اللي تبيني احلل شخصيتها او تتعرف على نفسها اكثر تتفضل

[snow_rose]

السلام عليكم ورحمه الله وبركاته



شخباركم بنات ان شالله بخير


طبعا هذي اول مشاركه فعليه لي بمنتدى كويتيات




والموضوع مثل ما شفتوا العنوان اي وحده حابه تتعرف على شخصيتها اكثر ممكن انها تقولي لاني ابي مجموعه بنات يشاركون وبعدين نسأل الاسئله ونعرف شخصيه كل وحده بالنهايه



واذا حابين انه الموضوع يكون شخصي اكثر ممكن ترسلون لي على الخاص لانه فعلا في اسئله شخصيه ومو الكل يحب ان غيره يعرف عن اموره الخاصه



يلله انا بانتظار المجموعه اللي تبي تشارك بالاول

 

[أغلى حبيبه]

رد : اللي تبيني احلل شخصيتها او تتعرف على نفسها اكثر تتفضل

انا الاولى

 

[snow_rose]

رد : اللي تبيني احلل شخصيتها او تتعرف على نفسها اكثر تتفضل



حيااااااج الله اختي


خلينا بس ننطر البنات شوي


وان شالله اقدر افيدج وتستانسين من هالتجربه

 

[أغلى حبيبه]

رد : اللي تبيني احلل شخصيتها او تتعرف على نفسها اكثر تتفضل

اووووووووووووكي ونا ناطره

 

[*حبيبة زوجها*]

رد : اللي تبيني احلل شخصيتها او تتعرف على نفسها اكثر تتفضل

اوكي انا الثانيه

اموت بتحليل الشخصيه

بالانتظااااااااار

 

[الغلاااااااكله]

رد : اللي تبيني احلل شخصيتها او تتعرف على نفسها اكثر تتفضل

يا سلاااااااام الله لايحرمنا منج يارب يا سنو روووز

شي حلووووووو ومشوووق بعد

وانا الثالثه

والف شكر عالموضوع القمممه
يالغاليه ...

 

[السفيرة عزيزة]

رد : اللي تبيني احلل شخصيتها او تتعرف على نفسها اكثر تتفضل

و انا بعد وياكم

 

[حبنا الله عليه]

رد : اللي تبيني احلل شخصيتها او تتعرف على نفسها اكثر تتفضل

أموووت بهالسسسسوالف
واحسبوا حسابكم أنا ويااااااااااااكمممممم

​

 

[سندريلا]

رد : اللي تبيني احلل شخصيتها او تتعرف على نفسها اكثر تتفضل

وانا بعد الله يستر

 

[أغلى حبيبه]

رد : اللي تبيني احلل شخصيتها او تتعرف على نفسها اكثر تتفضل

snow_rose
وينج ناطرينج تحللين شخصياتنا

 

[snow_rose]

رد : اللي تبيني احلل شخصيتها او تتعرف على نفسها اكثر تتفضل

اي يلله نبتدي خلاص

احسن طريقه عشان ما نحرق السالفه على باجي البنات شرايكم اسألكم الاسئله هني انزين

وبعدين على اساس هالاسئله تجاوبون بس ابي اجابات صريحه وكل ما تكثرون بالكلام كل ما يكون احسن واحسن عشان توضح لنا الصوره اكثر


وعقب هذا كله انا اخذ ردودكم واترجمها بالتحليل النفسي بس مو هني بدز كل رد لصاحبته منها عشان الخصوصيه ومنها عشان نعطي فرصه لباجي البنات اذا يبون يشاركون


وبالاخيييييييييييييييييييييير ابي ردودكم الفعليه هني وقولولي شنو تعليقاتكم اذا كانت مطابقه لكم او انها شي حلو يعني شنو انطباعكم على النتايج


بس بصراحه والله شعور حلووووووووووووو وبتفهموني اذا كملنا الموضوع


يلله بسم الله نبتدي استعدووووووا

 

[snow_rose]

رد : اللي تبيني احلل شخصيتها او تتعرف على نفسها اكثر تتفضل

1****شنو تعليقج لكلمه بحر : اوصفيه على قد ما تقدرين

2****ونفس الشي بالنسبه للغابه اوصفيها



3****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه


4****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه


5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟



يلله هذي خمس شغلات اوصفوها لي بالضبط

 

[*حبيبة زوجها*]

رد : اللي تبيني احلل شخصيتها او تتعرف على نفسها اكثر تتفضل

اوكي قو هد

 

[*حبيبة زوجها*]

رد : اللي تبيني احلل شخصيتها او تتعرف على نفسها اكثر تتفضل

البحر
احبه كثير ولما اشوفه ارتاااح كثير له بس احس ماله امان
احب اسمع صوته ولون الصافي احب ريحته
امممممم نفس اشوف بحر>>>ما عندنا بالرياض بحر
حلو لو يكون بيتي قدام البحر الله



الغابه
اخاف منها اذا كانت متشابكه اشجارها كثير
اما لما تكون اشجارها متباعده وما فيها حيوانات مفترسه تكون حلوه
يعني مو كثير احب الغابه
احب الجدائق اكثر عصافير واشجار ونخل و ورود وفراشات ..

الحيوانات
احب القطه
احب دلعها واحبها لما تنام ولعبها حلو واحب شعرها كثير وتكون صغير الى وسط
ما احب فيها اذا توحشت اخاف منها موت

احب العاصفير
حلو تغريدها والوانها واحس ما تاذي احد

احب الحصان
احسه كذا حيوان عربي قوي وطيب ههههههههه كلام غريب صح


بالنسبه للمفاتيح احط 3 كذا جاء في بالي...


بالنسبه للفازه او المزهريه
ابيها كريستال تكوت مدوره صغيره من فوق كبيره من تحت ابي عليها نقشات عشوائيه
وابيها تلمع مره وابي يكون فيها ورد

 

[الغلاااااااكله]

1****شنو تعليقج لكلمه بحر : اوصفيه على قد ما تقدرين



البحر مكان لترويح النفس ويكفي لونه حلووووووو ؛؛ وصوته يريــــــح
وبالنسبه لي احس براااااااااحه ووناسه


****ونفس الشي بالنسبه للغابه اوصفيها


الغابه صراحه تخووووف احس فيها كائنات وحيونات
غريبه تخرررع؛ وفيها الحيايا مثلا وصراحه اذا دخلت غايه
ما ارتاح ابد
واتضايق احس انه مكان ضيج والشمس ماتوصله عدل يعني
معتم شوي ملل ويجيب الكآبه





3****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه



الحصان : احب فيه شكله وقوامه وكله حلوووووووووو
واذا ركض يجنن شكله وحلوووووووووه حركاته
اللي ما احبه فيه انه غير مطيع مرات يوهقني مايوقف
بسرعه


الطاووووس
روووووعه يهبل الوانه حلووه
وذيله إذا فرشه حلوووووو

عادي ماشفت منه شي مايعجبني


البلبل : يعجبني إذا كان يتكلم احس انه فيه من عظمة الله تعالى
حيث انه حيوان وينطق ؛ ويجلب السرور اذا سمعنا كلامه او ردد كلامنا
واللي ما احبه فيه انه يعض ..



4****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه



احط المفاتيح اللي احس انها مهمه ودايم لازم تكون معاي
تقريبا : صراحه ثلاث مفاتيح بس




5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟



بالنسبه لي
احب انها تكون كبيره وشفافه وداخلها فقااعات ماي واسماك ملووووونه
واحجار بحجام مختلفه والوان حلووووووه ؛؛ وشكلها هندسي من الخارج يعني مو مربع او مستطيل
واصوات ماي واضحه
ومايخالف لو يكون فيها اضاءه بسيطه ؛ وهاديه
<<<<<<<<<<<< حشى ماصارت مزهريه صارت تحفه


وبس الله يعطيج العافيه ... عالموضوع

 

[xxx]

رد : اللي تبيني احلل شخصيتها او تتعرف على نفسها اكثر تتفضل

وانا


انا



انا


بعد وياكم

 

[كويتيه]

رد : اللي تبيني احلل شخصيتها او تتعرف على نفسها اكثر تتفضل

انا بعد خنشوووف التحليل

 

[كويتيه]

رد : اللي تبيني احلل شخصيتها او تتعرف على نفسها اكثر تتفضل

البحر قوه غمووض عمق

الغابه احس فيها بالرهبه والوحده

احب الفراشه خفيفة الظل قليلة التعلق بالاشياء محد يحس فيها تتنقل اهني واهني واهناك
وما اكره فيها شي

اممم احب بعد القطوه بس شرط تكون شيرازيه والحجم لصغير بعد اخاف من الكبار احبها لانها حنونه دلوعه بس حاطه راسها بمليان ونايمه واي اتينننننن وعيونها امبيه على عيونها لما اشوي اشوي تسكرهم واي فظيعه
واكره فيها شعرها الي يحت


احب الكتكوت ايونس احس فيه براءه واكره ريحته لما تفوح هههههههههه



المفتاح واااحد بس



احب المزهريه تكون شفافه ومحفوره بنقش ذهبي باهت مزخرفه على شكل بيذان وهالسوالف ولستايل الهندي وتكون طويله من تحت وكل ما طالت تكبر وتصير دائره من فووووق


يلا يلا ابي اعرف شخصيتي

 

[Dancing^Queen]

رد : اللي تبيني احلل شخصيتها او تتعرف على نفسها اكثر تتفضل

انا
لاحين احط ايجاباتي

 

[Dancing^Queen]

رد : اللي تبيني احلل شخصيتها او تتعرف على نفسها اكثر تتفضل

*شنو تعليقج لكلمه بحر : اوصفيه على قد ما تقدرين
البحر ، بالنسبه لي احبه احس بالراحه لي شفته ولو بحط له كلمه ثانيه اختار كلمه ابوي : يعطيني هالشعور مادري ليش يمكن لان داخله اشياء وايد واهو مصدر الحياه ( وجعنا من الماء كل شئ حي) اسحه بالفعل المكان اللي اقل فيه همي


2****ونفس الشي بالنسبه للغابه اوصفيها
الغابه مشاكل ، لان اشجارها المتداخله توحيلي بالتعقيد والمشاكل ولو بوصف الغابه اشوفها ظلمه وفيها شير كبار متداخله اغصانها في بعض واحس ان حتا لو كانت الشمس تضرب بعز الظهر الغابه اتمثل ليل وخوف



3****اختاري 3 حيوانات تحبيييييييييييينهم واوصفي كل واحد فيهم شنو تحبين فيه وشنو اللي ما تحبين فيه
احب البلبل : صوته حلو ويعط يالمكان روح وحيويه جنه شمس بالبيت ، اكرهه وصاخته لانه ياكل وينثر نحييييس
احب البقر : لاتضحكوووون من يوم انا صغيره احب البقره لانها ترمز للعطاء عندي وتعطيني شعور انها مسكينه وصبوره مادري ليش احس تعابيرويهها جذي ،اكرهه وصاختها وريحتها واخاف منها
احب السمج "القولد فش" : بس لان شكلها حلو وزعنطوطه واكرهه فيها انها ساااااااااااااااااااااااكته ماكو صوت ( ادري السمج ماله صوت ) بس تحرني بهدوئها


4****اذا عطيتج ميداليه وقلتلج حطي اي مفتاح تبينه ......... بتحطين جم مفتاح ؟؟ بس ترى المفتاح مو قصدي مفتاح الغرفه مفتاح السياره مفتاح البيت
لاااااااااااااا قصدي بشكل عام يعني اذا عطيتج الميداليه جم مفتاح تبين تحطين فييييييه
اول اجابه طرت علي بالي 7


5**** اذا قلتلج في محل يبيع فازات (مزهريات) شنو تحبين تكون مواصفاتها لان هالمحل يبيع احلى فازات العالم واجملها وكل اللي تبينه موجود فيها بس اوصفيها لي شنو تبين تكون مواصفاتها بالضبط ؟؟؟؟
ماحب البهرجه واااااااااااااااااايد ولاحب الخبه احبها تكون شيك وهاديه وناعمه وجمالها يكون بانها سمبل اتصدقون اني احب اللي رقبتها طويله حيل وافضل تكون كرستال شفاف وفيها نقشه بسيطه ناعمه ( مثلا باللون الذهبي او العنابي وياحبذا اللونين)

يالله وين التحليل؟