اللي تبيني احلل شخصيتها او تتعرف على نفسها اكثر تتفضل

[السفيرة عزيزة]

رد : اللي تبيني احلل شخصيتها او تتعرف على نفسها اكثر تتفضل

1****شنو تعليقج لكلمه بحر : اوصفيه على قد ما تقدرين

البحر غدار بس احبه وايد وايد
و احب اشوفه اشكيله اسمعه
احس جنة يحس فيني
بس احب اشوفه عن بعد ما اقرب منه
لاني ادري انه ماله امان

2****ونفس الشي بالنسبه للغابه اوصفيها

الغابه اشجارها عاليه حلوة
احس فيها باحلى اشكال الطبيعة الحقيقيه
هاديه خضرا
بس هم اخاف من الليل فيها
اخاف من الظلام احس انه يخوف
بس بالنهار ما في احلى منها


3****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه

الحصان
احب قوامه و سرعته و نعومه شعره
ما في شي ما احبة فيه

القطوة
احب براءتها
ما احب القطوة السودا تخرعني احس انها مو مريحة فيها شي

النمر
احب قوته و كبرياءه
ما احب غدره و افتراسه

4****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه

احط فيه 5 مفاتيح


5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟

ابيها كبيرة و الوانها زايهة و فيها اكثر من لون بس رسمتها تكون سمبل مو شخابيط
و ابيها اللي تكون تنحط على الارض و تصير طويله جنها جرة بس كبيرة
يعني منظر على الارض

 

[فروحة توحة]

رد : اللي تبيني احلل شخصيتها او تتعرف على نفسها اكثر تتفضل

اولا اشكرج يا اختي سنو روز على هذا الموضوع الحلو
ومن ناحيتي ساحاول اني اجاوب واطلع من مواهبي ومكنونياتي
اولا
****شنو تعليقج لكلمه بحر : اوصفيه على قد ما تقدرين
البحر ... هدوء يسمع ما يرد ... يتحمل ... احس براحة اذا قعدت جبالة ... مرات احس بوله له ( اوووله علية واشتاق له ) احسن انة مثل القلب الحنون
مرات اشوف دموعي لا شعوري وانا جباله ما ادري ممكن التفكر بآلاء الله وقدرتة سبحانة ولا من ضيق في نفسي ... احبو واجد وايد


2****ونفس الشي بالنسبه للغابه اوصفيها
الغابة احب فيها الطبيعة الخلابة وصوت الطيور المختلفة لكن ما آآمنها كلش اخاف انة يطلعلي شيء في اي وقت مثل اسد
احب اشوف الاشياء الغريبة فيها والجميله مثل انواع الطيور والحيوانات والشجار




3****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه

احب الفراش اموت فية والبو بشير شكلهة يهبل واحس بالطفوله اذا شفتهم هههههه
وما احبهم اذا كانو يرقانات ... جمع يرقة

ودي ودي بالبط الكتكوت الصغير احبة شكله حلة .... وكريه انة يوسخ وشكله اذا كبر مو حلو

احب ممممممالباندا يعجبني بهدوءة وما احب فية الكسل



4****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه

احط فيها مفتاح واحد
هههههه ما احب الثقل

5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟

احب يكون شكله تراثية واثرية مزخرفة بزخارف ناعمة وجميله وتكون كبيرة وتشد الانتباة

وخلصنا على بركة الله وربنا يستر

 

[سمسميه]

رد : اللي تبيني احلل شخصيتها او تتعرف على نفسها اكثر تتفضل

1****شنو تعليقج لكلمه بحر : اوصفيه على قد ما تقدرين

البحر يعني راحه لما اسمع كلمة بحر اشم ريحته والله العظيم..اسمع صوت الامواج فهو يعنيلي الراحه

2****ونفس الشي بالنسبه للغابه اوصفيها
الغابه اخاف منها احس تضيع وفيها حيوانات مفترسه



3****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه
اول شي انا ما احب الحيوانات بس لو باختار 3 اختار:
النمر..احس انه كشخه وما احب فيه انه مفترس
الخروف..احس انه طيب بس ما احب فيه صفة الخضوع زياده عن اللزوم
الحصان..احس انه رشيق وحلو بس ما احب فيه صعوبة ترويضه يعني مو بسهوله يتعود على مالكه



4****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه


انا دايما اعلق حق كل مفتاح مداليه خاصه فيه ما احب احطهم مع بعض يعني واحد

5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟

احبها تكون من الكرستال او الجزاز يعني شفافه علشان تبين جذور الورد والماي وكل شي

ناطرتج ومشكوره مقدما

 

[snow_rose]

رد : اللي تبيني احلل شخصيتها او تتعرف على نفسها اكثر تتفضل

العفوووووووو حبيباتي وحياكم الله



ما عليه اعذروني تأخرت عليكم لاني ما فضيت بالويك اند


وبحاول ارد على كل وحده مثل ما قلتلكم على الخاص لانها امور شخصيه



بس يا ليت تعطوني شويه وقت عشان ارد على كل وحده فيكم وراح امشي بالدور



اووووووووووووووكي يا صباااااااااااااياااااااااااااااا


اللي يبي يشارك ما عليه كملوا عادي

 

[فروحة توحة]

رد : اللي تبيني احلل شخصيتها او تتعرف على نفسها اكثر تتفضل

يالله لا تطولين تراني اترياج الحينة

مو اكثر من نص ساعة

 

[snow_rose]

رد : اللي تبيني احلل شخصيتها او تتعرف على نفسها اكثر تتفضل

ههههههههههه الله يقدرني ان شالله


بس بشرط انتي اول وحده ابي اشوف تعلقيج عن الموضوع

 

[فروحة توحة]

رد : اللي تبيني احلل شخصيتها او تتعرف على نفسها اكثر تتفضل

ok
ان شالله

 

[فروحة توحة]

رد : اللي تبيني احلل شخصيتها او تتعرف على نفسها اكثر تتفضل

تحليلج يا سنو روز 10 على 10
100%

ماشالله عليج

نعم انا افراح واحزان في فلوري

 

[srabeel]

رد : اللي تبيني احلل شخصيتها او تتعرف على نفسها اكثر تتفضل

والله بصراحه ما قريت ردود البنات علشان ما أتأثر فيهم

بس خل أقولج يا دكتوره سنو روز


بالنسبة للبحر أحبه وااااايد وأحب ريحته وأحب لونه وأحبه إذا صار جنه كرستال وكل شى يبين واى غرامى جذيه

بس ما أحب أسبح فيه لأنى أخاف تييلى إسمجه وإلا الفك المفترس يعنى ألعب بالماى على اليال وبس أما إنى أسبح لا ما أحب

وأخاف منه إذا صار موى أبه هادى وما يتحرك كلش هذا بالنسبة للبحر



الحين للغابه :

بصراحه أحب الغابه وايد وبنفس الوقت أخاف منها أحبها لأن فيها الشير وأنا غرمى الطبيعه ( علشان جذيه أموت على سيلان )وتدرين الغابه كلها خضره وزرع لون الرمل حلو حمر وبعد ليش أحس إنى بروحى من غير هموم ومشاكل ما أدرى هذى نظرتى للغابه وبعدين أخاف منها علشان أخاف من الحشرات والحيايه والحيوانات وباليل طبعاً ما يبيلها أموت من الخوف


الحين الحيوانات :

أحب أشوف الحيوانات طبعاً مو كلهم عندج الطاووس وهذا نسيت إسمه إلى لونه أبيض وعنده ريول طويله ولما يوقف يرفع ريول وحده بعنى يوقف على ريل وحده وتلاقينه عند البحر بس مو بالكويت هذا غرامى فيه لأن لونه وايد حلو إينن وحتى الطاوس أحبه علشان لونه
وبعدأحب الله يسلمج القطاوه الصغار إلى توهم منولدين أو أكبر بشوى المهم يهال وفيهم شعر وايد ولون عيونهم حلوه

بس إلى أكره بالحيوانات كل شى أخاف منهم وأخاف ألمسهم وما أحبهم أنى ما أحب وصاختهم حتى لو كانت نظيف أخاف حتى منزيش الحمام أخاف ألمسه يعنى أخاف ألمس كل الحيوانات
بس أحب أشوفهم من بعيد


وبالنسبه للمفتاح


المفاتيه آخذ مفتاح واحد بس


بالنسبة للمزهريات

أكيد أبى أحلى شى بس إذا عن نفسى حقى أنا مو حق الضيوف وغيره أبى وحده تكون شفافه مافيها شى لا رسومات ولا شى يعنى زجاج شفاف ومافيها شى غير الماى والورد ( عاد غرامى )

إذا عنج أسئله ثانيه بعد يالله سئلى

 

[حبنا الله عليه]

رد : اللي تبيني احلل شخصيتها او تتعرف على نفسها اكثر تتفضل

وناسه احب هالسوالف التحليلات والبلاوي المتلتله اللي تكشف الشخصية

خل اجاوب وياكم ...



1****شنو تعليقج لكلمه بحر : اوصفيه على قد ما تقدرين

- البحر خيال غريب عجيب ارتاح لما اشووفه وكل يوم طريج رجعتي من الدوام على البحر احب ابحلق عيوني فيه وبلونه وبالمووج احسه يصفى مافي النفس ويريح الفكر ويهدي الأعصاب اللــــــه ياحلوه ..
واشتاق للسباحه فيه لما اروح ويا اهلى اقعد من اول الطلعه لين نبي نمشي وانا ناقعه فيه احب صوته باذني يجنن واقعد اطبش فيه جنى بطه هههههههه يونس يونس .
واحسه عالم بروحه وغامض وكله يطري على بالي شلون عاشوا فيه الرعيل الأول وتحملوا صعابه .

2****ونفس الشي بالنسبه للغابه اوصفيها

- طبعا ماشفت غابات ولامره بس اكرهااا ما احبها تخرع كلها حيوانات وكلها تراب وانا احب النظافه لحد الجنون وع مالى تعليق اكثر .

3****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه

- احب الطيور الملونه مثل الكناري وطيور الحب احبهم عشان شكلهم وتغريدهم والوانهم يعني تقدرين تقولين احب شوفتهم بس ولا مجابلهم وريحتهم خياس .
- احب المعيز والغنم هههههههههههه ( انقلبت شاوي ) احبهم بالجاخور احس خير ونعمه وهم نفس الشيء ما احب ريحتهم .
- احب البعارين واااااو ياريت عندي واحد اروح فيه للدوام احبهم لأنهم عطايا الله واحسهم رمز للبداااااااوه ولأنهم حساسين ويفهمون راعيهم اكثر من الناس يمكن وما احب فيهم حقدهم بس .

4****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟
- مفتاح واحد بس مفتاح غرفتـي وباجي البيت مششششرع .


5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟

- ابيها ناعمه حييييييييل وحجمها وسط وبدون الوان ولو فيها الوان بسيطه اوكي معليش بس لون لونين مو اكثر .

وسلامتج ياسنوروز ​

 

[snow_rose]

رد : اللي تبيني احلل شخصيتها او تتعرف على نفسها اكثر تتفضل

حياكم الله حبيباتي

افراح واحزان ساااااابقا هلا فيج حبيتي الحيييييييييين عرفتج الله يهيدج متنكره ما خليتينا نعرفج
ولكمووووووووووووو يا فروحتنا

سرابيل هههههههههههههههه لا ما اقدر اسأل اكثر من جذي اسأله لاني اذا لقيت الوقت وارد على المشاركات اكتب جريده مو رد لوووووووووووووووووول بس الغاليات يرخص لهم كل شي

عشان جذي ابيكم تطولون بالكم وتصبرون علينا شوي

 

[xxx]

رد : اللي تبيني احلل شخصيتها او تتعرف على نفسها اكثر تتفضل

1****شنو تعليقج لكلمه بحر : اوصفيه على قد ما تقدرين

البحر غداااار واخاف منه حيل وماحبه
متعقده منه

2****ونفس الشي بالنسبه للغابه اوصفيها

احبها لانها تذكرني بفلونه


3****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه
الارنب >>> يكسر خاطري احسه مسكين

البطه >>> احب مشيتها

النمله >>> قوة تحملها


4****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه
3 مفاتيح


5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟
ابيها صغيره ومافيها الوان وايد ناعمه

 

[snow_rose]

رد : اللي تبيني احلل شخصيتها او تتعرف على نفسها اكثر تتفضل

ابشروا بالخير

باجي جم بنت ان شالله ونوصل لج يا بنت الكويت

 

[السفيرة عزيزة]

رد : اللي تبيني احلل شخصيتها او تتعرف على نفسها اكثر تتفضل

مشكورة سنو روز
على التحليل
بس ما اقدر اقولج 100%
بس احس انه في اشياء صح

 

[xxx]

رد : اللي تبيني احلل شخصيتها او تتعرف على نفسها اكثر تتفضل

ناطرتج سنو روز

 

[سمسميه]

رد : اللي تبيني احلل شخصيتها او تتعرف على نفسها اكثر تتفضل

حتى انا ما وصلني شي

 

[srabeel]

رد : اللي تبيني احلل شخصيتها او تتعرف على نفسها اكثر تتفضل

يالله مليت وأنا أنطر بشوف شخصيتى إشلون صايره

 

[حبنا الله عليه]

رد : اللي تبيني احلل شخصيتها او تتعرف على نفسها اكثر تتفضل

snow_rose

الله يعطيج العافيه دوخناج ويانا

​

 

[snow_rose]

رد : اللي تبيني احلل شخصيتها او تتعرف على نفسها اكثر تتفضل

سمسيه طولي البال شوي الله يخليج


يعطيكم العافيه ان شالله توصلكم الردود باسرع وقت لاني اليوم حاولت افتحه الظهر بس مادري شفيه المنتدى ما فتح معاي يمكن من السيرفر اليوم صاير سككككه

 

[snow_rose]

رد : اللي تبيني احلل شخصيتها او تتعرف على نفسها اكثر تتفضل

سفيره عزيزه

يمكن الغلط مني او ما قدرت اوصل الفكره عدل في بعض النقاط

حتى بشوره نفس المشكله

اذا عندكم اي استفسارات انا حاضره


على العموم حياكم الله