيها ناعمة مو وايد كبيرة ... يعني ماحبها تكون عملاقه ... ابي الوانها راكبة على بعض ومتناسقة ...ابي فيها اشيا بارزة ... ماحب يكون فيها وايد نقشات ...


ناااااااااااااااااطرة اوكي

 

[BlUe SkY GuRl]

مشاركة: اللي تبيني احلل شخصيتها او تتعرف على نفسها اكثر تتفضل

1****شنو تعليقج لكلمه بحر : واسع ويريح واحب هدوئه وموجه وصوت الموج بعد بس احس براحه نفسيه لما اشوفه واحس انه فيه امل كبير لما اطالعه

2****ونفس الشي بالنسبه للغابه اوصفيها :هاديه ونظيفه واحسنه حياه بحالها وعالم ثاني واحب هدوئها وصوت العصافير



3****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه
احب الحصان لانه اكثر حيوان احس بأمان منه واحب سرعته وقوته واحس عيونه معبره
احب الدلفين لانه هادي ومرح بنفس الوقت واحس بعيونه امان وكل شي احبه فيه
احب الاسد احس انه قوي وفيه هيبه ومميز بقعدته ونظراته واحس بعيونه قوه موطبيعيه كل شي احبه فيه



4****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه
مفتاح واحد
ناطره تحليلج على احر من الجمر وثانكووو التحليل لو سمحتي ابيه عالخاص


5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟
تكون زجاج فيها احجار كريمه شفافه لو الماس بعد يكون احسن بس تكون بشكل عام شفافه ولو فيها ورده حمرا يكون افضل

 

[مووونيك]

مشاركة: اللي تبيني احلل شخصيتها او تتعرف على نفسها اكثر تتفضل

انا حدي متأخرة!!!!>>>>> تم قبول النداء!
يعطيج العافية حبيبتي..... وانشاءالله اتحليلي انا بعد>>>>شنو حامل؟

****شنو تعليقج لكلمه بحر :
البحر حلووو ولونه حيييل مريح للنظر.... بس يخوف لانه غدار.... واحب رمل البحر احس شعور حلو لما امشي حافية على الرمل وماي البحر يحوشني.... بس البحر عموما يخرعني وما احب الكائنات اللي فيه!

2****ونفس الشي بالنسبه للغابه:
الغابة بعد احسها اتخرع!
لانها كبيييييييرة واحس اذا دشيت فيها راح اضيع مع اني احب الطبيعة... بس ما احب جمال الغابات احس كلها حشرات!

3****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه:
ما احب الحيوانات! بس راح اختار حيوانات احب شكلها:
الخيل العربي: قوي ويعبر عن تاريخنا!
سمك الزينة: شكله حلو وخاصة الوانه!
القطوة اللي اتكون ناعمة وصغيرة!

4****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه:
مفتاح واحد!

5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟
احبها شفافة ومدورة وكبيرة وفيها نقشات خفيفة حلوة!

مشكوووورة حبيبتي مرة ثانية لسعة صدرج علينا

 

[KaTToOoYa]

مشاركة: اللي تبيني احلل شخصيتها او تتعرف على نفسها اكثر تتفضل

يعطيج العافيه على هالموضووووووع ..


1_شنو تعليقج لكلمه بحر : اوصفيه على قد ما تقدرين

مممممم..بالنسبة لي اهو اكثر مكان ارتاح فيه .. احبه حيل وقت الفير .. استانس اسمع صوت امواجه .. و احب اكون فيه بروحي او مع اعز الناس لي لأن احس ان البحر يعطيني خصوصية و مجال عشان اغسل جبدي .. و احسه يعطيني قوة عشان اقدر فيها اعبر عن نفسي و عن اللي بقلبي.. احسه قلب كبير يكفي كل الناس .. و كل الهموم .. و اذون تسمع كل الناس .. احس انه الشي الوحيد اللي يريحك بدون لا يكلمك ..و الشي الوحيد اللي يخبي السر و لا يمكن يكشفه.. و انا احب حجمه .. انه كبير حيل ..و لمن اروح له ماحب ناس ما اعرفهم يكونون فيه .. و شخصيا ماحب اتسبح فيه .. مجرد اشوفه و ارتاح فيه .. و امشي عاليال بس ..بس ساعات احس اني وددددي اغوص غيه و اشوفه من تحت .. و تقدرين اتقولين اني اخاف منه ساعات ...

2_ونفس الشي بالنسبه للغابه اوصفيها

احس الغابة عالم ثاني .. فيها اسرار شكثرررر .. و محد لازم يدشها الا اللي عنده شجاعه و قوة قلب و قدرة على انه يتصرف .. و اهي بالنسبة لي مكان خطررر .. اخاف منه حيييل .. و ما ارتاح فيه عكس البحر .. لو انحطيت فيها راح اظل متوتره طول الوقت .. خايفه طول الوقت .. مشمئزة من الحشرات و الحيوانات .. حتى ما اتوقع راح تكون بداخلي رغبه عشان اكتشفها ..بس شخصيا احب منظرها .. لكن محتواها لأ ..

3_اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه

-السمج : احبهم .. احب عالمهم .. احب بيئتهم .. و احس ودي اكون بدالهم لووول .. اشكالهم و الوانهم تجذبني .. بس ما احب آكلهم .. و لا احب ريحتهم .. منظرهم حلو .. ودي اربي سمج ..

-الجلب : في انواع احبها و في انواع اتصرقع منها تصرقع اليهد .. بس ماحب نياسة الجلب و وصاخته .. لو اهو مو نيس جان شريتلي .. بس احس انه وفي .. يسويلي جو .. يحس فيني ..يحميني .. بس الجلب الاسود ما احبه .. و مهما استلطفت جلب هم اموت من الخوف لما ينبح .. وااي .. و اللي يموتني لنا يقولون لي انه يشم ريحة الخوف ..

-البط : اففف من زمان بخاطري اوكل بط لووول .. احسهم خبال و عبيطين .. احب شكلهم شلون يمشون .. و احب اشوفهم يتناجرون على اللقمه اذا قطيتها لهم .. و ودي اشتريلي بطه بس ماا عندي لها مكان .. و البطه بسرعه تموت .. شكلها احبه حيل حيل .. اللي ما احبه فيها ريحتها !! و ان مو متخيله ان يصير اسبحها .. و صوتها ما يزعجني عادي ..

4_اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه

راح اتخربط اذا كودت مفاتيح فميدالية وحده .. فراح احط شويه يعني مو اكثر من 5 ..

5_اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟

احب المزهريات المدلقمة .. ابيها تكون مدلقمه و ناعمه .. متوسطه .. مو كبيرة و لا صغيره .. ابي فيها اشياء تلمع ( يعني مثلا فيها فصوص صغااار .. او فيها قطع زجاج صغييييره حيل ).. لونها ذهبي او احمر قامج او فوشي .. ذهبي افضل شي ..


ناطره تحليلججججج على نااار

 

[[ . . Jee Jee . . ]]

مشاركة: اللي تبيني احلل شخصيتها او تتعرف على نفسها اكثر تتفضل

حظي بايخ توني اكتشف الموضوع .. بطلع وبرد اكتب رد محترم بعد شوي


حطيني بالدور لول

 

[New Mum]

مشاركة: اللي تبيني احلل شخصيتها او تتعرف على نفسها اكثر تتفضل

انا بعد بليز

 

[الفراشة]

مشاركة: اللي تبيني احلل شخصيتها او تتعرف على نفسها اكثر تتفضل

انا بعد لوسمحتى 1بالنسبة للبحر احب شكلة احسة جمىل من داخل اخاف منة 2 الغابة تخوف بس جميلة بطبيعتها ولونها الاخظر 3 مااحب الحيوانات 4 احط المفاتيح المهمه بس ماتكون واجد 5 احب الغريبة الى تلفت النظر وتكون كبيرة او وسط الوانها واشكالها غريبة

 

[أم جوري]

مشاركة: اللي تبيني احلل شخصيتها او تتعرف على نفسها اكثر تتفضل

دووووووووووووووووووووووري

****شنو تعليقج لكلمه بحر : اوصفيه على قد ما تقدرين

البحر احسه اسرار وغدار بس حلو ............ صوت الماي بحد ذاته يخليني اروووووووووووووووووووووح بعيييييييييييييييييييييد ...
2****ونفس الشي بالنسبه للغابه اوصفيها

احسها غموض وضياع ما احبها رغم انها خضراء ...


3****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه
القطوة : حلوة وناعمة
الفراشة : بريئة وملونة ببراعة ما يقدر عليها غير رب العالمين
الجمل : يكسر خاطري رغم شموخه


4****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه
3 مفاتيح


5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟


ابيها وسط وشكلها مميز وزجاج شفاف بس منقوش عليها زخارق ورق اخضر بحدود ذهبية وفراشات ملونة ... ما تكون غالية وايد وبداخلها ريش طاووس وورد الجوري ... واذا صار عليها اضاءة تتغير الوانها ... وبس

بانتظارش يا اختي

 

[on line]

****شنو تعليقج لكلمه بحر : اوصفيه على قد ما تقدرين
البحر يذكرني بالوالد الله يرحمه لانه اهو جرئني عليه واعتبر نفسي مثل السمج لازم اشوفه وماتمر سنه الا طابه فيه واذا ماقدرت حاولت اروح حمام سباحه لان مجرد الاحساس والشعور اني بالماي
البحر حلو بس دايما احس فيه شي داخل غامض مارتاح اشوف البحر واحب اكون بروحي لمن اكون عند البحر ودي اكون بوسط البحر لمن اسبح بس اخاف اغرق احب البحر بس بالفتره الاخير صايره اخاف البحر عجيب وساعات ودي انا بس موجوده بالبحر محد معاي احب البحر لحظه الغروب والفجر احب ريحته ولونه بس موبحر الكويت لونه موحلو واحب اغوص فيه ودي اتكلم اكثر بس احس بطول وولا راح اخلص بوجه عام اموتتتت بالبحر مع وجود خووف بالسنوات الاخير منه بس مازلت احب البحر

2****ونفس الشي بالنسبه للغابه اوصفيها

الغابه ماتشدني واجد وتخوف حيل خاصه لي صارت فيها اشجار ومستنقعات احس بالخوف بالغابه بس احب العصافير فيها اسمع صوتها واحب اا فيها كهوف ادشها خاصه الي تصير فيها شلالات وبعدها فتحه مثل الكهف بس احب اروح مع ناس محترفين وعارفين شنو بواجهه بالغابه

****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه
احب الحصان ودي اتعلم ركوب الخيل واحب يركض فيني بس هم اخاف اطيح منه
احب الدلافين وساعات اتخيل لو اعيش معاها راح اتكلم معاها وراح نفهم بعض
الفراشه احبها ودي اربيها واحب تجيني الصبح اول ما اقعد من النوم



****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه
مادري ساعات ابيهم واجد وساعات بس واحد يعني مومحدد





5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟

اهم شي تكون كبيره واضحه وكلاسك وبنفس الوقت فخمه وتكون قويه ماتنكسر وتكون لامه وفيها رسم يدوي وتكون فيها غرابه بس غرابه بمعنا الابهار

ويعطيج العافيه يارب وان شاء الله يطلع معاج التحليل صحيح وباقرب وقت

 

[SeNyOrA Q8eYa]

وانا بعـــــــــــد بليييييييييييييييييييييييييييز



chaaaaaaaaaaaaaw​

 

[عذبه الصوت]

رد: رد : اللي تبيني احلل شخصيتها او تتعرف على نفسها اكثر تتفضل

مشكوررررررره حبووبه على الموووضووع

البحر

احب اطالعه احب اقووله اللي بقلبي احس انه ياخذ همي كله
واكون مرتاحه بعدين ...

الغابه

شكلها مخيييف ...

الحيوانات

الدبب يونسووون

الفراشات حلوو شكلهم

الدياي احب اعتني فيهم واييد

المفاتييح 2 بس


بالنسبه للفازه او المزهريه
ابيها تكون الوانها ناعمه وفيها فراشات تكون بسيطه وناعمه

ناااااااااااطرتج حبوووبه

 

[brownness]

****شنو تعليقج لكلمه بحر : اوصفيه على قد ما تقدرين
البحر راحة بال وصوتة يريح تشكيلة همومج ويسمعج ومايملج يكون مرات هادي يهديج وياه ويكون عاصف جنة يحس بحالتج لما تكونين متضايقة وعندج مشكلة احبة وايد يهدي البال
2****ونفس الشي بالنسبه للغابه اوصفيها
مغامرة حلوة وتخوف احس فيها حشرات وايد وتكون رطبة وشيرها عالية حيل


3****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه
الحصان جميل ورشيق وفي رومانسية احس يعني لما تركبينة وتروحين في عالبحر وسريع وقوي

الكلب وفي وامين وشكلة حلو يحب صاحبة ومايخونة

النمر قوي ومايهاب احد

4****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه ا

امممم 2

5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟

ناعمة مو كبيرة ولا صغيرة الوانها فاتحة وردي سماوي برتقالي نقشتها خفيفة ورود او اشجار

ناطرتج

 

[أم طه الحولة]

****شنو تعليقج لكلمه بحر : اوصفيه على قد ما تقدرين
البحر شي مهم بالنسبة لي بس عشان اطالعه واتأمله بس اني اسبح فيه مستحيل لأته غدار واخاف منه حيل بس امنيتي اني اعيش في بيت عالبحر عشان اطالعه طوول الوقت

2****ونفس الشي بالنسبه للغابه اوصفيها
احب الغابة في حالة وحده اذا كانت خالية من الحيوانات المفترسة وفيها الحيوانات اللي احبها وتكون اشجارها عااالية وكبيرة بس ماتكون مالية الغابة عشان لا تحجب الشمس عني وكل شي بالغابة اخضر مافيها ولا فراغ واهم شي ان يكون فيها كهف عميق احمي نفسي فيه اذا صار ماصار ويكون فيها كل الخضار والفواكه اللي احبها ههههه همي على بطني وابي الغابة تكون متروسة فراشات ونحل وورود


3****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه

احب القطوة لانها دلووعة ووديعة واحب العب وياها واعطيها حنان ودلع
بس اللي ماحبه فيها انها تشمخ وتييب امراض
احب الفراشات وامووت عليهم لانهم حلوين بس مادري شنو السبب
احب الكلب لانه وفي بس مو دايما .. اللي احبه بالكلب انه وفي ومهما شاف ناس ما ينسى صاحبه واللي اكرهه فيه عضته

4****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه
بحط فيها 4 مفاتيح


5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟
ابيها تكن طوالية وتكون قاعدتها زجاج والباقي عبارة عن كريستال واطراف الفازة الماس

 

[أم منصـ 85 ـور]

1****شنو تعليقج لكلمه بحر : اوصفيه على قد ما تقدرين

البحر ماله أمان وغدار أحب الشاطىء بس بس ماي البحر داااخل ماأحبه أحسه موحش ويخرع وممكن بأي لحظة يغدر فينا
2****ونفس الشي بالنسبه للغابه اوصفيها

الغابة مكان خطر .. يعني إذا دشيتها فما راح أطلع منها إلا إذا الله كاتب لي أحسها محفوفه بالمخاطر .. حيوانات غريبة عجيبة .. صوت الشجر يخرع .. وأشياء جذي ..

3****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه

عموما أنا ماأحب الحيوانات كلش .. بس صارلي فترة أحب سمج الزينة حدي استانس عليهم .. وباجي الحيوانات أخاف منهم ..
أحب الحصان من كنت صغيرة وأنا احلم أكون فارسه أو خياله بس مالله كتب ..
وأحب الأبل أو الجمال .. لأنها تذكرني بجدتي الله يرحمها ..


4****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه

3 مو أكثر .. ماأحب الزحمة بالمفاتيح ..!
5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟

أحبها تكون شفافه وحجمها مو كبير حيل كبير بس بالمعقول وأحبها مستطيلة .. ويكون فيها ماي شويه الربع يعني ويكون بالقاع مالها كريستال خفيف وأحط فيها ورد وردي بس

 

[أم منصـ 85 ـور]

وييييي الموضوع حده قديم يعني محد راح يرد علينا ههههههه